അതേസമയം, സുപ്രീംകോടതി അറസ്റ്റ് വാറണ്ട് പുറപ്പെടുവിച്ച മെയ് 10 മുതല്‍ ഒളിവിലാണ് കര്‍ണന്‍. രാജ്യത്തെ നീതിന്യായ ചരിത്രത്തില്‍ ആദ്യമായി കോടതിയലക്ഷ്യ കേസില്‍ ചീഫ് ജസ്റ്റിസ് ജെ.എസ് ഖേഹാര്‍ അധ്യക്ഷനായ സുപ്രീംകോടതി ബഞ്ച് ആറു മാസം തടവ് വിധിച്ചിരുന്നു. കേസിലെ നടപടിക്രമങ്ങള്‍ക്കിടെ അദ്ദേഹത്തെ എല്ലാ ജുഡീഷ്യല്‍ വ്യവഹാരങ്ങളില്‍ നിന്നും മാറ്റി നിര്‍ത്തിയിരുന്നു. സുപ്രീംകോടതി ഉത്തരവുള്ളതു കൊണ്ടാണ് കര്‍ണന്‍ ഹൈക്കോടതിയില്‍ ഹാജരാകാതിരുന്നതെന്ന് അദ്ദേഹത്തിന്റെ അഭിഭാഷകന്‍ പീറ്റര്‍ രമേശ് കുമാര്‍ പറഞ്ഞു.
സംഭവത്തില്‍ കര്‍ണന്‍ മാപ്പപേക്ഷ നല്‍കിയിരുന്നെങ്കിലും സുപ്രീം കോടതി അതു തള്ളിയിരുന്നു. അതേസമയം, ജയില്‍ശിക്ഷ ഒഴിവാക്കാമെന്ന അപേക്ഷ പരിഗണിക്കാമെന്ന് കോടതി അറിയിച്ചിരുന്നു. മദ്രാസ് ഹൈക്കോടതിയിലെ ജഡ്ജി നിയമനവുമായി ബന്ധപ്പെട്ട ആരോപണങ്ങളിലാണ് അദ്ദേഹത്തിനെതിരായ കോടതിയലക്ഷ്യ നടപടികള്‍ ആരംഭിച്ചിരുന്നത്.

കഴിഞ്ഞ ദിവസമാണ് സുപ്രീംകോടതി കര്‍ണന് ആറുമാസം ജയില്‍ശിക്ഷ വിധിച്ചത്. പിറ്റേദിവസം അറസ്റ്റുചെയ്യാനായി ചെന്നൈയിലെ കര്‍ണന്റെ വസതിയിലെത്തിയ കൊല്‍ക്കത്ത അന്വേഷണ സംഘത്തിന് കര്‍ണനെ കാണാനായില്ല. കര്‍ണ്ണന്‍ ആന്ധ്രയിലേക്ക് കടന്നുവെന്നായിരുന്നു ചെന്നൈ പോലീസ് അറിയിച്ചത്. അതിനിടെ, കര്‍ണന്‍ രാജ്യം വിട്ടുവെന്ന രീതിയിലും വാര്‍ത്തകള്‍ പരന്നിരുന്നു. എന്നാല്‍ ഇന്ന് കോടതിയില്‍ ഹാജരായ അഭിഭാഷകര്‍ കര്‍ണന്‍ ചെന്നൈയിലുണ്ടെന്നും കോടതി ശിക്ഷ പിന്‍വലിക്കണമെന്നും കോടതിയില്‍ അറിയിച്ചു.

ചെന്നൈ ഹൈക്കോടതി ചീഫ് ജസ്റ്റിസിനും മറ്റു ജഡ്ജിമാര്‍ക്കുമെതിരെ ഉന്നയിച്ച ആരോപണങ്ങളെ തുടര്‍ന്നാണ് കര്‍ണനെതിരെ കോടതിയലക്ഷ്യ നടപടികള്‍ ആരംഭിച്ചത്. ചീഫ് ജസ്റ്റിസ് ഖേഹറിനേയും ഏഴു ജഡ്ജിമാരേയും അഞ്ചുവര്‍ഷത്തെ കഠിനതടവിന് കര്‍ണന്‍ ശിക്ഷിച്ചിരുന്നു. നേരത്തെ സുപ്രീംകോടതി കര്‍ണന്റെ ജുഡീഷ്യല്‍ അധികാരങ്ങള്‍ എടുത്തുകളഞ്ഞിരുന്നു. എന്നിട്ടും ഉത്തരവിറക്കിയപ്പോള്‍ കര്‍ണന്റെ മാനസിക നില പരിശോധിക്കാന്‍ കോടതി ഉത്തരവിട്ടു. തുടര്‍ന്ന് പരിശോധനക്കെത്തിയ മെഡിക്കല്‍ സംഘത്തെ കര്‍ണന്‍ തിരിച്ചയക്കുകയായിരുന്നു. ഇതിനെ തുടര്‍ന്നാണ് കര്‍ണന് കോടതിയലക്ഷ്യക്കേസിന് സുപ്രീംകോടതി തടവുശിക്ഷ വിധിച്ചത്.

തുടര്‍ന്ന് ആന്ധ്രയിലേക്ക് പോകാനൊരുങ്ങുകയാണ് കൊല്‍ക്കത്തയില്‍ നിന്നെത്തിയ പ്രത്യേക അന്വേഷണസംഘം. കോടതിയിലക്ഷ്യക്കേസിലാണ് ജസ്റ്റിസ് കര്‍ണന് സുപ്രീംകോടതി ആറുമാസത്തേക്ക് തടവുശിക്ഷ വിധിച്ചത്. ഇതിനെതിരെ നടത്തുന്ന പ്രസ്താവനകള്‍ മാധ്യമങ്ങള്‍ റിപ്പോര്‍ട്ട് ചെയ്യരുതെന്നും കോടതി നിര്‍ദ്ദേശിച്ചിരുന്നു. ഇന്നലെയാണ് കോടതിവിധി പുറത്തുവന്നത്.

നേരത്തെ കര്‍ണന്റെ മാനസിക നില പരിശോധിക്കാന്‍ കോടതി ഉത്തരവിട്ടിരുന്നു. തുടര്‍ന്ന് പരിശോധനക്ക് അയച്ച മെഡിക്കല്‍ സംഘത്തെ കര്‍ണന്‍ തിരിച്ചയക്കുകയായിരുന്നു. പിന്നീട് കോടതിയലക്ഷ്യത്തിന് കേസെടുത്ത സുപ്രീംകോടതി കര്‍ണനെ ആറുമാസം ജയിലിലടക്കാന്‍ ഉത്തരവിടുകയായിരുന്നു. എന്നാല്‍ പോലീസിന് കര്‍ണനെ കണ്ടെത്താനായില്ല.

കര്‍ണ്ണനെ ഉടന്‍ ജയിലില്‍ അടയ്ക്കണമെന്ന് ഉത്തരവിട്ട സുപ്രീംകോടതി ഇതിനെതിരെ ജസ്റ്റിസ് കര്‍ണ്ണന്‍ ഏതെങ്കിലും തരത്തിലുള്ള പരാമര്‍ശം നടത്തിയാല്‍ അവ പ്രസിദ്ധീകരിക്കരുതെന്ന് മാധ്യമങ്ങളോട് അറിയിച്ചു. ഹൈക്കോടതി ജഡ്ജിയായത് കൊണ്ട് കോടതിയലക്ഷ്യ നിയമം ബാധകമാവില്ലെന്ന് കരുതേണ്ട. എല്ലാവര്‍ക്കും നിയമം ഒരുപോലെയാണെന്നും കോടതി പറഞ്ഞു.

നേരത്തെ ഈ കേസില്‍ കര്‍ണന്റെ മാനസിക നില പരിശോധിക്കാന്‍ സുപ്രീം കോടതി ഉത്തരവിട്ടിരുന്നു. എന്നാല്‍ കര്‍ണന് യാതൊരു തരത്തിലുമുള്ള മാനസിക പ്രശ്‌നങ്ങളില്ലെന്ന് മെഡിക്കല്‍ സംഘം റിപ്പോര്‍ട്ട് നല്‍കിയെന്നും പൂര്‍ണ്ണ ബോധത്തോടെയാണ് കര്‍ണന്‍ ഇതൊക്കെ പറയുന്നതെന്നും കോടതി കണ്ടെത്തുകയായിരുന്നു. പിന്നീട് സുപ്രീം കോടതി ചീഫ് ജസ്റ്റിസ് അടക്കം ഏഴ് ന്യായാധിപന്‍മാര്‍ക്ക് അഞ്ച് വര്‍ഷം വീതം തടവ് വിധിക്കുകയായിരുന്നു ജഡ്ജി സി.എസ് കര്‍ണന്‍. എന്നാല്‍ സുപ്രീംകോടതി കോടതിയലക്ഷ്യ കേസില്‍ കര്‍ണ്ണന് ആറുമാസത്തെ തടവുശിക്ഷ വിധിക്കുകയായിരുന്നു. സുപ്രീം കോടതി ശിക്ഷ വിധിച്ച സാഹചര്യത്തില്‍ കര്‍ണ്ണനെ ഉടനെ അറസ്റ്റ് ചെയ്യേണ്ടിവരും.

എന്നാല്‍ കഴിഞ്ഞ ദിവസം ജസ്റ്റിസ് കര്‍ണനെ വൈദ്യപരിശോധനക്ക് വിധേയമാക്കണമെന്ന് സുപ്രീംകോടതിയുടെ ഈ ഏഴംഗബെഞ്ച് ഉത്തരവിട്ടിരുന്നു. എന്നാല്‍ മനോനില പരിശോധിക്കാന്‍ തന്റെ അനുവാദം വേണമെന്നും കാണിച്ച് തടഞ്ഞിരുന്നു. ഉത്തരവ് പുറപ്പെടുവിച്ച ജഡ്ജിമാരുടെ ആരോഗ്യനില പരിശോധിക്കാന്‍ കര്‍ണനും ഉത്തരവിട്ടിരുന്നു.

അഴിമതിക്കാരായ ഏഴു ജഡ്ജിമാരാണ് തന്റെ കേസ് പരിഗണിക്കുന്നത്. അതുകൊണ്ടുതന്നെ സുപ്രീംകോടതി ഉത്തരവ് നിയമാനുസൃതമല്ല. തന്നെ വൈദ്യപരിശോധനക്ക് ഹാജരാക്കാന്‍ ശ്രമിച്ച ബംഗാള്‍ ഡിജിപിയെ സസ്‌പെന്‍ഡ് ചെയ്യണമെന്നും അദ്ദേഹം നിര്‍ദ്ദേശിച്ചിട്ടുണ്ട്. ജഡ്ജിമാര്‍ക്കെതിരെ അഴിമതി ആരോപണം ഉന്നയിച്ച ജസ്റ്റിസ് കര്‍ണന്‍ നിലവില്‍ കോടതിയലക്ഷ്യ നടപടികള്‍ നേരിട്ടുവരികയാണ്. മെയ് ഒന്നിന് മുമ്പ് സുപ്രീംകോടതി ജഡ്ജിമാര്‍ തന്റെ വസതിയില്‍ ഹാജരാകണമെന്ന് ഉത്തരവിട്ടിരുന്നു.

മാപ്പു പറഞ്ഞില്ലങ്കില്‍ കോടതിയലക്ഷ്യ നടപടികളുമായി മുന്നോട്ട് പോകുമെന്ന് കോടതി വ്യക്തമാക്കിയപ്പോഴാണ് കര്‍ണന്റെ മറുപടി. ജഡ്ജിമാര്‍ക്കെതിരെയുള്ള അഴിമതി ആരോപണങ്ങള്‍ ആവര്‍ത്തിച്ച കര്‍ണന്‍ ഇക്കാര്യത്തില്‍ അന്വേഷണം വേണമെന്നും ആവശ്യപ്പെട്ടു. സുപ്രീംകോടതി ജഡ്ജിമാരെ പരസ്യമായി വിമര്‍ശിച്ചതിനാണ് ജസ്റ്റിസ് കര്‍ണനെതിരെ കേസെടുത്തത്.