ഭാര്യയും മാതാപിതാക്കളും അസമിലാണുള്ളതെന്നും അവര്‍ അതീവ ദാരിദ്ര്യത്തിലാണെന്നും അതിനാല്‍ ജയില്‍ മാറ്റം അനുവദിക്കണമെന്നുമാണ് ആവശ്യം. വിയ്യൂര്‍ ജയിലില്‍ തന്നെ സന്ദര്‍ശിക്കാന്‍ ഇവര്‍ ബുദ്ധിമുട്ട് നേരിടുന്നതായും പ്രതി ചൂണ്ടിക്കാണിച്ചിട്ടുണ്ട്.

ഭാര്യയും മാതാപിതാക്കളും അസമിലാണുള്ളതെന്നും അവര്‍ ദാരിദ്ര്യത്തിലാണെന്നും അതിനാല്‍ ജയില്‍മാറ്റം അനുവദിക്കണമെന്നുമാണ് ഹര്‍ജിയിലെ ആവശ്യം.വിയ്യൂര്‍ ജയിലിലെത്തി തന്നെ സന്ദര്‍ശിക്കാന്‍ ബന്ധുക്കള്‍ ബുദ്ധിമുട്ട് നേരിടുന്നതായും പ്രതി ചൂണ്ടിക്കാണിച്ചിട്ടുണ്ട്.

നിയമവിദ്യാര്‍ത്ഥിനിയായ പെരുമ്പാവൂര്‍ സ്വദേശി ജിഷയെ ബലാത്സംഗം ചെയ്ത് കൊലപ്പെടുത്തിയ കേസില്‍ വിചാരണക്കോടതി അമീറുല്‍ ഇസ്ലാമിന് വധശിക്ഷയ്ക്ക് വിധിച്ചിരിക്കുകയാണ്. വിയ്യൂര്‍ ജയിലിലാണ് അമീറുള്‍ ഇസ്ലാം നിലവിലുള്ളത്. വധശിക്ഷയ്‌ക്കെതിരെ പ്രതി ഹൈക്കോടതിയില്‍ ഹര്‍ജി നല്‍കിയിട്ടുണ്ട്.

രാജേശ്വരിയുടെ പെരുമാറ്റം ശരിയായിരുന്നില്ലെന്ന് വനിതാപൊലീസുകാര്‍ പരാതിയില്‍ പറയുന്നു. മുടി ചീകിക്കെട്ടുന്ന ജോലിവരെ ചെയ്യിപ്പിച്ചു. ആസ്പത്രിയില്‍ കഴിയുമ്പോള്‍ കട്ടിലിന് താഴെയാണ് വനിതാ പൊലീസുകാരെ കിടത്തിയിരുന്നത്. വിസമ്മതിച്ചാല്‍ മോശമായി പെരുമാറിയെന്ന് പറഞ്ഞ് പരാതി നല്‍കുമെന്ന് രാജേശ്വരി ഭീഷണിപ്പെടുത്തിയിരുന്നതായും പരാതിയില്‍ ചൂണ്ടിക്കാട്ടുന്നു. നിലവില്‍ കേസിലെ പ്രതി ജയിലിലാണ്. ഈ സാഹചര്യത്തില്‍ അവര്‍ക്ക് സുരക്ഷാഭീഷണി ഇല്ലെന്നും ജോലി ഒഴിവാക്കണമെന്നുമാണ് വനിതാപൊലീസുകാര്‍ ആവശ്യപ്പെട്ടിരിക്കുന്നത്.

24 മണിക്കൂറും രണ്ട് വനിതാപൊലീസുകാരുടെ സുരക്ഷയാണ് രാജേശ്വരിക്ക് ഏര്‍പ്പെടുത്തിയിരുന്നത്. രാജേശ്വരി പോകുന്നിടത്തെല്ലാം പൊലീസ് കൂടെപ്പോയിരുന്നു. റൂറല്‍ ജില്ലയിലെ വിവിധ സ്‌റ്റേഷനുകളില്‍ നിന്നുള്ള വനിതാ പൊലീസുകാരെ മാറിമാറിയാണ് ഡ്യൂട്ടിക്ക് നിയോഗിച്ചിരുന്നത്.

ജിഷയുടെ മരണശേഷം പണിക്ക് പോകാന്‍ കഴിഞ്ഞിട്ടില്ല. എപ്പോഴും രണ്ടുപോലീസുകാര്‍ വീടിന് കാവലുണ്ടായിരുന്നു. അവരായിരുന്നു ഭക്ഷണം എത്തിച്ചിരുന്നത്. ഇതുകൊണ്ടായിരിക്കും തനിക്ക് രൂപമാറ്റം സംഭവിച്ചതെന്ന് രാജേശ്വരി പറഞ്ഞു. എന്റെ മകളെ ക്രൂരമായാണ് കൊന്നത്. ഏതെങ്കിലും അമ്മക്ക് സ്വന്തം മകള്‍ മരിച്ച് കിടക്കുന്ന വേദനയില്‍ സ്വന്തം രൂപത്തെ കുറിച്ച് ചിന്തിക്കാന്‍ കഴിയുമോ? മകള്‍ നഷ്ടപ്പെട്ട അമ്മക്ക് എങ്ങനെ രാത്രി ഉറങ്ങാന്‍ കഴിയുമെന്നും രാജേശ്വരി ചോദിച്ചു. ജിഷയുടെ മരണത്തിന് ശേഷം വീടും സ്ഥലവുമെല്ലാം പോലീസ് പൂട്ടിയിരിക്കുകയായിരുന്നു. അത്യാവശ്യം ഉപയോഗിക്കാനുള്ള സാധനങ്ങള്‍ മാത്രമാണ് വാങ്ങിയിട്ടുള്ളത്. കുറച്ചു സാരിയും മറ്റും. 500രൂപയില്‍ കൂടുതലുള്ള വസ്ത്രങ്ങളൊന്നും വാങ്ങിയിട്ടില്ലെന്നും രാജേശ്വരി പറഞ്ഞു.

ജിഷയുടെ മരണത്തിന് ശേഷം അന്നത്തെ ജില്ലാ കളക്ടറായിരുന്ന രാജമാണിക്യത്തിന്റെയും എന്റേയും പേരിലുള്ള ജോയിന്റ് അക്കൗണ്ടിലാണ് സഹായമായുള്ള പണം എത്തിയത്. ഔദ്യോഗിക അനുമതിയില്ലാതെ തനിക്ക് അതില്‍നിന്ന് പണം പിന്‍വലിക്കാന്‍ സാധിക്കില്ല. പണമിടപാട് നടത്തുന്നതിനെല്ലാം വ്യക്തമായ തെളിവുകളുമുണ്ട്. അര്‍ബന്‍ ബാങ്കില്‍ ഡിപ്പോസിറ്റ് ചെയ്തിരിക്കുന്ന പണത്തിന്റെ പലിശകൊണ്ടാണ് എന്റെ ചെലവുകളൊക്കെ താന്‍ നടത്തുന്നതെന്നും ആസ്പത്രിയില്‍ കിടന്നതിനും മറ്റുമൊക്കെയായി പണം ചിലവുവന്നിട്ടുണ്ടെന്നും പണത്തിന്റെ വില തനിക്ക് നന്നായി അറിയാമെന്നും രാജേശ്വരി കൂട്ടിച്ചേര്‍ത്തു.

സാമൂഹ്യമാധ്യമങ്ങളിലുള്‍പ്പെടെ ജിഷയുടെ അമ്മ ആഢംബരജീവിതമാണ് നയിക്കുന്നതെന്ന് പ്രചാരണമുണ്ടായിരുന്നു. ജിഷകേസിലെ വിധി കേള്‍ക്കാന്‍ കോടതിയിലെത്തിയപ്പോഴാണ് രാജേശ്വരിയുടെ രൂപമാറ്റം ചര്‍ച്ചയായത്. നേരത്തെ ജിഷയുടെ അച്ഛന്‍ പാപ്പു തെരുവില്‍ കിടന്ന് മരിച്ചപ്പോഴും ഇത്തരത്തിലുളള വിമര്‍ശനം ശക്തമായിരുന്നു.

ഇരു പൊലീസ് അന്വേഷണ സംഘങ്ങളും കേസ് അട്ടിമറിച്ച് ജിഷക്ക് നീതി നിഷേധിച്ചത് സംബന്ധിച്ചും ജിഷ ആക്ഷന്‍ കൗണ്‍സില്‍ പ്രവര്‍ത്തകര്‍ക്ക് നേരെ പൊലീസ് പ്രതികാര ബുദ്ധിയോടെ പ്രവര്‍ത്തിക്കുന്നതിനെ കുറിച്ചും മുഖ്യമന്ത്രിക്ക് പരാതി നല്‍കും. ഈ കേസുമായി ബന്ധപ്പെട്ട് സമരരംഗത്തുണ്ടായിരുന്ന എല്ലാ സംഘടനകളുടെയും ഉള്‍പ്പെടുത്തി എറണാകുളത്ത് കണ്‍വെന്‍ഷനും സംഘടിപ്പിക്കും.രാജ്യത്ത് സ്ത്രീകള്‍ക്ക് നേരെയുണ്ടാകുന്ന കേസുകളില്‍ പൊലീസ് നടത്തുന്ന തിരിമറികളെ കുറിച്ച് യോഗം ചര്‍ച്ച ചെയ്യുമെന്ന് ഭാരവാഹികള്‍ പറഞ്ഞു. സി.കെ.സെയ്തുമുഹമ്മദ്, ഇസ്മായില്‍ പള്ളിപ്രം, ഒര്‍ണ കൃഷ്ണന്‍കുട്ടി, ലൈല റഷീദ്, അമ്പിളി ഓമനക്കുട്ടന്‍, സുല്‍ഫിക്കര്‍ അലി, എന്നിവര്‍ പത്രസമ്മേളനത്തില്‍ പങ്കെടുത്തു.

കൊച്ചി: ജിഷ വധക്കേസില്‍ തനിക്ക് വധശിക്ഷ വിധിച്ച കോടതി വിധി പ്രതി അമീര്‍ കേട്ടത് ശാന്തനായി. വിധിക്ക് മുമ്പുണ്ടായ അതേ ഭാവമായിരുന്നു അമീറിന്റെ മുഖത്ത് വിധി കേട്ട ശേഷവും. ശിക്ഷാ വിധി ദിനമായിരുന്ന ഇന്നലെയും പതിവു പോലെ രാവിലെ ആറിനു തന്നെയാണ് കാക്കനാട് ജില്ലാ ജയിലില്‍ കഴിഞ്ഞ അമീര്‍ എഴുന്നേറ്റത്. ജയിലിലെ ദിനചര്യകള്‍ എല്ലാം കൃത്യമായി നിറവേറ്റി. ഒമ്പത് മണിയോടെ കോടതിയിലേക്ക് കൊണ്ടു പോകാനായി പൊലീസ് സംഘം ജയിലിലെത്തി. കുറ്റക്കാരനെന്നു കോടതി കണ്ടെത്തിയ ദിവസം മുതല്‍ ധരിക്കാറുള്ള പതിവ് ഗ്രേ കളര്‍ ഷര്‍ട്ടും നീല ജീന്‍സുമായിരുന്നു വേഷം. കാലില്‍ ചെരിപ്പുണ്ടായിരുന്നില്ല. പത്തു മണിക്ക് മുമ്പ് തന്നെ അമീറുമായി പൊലീസ് വാഹനം രാജേന്ദ്ര മൈതാനത്തിനടുത്തുള്ള പ്രിന്‍സിപ്പല്‍ സെഷന്‍സ് കോടതിയിലെത്തി. മാധ്യമ പ്രവര്‍ത്തകര്‍ ചിത്രമെടുക്കാന്‍ തിരക്ക് കൂട്ടുമ്പോഴും അമീര്‍ ഭാവ വ്യത്യാസമില്ലാതെ നിന്നു.
കൂടി നിന്ന നാട്ടുകാരില്‍ ചിലര്‍ അസഭ്യം പറഞ്ഞെങ്കിലും മിണ്ടാതെ നിന്നു. ഇതിനിടെ മലയാളത്തില്‍ താനല്ല കുറ്റക്കാരനെന്ന് അമീര്‍ മാധ്യമങ്ങളോട് പറഞ്ഞു. കോടതിക്കകത്തേക്ക് പ്രവേശിക്കുമ്പോഴും ഇയാള്‍ ശാന്തനായിരുന്നു. 11 മണിയോടെ വിധി പറയാനായി കോടതി ചേര്‍ന്നു. ജഡ്ജിയുടെ ഇടത് ഭാഗത്തായി പൊലീസിന്റെ ഒപ്പമാണ് അമീര്‍ വിധി കേള്‍ക്കാന്‍ നിന്നത്. പതിനഞ്ച് മിനിറ്റോളം നീണ്ട നടപടികള്‍ക്കിടെ പ്രധാന വിധിന്യായങ്ങള്‍ മാത്രമാണ് ജഡ്ജി വായിച്ചത്. പിന്നീട് അഭിഭാഷകയുടെ സഹായത്തോടെ വിധി അമീറിന് പരിഭാഷപ്പെടുത്തി. കോടതി മുറിയില്‍ നിന്നും സമീപത്തെ കാബിനിലേക്ക് മാറ്റിയ പ്രതിയെ പിന്നീട് 1.40 ഓടെയാണ് പുറത്തേക്ക് കൊണ്ടു വന്നത്. പൊലീസ് വലയത്തില്‍ കോടതി പരിസരത്തെ പൊലീസ് ജീപ്പിലേക്ക്, വിയ്യൂര്‍ ജയിലിലേക്കായിരുന്നു പിന്നീടുള്ള യാത്ര.

നീതിപീഠം ദൈവമാണെന്നും ഇനിയൊരു പെണ്‍കുട്ടിക്കും ഇത്തരത്തിലുള്ള അവസ്ഥ ഉണ്ടാവരുതെന്നും ജിഷയുടെ അമ്മ രാജേശ്വരി പറഞ്ഞു. വിധിയില്‍ സന്തോഷമുണ്ടെന്ന് സഹോദരി ദീപയും പ്രതികരിച്ചു. വിധിയില്‍ സന്തോഷമുണ്ടെന്ന് തന്നെയായിരുന്നു എ.ഡി.ജി.പി സന്ധ്യയുടേയും പ്രതികരണം. അന്വേഷണ സംഘത്തെ അഭിനന്ദിക്കുന്നു. പിന്തുണച്ചവര്‍ക്ക് നന്ദിയുണ്ടെന്നും വിമര്‍ശകര്‍ക്കുള്ള മറുപടിയാണ് വിധിയെന്നും സന്ധ്യ കൂട്ടിച്ചേര്‍ത്തു.

അമീറുലിനെ മരണം വരെ തൂക്കികൊല്ലണമെന്നാണ് എറണാംകുളം സെഷന്‍സ് കോടതി വിധി. കേസ് അപൂര്‍വ്വങ്ങളില്‍ അപൂര്‍വ്വമാണെന്ന് കോടതി പറഞ്ഞു. ജിഷ കൊല്ലപ്പെട്ടിട്ട് 19 മാസങ്ങള്‍ക്കുശേഷമാണ് കോടതി വിധി വരുന്നത്. പീഢനക്കുറ്റത്തിന് 10 വര്‍ഷം തടവും കോടതി വിധിച്ചു.

ജിഷാവധക്കേസിലെ ഏക കുറ്റവാളിയാണ് അമീറുല്‍ ഇസ്ലാം. ഇന്നലെ തുടരന്വേഷണം ആവശ്യപ്പെട്ട് അമീര്‍ ഉള്‍ ഇസ്ലാം നല്‍കിയ ഹര്‍ജി കോടതി തള്ളിയിരുന്നു. വിധി പറഞ്ഞ ശേഷം ഇക്കാര്യം പരിഗണിക്കാമെന്നും എറണാകുളം പ്രിന്‍സിപ്പല്‍ സെഷന്‍സ് കോടതി വ്യക്തമാക്കിയിരുന്നു. കേസില്‍ വാദം ഇന്നലെ പൂര്‍ത്തിയായിരുന്നു.

2016ഏപ്രില്‍ 28നാണ് ജിഷ കൊല്ലപ്പെടുന്നത്. കേസില്‍ നൂറോളം സാക്ഷികളെയാണ് കോടതി വിസ്തരിച്ചത്. ഡി.എന്‍.എ പരിശോധനകളുടെ അടിസ്ഥാനത്തിലാണ് അമീറുലിനെ കുറ്റക്കാരനായി കണ്ടെത്തിയത്. മാര്‍ച്ച് 13ന് തുടങ്ങിയ വിചാരണ അവസാനിച്ചത് നവംബര്‍ 21നാണ്.

2016 ഏപ്രില്‍ 28നായിരുന്നു ജിഷയുടെ കൊലപാതകം.ബലാല്‍സംഗ ശ്രമത്തിനിടയിലെ കൊലപാതകെമെന്നാണ് പ്രോസിക്യൂഷന്‍ കേസ്. നൂറോളം സാക്ഷികളെ വിസ്തരിച്ചിരുന്നു. കൊലപാതകം, ബലാല്‍സംഗം, ഭവനഭേവനം തുടങ്ങിയ കേസുകളാണ് അമീറിനെതിരെ ചുമത്തിയിരിക്കുന്നത്. ഡി എന്‍ എ തെളിവുകളുടെ അടിസ്ഥാനത്തിലാണ് അമീറുള്‍ ഇസ്ലാമാണ് പ്രതിയെന്ന് പ്രോസിക്യൂഷന്‍ കോടതിയില്‍ സ്ഥാപിച്ചത്. 19മാസങ്ങള്‍ക്ക് ശേഷമാണ് കേസില്‍ നിര്‍ണ്ണായക വിധി എത്തിയിരിക്കുന്നത്.