കര്‍ഷക നേതാവും മുന്‍ എം.എല്‍.എയുമായ കെ.എസ് പുട്ടണ്ണയ്യയുടെ മകനായ ദര്‍ശന്‍, അമേരിക്കയിലെ തന്റെ ജോലി ഉപേക്ഷിച്ചാണ് മേലുകോട്ടെയില്‍ മത്സരിക്കാനെത്തുന്നത്. ക്വിനിക്‌സ് ടെക്‌നോളജീസ് എന്ന കമ്പനിയുടെ സി.ഇ.ഒ ആയിരുന്ന അദ്ദേഹം കുടുംബ സമേതം അമേരിക്കയില്‍ താമസിച്ചു വരികയായിരുന്നു. 1994, 2013 തെരഞ്ഞെടുപ്പുകളില്‍ മേലുകോട്ടെയില്‍ നിന്ന് ജയിച്ച ഇദ്ദേഹത്തിന്റെ പിതാവ് ഈയിടെയാണ് അന്തരിച്ചത്. അദ്ദേഹത്തിന്റെ പാര്‍ട്ടിയായ സര്‍വോദയ കര്‍ണാടക പക്ഷ (എസ്.കെ.പി) യോഗേന്ദ്ര യാദവ് നേതൃത്വം നല്‍കുന്ന ‘സ്വരാജ് ഇന്ത്യ’യില്‍ ലയിച്ചിട്ടുണ്ട്.

പുട്ടണ്ണയ്യക്കു വേണ്ടി പ്രചരണം നടത്താന്‍ താന്‍ എത്തുന്നുണ്ടെന്നും ഗുജറാത്ത് തെരഞ്ഞെടുപ്പില്‍ തന്നെ പിന്തുണച്ചതു പോലെയാണ് കോണ്‍ഗ്രസ് മേലുകോട്ടെയില്‍ സ്ഥാനാര്‍ത്ഥിയെ നിര്‍ത്താത്തതെന്നും മേവാനി പറഞ്ഞു.

അതേസമയം, ജിഗ്നേഷ് മേവാനിക്കെതിരെ ബി.ജെ.പി രംഗത്തെത്തി. ഗുജറാത്ത് എം.എല്‍.എ ജിഗ്നേഷ് മേവാനിയും നടന്‍ പ്രകാശ് രാജും പ്രധാനമന്ത്രി നരേന്ദ്രമോദിക്കെതിരെ അപകീര്‍ത്തികരമായ പരാമര്‍ശങ്ങള്‍ നടത്തിയെന്നാരോപിച്ച് കര്‍ണ്ണാടക ബി.ജെ.പി നേതൃത്വം പരാതി നല്‍കി.

മോദിയേയും പാര്‍ട്ടിയുടെ മുഖ്യമന്ത്രി സ്ഥാനാര്‍ഥിയായ യെദ്യൂരപ്പയേയും മേവാനിയും പ്രകാശ് രാജും അപകീര്‍ത്തിപ്പെടുത്തുകയും അധിക്ഷേപിക്കുകയും ചെയ്തുവെന്ന് മുഖ്യതെരഞ്ഞെടുപ്പ് കമ്മീഷ്ണര്‍ക്ക് നല്‍കിയ പരാതിയില്‍ ബി.ജെ.പി പറയുന്നു. കര്‍ണ്ണാടക തെരഞ്ഞെടുപ്പ് കഴിയുന്നതുവരെ ഇരുവരേയും സംസ്ഥാനത്ത് പരിപാടികളില്‍ പങ്കെടുക്കാന്‍ അനുവദിക്കരുതെന്നാണ് പരാതിയിലെ ആവശ്യം.

നേരത്തെ, ബാംഗളൂരുവില്‍ നടത്തിയ പ്രസംഗത്തിലാണ് മോദിക്കെതിരെ മേവാനി പരാമര്‍ശം നടത്തിയത്. രാജ്യത്തിന്റെ ബഹുമാനപ്പെട്ട പ്രധാനമന്ത്രി ഒരു കോര്‍പ്പറേറ്റ് വില്‍പ്പനക്കാരനാണെന്നും രാജ്യത്തെ കൊള്ളയടിക്കുകയാണെന്നും പറഞ്ഞിരുന്നു. ഇതിനെതിരെയാണ് ബി.ജെ.പി പരാതിയുമായി കമ്മീഷനെ സമീപിച്ചിരിക്കുന്നത്.

മെയ് 12-നാണ് 225 മണ്ഡലങ്ങളിലേക്കുള്ള തെരഞ്ഞെടുപ്പ് നടക്കുന്നത്. മെയ് 15-ന് ഫലം പുറത്തുവരും.

അതേസമയം, മതവികാരം വ്രണപ്പെടുത്തിയെന്നാരോപിച്ച് പരാതി. തെലങ്കാനയില്‍ ഒരു സംഘം മുസ്ലീം യുവാക്കള്‍ ചിത്രത്തിലെ നായിക പ്രിയ പ്രകാശ് വാര്യര്‍ക്കെതിരെ ഹൈദരാബാദ് പൊലീസില്‍ പരാതി നല്‍കി.

ചിത്രത്തിലെ മാണിക്യമലരായ പൂവി എന്ന ഗാനം അടുത്തിടെയാണ് റിലീസ് ചെയ്തത്. യു ട്യൂബിലടക്കം മണിക്കൂറുകള്‍ക്കുള്ളില്‍ ഹിറ്റായ ഗാനം പ്രവാചകനെ നിന്ദിക്കുന്ന തരത്തിലുള്ള പരാമര്‍ശങ്ങള്‍ അടങ്ങിയതാണെന്നാണ് ഉയര്‍ന്നുവന്ന ആരോപണം. ഇത് ചൂണ്ടിക്കാണിച്ച് യുവാക്കള്‍ പൊലീസിന് പരാതി നല്‍കുകയായിരുന്നു. ഗാനം ഇംഗ്ലീഷിലേക്ക് തര്‍ജ്ജമ ചെയ്തപ്പോള്‍ പ്രവാചക വിരുദ്ധത വ്യക്തമായെന്നും പരാതിയില്‍ പറയുന്നു.

ആര്‍.എസ്.എസ്-ബി.ജെ.പി എന്നിവരുടെ ഭാഗത്തുനിന്നും തന്റെ ജീവന് ഭീഷണിയുണ്ട്. പ്രവീണ്‍ തൊഗാഡിയക്കുള്ളതുപ്പോലെയുള്ള പേടി തനിക്കുമുണ്ട്. ആരേയും ഇല്ലാതാക്കാന്‍ ആര്‍.എസ്.എസ് ഫാസിസ്റ്റ് ശക്തികള്‍ക്ക് കഴിയും. അവര്‍ക്ക് തന്നെ ഇല്ലാതാക്കണമെന്ന ആവശ്യമുണ്ടെന്നും മേവാനി പറഞ്ഞു.

ജിഗ്നേഷ് മേവാനിക്ക് വൈ കാറ്റഗറി സുരക്ഷ ഏര്‍പ്പെടുത്തണമെന്നാവശ്യപ്പെട്ട് വിവിധ ദളിത് സംഘടനകള്‍ ഗുജറാത്തിലെ 30 കളക്ടര്‍മാര്‍ക്ക് മെമ്മറാണ്ടം സമര്‍പ്പിച്ചിരുന്നു. ജിഗ്നേഷിനും ഭീം ആര്‍മി നേതാവ് ചന്ദ്രശേഖറിനുമെതിരെയുള്ള കേസുകള്‍ പിന്‍വലിക്കണമെന്നും സംഘടനകള്‍ ആവശ്യപ്പെട്ടിട്ടുണ്ട്.

എട്ട് കമാന്‍ഡോകളും മൂന്ന് സുരക്ഷാഉദ്യോഗസ്ഥരും അടങ്ങുന്നതാണ് വൈ കാറ്റഗറി സുരക്ഷ. ഗുജറാത്ത് തെരഞ്ഞെടുപ്പില്‍ വദ്ഗാം മണ്ഡലത്തില്‍ നിന്നും ബി.ജെ.പിയെ തോല്‍പ്പിച്ചാണ് സ്വതന്ത്രസ്ഥാനാര്‍ത്ഥിയായിരുന്ന ജിഗ്നേഷ് മേവാനി ജയിച്ചുകയറിയത്. 19,696 വോട്ടുകള്‍ക്കാണ് ബി.ജെ.പി സ്ഥാനാര്‍ത്ഥിയെ തോല്‍പ്പിച്ചത്.

ഭീമ കോറിഗാവ് വിജയ് ദിവസുമായി ബന്ധപ്പെട്ട് ദലിതര്‍ക്കെതിരെ സവര്‍ണ മറാത്ത സമുദായക്കാര്‍ അഴിച്ചുവിട്ട അക്രമം ഇപ്പോള്‍ മുംബൈ നഗരത്തിലെ ജനജീവിതം സ്തംഭിപ്പിക്കുകയാണ്. ഡിസംബര്‍ 29ന് പൂനെയില്‍ നിന്നാണ് സംഭവങ്ങളുടെ തുടക്കം. പൂനെയില്‍ നിന്ന് സംഘര്‍ഷം മുംബൈയിലേക്ക് പടരുകയായിരുന്നു. ഭീമ കൊര്‍ഗാവ് യുദ്ധത്തിന്റെ 200-ാം വാര്‍ഷികാഘോഷത്തിന്റെ ഭാഗമായി സംഘടിപ്പിച്ച പരിപാടിയിലെ പ്രധാന പ്രാസംഗികരിലൊരാളായിരുന്നു ദലിത് നേതാവും ഇയ്യിടെ ഗുജറാത്ത് നിയമസഭയിലേക്ക് തെരഞ്ഞെടുക്കപ്പെടുകയും ചെയ്ത ജിഗ്‌നേഷ് മെവാനി. ബ്രാഹ്മിന്‍സ് ആയിരുന്ന പെഷവര്‍ക്കുമേല്‍ ദലിത് സമുദായം നേടിയ വിജയമായാണ് അവര്‍ ഈ യുദ്ധ വിജയത്തെ കാണുന്നത്.
പരിപാടിയില്‍ പങ്കെടുക്കാനെത്തിയ ദലിതര്‍ക്കുനേരെ കാവിക്കൊടിയുമായെത്തിയ സംഘ്പരിവാറുകാര്‍ ആക്രമണം നടത്തിയതോടെ തിങ്കളാഴ്ച പ്രദേശത്ത് വലിയ സംഘര്‍ഷങ്ങളാണ് അരങ്ങേറിയത്. ഈ സാഹചര്യത്തില്‍ ആരാണ് ഇത്തരമൊരു സംഘര്‍ഷത്തിനു വഴിവെച്ചതെന്നതിനെക്കുറിച്ചും ദലിത് പോരാട്ടങ്ങളെക്കുറിച്ചും ജിഗ്‌നേഷ് മെവാനി സംസാരിക്കുന്നു.

? എല്‍ഗര്‍ പരിഷത്ത് തടസപ്പെടുത്തുകയും ദലിതരെ ആക്രമിക്കുകയും ചെയ്തതിന് പിന്നില്‍ പ്രവര്‍ത്തിച്ചത് ആരാണ്
ദലിതര്‍ അവരുടെ അവകാശങ്ങള്‍ക്കുവേണ്ടി വാദിക്കുന്നതും അവര്‍ ഒരുമിക്കുന്നതും ഇഷ്ടപ്പെടാത്ത ആളുകളാണ് ഈ അക്രമണം നടത്തിയത്. ബി.ജെ.പി, ആര്‍.എസ്.എസ് അനുഭാവികളാണ് ആക്രമണം നടത്തിയതെന്നാണ് ഞാന്‍ മനസിലാക്കുന്നത്. ബ്രാഹ്മണിസത്തെ അതിന്റെ ഏറ്റവും മോശം രീതിയില്‍ പ്രതിനിധീകരിക്കുന്ന ഈ സംഘടനകള്‍ അഭിനവ പെഷവരാണ്. 200 വര്‍ഷങ്ങള്‍ക്കുമുമ്പ് ഞങ്ങളുടെ പൂര്‍വികര്‍ പെഷവര്‍ക്കെതിരെ പൊരുതി. ഇന്ന് എന്റെ തലമുറയിലെ ജനങ്ങള്‍ പുതിയ പെഷവര്‍ക്കെതിരെ യുദ്ധം ചെയ്യുകയാണ്. ഭീമ കൊരഗൗണ്‍ യുദ്ധത്തിന്റെ വാര്‍ഷികം ദലിതര്‍ സമാധാനപരമായി ആഘോഷിക്കുന്നതില്‍ എന്താണ് പ്രശ്‌നം? ആക്രമണകാരികള്‍ ഈ രീതി സ്വീകരിച്ചത് അവര്‍ ദലിതരുടെ മുന്നേറ്റത്തെ ഭയക്കുന്നതിനാലാണ്.

?എന്തുകൊണ്ടാണ് നിങ്ങള്‍ ആര്‍.എസ്.എസിനെ അഭിനവ പെഷവര്‍ എന്നു വിളിക്കുന്നത് നരേന്ദ്രമോദി ഭരണം ബ്രാഹ്മണിസത്തിന്റെ പുനര്‍ജന്മമാണെന്ന് പ്രഖ്യാപിക്കാന്‍ എന്താണ് കാരണം

ജാതിയില്‍ അടിയുറച്ച ബ്രാഹ്മണിക്കല്‍ ഭരണകൂടത്തെ സംരക്ഷിക്കാനായിരുന്നു പെഷവ ഭരണകൂടം നിലകൊണ്ടത്. അതിനുവേണ്ടി തന്നെയാണ് ബി.ജെ.പിയും ആര്‍.എസ്.എസും നിലകൊള്ളുന്നത്. ഉയര്‍ന്ന ജാതിക്കാരുടെ ജാതിമേല്‍ക്കോയ്മ സംരക്ഷിക്കുകയും പരിപോഷിപ്പിക്കുകയും ചെയ്യുകയെന്നതാണ് ഹിന്ദു രാഷ്ട്രം എന്നതുകൊണ്ട് അര്‍ത്ഥമാക്കുന്നത്. കോര്‍പറേറ്റ് ഹൗസുകളുടെ അത്യാര്‍ത്തിക്ക് വളം നല്‍കിയും ബ്രാഹ്മണിക്കല്‍ അടിച്ചമര്‍ത്തല്‍ പരിപോഷിപ്പിക്കുകയും ചെയ്തുകൊണ്ട് നവ ഉദാരവത്കരണ നയങ്ങളാണ് മോദി നടപ്പിലാക്കുന്നത്. അദ്ദേഹത്തിന്റെ ഗുജറാത്ത് മോഡല്‍ ബ്രാഹ്മണിക്കല്‍ മോഡലാണ്. ആ വ്യവസ്ഥിതിയില്‍ ദലിതര്‍ക്കും കര്‍ഷകര്‍ക്കും ന്യൂനപക്ഷങ്ങള്‍ക്കും തൊഴിലാളികള്‍ക്കും യാതൊരു സ്ഥാനവുമില്ല. പെഷവരുടെ കാലത്തെന്ന പോലെ ഈ ബ്രാഹ്മണിക്കല്‍ അടിച്ചമര്‍ത്തലിലും അവരുടെ അവകാശങ്ങള്‍ക്ക് യാതൊരു സ്ഥാനവുമില്ല.അങ്ങനെയുള്ള ഇവരെ പെഷവാസ് എന്നല്ലാതെ മറ്റെന്താണ് വിളിക്കുക.

? പുതിയ നിലകളിലെത്താന്‍ ദലിത് മുന്നേറ്റങ്ങളില്‍ എന്തുമാറ്റങ്ങളാണ് കൊണ്ടുവരേണ്ടതെന്നാണ് തോന്നുന്നത്
ദലിത് മുന്നേറ്റത്തെ ശരിയായ ദിശയില്‍ കൊണ്ടുപോകണം. അത് വെറും മുദ്രാവാക്യങ്ങളില്‍ മാത്രം ഒതുങ്ങാതെ യഥാര്‍ത്ഥമായ പ്രശ്‌നങ്ങളില്‍ ശ്രദ്ധ കേന്ദ്രീകരിക്കണം. രോഹിത് വെമുല സംഭവത്തിനുശേഷം ദലിത് യുവാക്കള്‍ക്കിടയിലുണ്ടായ മുന്നേറ്റം പ്രതീക്ഷ നല്‍കുന്നതാണ്. അതിനെ സാമ്പത്തികമായ ഉയര്‍ച്ചക്കുവേണ്ടിയുള്ള ദലിതരുടെ പോരാട്ടവുമായി ബന്ധിപ്പിക്കണം. ജാതി വ്യവസ്ഥക്കെതിരായ പോരാട്ടം എന്നതിനര്‍ത്ഥം ജാതിക്കും വര്‍ഗമായ അടിച്ചമര്‍ത്തലിനും എതിരെ പോരാടുകയെന്നതാണ്. അതിനര്‍ത്ഥം നവ ഉദാരവത്കരണ നയങ്ങള്‍ ഉണ്ടാക്കിയ നശീകരണത്തിനെതിരെ പൊരുതിക്കൊണ്ടിരിക്കുയെന്നതാണ്.

എന്തുകൊണ്ട് ദലിത് മുന്നേറ്റത്തിന് പാവപ്പെട്ടവരുടെ അവകാശങ്ങള്‍ക്കുവേണ്ടി സംസാരിച്ചുകൂടാ. ജി.എസ്.ടിയെയും നോട്ടുനിരോധനത്തെയും, വിദേശനയങ്ങളെയും സാമുദായിക ഐക്യത്തെയും കുറിച്ച് സംസാരിച്ചുകൂടാ? ഇതെല്ലാം ഉള്‍പ്പെട്ടതായിരിക്കണം ദലിത് മുന്നേറ്റം. അപ്പോള്‍ മാത്രമേ അതിന് യഥാര്‍ത്ഥ പ്രശ്‌നങ്ങളുമായി ബന്ധമുണ്ടാകൂ.

? ദലിതരെ മുന്നോട്ടു നയിക്കാന്‍ അടിച്ചമര്‍ത്തലിനെതിരായ നിങ്ങളുടെ പോരാട്ടം എങ്ങനെ മുമ്പോട്ടുകൊണ്ടുപോകാനാണ് ആലോചിക്കുന്നത്
ഞങ്ങള്‍ രാഷ്ട്രീയ ദലിത് അധികാര്‍ മഞ്ച് രൂപീകരിച്ചിട്ടുണ്ട്. വരുന്ന ആറുമാസത്തില്‍ ഗുജറാത്തിലെ എല്ലാ ജില്ലകളിലും ദലിത് കണ്‍വന്‍ഷന്‍ നടത്താന്‍ പദ്ധതിയുണ്ട്. ബ്രാഹ്മണിസത്തിനും മുതലാളിത്തത്തിനും എതിരെ പൊരുതുകയെന്നതാണ് ഞങ്ങളുടെ ലക്ഷ്യം. ഞങ്ങള്‍ ബ്രാഹ്മണിസത്തെ ആക്രമിക്കും. ഭരണം, അഴിമതി, കോര്‍പറേറ്റ് കൊള്ള, കര്‍ഷക ആത്മഹത്യ എന്നീ പ്രശ്‌നങ്ങള്‍ ഉയര്‍ത്തിക്കാട്ടും. സാമൂഹ്യനീതിയെക്കുറിച്ചാണ് ഞങ്ങള്‍ സംസാരിച്ചുകൊണ്ടിരിക്കുന്നത്. ദലിതര്‍ ഉള്‍പ്പെടെയുള്ള പാവപ്പെട്ടവരുടെ അവകാശങ്ങളെക്കുറിച്ച് ഞങ്ങള്‍ മിണ്ടാതിരിക്കില്ല.
ഈ വിഷയങ്ങള്‍ ഇതുവരെ ദലിത് മുന്നേറ്റത്തിന്റെ ചില കോണുകളില്‍ മാത്രമാണുണ്ടായിരുന്നത്. അതിനെ ഞങ്ങള്‍ മുന്‍നിരയിലേക്ക് കൊണ്ടുവരും. ആദ്യം ഗുജറാത്തില്‍, പിന്നീട് രാജ്യത്തിന്റെ മറ്റുഭാഗങ്ങളിലും.
(കടപ്പാട്: scroll.in)

അതേ സമയം രാജ്യത്തെ ദലിത് പോരാട്ടങ്ങള്‍ യഥാര്‍ത്ഥ പ്രശ്‌നങ്ങളെ ഊന്നിയാകണമെന്നും മനുവാദത്തെയും ബ്രാഹ്മണിസത്തെയും വിമര്‍ശിക്കുന്നത് മാത്രമാകരുതെന്നും ജിഗ്‌നേഷ് മേവാനി പറഞ്ഞു. പുണെയില്‍ പൊതുപരിപാടിയില്‍ സംസാരിക്കുമ്പോഴാണ് താന്‍ ബ്രാഹ്മണര്‍ക്ക് എതിരല്ലെന്നും ബ്രാഹ്മണിസത്തിന് എതിരാണെന്നും അദ്ദേഹം പറഞ്ഞത്.

ഫാക്ടറി ഉടമകളായ ദലിതര്‍ക്ക് കീഴില്‍ ജോലി ചെയ്യുന്ന ബ്രാഹ്മണരായ ആളുകളുണ്ടെന്നും, ഇവിടെ തൊഴില്‍ രംഗത്ത് ചൂഷണം ചെയ്യപ്പെടുകയാണെങ്കില്‍ ബ്രാഹ്മണര്‍ക്ക് ഒപ്പമാവും താന്‍ നില്‍ക്കുകയെന്നും അദ്ദേഹം പറഞ്ഞു.

ദലിത് യുവാക്കളുടെ അസംതൃപ്തി ശരിയായ ദിശയില്‍ വഴിതിരിച്ച് വിടേണ്ടതുണ്ടെന്നും, അത് ബ്രാഹ്മണ വിരോധത്തില്‍ മാത്രം ഊന്നിക്കൊണ്ടാവരുതെന്നും അദ്ദേഹം പറഞ്ഞു.

ദലിതരുടെ സാമ്പത്തികമായ പിന്നാക്കാവസ്ഥ, രാജ്യത്തെ ജിഎസ്ടി-നോട്ട് നിരോധനം വഴി നേരിട്ട കഷ്ടതകള്‍ തുടങ്ങിയ യഥാര്‍ത്ഥ വിഷയങ്ങളില്‍ ഊന്നിക്കൊണ്ടാവണം ദലിത് പോരാട്ടമെന്നും അദ്ദേഹം പറഞ്ഞു.

രാഷ്ട്രീയ ദലിത് അദികാര്‍ മഞ്ചിന്റെ പ്രവര്‍ത്തനം ഗുജറാത്തിന് പുറത്തേക്കും വ്യാപിപ്പിക്കാന്‍ ഉദ്ദേശിക്കുന്നതായി അദ്ദേഹം പറഞ്ഞു. സവര്‍ണ്ണ തേരോട്ടത്തിനും മുതലാളിത്ത-കോര്‍പ്പറേറ്റ് ശക്തികള്‍ക്കും വേണ്ടിയുള്ള നിയമനിര്‍മ്മാണമാണ് രാജ്യത്ത് മോദി സര്‍ക്കാര്‍ നടപ്പിലാക്കുന്നതെന്ന് അദ്ദേഹം പറഞ്ഞു.

ഭീമ കൊരെഗാവ് യുദ്ധത്തില്‍ മരിച്ചവരെ അനുസ്മരിച്ചുള്ള എല്‍ഗാര്‍ പരിഷത്ത് ചടങ്ങില്‍ സംസാരിക്കുമ്പോഴായിരുന്നു ബി.ജെ.പിക്കെതിരെ മേവാനി ആഞ്ഞടിച്ചത്. ഭരണഘടന മാറ്റിയെഴുതാന്‍ ബി.ജെ.പി ശ്രമിക്കുമെന്ന് മേവാനി പറഞ്ഞു. നിങ്ങള്‍ ഭരണഘടന മാറ്റിയെഴുതാന്‍ ശ്രമിക്കുമ്പോള്‍ ഞങ്ങള്‍ അതിനെ എതിര്‍ത്തുകൊണ്ടിരിക്കുമെന്ന് അദ്ദേഹം പറഞ്ഞു. ഇതേ മനസ്സുള്ളവരെല്ലാം ഒന്നുചേര്‍ന്ന് 2019-ല്‍ ബി.ജെ.പിക്കെതിരെ അണിനിരക്കും. ഗുജറാത്തില്‍ ബി.ജെ.പിയുടെ 150സീറ്റെന്ന മോഹത്തെ ഞങ്ങള്‍ അടിച്ചമര്‍ത്തി. ബി.ജെ.പിയുടെ 2019-ലെ വിജയത്തെ രണ്ടക്കത്തിലേക്ക് ഒതുക്കാന്‍ ഒറ്റക്കെട്ടായി രംഗത്തുണ്ടാവുമെന്നും മേവാനി കൂട്ടിച്ചേര്‍ത്തു. ജെ.എന്‍.യു വിദ്യാര്‍ത്ഥി ഉമര്‍ ഖാലിദ്, അന്തരിച്ച ദളിത് വിദ്യാര്‍ത്ഥി രോഹിത് വെമുലെയുടെ മാതാവ് രാധിക വെമുലെ, ഭീം ആര്‍മി പ്രസിഡന്റ് വിനയ് രത്തന്‍ സിംങ്, പ്രകാശ് അംബേദ്കര്‍ തുടങ്ങിയവരും ചടങ്ങില്‍ പങ്കെടുത്തിരുന്നു,.

കേന്ദ്രമന്ത്രി ആനന്ദ് കുമാര്‍ ഹെഗ്‌ഡെ ആണ് ഇന്ത്യയുടെ ഭരണഘടന മാറ്റിയെഴുതുമെന്നും ഭരണഘടനയില്‍ നിന്ന് മതേതരത്വം എന്ന വാക്ക് എടുത്തുകളയുമെന്നും വിവാദ പരാമര്‍ശം നടത്തിയത്. പരാമര്‍ശത്തിനെതിരെ പാര്‍ലമെന്റ് സമ്മേളനത്തില്‍ പ്രതിപക്ഷം ശക്തമായി പ്രതിഷേധിച്ചതോടെ ഹെഗ്‌ഡെ മാപ്പുപറയുകയും ചെയ്തിരുന്നു. പാര്‍ട്ടിയുടെ കേന്ദ്രനേതൃത്വത്തിന് തന്നെ ഹെഗ്‌ഡെയുടെ പരാമര്‍ശത്തോട് എതിര്‍പ്പുണ്ടായിരുന്നുവെന്നാണ് വിവരം. കേന്ദ്രനേതാക്കള്‍ പ്രതിരോധിക്കാന്‍ എത്താത്തതിനെ തുടര്‍ന്ന് കൂടുതല്‍ പ്രതിരോധത്തിലായ മന്ത്രി മാപ്പുപറയുകയായിരുന്നു. ഇന്ത്യന്‍ ഭരണഘടനയെ ബഹുമാനിക്കുന്നുവെന്ന് ഹെഗ്‌ഡെ പിന്നീട് പറഞ്ഞു.

രാഹുല്‍ഗാന്ധിയുടേയും യുവനേതാക്കളായ അല്‍പേഷ് താക്കൂര്‍, ഹാര്‍ദ്ദിക് പട്ടേല്‍, ജിഗ്നേഷ് മേവാനി തുടങ്ങിയവരുടേയും കൂട്ടുകെട്ടില്‍ ഗുജറാത്തില്‍ ശക്തമായ മത്സരമാണ് ഇത്തവണ നടന്നത്. 99 സീറ്റുമായാണ് ബി.ജെ.പി അധികാരം നിലനിര്‍ത്തിയത്. അതേസമയം, സീറ്റ് കുറഞ്ഞത് മുഖ്യമന്ത്രി വിജയ് രൂപാനിയുടെ വീഴ്ച്ചയായി ചിലര്‍ ഉയര്‍ത്തുന്നുണ്ട്. ബി.ജെ.പി ദേശീയ അധ്യക്ഷന്‍ അമിത്ഷാ കൂടി പങ്കെടുക്കുന്ന യോഗത്തില്‍ മുഖ്യമന്ത്രിയെ തീരുമാനിക്കും. പുതിയ സര്‍ക്കാര്‍ അധികാരമേല്‍ക്കുന്നത് വരെ വിജയ് രൂപാനി കാവല്‍ മുഖ്യമന്ത്രിയായി തുടരും. അതേസമയം, നിതിന്‍ പട്ടേലിനെ മുഖ്യമന്ത്രിയായി തെരഞ്ഞെടുക്കണമെന്നും ആവശ്യമുയരുന്നുണ്ട്.

വഡ്ഗാമില്‍ നിന്നും സ്വതന്ത്ര സ്ഥാനാര്‍ഥിയായാണ് ജിഗ്നേഷ് വിജയിച്ചത്. ജിഗ്‌നേഷിന്റെ ആകെ ആസ്തി 10 ലക്ഷം രൂപയാണ്. 123 കോടി രൂപയുടെ ആസ്തിയാണ് സൗരഭ് പട്ടേലിനുള്ളത്. 182 എം.എല്‍.എമാരില്‍ 141 പേര്‍ കോടീശ്വരന്മാരാണ്. ഇതില്‍ 84 പേര്‍ ബി.ജെ.പി എം.എല്‍.എമാരും 54 പേര്‍ കോണ്‍ഗ്രസ് എം.എല്‍.എമാരുമാണ്. കഴിഞ്ഞ നിയമസഭയില്‍ 134 പേരാണ് കോടീശ്വരന്മാരായി ഉണ്ടായിരുന്നതെന്നും അസോസിയേഷന്‍ ഫോര്‍ ഡെമോക്രാറ്റിക് റിഫോംസ് വ്യക്തമാക്കുന്നു.

കഴിഞ്ഞ 25 വര്‍ഷമായി സംസ്ഥാനത്തു തീര്‍ത്തും ദുര്‍ബലമായിരുന്ന കോണ്‍ഗ്രസിനെ എന്റെ ഇടപെടല്‍കൊണ്ടു ശാക്തീകരിക്കാനായതിനാല്‍ സന്തോഷമുണ്ട്. ഇലക്ട്രോണിക് വോട്ടിങ് യന്ത്രത്തില്‍ കാട്ടിയ തിരിമറിയിലൂടെ ബിജെപി പത്തു മുതല്‍ 12 സീറ്റ് വരെ നേടിയിട്ടുണ്ട്. എന്നാല്‍ തിരിമറിക്കെതിരെ വിമര്‍ശനമുന്നയിച്ചപ്പോള്‍ ബി.ജെ.പിക്ക് അപകടം മണത്തുന്നുവെന്നും ജയിക്കാന്‍ ആവശ്യമായ സീറ്റുകളില്‍മാത്രം തിരിമറി നടത്തുകയായിരുന്നുവെന്നും ഹാര്‍ദ്ദിക് പറഞ്ഞു. വോട്ടിംഗ് മെഷീന്‍ തിരിമറി കാര്യത്തില്‍ തിരഞ്ഞെടുപ്പ് കമ്മീഷനെ വിശ്വസിക്കാന്‍ കൊള്ളില്ലെന്നും ഹര്‍ദ്ദിക് കൂട്ടിച്ചേര്‍ത്തു.

രാഹുല്‍ഗാന്ധി കൂടുതല്‍ കരുത്തുള്ള നേതാവായി വളര്‍ന്നു. അദ്ദേഹത്തിനൊപ്പം ഇനിയും ചേര്‍ന്ന് പ്രവര്‍ത്തിക്കും. രാജസ്ഥാനിലും മധ്യപ്രദേശിലും ബി.ജെ.പിയെ പരാജയപ്പെടുത്താന്‍ ഇടപെടും 2019-ലെ പൊതുതിരഞ്ഞെടുപ്പ് വരെ വിശ്രമമില്ലാതെ ബി.ജെ.പിക്ക് എതിരെ പ്രചാരണം നടത്തുമെന്നും ഹര്‍ദ്ദിക് പറഞ്ഞു.

ആരാണ് രണ്ട് കോടി തൊഴിലുകള്‍ നല്‍കുമെന്ന് പറഞ്ഞത്, ആരാണ് ഭീകരവാദം ഇല്ലാതാക്കുമെന്ന് പറഞ്ഞത്, ആരാണ് പെട്രാളിന്റെയും ഡീസലിന്റെയും ഗ്യാസിന്റെയും വിലകൂട്ടില്ലെന്ന് പറഞ്ഞത്, ദളിതര്‍ക്കും ന്യൂനപക്ഷങ്ങള്‍ക്കും സുരക്ഷ വാഗ്ദാനം ചെയ്തത് ആരാണ്, കര്‍ഷകരുടെ കടങ്ങള്‍ എഴുതി തള്ളുമെന്ന് പറഞ്ഞത് ആരാണ് ? തുടങ്ങി ജിഗ്നേഷിന്റെ ആറുചോദ്യങ്ങള്‍ ഇതിനോടകം വൈറലായിക്കഴിഞ്ഞു. കഴിഞ്ഞ ദിവസം മോദിയുടെ പരാമര്‍ശത്തിനെതിരെ ജിഗ്നേഷ് രംഗത്തെത്തിയിരുന്നു. ഹര്‍ദ്ദികും അല്‍പേഷും ധ്രുവീകരണത്തിന് ശ്രമിച്ചുവെന്ന പ്രധാനമന്ത്രിയുടെ പരാമര്‍ശത്തിന് ജിഗ്നേഷ് മറുപടി നല്‍കിയിരുന്നു. മോദിയുടെ പ്രസംഗം ആവര്‍ത്തന വിരസമാണെന്നായിരുന്നു ജിഗ്നേഷിന്റെ
മറുപടി.