കോളജിന്റെ വൈസ് പ്രിന്‍സിപ്പാള്‍ എന്‍ ശക്തിവേല്‍ ഇന്‍വിജിലേറ്ററും അസിസ്റ്റന്റ് പ്രൊഫസറുമായ സിപി പ്രവീണ്‍ എന്നിവര്‍ക്കെതിരെയാണ് ആത്മഹത്യാ പ്രേരണകുറ്റം ചുമത്തിയിട്ടുള്ളത്. മറ്റുള്ളവര്‍ കുറ്റക്കാരാണെന്ന് കണ്ടെത്താന്‍ മതിയായ തെളിവുകളില്ലെന്നും സിബിഐ കുറ്റപത്രത്തില്‍ പറയുന്നു. ലോക്കല്‍ പൊലീസും പിന്നാലെ െ്രെകംബ്രാഞ്ചും അന്വേഷിച്ച കേസ് സിബിഐക്ക് കൈമാറുകയായിരുന്നു.

കേസില്‍ െ്രെകംബ്രാഞ്ച് അഞ്ച് പേരെയാണ് പ്രതികളായി കണ്ടെത്തിയത്. നെഹ്രുഗ്രൂപ്പ് ചെയര്‍മാന്‍ പി കൃഷ്ണദാസ്, ഇപ്പോള്‍ കുറ്റക്കാരെന്ന് കണ്ടെത്തിയ ശക്തിവേല്‍, സിപി പ്രവീണ്‍, പിആര്‍ഒ സഞ്ജീവ് വിശ്വനാഥന്‍, പരിക്ഷാ ചുമതലയുള്ള അധ്യാപകന്‍ വിപിന്‍ എന്നീ മുന്ന് പേരെയാണ് സിബിഐ കുറ്റക്കാരല്ലെന്ന് കണ്ടെത്തിയത്.

ജിഷ്ണു പ്രണോയ് കോപ്പിയടിച്ചെന്ന് തെറ്റായി പ്രചരിപ്പിച്ചതിനെ തുടര്‍ന്നാണ് ആത്മഹത്യ ചെയ്യാന്‍ കാരണമെന്നാണ് സിബിഐ കണ്ടെത്തല്‍. കോപ്പിയടിച്ചെന്ന് ബലമായി ഒപ്പിട്ട് വാങ്ങിയത് സിപി പ്രവീണും ശക്തിവേലുമാണെന്ന് സിബിഐ അന്വേഷണത്തില്‍ കണ്ടെത്തി. മറ്റുള്ളവര്‍ക്കെതിരെ മതിയായ തെളിവുകളില്ലെന്നും സിബിഐ പറയുന്നു. സംഭവസമയത്ത് ചെയര്‍മാന്‍ പി കൃഷ്ണദാസ് കോളജില്‍ ഉണ്ടായിരുന്നില്ലെന്നും സിബിഐ കുറ്റപത്രത്തില്‍ പറയുന്നു.

പ്രതികളായ കൃഷ്ണദാസിന്റേയും ശക്തിവേലിന്റെയും ജാമ്യം റദ്ദാക്കണമെങ്കില്‍ സി.ബി.ഐക്ക് ഹൈക്കോടതിയെ സമീപിക്കാം. ഇത്തരം കേസുകള്‍ സി.ബി.ഐ ഉടന്‍ ഏറ്റെടുക്കേണ്ടതാണെന്നും കോടതി പറഞ്ഞു. കോടതിയുടെ തീരുമാനത്തില്‍ സന്തോഷമുണ്ടെന്ന് ജിഷ്ണുവിന്റെ അച്ഛന്‍ പ്രതികരിച്ചു. കോടതിയില്‍ വിശ്വാസമുണ്ടെന്നും അദ്ദേഹം കൂട്ടിച്ചേര്‍ത്തു. കോടതിയുടെ തീരുമാനത്തില്‍ സന്തോഷമുണ്ടെന്ന് അമ്മ മഹിജയും പ്രതികരിച്ചു. ഒപ്പം നിന്ന മാധ്യമങ്ങള്‍ക്കും ആളുകള്‍ക്കും മഹിജ നന്ദി അറിയിച്ചു.

നെഹ്‌റു കോളേജിലെ എഞ്ചിനീയറിംഗ് വിദ്യാര്‍ത്ഥിയായിരുന്ന ജിഷ്ണുവിനെ ജനുവരി ആറിനാണ് ഹോസ്റ്റലിലെ മുറിയില്‍ മരിച്ച നിലയില്‍ കണ്ടെത്തുന്നത്. ഏറെ വിവാദം സൃഷ്ടിച്ചിരുന്നു ജിഷ്ണുവിന്റെ മരണം.

പോലീസിന്റെ അന്വേഷണം ശരിയായ ദിശയിലല്ലെന്നും കേരള പോലീസിന്റെ അന്വേഷണത്തില്‍ വിശ്വാസം നഷ്ടപ്പെട്ടുവെന്നും മഹിജ കോടതിയില്‍ അറിയിച്ചു. ജിഷ്ണു മരിച്ചിട്ട് പത്തുമാസമായി. അന്വേഷണത്തില്‍ കാര്യമായ പുരോഗതിയില്ല. ജാമ്യത്തിലിറങ്ങിയവര്‍ തെളിവ് നശിപ്പിക്കാന്‍ ഇടയുണ്ട്. ജിഷ്ണുവിന്റെ രക്തപ്പാടുള്ള മുറി പോലീസ് സീല്‍ ചെയ്തിട്ടില്ല. ജിഷ്ണു തൂങ്ങിക്കിടക്കുന്നതായി കണ്ട കൊളുത്തും തുണിയും ഫോറന്‍സിക് പരിശോധനയ്ക്ക് അയച്ചില്ലെന്നും ഡി.വൈ.എസ്.പിയും സി.ഐയും സംഭവ സ്ഥലം സന്ദര്‍ശിച്ചില്ലെന്നും മഹിജ ഹര്‍ജിയില്‍ പറയുന്നുണ്ട്. തങ്ങളുടെ ആവശ്യങ്ങള്‍ക്കായി ശബ്ദമുയര്‍ത്തുന്ന കുട്ടികളെ നേരിടാന്‍ കോളേജുകളില്‍ ഇടിമുറികളുണ്ട്. ഇതൊരു അപകടകരമായ അവസ്ഥയാണെന്നും ഇനിയൊരു ജിഷ്ണു പ്രണോയി ഉണ്ടാവരുതെന്നും മഹിജ പറയുന്നു.

കഴിഞ്ഞ ജനുവരിയിലാണ് ജിഷ്ണു പ്രണോയി മരിക്കുന്നത്. ഹോസ്റ്ററിലെ മുറിയില്‍ തൂങ്ങിമരിച്ച നിലയിലാണ് ജിഷ്ണുവിന്റെ മൃതദേഹം കണ്ടെത്തുന്നത്. കോപ്പിയടിയുമായി ബന്ധപ്പെട്ടുള്ള ആരോപണത്തില്‍ മനംനൊന്താണ് ജിഷ്ണു മരിച്ചതെന്ന് ഉയര്‍ന്നുവന്നിരുന്നു. കേസില്‍ അന്വേഷണം ആവശ്യപ്പെട്ട് മഹിജ നടത്തിയ സമരത്തെ സര്‍ക്കാര്‍ നേരിട്ട രീതി ഏറെ വിമര്‍ശനങ്ങള്‍ക്ക് വഴിവെച്ചു. തുടര്‍ന്ന് ജിഷ്ണുവിന്റെ കുടുംബം മുഖ്യമന്ത്രിയെ കണ്ട് സി.ബി.ഐ അന്വേഷണം ആവശ്യപ്പെടുകയായിരുന്നു.

ലാവ്‌ലിന്‍ കേസില്‍ താന്‍ സ്വീകരിച്ച നിലപാടാണ് തനിക്കെതിരെ പോലീസ് നടപടിക്ക് കാരണമായതെന്ന് ഷാജഹാന്‍ പറഞ്ഞു. പിണറായിക്ക് പകയാണ്. വ്യക്തിവൈരാഗ്യം തീര്‍ക്കുകയാണ് മുഖ്യമന്ത്രി. പക തീര്‍ക്കാമെന്നാണെങ്കില്‍ കേരളത്തില്‍ അത് നടക്കില്ലെന്നും ഷാജഹാന്‍ പറഞ്ഞു. പിണറായിയുടെ അഹങ്കാരത്തിന് മറുപടി നല്‍കും. ഇനിയുള്ള ജീവിതം അതിന് വേണ്ടിയാണെന്നും ജയില്‍ മോചിതനായ ഷാജഹാന്‍ പറഞ്ഞു. ജാമ്യം കിട്ടിയതിന് ശേഷം വീട്ടിലെത്തി ഷാജഹാന്‍ അമ്മയുടെ നിരാഹാരസമരം അവസാനിപ്പിച്ചു. എന്തുകൊണ്ട് തന്നെ കൊന്നില്ല? ടി.പി ചന്ദ്രശേഖരനെ വധിച്ചപ്പോള്‍ രണ്ട് തെരഞ്ഞെടുപ്പ് തോറ്റെങ്കില്‍ തന്നെ കൊന്നാല്‍ സി.പി.എം അഞ്ച് തെരഞ്ഞെടുപ്പ് തോല്‍ക്കുമെന്നും ഷാജഹാന്‍ പറഞ്ഞു. എന്തിനാണ് തന്നെ ജയിലില്‍ അടച്ചതെന്ന് പിണറായി വ്യക്തമാക്കണമെന്നും അദ്ദേഹം ആവശ്യപ്പെട്ടു.

സമരത്തില്‍ ഗൂഢാലോചന നടന്നിട്ടുണ്ടെന്നാണ് മുഖ്യമന്ത്രി പറഞ്ഞത്. എന്നാല്‍ ജയിലില്‍ നിന്നും പുറത്തിറങ്ങിയ മിനി സര്‍ക്കാരാണ് ഗൂഢാലോചന നടത്തിയതെന്ന് ആഞ്ഞടിച്ചു. ജിഷ്ണുവിനെ കൊലപ്പെടുത്തിയതില്‍ നെഹ്‌റു കോളേജ് മാനേജ്‌മെന്റ് ഗൂഢാലോചന കാട്ടിയെന്നും അത് മറച്ചുവെക്കാന്‍ സര്‍ക്കാര്‍ കൂട്ടുനിന്നുവെന്നും എസ്.യു.സി.ഐ നേതാവ് മിനി പറഞ്ഞു.

അന്വേഷണ ഉദ്യോഗസ്ഥര്‍ വിവേകത്തോടെ പെരുമാറണം. കയ്യടി നേടാനുള്ള നടപടികളല്ല വേണ്ടത്. വേണ്ടത് നീതിയുക്തമായ നടപടികളാണെന്നും കോടതി പറഞ്ഞു. കാറ്റാനം
എഞ്ചിനിയറിംഗ് കോളേജ് ഡയറക്ടറുടെ ജാമ്യാപേക്ഷയിലാണ് കോടതിയുടെ പരാമര്‍ശം.

ആഭ്യന്തര വകുപ്പിന്റെ തുടര്‍ച്ചയായ വീഴ്ച്ചകള്‍ക്കെതിരെ വ്യാപകമായി വിമര്‍ശനങ്ങള്‍ ഉയരുന്നതിനിടെയാണ് കോടതിയും വിമര്‍ശിച്ചിരിക്കുന്നത്. അതേസമയം, ജയിലില്‍ കഴിഞ്ഞിരുന്ന അഞ്ച് സാമൂഹ്യപ്രവര്‍ത്തകര്‍ക്കും ജാമ്യം അനുവദിച്ചു. കെ.എം ഷാജഹാന്‍, ഷാജിര്‍ ഖാന്‍, മിനി, ഹിമവല്‍ ഭദ്രാനന്ദ, ശ്രീകുമാര്‍ എന്നിവര്‍ക്കാണ് ജാമ്യം കിട്ടിയത്.

മഹിജയോട് പോലീസ് മോശമായാണ് പെരുമാറിയത്. എടീയെന്ന് ആക്രോശിച്ചിരുന്നു. പോലീസ് ജീപ്പില്‍ രാവിലെ 11മണിയോടെ കയറ്റിയ ഞങ്ങളെ വൈകുന്നേരം ആറോടെയാണ് സ്‌റ്റേഷനിലെത്തിച്ചത്. ഭക്ഷണം പോലും കഴിക്കാതെയാണ് ഞങ്ങള്‍ അത്രയും സമയം കഴിഞ്ഞതെന്നും മിനി പറഞ്ഞു. ജിഷ്ണുവിന് വേണ്ടി കുടുംബം നടത്തിയ സമരത്തില്‍ യാതൊരു വിധ ഗൂഢാലോചനയും നടത്തിയിട്ടില്ല. ഗൂഢാലോചന നടത്തിയാണ് നെഹ്‌റു കോളേജ് പ്രിന്‍സിപ്പാള്‍ കൃഷ്ണദാസും കൂട്ടാളികളും ജിഷ്ണുവിനെ കൊലപ്പെടുത്തിയത്. സര്‍ക്കാര്‍ നടപടി അപ്രതീക്ഷിതമായിരുന്നു. സാമൂഹിക പ്രവര്‍ത്തകരെ ജയിലിലടച്ചതിന് മുഖ്യമന്ത്രി മാപ്പ് പറയണമെന്ന് ജയില്‍മോചിതനായ ഷാജിര്‍ഖാനും ആവശ്യപ്പെട്ടു.

ഏഴ് ദിവസമായി ജയിലില്‍ കഴിഞ്ഞതിന് ശേഷം ഇന്നാണ് തിരുവനന്തപുരം ഒന്നാം ക്ലാസ് ജുഡീഷ്യല്‍ മജിസ്‌ട്രേറ്റ് കോടതി മിനിക്കും മറ്റ് നാല് പേര്‍ക്കും ജാമ്യം അനുവദിച്ചത്. കെ.എം ഷാജഹാന്‍, ഷാജിര്‍ ഖാന്‍, മിനി, ഹിമവല്‍ ഭദ്രാനന്ദ, ശ്രീകുമാര്‍ എന്നിവര്‍ക്കാണ് ജാമ്യം കിട്ടിയത്.

സര്‍ക്കാര്‍ പ്രതിനിധികള്‍ ജിഷ്ണുവിന്റെ കുടുംബവുമായി നടത്തിയ മൂന്നര മണിക്കൂര്‍ നീണ്ട ചര്‍ച്ചയെ തുടര്‍ന്നാണ് സമരം അവസാനിപ്പിക്കാന്‍ ധാരണയായത്. കേസിലെ മൂന്നാം പ്രതിയായ കോളജ് വൈസ് പ്രിന്‍സിപ്പല്‍ ശക്തിവേലിനെ അറസ്റ്റു ചെയ്തതിനെ തുടര്‍ന്നാണ് സര്‍ക്കാര്‍ ചര്‍ച്ചനടത്തി വിഷയം ഒത്തുതീര്‍പ്പിലേക്ക് എത്തിയതെന്നാണ് നിഗമനം. കേസിലെ സ്പെഷ്യല്‍ പ്രോസിക്യൂട്ടര്‍ സി.പി ഉദയഭാനുവിന്റെ നേതൃത്വത്തിലായിരുന്നു ചര്‍ച്ച. ചര്‍ച്ചയ്ക്ക് ശേഷം മുഖ്യമന്ത്രി പിണറായി വിജയന്‍ മഹിജയെ ഫോണില്‍ വിളിക്കുകയുമുണ്ടായി. പോലീസ് നടപടിയില്‍ വീഴ്ചയുണ്ടെങ്കില്‍ പരിശോധിച്ച് നടപടിയെടുക്കാമെന്നും എല്ലാ പ്രതികളേയും ഉടന്‍ പിടികൂടുമെന്നും മുഖ്യമന്ത്രി മഹിജയ്ക്ക് ഉറപ്പ് നല്‍കി. ഇതോടെ സമരം അവസാനിപ്പിക്കാന്‍ തീരുമാനിക്കുകയായിരുന്നു.

കേസിലെ മൂന്നാം പ്രതിയും നെഹ്റു കോളേജിലെ വൈസ് പ്രിന്‍സിപ്പലുമായ എന്‍.കെ ശക്തിവേലിനെ ഇന്നാണ് അറസ്റ്റ് ചെയ്ത്. അഞ്ച് ദിവസങ്ങളായി സമരം നടത്തിവരുന്ന കുടുംബാംഗങ്ങളുടെ ആവശ്യം ലഘൂകരിക്കാന്‍ ഇത് സഹായകരമായെന്നാണ് നിഗമനം.

സമരം അവസാനിപ്പിക്കാന്‍ സര്‍ക്കാറിന്റെ ഭാഗത്തു നിന്ന് ശക്താമായ ശ്രമങ്ങളാണ് ഇന്ന് രാവിലെ മുതല്‍ നടന്നത്. സിപിഐ സംസ്ഥാന സെക്രട്ടറി കാനം രാജേന്ദ്രനാണ് പ്രശ്‌നത്തില്‍ ഒത്തു തീര്‍പ്പിന് മധ്യസ്ഥത വഹിച്ചത്. ജിഷ്ണുവിന്റെ അമ്മ മഹിജയെ സന്ദര്‍ശിക്കാനായി കാനം ആസ്പത്രിയിലും എത്തിയിരുന്നു. സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനുമായി നടന്ന ചര്‍ച്ചക്കു ശേഷമായിരുന്ന കാനത്തിന്റെ സന്ദര്‍ശനം.

ഒടുവില്‍ മുഖ്യമന്ത്രി പിണറായി വിജയനും വിഷയത്തില്‍ ഇടപെട്ടു. പിണറായി മഹിജയെ ഫോണില്‍ വിളിച്ചു കുറ്റക്കാരായ പൊലീസുകാര്‍ക്കെതിരെ നടപടിയെടുക്കുമെന്ന് ഉറപ്പുനല്‍കി. ഇതു കൂടാതെ സിപിഎം ജനറല്‍ സെക്രട്ടറി സീതാറാം യെച്ചൂരിയും മഹിജയുമായി ഫോണില്‍ സംസാരിച്ചിരുന്നു.