ഇദ്ദേഹത്തെ നാളെ കോടതിയില്‍ ഹാജരാക്കും. ഈ വര്‍ഷം മെയ് ആദ്യം സിബിഐ രജിസ്റ്റര്‍ ചെയ്ത എഫ്‌ഐആറിന്റെ അടിസ്ഥാനത്തിലാണ് ഇ.ഡിയുടെ കേസ്. കേന്ദ്ര ഏജന്‍സിയുടെ ഓഫീസില്‍ നീണ്ട ചോദ്യം ചെയ്യലിന് ശേഷം കള്ളപ്പണം വെളുപ്പിക്കല്‍ നിരോധന നിയമപ്രകാരമാണ് (പിഎംഎല്‍എ) അറസ്റ്റ്.

കാനറ ബാങ്കില്‍ 538 കോടി രൂപയുടെ തട്ടിപ്പ് നടത്തിയ കേസില്‍ ജെറ്റ് എയര്‍വേയ്‌സ്, ഗോയല്‍, ഭാര്യ അനിത, ചില മുന്‍ കമ്പനി എക്‌സിക്യൂട്ടീവുകള്‍ എന്നിവര്‍ക്കെതിരെ സെന്‍ട്രല്‍ ബ്യൂറോ ഓഫ് ഇന്‍വെസ്റ്റിഗേഷന്‍ (സിബിഐ) അന്വേഷണത്തിനു ശേഷം എഫ്‌ഐആര്‍ ഇട്ടിരുന്നു. കാനറ ബാങ്കിന്റെ പരാതിയിലായിരുന്നു അന്വേഷണം.

‘എന്റെ ഫ്‌ളൈറ്റുകള്‍ക്ക് താനൊരിക്കലും വൈകിയിട്ടില്ല. വരിയില്‍ നില്‍ക്കാതിരിക്കാനോ എന്തെങ്കിലും നേട്ടത്തിനോ വേണ്ടി ശ്രമിക്കാറുമില്ല. താരപരിവേഷത്തില്‍ അഭിരമിക്കുന്ന ആളുമല്ല. ഇന്ന് എന്റെ സഹയാത്രികനോട് ഗ്രൗണ്ട് ജീവനക്കാരന്‍ മോശമായി പെരുമാറുന്നത് കണ്ടു. എനിക്കും കുഞ്ഞുമായി പോകുമ്പോള്‍ ഇത്തരത്തിലുള്ള അനുഭവം നേരിടേണ്ടി വന്നിട്ടുണ്ടെന്നും’ ദുല്‍ഖര്‍ പറഞ്ഞു.

മറ്റു ചില വിമാനത്താവളങ്ങളില്‍ നിന്നും മോശമായ പെരുമാറ്റം തനിക്കുണ്ടായിട്ടുണ്ട്. നിങ്ങളുടെ യാത്രക്കാര്‍ക്ക് യാത്രക്കൊപ്പം മോശം അനുഭവം നല്‍കണമെന്ന് നിര്‍ബന്ധമുണ്ടോയെന്നും ദുല്‍ഖര്‍ ചോദിച്ചു. ട്വിറ്ററില്‍ കുറിപ്പ് പ്രത്യക്ഷപ്പെട്ടതോടെ നിരവധി പേരാണ് സമാന അനുഭവങ്ങള്‍ പങ്കുവെച്ച് രംഗത്തെത്തിയിരിക്കുന്നത്.

നിലവിലെ സാമ്പത്തിക സ്ഥിതിയില്‍ കമ്പനിക്ക് 60 ദിവസം കൂടി മാത്രമേ മുന്നോട്ടുപോകാന്‍ സാധിക്കുള്ളു . ചെലവുചുരുക്കാനും വരുമാനം വര്‍ധിപ്പിക്കാനുമുള്ള ശ്രമത്തിന്റെ ഭാഗമായി രണ്ടു വര്‍ഷത്തേക്ക് പൈലറ്റ് മാരുടെ ശമ്പളത്തില്‍ 15 ശതമാനം വെട്ടിക്കുറവ് വരുത്താനാണ് കമ്പനി മുന്നോട്ടുവെച്ച നിര്‍ദേശം. എന്നാല്‍ ഇക്കാര്യത്തില്‍ പെലറ്റുമാര്‍ സഹകരിക്കാത്തതാണ് കമ്പനിയെ കടുത്ത തീരുമാനത്തിലേക്ക് എത്തിച്ചിരിക്കുന്നത്.

ജൂനിയര്‍ പൈലറ്റുമാരുടെ ശമ്പളം 30-50 വെട്ടിക്കുറയ്ക്കുമെന്നാണ് കഴിഞ്ഞ വര്‍ഷം ജൂലായില്‍ ജെറ്റ് എയര്‍വേയ്സ് പ്രഖ്യാപിച്ചത്. വിഷയം സംബന്ധിച്ച് ജീവനക്കാരുമായി ചര്‍ച്ച നടത്തിയതായും ശമ്പളം കുറക്കുന്നതിനോട് താല്‍പര്യമില്ലാത്തവര്‍ക്ക് ജോലി രാജിവെക്കാമെന്നും ജെറ്റ് എയര്‍വേയ്സ് അധികൃതര്‍ അറിയിച്ചു.

വര്‍ധിച്ചുവരുന്ന ഇന്ധനവിലയും രൂപയുടെ മൂല്യത്തിലുണ്ടായ ഇടിവും ഇന്ത്യയിലെ എയര്‍ലൈന്‍ കമ്പനികള്‍ക്ക് വലിയ നഷ്ടമുണ്ടാക്കിയിട്ടുള്ളതായാണ് റിപ്പോര്‍ട്ട്.

ഇന്നു മുതല്‍ ജനുവരി 29 വരെ ബുക്ക് ചെയ്യുന്നവര്‍ക്കാണ് ഇതിന്റെ പ്രയോജനം ലഭിക്കുക. ആദ്യം ടിക്കറ്റെടുക്കുന്നവര്‍ക്കാണ് ആനുകൂല്യം ലഭിക്കുക. നിബന്ധനകള്‍ക്ക് വിധേയമായി ഉടന്‍ തന്നെയുള്ള യാത്രകള്‍ക്ക് ടിക്കറ്റ് ഉപയോഗിക്കാനാകും.
ജെറ്റ് എയര്‍വേയ്‌സിന്റെ വെബ്‌സൈറ്റ് മുഖേന ഓണ്‍ലൈനായോ മൊബൈല്‍ ആപ്ലിക്കേഷന്‍ മുഖേനയോ ട്രാവല്‍ ഏജന്റ് മുഖേനയോ ടിക്കറ്റ് ബുക്ക് ചെയ്യാം. യാത്രക്കാര്‍ക്ക് ഏറ്റവും മികച്ച സൗകര്യങ്ങളും സേവനങ്ങളുമാണ് ജെറ്റ് എയര്‍വേയ്‌സ് ലഭ്യമാക്കുന്നതെന്ന് കണ്‍ട്രി മാനേജര്‍ അന്‍ഷാദ് ഇബ്രാഹിം പറഞ്ഞു.

ന്യൂഡല്‍ഹി : നിയമവിരുദ്ധമായി വിമാനത്തില്‍ പണം കടത്താന്‍ ശ്രമിച്ച ജെറ്റ് എയര്‍വേയ്‌സ് ജീവനക്കാരിയെയും ഇടനിലക്കാരനെയും റവന്യൂ ഇന്റലിജന്‍സ് അറസ്റ്റ് ചെയ്തു. ഡല്‍ഹി വിമാന താവളത്തില്‍ നിന്നും ഹോങ്കോങ്ങിലേക്ക് വിമാനം പറയുന്നരുന്നതിനു തൊട്ടുമുന്‍പായി രഹസ്യ വിവരത്തെ തുടര്‍ന്ന് റവന്യൂ ഇന്റലിജന്‍സ് വകുപ്പ് അപ്രതീക്ഷിതമായി വിമാനത്തില്‍ നടത്തിയ പരിശോധനയിലാണ് 3.24 കോടി രൂപയോളം വിലമതിക്കുന്ന യു.എസ് ഡോളര്‍ കടത്താന്‍ ശ്രമിക്കവെ ദേവക്ഷി കുല്‍ശ്രേഷ്ട എന്ന എയര്‍ഹോസ്റ്റസ് പിടിയിലായത്. പണം അലുമിനിയം ഫോയിലില്‍ പൊതിഞ്ഞനിലയിലായിരുന്നു. തുടര്‍ന്ന് നടത്തിയ ചോദ്യം ചെയ്യലില്‍ ഇടനിലക്കാരനായ അമിത് മല്‍ഹോത്രയും യുവതിക്കൊപ്പം അറസ്റ്റിലായി.

രണ്ടുമാസത്തിനിടെ ഇത്തരത്തില്‍ പല യാത്രകളിലായി 10 ലക്ഷം ഡോളര്‍ വിവിധ സ്ഥലങ്ങളില്‍ എത്തിച്ചതായി ദേവക്ഷി ഇന്റലിജന്‍സിനോട് പറഞ്ഞു. ഓരോ തവണ പണം കടത്തുമ്പോഴും ഒരു ലക്ഷം രൂപ തനിക്ക് ലഭിച്ചിരുന്നതായും യുവതി പറഞ്ഞു.

ദേവക്ഷിയുടെ ബാഗുകള്‍ പരിശോധിച്ച ഇന്റലിജന്‍സ് വിഭാഗം തുണികളുടെയും സൗന്ദര്യ വര്‍ദ്ധക വസ്തുക്കളുടെയും അടിയിലാണ് പണം കണ്ടെത്തിയത്. ഇന്റലിജന്‍സ് ചോദ്യം ചെയ്യലില്‍ ദേവക്ഷി കുറ്റം സമ്മതിക്കുകയും ഇടനിലക്കാരനെക്കുറിച്ചുള്ള വിവരങ്ങള്‍ നല്‍കുകയുമായിരു്ന്നു.

അമിത് മല്‍ഹോത്ര എന്ന ഹവാല ഇടപാടുകരാനുമായി ആറുമാസം മുമ്പാണ് ദേവക്ഷിയുമായി പരിചയത്തിലാകുന്നത്. പിന്നീട് ഇവരെ ഇത്തരത്തില്‍ പണം കടത്താന്‍ ഉപയോഗിച്ചു വരികയായിരുന്നു അമിത് മല്‍ഹോത്ര. വിമാനത്തിലെ മറ്റ് പല ജീവനക്കാരെ ഉപയോഗിച്ച് അമിത് ഇത്തരത്തില്‍ പണം കടത്തുന്നതായി ഇന്റലിജന്‍സ് വകുപ്പിന് വിവരം ലഭിച്ചിട്ടുണ്ട്.

വീഡിയോ കാണാം

വിമാനത്തില്‍ നിന്ന് പുറത്തിറങ്ങാനാകെ ബുദ്ധിമുട്ടിയ യാത്രക്കാര്‍ വിമാനത്തവളത്തില്‍ മണിക്കൂറുകളോളം പ്രതിഷേധിച്ചു. അതേസമയം മുഴുവന്‍ യാത്രക്കാരെയും ഞായറാഴ്ച വൈകിട്ടും തിങ്കളാഴ്ചയുമായി ഷാര്‍ജയിലെത്തിക്കാമെന്ന വിമാന കമ്പനി ഉറപ്പ് നല്‍കി.

ശനിയാഴ്ച രാത്രി 9.30ന് ഷാര്‍ജയിലേക്ക് പോയ വിമാനമാണ് മൂടല്‍ മഞ്ഞിനെ തുടര്‍ന്ന് നെടുമ്പാശേരിയിലേക്ക് തിരിച്ചത്. മൂടല്‍ മഞ്ഞിനെ തുടര്‍ന്ന് വിമാനം ആദ്യം മസ്‌കറ്റില്‍ ഇറക്കുകയായിരുന്നു. ഇതേതുടര്‍ന്ന് അഞ്ച് മണിക്കൂറോളം നേരം യാത്രക്കാര്‍ മസ്‌കറ്റ് വിമാനത്താവളത്തി കാത്തിരുന്നു. ശേഷം ഞായറാഴ്ച രാവിലെ 11 ഓടെയാണ് യാത്രക്കാരുമായി വിമാനം നെടുമ്പാശേരിയിലേക്ക് തന്നെ മടങ്ങിയത്. എന്നാല്‍ യാത്രക്കാരുടെ നെടുമ്പാശേരിയിലെ താമസ ചെലവ് വഹിക്കാന്‍ പോലും വിമാനത്താവള കമ്പനി തയാറായില്ല. ഇതേതുടര്‍ന്നാണ് യാത്രക്കാര്‍ പ്രതിഷേധം ശക്തമാക്കിയത്