പാര്‍ട്ടിയുടെയും സര്‍ക്കാരിന്റെയും നിലപാടുകള്‍ക്ക് വിരുദ്ധമായി നിലകൊണ്ടുവെന്ന് ആരോപിച്ചാണ് നടപടി. കഴിഞ്ഞ കുറേ ദിവസങ്ങളായി പിണറായി സര്‍ക്കാരിനെയും ഇടതുപക്ഷ പാര്‍ട്ടികളെയും ചോദ്യമുനയില്‍ നിര്‍ത്തിയ നിരാഹാര സമരമടക്കം ജിഷ്ണുവിന്റെ കുടുംബം നടത്തിയ സമരങ്ങള്‍ക്കെല്ലാം നേതൃപരമായ പിന്തുണ നല്‍കിയ ആളാണ് ശ്രീജിത്ത്.

മഹിജക്കൊപ്പം നിന്ന് നടത്തിയ സമരങ്ങള്‍ സര്‍ക്കാരിന്റെയും പാര്‍ട്ടിയുടെയും പ്രതിഛായക്ക് മങ്ങലേല്‍പ്പിച്ച പശ്ചാത്തലത്തിലാണ് പാര്‍ട്ടി നടപടിയെന്ന് വേണം കരുതാന്‍.

സര്‍ക്കാര്‍ പ്രതിനിധികള്‍ ജിഷ്ണുവിന്റെ കുടുംബവുമായി നടത്തിയ മൂന്നര മണിക്കൂര്‍ നീണ്ട ചര്‍ച്ചയെ തുടര്‍ന്നാണ് സമരം അവസാനിപ്പിക്കാന്‍ ധാരണയായത്. കേസിലെ മൂന്നാം പ്രതിയായ കോളജ് വൈസ് പ്രിന്‍സിപ്പല്‍ ശക്തിവേലിനെ അറസ്റ്റു ചെയ്തതിനെ തുടര്‍ന്നാണ് സര്‍ക്കാര്‍ ചര്‍ച്ചനടത്തി വിഷയം ഒത്തുതീര്‍പ്പിലേക്ക് എത്തിയതെന്നാണ് നിഗമനം. കേസിലെ സ്പെഷ്യല്‍ പ്രോസിക്യൂട്ടര്‍ സി.പി ഉദയഭാനുവിന്റെ നേതൃത്വത്തിലായിരുന്നു ചര്‍ച്ച. ചര്‍ച്ചയ്ക്ക് ശേഷം മുഖ്യമന്ത്രി പിണറായി വിജയന്‍ മഹിജയെ ഫോണില്‍ വിളിക്കുകയുമുണ്ടായി. പോലീസ് നടപടിയില്‍ വീഴ്ചയുണ്ടെങ്കില്‍ പരിശോധിച്ച് നടപടിയെടുക്കാമെന്നും എല്ലാ പ്രതികളേയും ഉടന്‍ പിടികൂടുമെന്നും മുഖ്യമന്ത്രി മഹിജയ്ക്ക് ഉറപ്പ് നല്‍കി. ഇതോടെ സമരം അവസാനിപ്പിക്കാന്‍ തീരുമാനിക്കുകയായിരുന്നു.

കേസിലെ മൂന്നാം പ്രതിയും നെഹ്റു കോളേജിലെ വൈസ് പ്രിന്‍സിപ്പലുമായ എന്‍.കെ ശക്തിവേലിനെ ഇന്നാണ് അറസ്റ്റ് ചെയ്ത്. അഞ്ച് ദിവസങ്ങളായി സമരം നടത്തിവരുന്ന കുടുംബാംഗങ്ങളുടെ ആവശ്യം ലഘൂകരിക്കാന്‍ ഇത് സഹായകരമായെന്നാണ് നിഗമനം.

സമരം അവസാനിപ്പിക്കാന്‍ സര്‍ക്കാറിന്റെ ഭാഗത്തു നിന്ന് ശക്താമായ ശ്രമങ്ങളാണ് ഇന്ന് രാവിലെ മുതല്‍ നടന്നത്. സിപിഐ സംസ്ഥാന സെക്രട്ടറി കാനം രാജേന്ദ്രനാണ് പ്രശ്‌നത്തില്‍ ഒത്തു തീര്‍പ്പിന് മധ്യസ്ഥത വഹിച്ചത്. ജിഷ്ണുവിന്റെ അമ്മ മഹിജയെ സന്ദര്‍ശിക്കാനായി കാനം ആസ്പത്രിയിലും എത്തിയിരുന്നു. സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനുമായി നടന്ന ചര്‍ച്ചക്കു ശേഷമായിരുന്ന കാനത്തിന്റെ സന്ദര്‍ശനം.

ഒടുവില്‍ മുഖ്യമന്ത്രി പിണറായി വിജയനും വിഷയത്തില്‍ ഇടപെട്ടു. പിണറായി മഹിജയെ ഫോണില്‍ വിളിച്ചു കുറ്റക്കാരായ പൊലീസുകാര്‍ക്കെതിരെ നടപടിയെടുക്കുമെന്ന് ഉറപ്പുനല്‍കി. ഇതു കൂടാതെ സിപിഎം ജനറല്‍ സെക്രട്ടറി സീതാറാം യെച്ചൂരിയും മഹിജയുമായി ഫോണില്‍ സംസാരിച്ചിരുന്നു.

അതേസമയം, എത്രയും വേഗം പ്രശ്‌നത്തില്‍ പരിഹാരം കാണണമെന്നും അതിനായി പ്രതിപക്ഷം എന്തു സഹായവും നല്‍കുമെന്നും ഉമ്മന്‍ചാണ്ടി അറിയിച്ചു.

സര്‍ക്കാരിന്റെ പത്രപരസ്യത്തിന്റെ ന്യായാന്യായങ്ങളിലേക്ക് കടക്കുന്നില്ല. എന്നാല്‍, മകന്‍ മരിച്ച അമ്മയുടെ വേദന പ്രതിപക്ഷം മുതലെടുക്കുകയാണെന്ന സിപിഐഎമ്മിന്റെ ആരോപണം ഒരിക്കലും ശരിയല്ല. പരസ്യത്തില്‍ പറയുന്നത് പോലെ പൊലീസ് നടപടി ന്യായമെങ്കില്‍ അത് എന്തുകൊണ്ട് ജിഷ്ണുവിന്റെ കുടുംബത്തെ ബോധ്യപ്പെടുത്താനാകുന്നില്ലെന്നും ഉമ്മന്‍ചാണ്ടി ചോദിച്ചു.

പ്രതികളെ പിടിച്ചിട്ട് വീട്ടിലേക്ക് വന്നാല്‍ മതിയെന്നാണ് മഹിജ പറഞ്ഞത്. ഈ സ്ഥിതിക്ക് മുഖ്യമന്ത്രി ചെല്ലുമ്പോള്‍ അവര്‍ കതകടച്ചാല്‍ അത് വേറെ പണിയാവുമായിരുന്നു, മണി പരിഹസിച്ചു.
കതക് അടച്ചിട്ടിട്ട് അവര്‍ കാണേണ്ടെന്നാണ് പറയുന്നതെങ്കില്‍ അത് മുഖ്യമന്ത്രിക്ക് അപമാനമാനെന്നും മണി പറഞ്ഞു. അവര്‍ ആരുടേയോ കയ്യില്‍ കിടന്നു കളിക്കുകയാണെന്നും മണി കുറ്റപ്പെടുത്തി. യുഡിഎഫിന്റെയും ബിജെപിയുമാണ് അതിനു പിന്നിലെന്നും മണി ആരോപിച്ചു.

നേരത്തെയും എം.എം മണി മഹിജക്കെതിരെ രംഗത്തുവന്നിരുന്നു. കഴിഞ്ഞ ദിവസം പൊലീസ് ആസ്ഥാനത്ത് മുന്നില്‍ നടന്ന വിവാദ സംഭവങ്ങളെ സംബന്ധിച്ചായിരുന്നു മന്ത്രിയുടെ പരിഹാസം. പൊലീസ് ആസ്ഥാനത്തു മനഃപൂര്‍വ്വം നുഴഞ്ഞുകയറി പ്രശ്‌നമുണ്ടാക്കാനായിരുന്നു മഹിജയുടെ ശ്രമമെന്നായിരുന്നു മണിയുടെ വാദം. മഹിജയ്ക്കും ബന്ധുക്കള്‍ക്കുമെതിരെ പൊലീസ് നടത്തിയ അതിക്രമത്തെ ന്യായീകരിച്ച മന്ത്രി, സമരം ചെയ്യാനായി ഇനിയും ശ്രമിച്ചാന്‍ അറസ്റ്റ് ഇനിയുമുണ്ടാവുമെന്ന നിലപാട് വ്യക്തമാക്കിയത്.

അതേസമയം, മഹിജക്ക് പരാതിയില്ലെന്നും പരാതി മറ്റുള്ളവര്‍ക്കാണെന്നും മന്ത്രി മാധ്യമങ്ങളോട് പറഞ്ഞു. എന്നാല്‍ നിയമപരമായി സാധ്യമായതെല്ലാം ചെയ്യുമെന്നും മന്ത്രി ഉറപ്പു നല്‍കി.

ഡിജിപി ഓഫിസിനു മുന്നിലുണ്ടായ സംഭവങ്ങള്‍ക്ക് കാരണക്കാര്‍ പുറത്തുനിന്നുള്ളവരാണെന്ന് വ്യക്തമാക്കാനും മന്ത്രി ശ്രമിച്ചു. പരാതി പറയാന്‍ വേണ്ടി മാത്രമാണ് അവിടേക്ക് എത്തിയതെന്ന് മഹിജ വ്യക്തമാക്കിയതായി കടനപ്പള്ളി പറഞ്ഞു. തോക്കു സ്വാമിയും ഷാജഹാനും അവര്‍ക്കൊപ്പം ഉള്ളവരെല്ലെന്ന് മഹിജ പറഞ്ഞതായും മന്ത്രി വ്യക്തമാക്കി.

അതിനിടെ, ജിഷ്ണു പ്രണോയിയുടെ മരണവുമായി ബന്ധപ്പെട്ട വിഷയത്തില്‍ നീതി തേടി അമ്മ മഹിജയും ബന്ധുക്കള്‍ക്കുമൊപ്പം ചേര്‍ന്ന് ജിഷ്ണുവിന്റെ സഹോദരി അവിഷ്ണയും. തിരുവനന്തപുരത്ത് നിരാഹാരസമരത്തിനായി പോയ അമ്മയ്ക്കും ബന്ധുക്കള്‍ക്കുമെതിരായ പൊലീസ് നടപടിക്കു പിന്നാലെയാണ് സമരമുഖത്തേക്കിറങ്ങാനുള്ള അവിഷ്ണയുടെ തീരുമാനം. മഹിജയുടെ സമരത്തിനൊപ്പം ചേര്‍ന്ന് അവിഷ്ണ കോഴിക്കോട്ടെ വീട്ടില്‍ നിരാഹാരമിരിക്കുന്നത്. അചഛനും അമ്മയും തിരിച്ചെത്തും വരെ സമരം നടത്തുമെന്നാണ് അവിഷ്ണയുടെ നിലപാട്.
അമ്മയ്ക്കും ബന്ധുക്കള്‍ക്കുമൊപ്പം തിരുവനന്തപുരത്ത് പോയി സമരം ചെയ്യാനായിരുന്നു പത്താം ക്ലാസ് വിദ്യാര്‍ഥിയായ അവിഷ്ണയുടെ ആദ്യ തീരുമാനം. എന്നാല്‍, മുത്തശ്ശി വീട്ടില്‍ തനിച്ചായതിനാല്‍ തീരുമാനം മാറ്റുകയായിരുന്നു.

അതേസമയം, ജിഷ്ണു പ്രണോയിയുടെ അമ്മ മഹിജയും അമ്മാവന്‍ ശ്രീജിത്തും, ചികില്‍സയില്‍ കഴിയുന്ന തിരുവനന്തപുരം മെഡിക്കല്‍ കോളജില്‍ നിരാഹാരം തുടങ്ങി. ആശുപത്രിയില്‍ നിന്ന് വിട്ടയയ്ക്കുകയാണെങ്കില്‍ നിരാഹാരസമരം ഡിജിപി ഓഫീസിനു മുന്നിലേക്ക് മാറ്റാനാണ് തീരുമാനം. ജിഷ്ണുവിന് നീതി ലഭിക്കും വരെ സമരം തുടരുമെന്നും പോലീസ് നടപടിയെക്കുറിച്ച് മുഖ്യമന്ത്രി പറഞ്ഞത് എന്താണെന്ന് അറിയില്ലെന്നും അമ്മ മഹിജ പറഞ്ഞു. പോലീസ് ബലപ്രയോഗത്തിനിടെ മഹിജയുടെ സഹോദരന്‍ ശ്രീജിത്തിനും പരിക്കേറ്റിരുന്നു. ഇരുവരും മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. മഹിജ ഓര്‍ത്തോ വിഭാഗത്തിലും ശ്രീജിത്ത് ശസ്ത്രക്രിയാ വിഭാഗത്തിലുമാണുള്ളത്. മഹിജ ഉള്‍പ്പെടെയുള്ളവരെ റോഡിലൂടെ വലിച്ചിഴച്ചാണ് പോലീസ് ജീപ്പില്‍ കയറ്റിയത്. വാനിലേക്ക് കയറ്റുന്നതിനിടെ മഹിജയ്ക്ക് ദേഹാസ്വാസ്ഥ്യം അനുഭവപ്പെട്ടതിനെത്തുടര്‍ന്നാണ് ആശുപത്രിയിലേക്ക് മാറ്റിയത്. ഇരുവരും ആശുപത്രിയില്‍ നിരാഹാര സമരം തുടരുകയാണ്.

12 മണിക്കൂര്‍ നീളുന്ന ഹര്‍ത്താലില്‍നിന്ന് ശബരിമല, ഉംറ തീര്‍ഥാടകരുടെ വാഹനങ്ങളെയും അവശ്യ സര്‍വീസുകളും ഒഴിവാക്കിയിട്ടുണ്ട്.

ജിഷ്ണുവിന്റെ അമ്മയ്ക്കും ബന്ധുക്കള്‍ക്കുമെതിരായ പൊലീസ് നടപടിയില്‍ പ്രതിഷേധിച്ച് സംസ്ഥാനമൊട്ടാകെ വ്യാപക പ്രതിഷേധമാണ് ഉയരുന്നത്. യുഡിഫ് കോഴിക്കോട് രാവിലെ 10 മണിക്ക് പ്രതിഷേധ പ്രകടനത്തിന് ആഹ്വാനം ചെയ്തിട്ടുണ്ട്.