മൂന്ന് തവണ ഷിബു സോറന്‍ ജാര്‍ഖണ്ഡിന്റെ മുഖ്യമന്ത്രിപദവും കേന്ദ്രമന്ത്രിസ്ഥാനവും വഹിച്ചിരുന്നു. നാല് പതിറ്റാണ്ട് കാലമാണ് ഝാര്‍ഖണ്ഡ് മുക്തിമോര്‍ച്ചയെന്ന പാര്‍ട്ടിയെ ഷിബു സോറന്‍ നയിച്ചത്.

1987ല്‍ പാര്‍ട്ടിയുടെ നേതൃസ്ഥാനമേറ്റെടുത്ത ഷിബു സോറന്‍ 2025 വരെ പാര്‍ട്ടിയെ നയിച്ചു. 2005 മാര്‍ച്ചില്‍ മുഖ്യമന്ത്രിയായ അദ്ദേഹം കേവലം പത്ത് ദിവസത്തേക്കാണ് കസേരയിലിരുന്നത്. പിന്നീട് 2008 ആഗസ്റ്റ് മുതല്‍ 2009 മുതല്‍ ജനുവരി വരെ മുഖ്യമന്ത്രിസ്ഥാനം വഹിച്ചു. 2009 ഡിസംബര്‍ മുതല്‍ 2010 വരെയും അദ്ദേഹം മുഖ്യമന്ത്രി കസേരയിലിരുന്നിട്ടുണ്ട്.

32 സീറ്റുള്ള ബസാണ് അപകടത്തില്‍ പെട്ടതെന്ന് അധികൃതര്‍ പറയുന്നു. ഡ്രൈവര്‍ ഉറങ്ങിപ്പോയതാകാം അപകടത്തിന് കാരണമെന്നാണ് പ്രാഥമിക നിഗമനം. കന്‍വാര്‍ യാത്രയ്ക്കിടെ ബസും ട്രക്കും ഉള്‍പ്പെട്ട ദാരുണമായ അപകടത്തില്‍ 18 ഭക്തര്‍ക്ക് ജീവന്‍ നഷ്ടപ്പെട്ടെന്ന് ഗോഡ്ഡ എംപി നിഷികാന്ത് ദുബെ അറിയിച്ചു. അതേസമയം,അപകടത്തില്‍ അഞ്ചുപേരാണ് മരിച്ചതെന്നും ചില ദേശീയമാധ്യമങ്ങള്‍ റിപ്പോര്‍ട്ട് ചെയ്യുന്നു.

തലയ്ക്ക് 15 ലക്ഷം രൂപ വിലയിട്ട മാവോയിസ്റ്റ് നേതാവ് നിതേഷ് യാദവിന് ഏറ്റുമുട്ടലില്‍ പരുക്ക് പറ്റിയതായി സേന അറിയിച്ചു. നിതേഷ് യാദവിന്റെ നേതൃത്വത്തിലായിരുന്നു സംഘം. ഇവരില്‍ നിന്നും ആയുധ ശേഖരങ്ങളും പിടിച്ചെടുത്തു. ഇന്നലെ രാത്രി വൈകിയായിരുന്നു ഏറ്റുമുട്ടല്‍.

പാലാമു പൊലീസും സി ആര്‍ പി എഫും സംയുക്തമായി നടത്തിയ ഓപറേഷനിലാണ് കമാന്‍ഡറെ വധിച്ചത്. ദൗന വനമേഖലയില്‍ ഉണ്ടായ ഏറ്റു മുട്ടലില്‍ ആണ് കൊല്ലപ്പെട്ടത് എന്ന് പാലാമു ഡി ഐ ജി വൈ എസ് രമേഷ് പറഞ്ഞു. മാവോയിസ്റ്റ് നേതാവ് കുന്ദന്‍ ഖേര്‍വാറിനെ അറസ്റ്റ് ചെയ്തു.

ജൂലൈ 28 മുതലാണ് ജാര്‍ഖണ്ഡിലെ മയൂര്‍കോല വാര്‍ത്തകളില്‍ നിറഞ്ഞത്. ബി.ജെ.പി രാഷ്ട്രീയക്കാരിയും ദേശീയ പട്ടികവര്‍ഗ കമ്മീഷന്‍ അംഗവുമായ ആശാ ലക്ര, സാഹിബ്ഗഞ്ചിലെ 9 പഞ്ചായത്തുകളില്‍ ഒന്നായി മയൂര്‍കോലയെ പട്ടികപ്പെടുത്തി. ബംഗ്ലാദേശി നുഴഞ്ഞുകയറ്റക്കാരായ റോഹിങ്ക്യന്‍ മുസ്‌ലിംകളെ വിവാഹം കഴിച്ച സ്ത്രീകള്‍ ഉള്‍പ്പെടുന്ന ഗ്രാമങ്ങളാണതെന്ന് ആശാ ലക്ര വാദിച്ചു. റോഹിങ്ക്യന്‍ മുസ്‌ലിംകളെ വിവാഹം ചെയ്ത സ്ത്രീകള്‍ക്ക് അവര്‍ ഒരു പേരുമിട്ടു, മുഖിയകള്‍.

ബി.ജെ.പി സര്‍ക്കാര്‍ മുഖിയകളെന്ന് ആരോപിച്ച 8 സ്ത്രീകളുടെയും വീടുകളിലെത്തി സ്‌ക്രോള്‍ നടത്തിയ അന്വേഷണത്തില്‍ അവരില്‍ പലരും വിവാഹം ചെയ്തിരിക്കുന്നത് ഹിന്ദുക്കളെയാണെന്ന് കണ്ടെത്തിയിരിക്കുകയാണ്. മയൂര്‍കോലയിലെ കപ്ര ടുഡു, മധുപാദയിലെ ചുങ്കി മറാണ്ടി, സത്ഗാച്ചിയിലെ അലോക സോറന്‍, ഫൂല്‍ബംഗയിലെ സുനിത ഹന്‍സ്ഡാക്ക്, ബര്‍ഹൈത് സന്താലി ഉത്തറില്‍ നിന്നുള്ള സെലീന ഹന്‍സ്ദ, ഗോപാല്‍ഡിലെ സുനിത ടുഡു, കദ്മയില്‍ നിന്ന് എലിജന്‍സ് ഹന്‍സ്ഡ, ദക്ഷിണ് ബേഗംഗഞ്ചില്‍ നിന്നുള്ള ലളിതാ ടുഡു, ലഖിപൂര്‍ സ്വദേശിയായ സൊഹാഗിനി സോറന്‍, ജില്ലാ പരിഷത്ത് ചെയര്‍പേഴ്സണ്‍ മോണിക്ക കിസ്‌കു എന്നിവരെയാണ് മുഖിയകളായി സര്‍ക്കാര്‍ ആരോപിച്ചിരിക്കുന്നത്.

പത്ത് കേസുകളില്‍ നാലെണ്ണത്തിലും ആദിവാസി സ്ത്രീകള്‍ മുസ്‌ലിം പുരുഷന്മാരെ വിവാഹം കഴിച്ചുവെന്ന ലക്രയുടെ അവകാശവാദങ്ങള്‍ തീര്‍ത്തും തെറ്റാണെന്ന് സ്‌ക്രോള്‍ കണ്ടെത്തി. മൂന്ന് സ്ത്രീകള്‍ക്ക് ആദിവാസി ഭര്‍ത്താക്കന്മാരായിരുന്നു. നാലാമത്തെ യുവതി കപ്ര ടുഡു ആദിവാസി സമുദായത്തിന് പുറത്ത് നിന്നായിരുന്നു വിവാഹം കഴിച്ചത്. എന്നാല്‍ അവളുടെ ഭര്‍ത്താവ് നിതിന്‍ സാഹ ഹിന്ദുവാണ്.

ബാക്കിയുള്ള ആറ് ആളുകളും വിവാഹം കഴിച്ചത് മുസ്ലിം യുവാക്കളെയാണ്. എന്നാല്‍ തങ്ങള്‍ സ്വന്തം ഇഷ്ടപ്രകാരമാണ് ഇവരെ വിവാഹം കഴിച്ചതെന്നും ഇന്ത്യന്‍ ഭരണഘടന അതിനുള്ള അവകാശം തങ്ങള്‍ക്ക് നല്‍കിയിട്ടുണ്ടെന്നും അവര്‍ പറഞ്ഞു. മുസ്‌ലിം
യുവാക്കള്‍ ഇവരെ വിവാഹം കഴിച്ചത് സ്വത്ത് കൈക്കലാക്കാനാണെന്നായിരുന്നു ലക്രയുടെ അവകാശവാദം. എന്നാല്‍ ഇവര്‍ക്കാര്‍ക്കും പാരമ്പര്യമായി ഭൂസ്വത്തില്ലായിരുന്നു.

ഹിന്ദു പിന്തുടര്‍ച്ചാവകാശ നിയമം പോലെയുള്ള അനന്തരാവകാശ നിയമങ്ങളല്ല മറിച്ച് പാരമ്പര്യ നിയമങ്ങളാണ് പട്ടികവര്‍ഗക്കാര്‍ അനുവര്‍ത്തിക്കുന്നത്. ആചാരമനുസരിച്ച്, ജാര്‍ഖണ്ഡിലെ ആദിവാസി സ്ത്രീകള്‍ക്ക് അവരുടെ പിതാവിന്റെ ഭൂമിയില്‍ അനന്തരാവകാശം ഇല്ല. അതിനാല്‍ ആദിവാസി ഇതര പുരുഷന്മാര്‍ അവരുടെ ഭൂമി പിടിച്ചെടുക്കാന്‍ സ്ത്രീകളെ വിവാഹം കഴിക്കുന്നു എന്ന വാദം അടിസ്ഥാനരഹിതമാണെന്ന് സാമൂഹിക പ്രവര്‍ത്തക പ്രിയഷീല ബെസ്ര പറഞ്ഞു.

ബി.ജെ.പിയുടെ ആരോപണങ്ങള്‍ അടിസ്ഥാനരഹിതമാണെന്ന് വ്യക്തമാക്കുകയാണ് ആദിവാസി സ്ത്രീ മുഖിയമാരില്‍ ഒരാളുടെ ഭര്‍ത്താവ്. ‘ഞങ്ങള്‍ വിവാഹിതരായിട്ട് പത്ത് വര്‍ഷത്തിലേറെയായി. എന്തുകൊണ്ടാണ് ഇത് ഇപ്പോള്‍ ഒരു പ്രശ്‌നമാക്കുന്നത്’ അദ്ദേഹം ചോദിച്ചു. ഏതാനും മാസങ്ങള്‍ക്കുള്ളില്‍ സംസ്ഥാനത്ത് നിയമസഭാ തെരഞ്ഞെടുപ്പ് നടക്കാനിരിക്കെയാണ് വിവാദങ്ങള്‍ അരങ്ങേറുന്നത്. 2019ല്‍ അധികാരത്തിലെത്തിയ ജാര്‍ഖണ്ഡ് മുക്തി മോര്‍ച്ച സര്‍ക്കാരിനെ പുറത്താക്കാനാണ് ബി.ജെ.പി ശ്രമിക്കുന്നത്. ഈ പശ്ചാത്തലത്തില്‍, വനിതാ നേതാക്കളുടെ ഭര്‍ത്താക്കന്മാരുടെ പേരില്‍ വര്‍ഗീയ വിദ്വേഷം ഉണ്ടാക്കാനാണ് അവര്‍ ശ്രമിച്ചതെന്ന് വിമര്‍ശനം ഉയരുന്നുണ്ട്.

ഗിരിഡി: മുസ്ലിം ലീഗ് ദേശീയ കമ്മിറ്റിയുടെ ആഭിമുഖ്യത്തില്‍ ജാര്‍ഖണ്ടില്‍ പുരോഗമിക്കുന്ന വിവിധ പദ്ധതികളുടെ സമര്‍പ്പണവും ഗിരിടി ജില്ലാ മുസ്ലിം ലീഗ് സമ്മേളന ഉദ്ഘടനവും ദേശീയ ഓര്‍ഗനൈസിങ് സെക്രട്ടറി ഇ.ടി മുഹമ്മദ് ബഷീര്‍ എം. പി വെള്ളിയാഴ്ച ഗിരിടിയില്‍ നിര്‍വഹിക്കും. ഫാസിസ്‌ററ ് കാപാലിക്കാരുടെ ആക്രമണത്തില്‍ കൊല്ലപ്പെട്ട രംഗഡിലെ അലീമുദ്ധീന്റെ കുടുംബത്തിന് നിത്യ വരുമാനം കണ്ടത്തുന്നതിന് ഒരു വണ്ടിയും സമ്മേളനത്തില്‍ വെച്ച് കൈമാറും. ഖത്തര്‍ കെഎംസിസി തിരൂര്‍ മണ്ഡലം കമ്മിറ്റിയുടെ സഹായത്താല്‍ പ്രഖ്യാപിച്ച ഭവന പുനരുദ്ധാരണ പദ്ധതിയായ ശിഹാബ് തങ്ങള്‍ മക്കാന്‍ മര്മ്മത് പരിയോജന, സൗദി ഖുന്‍ഫുദ കെഎംസിസി നിര്‍മിച്ച രണ്ടു ബൈത്തുറഹ്മകള്‍, ഇസ്ലാംപുര്‍ ഗ്രാമത്തില്‍ നിര്‍മിച്ച ജുമുഅ മസ്ജിദ്, കണ്ണമംഗലം മുസ്‌ലിം ലീഗ് കമ്മിറ്റി നിര്‍മിച്ചു നല്‍കിയ കുഴല്‍ കിണറുകള്‍, കണ്ണമംഗലം കെഎംസിസി നിര്‍മിച്ച കുഴല്‍ കിണര്‍ എന്നിവയുടെ സമര്‍പണം അന്ന് നടക്കും. ജാര്‍ഖണ്ഡ് സംസ്ഥാന ലീഗ് പ്രസിഡന്റ് സയിദ് അംജദ് അലി,സെക്രട്ടറി സാജിദ് ആലം,മുഹമ്മദ് കോയ തിരുന്നാവായ, ഹമദ് മൂസ, എം എസ് അലവി, നിഹമതുല്ലാഹ് കോട്ടക്കല്‍, ലത്തീഫ് രാമനാട്ടുകര,വാജിദ് പിവി, സിറാജ് പറമ്പില്‍, മുഫ്തി സയീദ് ആലം, മുസഫര്‍ ആലം, അബ്ദുല്‍ ഖയ്യ്യും, മെഹ്‌റാബ് അന്‍സാരി തുടങ്ങിയവര്‍ സംബന്ദിക്കും…