ഷഹബാസ് വെള്ളില
മലപ്പുറം: സംഘ്പരിവാര്‍ ഭീകരതയുടെ ഇരയായ ഹാഫിള് ജുനൈദിന്റെ പേരില്‍ വിദ്യാഭ്യാസ സമുച്ഛയം ഒരുങ്ങുന്നു. കുടുംബം മുന്‍കൈയെടുത്താണ് ജന്മനാട്ടില്‍ പുതിയ സംരംഭത്തിന് തുടക്കം കുറിക്കുന്നത്. ചെറുപ്രായത്തില്‍ തന്നെ വിശുദ്ധ ഖുര്‍ആന്‍ മനഃപ്പാഠമാക്കി ഗ്രാമീണര്‍ക്കെല്ലാം അഭിമാനമായ പതിനഞ്ചുകാരന് അനശ്വര സ്മാരകമൊരുക്കാനുള്ള ഉദ്യമത്തിന് പിന്തുണയും സഹകരണവും തേടി ജുനൈദിന്റെ ഉമ്മയും സഹോദരനും പാണക്കാട്ടെത്തി സയ്യിദ് ഹൈദരലി ശിഹാബ് തങ്ങളെ കണ്ടു.
റമസാന്‍ വ്രതമെടുത്ത് പെരുന്നാളിനുള്ള പുതുവസ്ത്രം വാങ്ങിക്കാനായി സഹോദരന്റെ കൂടെ ഡല്‍ഹിക്ക് പോയതായിരുന്നു ജുനൈദ്. പുതുവസ്ത്രവുമായി വരുന്ന മക്കളെ കാത്തിരുന്ന ഉമ്മ സാഹിറക്ക് മുന്നില്‍ മകന്റെ ചേതനയറ്റ ശരീരമാണ് വെള്ളപുതച്ചെത്തിയത്. ക്രൂരമായ മര്‍ദനത്തിനിരയായ മറ്റൊരു മകന്‍ ആസ്പത്രിയില്‍ ചികിത്സയിലായിരുന്നു. ഒരു പെണ്‍കുട്ടിയടക്കം എട്ടുമക്കളുള്ള കുടുംബം. ഇതില്‍ ജുനൈദക്കം മൂന്നുപേരും ഹാഫിള്. ഹാസിം, ഖാസിം എന്നിവരാണ് ഖുര്‍ആന്‍ മനഃപ്പാഠമാക്കിയവര്‍. ഹരിയാനയിലെ ബല്ലഭ്ഗഡ് പ്രദേശത്തെ മത-ഭൗതിക വിദ്യാഭ്യാസത്തിന് ഏറെ പ്രാധാന്യം നല്‍കിയ കുടുംബം. ജുനൈദിന്റെ ഓര്‍മ്മക്കായി വിദ്യാഭ്യാസ സമുച്ചയം സ്ഥാപിക്കാന്‍ തീരുമാനിച്ചതിന്റെ സന്തോഷ വിവരം പങ്കുവെക്കാനാണ് മകന്‍ കാസിമിനൊപ്പം ഉമ്മ പാണക്കാട്ടെത്തിയത്. രജിസ്‌ട്രേഷന്‍ പൂര്‍ത്തിയായ ‘ഹഫീസ് ജുനൈദ് ഡ്രീം സൊസൈറ്റി’ യുടെ കീഴിലായിരിക്കും വിദ്യാഭ്യാസ സമുച്ചയം. ഒരേക്കര്‍ സ്ഥലത്ത് ഗന്ധ്‌വാലി ഗ്രാമത്തിലാണ് മസ്ജിദ് അടങ്ങുന്ന വിദ്യാഭ്യാസ സമുച്ചയം നിര്‍മ്മിക്കുന്നത്. മുസ്‌ലിംലീഗ് പ്രസ്ഥാനം നല്‍കുന്ന നിയമ സഹായത്തിനും സാമ്പത്തിക സഹായത്തിനും അവര്‍ നന്ദിപറഞ്ഞു. വിദ്യാഭ്യാസ പ്രൊജക്ടിന് വേണ്ട സഹായവും പിന്തുണയും പ്രാര്‍ത്ഥനയും അഭ്യര്‍ത്ഥിച്ചു. മുസ്‌ലിംലീഗ് പാര്‍ട്ടി നല്‍കിയ വാഹനത്തിലാണ് സുപ്രീംകോടതിയില്‍ നടക്കുന്ന കേസിന് പോകുന്നത്. ഉപജീവനവും ഇതില്‍ നിന്ന് കിട്ടുന്ന വരുമാനത്തിലാണ്. ജുനൈദ് കൊല്ലപ്പെട്ടതിനെ തുടര്‍ന്ന് ഹരിയാന സര്‍ക്കാര്‍ നല്‍കുമെന്നറിയിച്ച 10 ലക്ഷം രൂപയും സര്‍ക്കാര്‍ ജോലിയും ലഭിച്ചില്ലെന്നും ഉമ്മ പറഞ്ഞു. മുസ്‌ലിംലീഗ് പാര്‍ട്ടി ഇക്കാര്യത്തില്‍ ഇടപെടുമെന്ന് ഉറപ്പുനല്‍കുന്നതായി തങ്ങള്‍ അറിയിച്ചു. മുസ്‌ലിംലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി, പാണക്കാട് സയ്യിദ് സാദിഖലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍, സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍ എന്നിവരേയും ഇവര്‍ സന്ദര്‍ശിച്ചു. ഇത് രണ്ടാം തവണയാണ് ജുനൈദിന്റെ കുടുംബം പാണക്കാട്ടെത്തുന്നത്. എം.എസ്.എഫ് ദേശീയ വൈസ് പ്രസിഡന്റ് അഹമ്മദ് സാജുവിനൊപ്പമാണ് ഇവരെത്തിയത്. പി ഉബൈദുല്ല എം.എല്‍.എ, എന്‍ സൂപ്പി എന്നിവരും പാണക്കാട്ടുണ്ടായിരുന്നു.

ജുനൈദ് കൊലപാതകത്തില്‍ വിചാരണ കോടതിയുടെ നടപടിപകള്‍ക്ക് പഞ്ചാബ്-ഹരിയാന ഹൈക്കോടതിയുടെ സ്‌റ്റേ. പെരുന്നാള്‍ വസത്രങ്ങള്‍ വാങ്ങി വരികയായിരുന്നു പതിനേഴുകാരനായ ജുനൈദിനെ ട്രെയിനില്‍ വെച്ച് അകാരണമായി ആള്‍ക്കൂട്ടം തല്ലിക്കൊല്ലുകയായിരുന്നു.

കേന്ദ്ര ഏജനന്‍സിയെ കൊണ്ട് അന്വേഷിപ്പിക്കണമെന്ന ജുനൈദിന്റെ കുടുംബത്തിന്റെ ആവശ്യം കാണിച്ചുള്ള നോട്ടീസ് ഡിവിന്‍ ബെഞ്ച് ഹരിയാന സര്‍ക്കാറിനും സി.ബി.ഐ ക്കു കൈമാറിയിരുന്നു. ഫരീദാബാദ് കോടതിയുടെ വിചാരണ നടപടികളാണ് ഹൈക്കോടതി ഇന്ന സ്‌റ്റേ ചെയ്തിരിക്കുന്നത്.

ഷംസീര് കേളോത്ത്

ന്യൂഡല്ഹി/ബല്ലഭ്ഘഢ്

ബീഫ് കഴിച്ചെന്നാരോപിച്ച്ദില്ലി ഹരിയാന ട്രെയിനില് പതിനാറുവയസ്സുകാരന് ജുനൈദ് അഹമദിനെ ജനക്കുട്ടം തല്ലിക്കൊന്ന കേസില് പ്രതിഭഗത്തെ സഹായിക്കുന്നുവെന്ന് കോടതി കണ്ടത്തിയ അഡീഷണല് അഡ്വക്കറ്റ് ജനറല് നവീന് കൗശിക്കിന് സംഘപരിവാറുമായി അടുത്ത ബന്ധം. സര്ക്കാര് അഭിഭാഷകന്റെ ഭാഗത്ത് നിന്നുണ്ടായത് തന്റെ ജോലിക്ക് ചേരാത്ത നടപടിയാണന്ന് ഫരീദാബാദ് അഡീഷണല് സെഷന് ജഡ്ജ് വൈഏസ്. റാത്തോഡ് തന്റെ ഇടക്കാല ഉത്തരവില് വിമര്ശിച്ചിരുന്നു. നവീന് കൗഷിക് ആര്ഏസ്ഏസ് പ്രവര്ത്തകനാണന്ന് ഇന്ത്യന്ഏക്‌സ്പ്രസ് പത്രം റിപ്പോര്ട്ട് ചെയ്തു. സംഘപരിവാര് സംഘടനയായ ഭാരതീയ ഭാഷാ അഭിയാന്റെ ഉത്തരമേഖലാ ഓര്ഗനൈസിംഗ് സിക്രട്ടറിയാണദ്ദേഹം. ആര്.ഏസ്.ഏസ്. അഫിലിയോറ്റഡ്് ആയിട്ടുള്ള അഭിഭാഷക സംഘടനയായ ആദിവക്ത പരിഷത്തിന്റെ പ്രവര്ത്തനങ്ങളില് ഇദ്ദേഹം സജീവമാണ്. ജുനൈദ് കേസ് അട്ടിമറിക്കാനുള്ള സജീവ നീക്കം നടക്കുന്നു ഏന്ന റിപ്പോര്ട്ടുകള്ക്കിടയിലാണ് സര്ക്കാര് തലത്തിലുള്ള സംഘപരിവാര് ഇടപെടലുകള് പുറത്ത്് വരുന്നത്്. 2014 തിരഞ്ഞടുപ്പ് കാലത്ത് ബിജെപിയെ പ്രതിനിധികരിച്ച് ചാനല് ചര്ച്ചകളില് നവീന് കൗഷിക് പങ്കെടുത്തിട്ടുണ്ട്. ജുനൈദ് കൊലപാതകത്തിലെ പ്രതി നരേശിന്റെ അഭിഭാഷകന് അഡീഷണല് അഡ്വക്കറ്റ് ജനറല് കോടതിയില് സാക്ഷിവിസ്താര സമയത്ത് ചോദ്യം ചോദിക്കുന്നതില് സഹായിച്ചു ഏന്നതാണ് വിമര്ശനമുയര്ത്തിയത്. ന്യൂനപക്ഷ വിഭാഗത്തിലെ വ്യക്തിയെ വര്ഗീയമായി കൊലപ്പെടുത്തി ഏന്ന കേസ് ലാഘവത്തെടെ കാണുന്ന പ്രോസിക്യൂഷനെ കോടതി വിമര്ശിച്ചിരുന്നു. കേസ് ഹരിയാനയില് നിന്നു മറ്റേതങ്കിലും സംസ്ഥാനത്തെക്ക്്് മാറ്റുന്നടക്കമുള്ള ആവശ്യമുന്നയിച്ചുള്ള ജുനൈദിന്റെ പിതാവ് സമര്പ്പിച്ച ഹരജി ഹൈകോടതിയുടെ പരിഗണനയിലാണുള്ളത്. ജുനൈദ് കേസ്്്് അട്ടിമറിക്കാനുള്ള ഹരിയാന ബിജെപി സര്ക്കാറിന്റെ ശ്രമങ്ങള്‌ക്കെതിരെ വിവിധ സംഘടകള് ഡല്ഹിയിലെ ഹരിയാന ഭവനിലേക്ക് ഇന്ന് മാര്ച്ച് നടത്തും.

പ്രതികളെ സഹായിച്ച ഹരിയാന സര്‍ക്കാരിന്റെ അഡീഷണല്‍ അഡ്വക്കേറ്റ് ജനറല്‍ നവീന്‍ കൗഷിക്കിന് എതിരെ നടപടി വേണമെന്ന് ഫരീദാബാദിലെ അഡീഷണല്‍ ജില്ല സെഷന്‍സ് ജഡ്ജി വൈ.എസ് റാത്തോഡാണ് നിര്‍ദേശിച്ചിരിക്കുന്നത്.
ഒക്ടോബര്‍ 24, 25 തീയതികളില്‍ നടന്ന കേസിലെ സാക്ഷി വിസ്താരത്തിന് ഇടയില്‍ അഡ്വ.ജനറല്‍, മുഖ്യപ്രതിയായ നരേഷ് കുമാറിനെ സഹായിക്കുന്ന നിലപാട് സ്വീകരിച്ചതായാണ് ജഡ്ജിയുടെ ആരോപണം. ഒക്ടോബര്‍ 25 ന് പുറപ്പെടുവിച്ച ഇടക്കാല ഉത്തരവിലാണ് ജില്ല സെഷന്‍സ് ജഡ്ജിയുടെ നിര്‍ദ്ദേശം വന്നത്.
കേസിലെ രണ്ട് സാക്ഷികളെ വിസ്തരിക്കുന്നതിനുള്ള ചോദ്യങ്ങള്‍ മുഖ്യ പ്രതിയായ നരേഷ് കുമാറിന്റെ അഭിഭാഷകര്‍ക്ക് അഡ്വ.ജനറല്‍ നവീന്‍ കൗശിക് പറഞ്ഞു കൊടുത്തതായി സെഷന്‍സ് ജഡ്ജി റാത്തോഡ് ഇടക്കാല ഉത്തരവില്‍ പരാമര്‍ശിച്ചിട്ടുള്ളത്.

ജുനെദിന്റെ കുടുംബം താമസിക്കുന്ന പ്രദേശത്തിനു ചുറ്റുപാടും ജാട്ട് സമുദായംഗങ്ങളുടെ ശക്തി കേന്ദ്രമാണ്. അതിനാല്‍ ജാട്ട് ഖാപ് പഞ്ചായത്തുകളുടെ ഭീഷണി ഗൗരവമേറിയതായാണ് വിലയിരുത്തപ്പെടുന്നത്. ഒക്ടോബര്‍ പതിനഞ്ചിനു ഖാന്‍ഡി ഖാപ് പഞ്ചായത്ത് തലവന്‍മാര്‍ ജുനൈദിന്റെ ഗ്രാമമായ ഖണ്ഡാവലി ഗ്രാമത്തിലെത്തുകയായിരുന്നു. ഏന്നാല്‍ ജുനൈദിന്റെ കുടുംബാംഗങ്ങള്‍ അവരുമായി സംസാരിക്കാന്‍ തയ്യാറായില്ല. എന്നാല്‍ വീണ്ടും പഞ്ചായത്ത്് കൂടി തങ്ങളുടെ കുടുംബത്തെ ഭയപ്പടുത്തി കേസില്‍നിന്നും പന്‍വലിക്കാനാണവര്‍ ശ്രമിക്കുന്നതെന്ന് ജുനൈദിന്റ പിതാവ് ജലാലുദ്ദീന്‍ പറഞ്ഞു.

പിതാവ് ഹൃദ്രോഗ സംബന്ധമായ ശസ്ത്രക്രിയക്ക് ശേഷം വിശ്രമത്തിലാണ്. നൂറോളം ഗ്രാമങ്ങളുടെ ഗ്രാമതലവന്‍മാര്‍ ചേര്‍ന്ന് ഒക്ടോബര്‍ 22ന് ഖാപ്മഹാപഞ്ചായത്ത്് ചേരാന്‍ തീരുമാനിച്ചിരുന്നു. എന്നാല്‍ ബല്ലബ്ഗഢ്് പോലീസ് കമ്മീഷണര്‍ ഹനീഫ് ഖുറേഷി ഇടപെട്ടത്് കൊണ്ടാണത്് നടക്കാതെ പോയതെന്നും ജുനൈദിന്റെ കൂടുംബം പറയുന്നു. സാക്ഷിമൊഴികളും സാഹചര്യ തെളിവുകളും പ്രതികള്‍ക്കെതിരെ ശക്തമാണെന്നതിനാല്‍ പ്രതികള്‍ക്ക് ശിക്ഷ ലഭിക്കുമെന്നതാണ് അവരെ പ്രകോപിപിക്കുന്നെതന്നാണ് കരുതുന്നത്.

കോടതിക്ക് പുറത്ത് കേസ് ഒത്ത്തീര്‍പ്പാക്കിയാല്‍ ഗ്രാമത്തില്‍ സമാധാനം നിലനില്‍ക്കുമെന്നാണവര്‍ ഭീഷണി സ്വരത്തില്‍ പറഞ്ഞ് വെക്കുന്നതെന്നും ജുനൈദിന്റെ പിതാവ് ചന്ദ്രികയോട് പറഞ്ഞു. 2017 ജൂണ്‍ 22നാണ് കേസിനാസ്പദമായ സംഭവം നടക്കുന്നത്.

ഡല്‍ഹിയിലെ സദര്‍ ബസാറില്‍നിന്നും ഹരിയാനയിലെ ബല്ലബ്ഗഢിലേക്ക് തീവണ്ടി കയറിയ ജുനൈദ് അടക്കമുള്ളവരെ ജനക്കുട്ടം വംശീയ അധിക്ഷേപമുന്നയിച്ച് ആക്രമിക്കുകയായിരുന്നു. അക്രമികള്‍ ജുനൈദിനെ കുത്തിപ്പരിക്കേല്‍പിക്കുകയും പ്ലാറ്റ്‌ഫോമില്‍വെച്ച് ചോരവാര്‍ന്ന് കൊല്ലപ്പെടുകയുമായിരുന്നു. രാജ്യത്ത് ബീഫിന്റെ പേരില്‍ ആള്‍കൂട്ട കൊലപാതകങ്ങള്‍ വര്‍ദ്ധിച്ചുവരുന്ന സാഹചര്യത്തില്‍ കൗമാരക്കാരനായ ജുനൈദിന്റെ കൊലപാതകത്തില്‍ രാജ്യാന്തരതലത്തില്‍ പോലും പ്രതിഷേധം ഉയര്‍ന്നു വന്നിരുന്നു. പോലീസ് ആറു പേര്‍ക്കെതിരെയാണ് കുറ്റപത്രം സമര്‍പ്പിച്ചിട്ടുള്ളത്.

ഇതില്‍ നാലു പേര്‍ക്ക് ഇതിനകം ജാമ്യം ലഭിച്ചിട്ടുണ്ട്. രണ്ട് പേര്‍ക്കെതിരെ കൊലക്കുറ്റത്തിനാണ് കേസ് രജിസ്റ്റര്‍ ചെയ്തിട്ടുള്ളത്. നാലുപേര്‍ക്ക് ഫരീദാബാദ് സെഷന്‍ കോടതി ജാമ്യം അനുവദിച്ചതിനെതിരെ ജുനൈദിന്റെ പിതാവ് ഹരിയാന ഹൈക്കോടതിയില്‍ ഹരജി ഫയല്‍ ചെയ്തിച്ചുണ്ട്. ഹരിയാന പൊലീസിന്റെ കേസന്വേഷണത്തില്‍ തങ്ങള്‍ക്ക് തൃപ്തിയില്ലന്ന് കാണിച്ച് സി. ബി.ഐ അന്വേഷണം ആവശ്യപ്പെട്ട് ജുനൈദിന്റെ കുടുംബം സമര്‍പ്പിച്ച ഹരജി ഹൈക്കോടതിയുടെ പരിഗണനയിലാണ്.

കഴിഞ്ഞ ദിവസം ഡല്‍ഹിയിലെത്തിയ കേരള മുഖ്യമന്ത്രി പിണറായി വിജയനെ ജുനൈദിന്റെ മാതാപിതാക്കളും കുടുംബാംഗങ്ങളും സന്ദര്‍ശിച്ചിരുന്നു. ജുനൈദിന്റെ മാതാപിതാക്കളായ ജലാലുദ്ദീന്‍, ഷാഹിറ, സഹോദരങ്ങളായ ഹാഷിം, ഷാഖിര്‍ എന്നിവരും മറ്റു ബന്ധുക്കളുമാണ് കേരളഹൗസില്‍ മുഖ്യമന്ത്രിയെ കാണാനെത്തിയത്. രാജ്യത്തെ മതനിരപേക്ഷസമൂഹം കുടുംബത്തിന് പിന്തുണയുമായി എപ്പോഴും കൂടെയുണ്ടാകുമെന്ന് മുഖ്യമന്ത്രി പറഞ്ഞിരുന്നു.

നേരത്തെ ജുനൈദിന്റെ പിതാവ് ജലാലുദ്ദീന് മുസ്ലിംലീഗ് ടാക്സി കാര്‍ നല്‍കിയിരുന്നു.  ടാക്സി ഡ്രൈവിങ് നടത്തി ഉപജീവനം നടത്തിയിരുന്ന ജലാലുദ്ദിന്റെ ഓട്ടോറിക്ഷ നേരത്തെ വിറ്റിരുന്നു. ഹരിയാനയിലെ ഫരീദാബാദില്‍ നടന്ന ചടങ്ങിലാണ് മാരുതി ഇക്കോ കാര്‍ പാര്‍ട്ടി നേതൃത്വം സമ്മാനിച്ചത്. സാദിഖലി ശിഹാബ് തങ്ങള്‍ കാറിന്റെ താക്കോല്‍ ജലാലുദ്ദീന് കൈമാറി. മുസ്ലിം ലീഗ് നേതാക്കളായ പി.കെ കുഞ്ഞാലിക്കുട്ടി എം.പി, ഇ.ടി മുഹമ്മദ് ബഷീര്‍ എം.പി, ഡോ.എം.കെ മുനീര്‍, പി.വി അബ്ദുല്‍ വഹാബ് എം.പി, സി.കെ സുബൈര്‍ എന്നിവര്‍ സംബന്ധിച്ചു.

ടാക്‌സി ഡ്രൈവിങ് നടത്തി ഉപജീവനം നടത്തിയിരുന്ന ജലാലുദ്ദിന്റെ ഓട്ടോറിക്ഷ നേരത്തെ വിറ്റിരുന്നു. നേരത്തെ ജുനൈദിന്റെ വീട് സന്ദര്‍ശിച്ച സമയത്ത് മുസ്‌ലിം ലീഗ് നേതൃത്വം വാഹനം നല്‍കുമെന്ന് വാഗ്ദാനം ചെയ്തിരുന്നു.
സാദിഖലി ശിഹാബ് തങ്ങള്‍ കാറിന്റെ താക്കോല്‍ ജലാലുദ്ദീന് കൈമാറി. മുസ്‌ലിം ലീഗ് നേതാക്കളായ പി.കെ കുഞ്ഞാലിക്കുട്ടി എം.പി, ഇ.ടി മുഹമ്മദ് ബഷീര്‍ എം.പി, ഡോ.എം.കെ മുനീര്‍, പി.വി അബ്ദുല്‍ വഹാബ് എം.പി, സി.കെ സുബൈര്‍ എന്നിവര്‍ സംബന്ധിച്ചു

ജുനൈദിന്റെ കൊലപാതകത്തിന് ബീഫുമായി ബന്ധമില്ലെന്ന് സ്ഥാപിക്കാന്‍ ശ്രമിക്കുന്നതായിരുന്നു റെയില്‍വെ പൊലീസിന്റെ ഭാഷ്യം. കേസില്‍ ബീഫ് സംബന്ധിച്ച പരാമര്‍ശമില്ലെന്ന് സൂപ്രണ്ട് പ്രതികരിച്ചു.

സീറ്റ് തര്‍ക്കം കയ്യാങ്കളിയിലേക്കും അക്രമത്തിലേക്കും നീങ്ങുകയായിരുന്നു. കുത്തേറ്റ ജുനൈദിനെ ആരം ആസ്പത്രിയിലെത്തിച്ചില്ല. രക്തം വാര്‍ന്നാണ് ജുനൈദ് മരിച്ചത്. ജുനൈദിനെ കുത്താനുപയോഗിച്ച കത്തി കണ്ടെത്താനുള്ള ശ്രമത്തിലാണെന്നും റെയില്‍വെ പൊലീസ് സൂപ്രണ്ട് പറഞ്ഞു.

ബീഫിന്റെ പേരില്‍ ആക്രമിക്കപ്പെട്ട ജുനൈദിന്റെ സഹോദരന്‍ സയ്യിദ് ഹൈദരലി ശിഹാബ് തങ്ങളെയും മുസ്ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടിയേയും പാണക്കാട്ട് കൊടപ്പനക്കല്‍ തറവാട്ടിലെത്തി
സന്ദര്‍ശിച്ചു. ഇന്നു നടക്കുന്ന മുസ്ലിം ലീഗ് റാലിയില്‍ പങ്കെടുക്കാനുള്ള ക്ഷണം സ്വീകരിച്ച് കേരളത്തിലെത്തിയതായിരുന്നു ജുനൈദിന്റെ സഹോദരന്‍

<iframe src=”https://www.facebook.com/plugins/post.php?href=https%3A%2F%2Fwww.facebook.com%2Fpkkunhalikutty%2Fposts%2F1367112480010874%3A0&width=500″ width=”500″ height=”747″ style=”border:none;overflow:hidden” scrolling=”no” frameborder=”0″ allowTransparency=”true”></iframe>