JODOYATHRA – Chandrika Daily

ഭാരത് ജോഡോയാത്ര കശ്മീരില്‍ ;സുരക്ഷ ശക്തമാക്കി: കനത്ത തണുപ്പിലും കോട്ട് വലിച്ചൂരി രാഹുല്‍

Chandrika Web — Sat, 21 Jan 2023 01:48:43 +0000

ജമ്മു: ആവേശകരമായ സ്വീകരണം ഏറ്റുവാങ്ങി രാഹുല്‍ഗാന്ധി നയിക്കുന്ന ഭാരത് ജോഡോയാത്ര ജമ്മു കശ്മീരില്‍ പ്രവേശിച്ചു. മുതിര്‍ന്ന കോണ്‍ഗ്രസ് നേതാക്കളും നാഷണല്‍ കോണ്‍ഫറന്‍സ് അധ്യക്ഷന്‍ ഫറൂഖ് അബ്ദുല്ലയും ദോഗ്ര സ്വാഭിമാന്‍ സംഘടനാ തലവന്‍ ചൗധരി ലാല്‍ സിങും ചേര്‍ന്ന് ലഖന്‍പൂരില്‍ ജോഡോ യാത്രയെ സ്വീകരിച്ചു. ഭാരത് ജോഡോയാത്രയെ തുടര്‍ന്ന് കശ്മീരില്‍ സുരക്ഷ ശക്തമാക്കിയിട്ടുണ്ട്. രാഹുല്‍ സഞ്ചരിക്കുന്ന റൂട്ടുകളില്‍ കൂടുതല്‍ സൈനികരെ വിന്യസിച്ചു. കനത്ത തണുപ്പിലും കോട്ട് വലിച്ചൂരി രാഹുല്‍.
ഇന്നലെ അതിര്‍ത്തി ഗ്രാമമായ ഹത്‌ലി മോറില്‍ നിന്നാണ് യാത്ര പുനരാരംഭിച്ചത്. ചാറ്റല്‍ മഴ വകവെക്കാതെ നൂറുകണക്കിന് ആളുകളാണ് രാഹുലിനെ വരവേല്‍ക്കാനെത്തിയത്. പരമവീര ചക്ര നേടിയ ക്യാപ്റ്റന്‍ ബനാ സിങ് ഉള്‍പ്പെടെ നിരവധി പ്രമുഖര്‍ യാത്രയില്‍ അണിചേര്‍ന്നു. കോണ്‍ഗ്രസ് ജമ്മു കശ്മീര്‍ ഘടകം പ്രസിഡന്റ് വികാര്‍ റസൂല്‍വാനി ഉള്‍പ്പെടെയുള്ള നേതാക്കളും രാഹുലിനെ അനുഗമിച്ചു. തനിക്ക് സ്വദേശത്തേക്കുള്ള മടങ്ങിവരവാണിതെന്ന് രാഹുല്‍ പറഞ്ഞു.
‘ഇവിടുത്തെ ജനങ്ങളുടെ കഷ്ടപ്പാടുകള്‍ അറിയുന്നുണ്ട്. കുനിഞ്ഞ ശിരസുമായാണ് നിങ്ങളുടെ അടുത്തേക്ക് വന്നത്. എന്റെ പൂര്‍വികര്‍ ഈ മണ്ണില്‍ പെട്ടവരായിരുന്നു. തനിക്ക് സ്വദേശത്തേക്കുള്ള മടക്കമാണിത്’- രാഹുല്‍ പറഞ്ഞു. വര്‍ഷങ്ങള്‍ക്ക് മുമ്പ് ശങ്കരാചാര്യര്‍ കന്യാകുമാരി മുതല്‍ കശ്മീര്‍ വരെ നടത്തിയ യാത്ര അനുസ്മരിച്ചായിരുന്നു ഫറൂഖ് അബ്ദുല്ലയുടെ പ്രസംഗം.

‘ഇന്ന് രാഹുല്‍ ശങ്കരാചാര്യരുടെ പാത പിന്തുടരുകയാണ് ചെയ്യുന്നത്. മതത്തിന്റെ പേരില്‍ ബി.ജെ.പി ആളുകളെ ഭിന്നിപ്പിച്ചു. ഇന്നത്തെ ഇന്ത്യ രാമന്റെ ഭാരതമോ ഗാന്ധിജിയുടെ ഹിന്ദുസ്ഥാനോ അല്ല. നമ്മള്‍ ഒരുമിച്ചാല്‍ വിദ്വേഷം രാഷ്ട്രീയത്തെ മറികടക്കാം’- ഫറൂഖ് അബ്ദുല്ല പറഞ്ഞു. കശ്മീരില്‍ 350 കിലോമീറ്റര്‍ ദൂരമാണ് രാഹുലും സംഘവും കാല്‍നടയായി സഞ്ചരിക്കുക. മൂന്ന് പ്രധാന പൊതുയോഗങ്ങളെയും രാഹുല്‍ അഭിസംബോധന ചെയ്യും. അതേസമയം സെപ്തംബറില്‍ കന്യാകുമാരിയില്‍ നിന്നാരംഭിച്ച യാത്ര ഈമാസം 30ന് ശ്രീനഗറില്‍ സമാപിക്കും. സമാപന സമ്മേളനത്തില്‍ 21 പ്രതിപക്ഷ പാര്‍ട്ടികള്‍ പങ്കെടുക്കും.

It's a Raincoat not a Jacket.
After the slight drizzle stopped @RahulGandhi removed it and continued to march.#BharatJodoYatra pic.twitter.com/rZBgevzYmj

— Kerala Pradesh Mahila Congress (@KeralaPMC) January 20, 2023

ഭാരത് ജോഡോ യാത്രക്കിടെ കോണ്‍ഗ്രസ് എം.പി കുഴഞ്ഞുവീണ ്മരിച്ചു

Chandrika Web — Sat, 14 Jan 2023 04:34:20 +0000

പഞ്ചാബിലെത്തിയ ഭാരത് ജോഡോ യാത്രക്കിടെ കോണ്‍ഗ്രസ് എം.പി കുഴഞ്ഞുവീണ ്മരിച്ചു. ജലന്ധര്‍ ഫില്ലൂരിലാണ ്‌സംഭവം. രാഹുല്‍ഗാന്ധിയോടൊപ്പം നടക്കുന്നതിനിടെ കുഴഞ്ഞുവീഴുകയായിരുന്നു. യാത്ര നിര്‍ത്തിവെച്ച് രാഹുല്‍ഗാന്ധി ആശുപത്രിയിലെത്തി. ആശുപത്രിയിലെത്തിച്ചെങ്കിലും രക്ഷിക്കാനായിരുന്നില്ല. സന്തോഖ് സിംഗാണ് മരിച്ചത്. ഇദ്ദേഹത്തിന് 76 വയസ്സുണ്ട്. കരഞ്ജിത് കൗര്‍ ആണ് ഭാര്യ. പഞ്ചാബ് മന്ത്രിയായിരുന്നു. ജലന്ധര്‍ എം.പിയാണ്. 2014ലും 19ലും വിജയിച്ചു. ഇന്ന് രാവിലെ പത്തുമണിയോടെയാണ് സംഭവം.

#WATCH | Punjab: Congress MP Santokh Singh Chaudhary was taken to a hospital in an ambulance in Ludhiana, during Bharat Jodo Yatra. Details awaited.

(Earlier visuals) pic.twitter.com/upjFhgGxQk

— ANI (@ANI) January 14, 2023

രാഹുല്‍ ഗാന്ധിക്ക് സുരക്ഷാഭീഷണി ; കോണ്‍ഗ്രസ് കേന്ദ്രത്തിന് കത്തെഴുതി

Chandrika Web — Wed, 28 Dec 2022 07:50:33 +0000

ജോഡോ യാത്രാനായകന്‍ രാഹുല്‍ഗാന്ധിക്ക് സുരക്ഷാഭീഷണി നേരിടുന്നതായി കോണ്‍ഗ്രസ് കേന്ദ്രസര്‍ക്കാരിന് കത്തെഴുതി. സെഡ് പ്ലസ് കാറ്റഗറിയുള്ള രാഹുലിന്റെയാത്ര ഡല്‍ഹിയില്‍ പ്രവേശിച്ചതുമുതല്‍ പലവിധത്തില്‍ അത് തടയാന്‍ ശ്രമിച്ചതായി ജനറല്‍ സെക്രട്ടറി കെ.സി വേണുഗോപാല്‍ കത്തില്‍ ആരോപിച്ചു.
ഏതൊരു പൗരനും യാത്ര ചെയ്യാന്‍ ഇന്ത്യയില്‍ അവകാശമുണ്ട്. ഡല്‍ഹി പൊലീസ് രാഹുലിന് സുരക്ഷയൊരുക്കുന്നതില്‍ വന്‍പരാജയമാണ്. പലവിധത്തിലും അക്രമികള്‍ ജോഡോ യാത്രയില്‍ നുഴഞ്ഞുകയറാന്‍ ശ്രമിക്കുന്നു. യാത്രയിലെ നേതാക്കളെപോലും ഇന്റലിജന്‍സുകാര്‍ തടയാന്‍ ശ്രമിക്കുന്നു. യാത്രയെ ഇല്ലാതാക്കാനാണ് കേന്ദ്രം ശ്രമിക്കുന്നതെന്ന ്പവന്‍ഖേരയും ആരോപിച്ചു. കേന്ദ്ര ആഭ്യന്തരമന്ത്രാലയത്തിനെഴുതിയ കത്തിനെക്കുറിച്ച് സര്‍ക്കാര്‍ പ്രതികരിച്ചിട്ടില്ല. പഞ്ചാബിലും കശ്മീരിലുമാണ് ഇനി യാത്ര തുടരേണ്ടത്. ഇത് മനസ്സിലാക്കി പ്രതികാരരാഷ്ട്രീയം കേന്ദ്രം ഉപേക്ഷിക്കണമെന്ന് വേണുഗോപാല്‍ ആവശ്യപ്പെട്ടു.