വര്‍ഷത്തില്‍ രണ്ട് പ്രാവശ്യം സബ്സിഡി നിരക്കില്‍ ദോത്തി അല്ലെങ്കില്‍ ലുങ്കി, സാരി എന്നിവ നല്‍കുമെന്ന് മുഖ്യമന്ത്രിയുടെ നേതൃത്വത്തില്‍ നടന്ന മന്ത്രിസഭാ യോഗം തീരുമാനിച്ചു.  ഭക്ഷ്യസുരക്ഷാ നിയമത്തിന്റെ പരിധിയില്‍ വരുന്ന സംസ്ഥാനത്തെ യോഗ്യരായ എല്ലാ കുടുംബങ്ങള്‍ക്കും അന്ത്യോദയ അന്ന യോജന പ്രകാരം അര്‍ഹരായ കുടുംബങ്ങള്‍ക്കുമായിരിക്കും വസ്ത്രങ്ങള്‍ വിതരണം ചെയ്യുക.

ആറ് മാസത്തെ ഇടവേളയിലാവും വസ്ത്രങ്ങള്‍ നല്‍കുക. അധികാരത്തിലെത്തിയാല്‍ ജനങ്ങള്‍ക്ക് സാരിയും ദോത്തിയും വിതരണം ചെയ്യുമെന്ന് ഭരണകക്ഷിയായ ജാര്‍ഖണ്ഡ് മുക്തി മോര്‍ച്ച തെരഞ്ഞെടുപ്പ് പ്രചരണ പത്രികയില്‍ വാഗ്ദാനം ചെയ്തിരുന്നു.

എജെഎസ്‌യു-ബിജെപി സഖ്യമാണ് ജാര്‍ഖണ്ഡില്‍ അധികാരത്തിലുള്ളത്. മഹാരാഷ്ട്ര, ഹരിയാന തെരഞ്ഞെടുപ്പുകളില്‍ വേണ്ടത്ര മികവ് തെളിയിക്കാന്‍ ബിജെപിക്ക് കഴിഞ്ഞിരുന്നില്ല. ഇവിടങ്ങളില്‍ കോണ്‍ഗ്രസിന് മുന്നേറ്റം നേടാന്‍ സാധിച്ചതും ബിജെപി നേതൃത്വത്തെ അസ്വസ്ഥമാക്കിയിട്ടുണ്ട്. ഇത് രഘുബര്‍ദാസ് സര്‍ക്കാറിന് വെല്ലുവിളിയുയര്‍ത്തുന്നുണ്ട്. കോണ്‍ഗ്രസും ഷിബു സോറന്റെ ജെഎംഎമ്മുമാണ് മുഖ്യ പ്രതിപക്ഷ കക്ഷികള്‍. ജനുവരി അഞ്ചിനാണ് നിലവിലുള്ള നിയമസഭയുടെ കാലാവധി അവസാനിക്കുക. നക്‌സല്‍ ബാധിത മേഖലയായ ജാര്‍ഖണ്ഡില്‍ വലരെ ക്രമീകരത്തോടെയാണ് തെരഞ്ഞെടുപ്പ് നടക്കുക