ജെസ്‌നയെ കണ്ടത്താനാവത്തതും മരിച്ചോ എന്നതിനുളള തെളിവുകള്‍ ലഭിക്കാത്തതുമാണ് കേസ് അവസാനിപ്പിക്കാന്‍ കാരണമെന്ന് സിബിഐ കോടതിയില്‍ വ്യക്തമാക്കി. ജെസ്‌നയെ കാണാതാവുന്നതിനു ദിവസങ്ങള്‍ക്ക് മുന്‍പ് രക്തസ്രവം ഉണ്ടായന്നും അതിന്റെ കാരണം സിബിഐ പരിശോധിച്ചില്ലന്നും പിതാവ് ഹര്‍ജിയില്‍ ആരോപിക്കുന്നു. മകളുടെ തിരോധാനത്തില്‍ ഒരാളെ സംശയമുണ്ടെന്നും ആദ്ദേഹം വ്യക്തമാക്കി. കേസ് മെയ് 3ന് വീണ്ടും പരിഗണിക്കും.

ജെസ്‌നയുടെ തിരോധാനവുമായി ബന്ധപ്പെട്ട് എല്ലാ അന്വേഷണ റിപ്പോർട്ടുകളും തങ്ങളുടെ സംഘം വീണ്ടും പരിശോധിച്ചു. അതിൽ സിബിഐ വിട്ടുപോയ ചില കാര്യങ്ങളിലൂടെ അന്വേഷണം നടത്തി. ഈ മാസം 19ന് കൂടുതൽ വിവരങ്ങൾ നൽകുമെന്ന് പിതാവ് ജയിംസ് മാധ്യമങ്ങളോട് പറഞ്ഞു

കേസുമായി ബന്ധപ്പെട്ടുയരുന്ന വർഗീയ ആരോപണങ്ങളും ജയിംസ് തള്ളി. ജെസ്‌നയെ കാണാതായ സംഭവത്തിൽ ലൗ ജിഹാദിന് ബന്ധമില്ല. ജെസ്‌ന തിരോധാനത്തിലെ ചുരുളുകൾ മുണ്ടക്കയം ഭാഗത്ത് തന്നെയുണ്ട്. അവർ കേരളം വിട്ടുപോയിട്ടില്ലെന്നും ജയിംസ് പറഞ്ഞു.