വേനല്‍ക്കാല സീസണില്‍ തന്നെ താരത്തെ ലേലത്തില്‍ വയ്ക്കുമെന്നാണ് ദ സണ്‍ പറയുന്നത്. ആഴ്ചയില്‍ 540,000 പൗണ്ടാണ് ക്ലബ് താരത്തിനായി മുടക്കുന്നത്. ഏറ്റവും കൂടുതല്‍ ശമ്പളം വാങ്ങുന്ന തൊട്ടു താഴെയുള്ള മാറ്റിസ് ഡി ലിറ്റിനേക്കാള്‍ നാലു മടങ്ങ് തുകയാണ് ക്ലബ് ക്രിസ്റ്റ്യാനോയ്ക്കായി മുടക്കുന്നത്.

2018ല്‍ നൂറ് ദശലക്ഷം പൗണ്ടിനാണ് ക്രിസ്റ്റ്യാനോ റയല്‍ മാഡ്രിഡില്‍ നിന്ന് യുവന്റസിലെത്തിയിരുന്നത്. രണ്ടര വര്‍ഷത്തിനിടെ 94 കളികളില്‍ നിന്ന് 71 ഗോളുകളാണ് താരം നേടിയിട്ടുള്ളത്. രണ്ടു തവണ സീരി എ കിരീടവും സ്വന്തമാക്കി.

ഒരു സീസണില്‍ 28 ദശലക്ഷം പൗണ്ടാണ് നിലവില്‍ റോണോയുടെ സമ്പാദ്യം. സഹതാരം പൗളോ ഡിബാലയുടെ ശമ്പളത്തേക്കാള്‍ അഞ്ചു മടങ്ങ് കൂടുതലാണിത്.

കളിയില്‍ മാത്രമല്ല, കാശിന്റെ കാര്യത്തിലും അതിസമ്പന്നനാണ് ക്രിസ്റ്റ്യാനോ. അതു കൊണ്ടു തന്നെ ഇത്രയും വലിയൊരു താരത്തെ നോക്കാനുള്ള സാമ്പത്തിക ശേഷി ഇപ്പോള്‍ യുവന്റസിനില്ല. പ്രത്യേകിച്ചും കോവിഡ് മഹാമാരിക്കു ശേഷം. ക്രിസ്റ്റിയാനോയെ വിറ്റ് കാശാക്കാന്‍ ക്ലബ് ഉദ്ദേശിക്കുന്നതും അതു കൊണ്ടു തന്നെ.

അതേസമയം, ചില്ലിനിയെ കടിച്ച സംഭവത്തില്‍ ഫിഫയുടെ വിലക്ക് നേരിട്ട സുവാരസ് അന്നുതന്നേ കുറ്റമേറ്റുപറഞ്ഞ് മാപ്പു പറഞ്ഞിരുന്നു. സംഭവത്തില്‍ ഖേദിക്കുന്നുവെന്നും ചില്ലിനിയോടും ഫുട്‌ബോള്‍ കുടുംബത്തോടും ക്ഷമ ചോദിക്കുന്നുവെന്നും ഇത്തരം സംഭവങ്ങള്‍ ആവര്‍ത്തിക്കുകയില്ലെന്നുമാണ് അന്ന് സുവാരസ് പറഞ്ഞത്.

സുവരാസ് യുവന്റസിലെത്തുന്നതോടെ ലോക ഫുട്‌ബോള്‍ ചരിത്രത്തിലെ ഒരു അപൂര്‍വ നേട്ടത്തിനും താരം ഉടമയാവും. ആധുനിക ഫുട്‌ബോളിലെ ഇതിഹാസ താരങ്ങളായ ലയണല്‍ മെസിക്കും ക്രിസ്റ്റ്യാനോ റൊണാള്‍ഡോയ്ക്കും ഒപ്പം നിന്ന് കളിക്കുന്ന പതിനാലാമത്തെ താരമായി സുവാരസ് മാറും. 13 കളിക്കാരണ് ഇതിനകം ഇരുവര്‍ക്കുമൊപ്പം കളിച്ചത്. ക്ലബ്ബ് തലത്തില്‍ മാത്രം നോക്കിയാല്‍ നാലാമത്തെ താരമാവും സുവാരസ്. ലോകതാരമായ മെസ്സിക്കൊപ്പം ബാഴ്സയില്‍ ആറ് സീസണില്‍ കളിച്ച താരം യുവന്റസില്‍ ലോകതാരം ക്രിസ്റ്റ്യാനോ റൊണാള്‍ഡോയ്‌ക്കൊപ്പം കളിക്കുമെന്നതാണ് കൗതുകം.

ലയണല്‍ മെസിയുടെ ഏറ്റവും അടുത്ത സുഹൃത്തായ സുവാരസ് ബാഴ്‌സലോണ വിടുന്ന കാര്യം ടീം മാനേജ്‌മെന്റിനെ അറിയിച്ചിട്ടുണ്ട്. മെസി ബാഴ്‌സയില്‍ തുടരുകയാണെന്ന് തീരുമാനിച്ചതോടെ സുവാരസും ക്ലബ്ബ് വിടുന്നതില്‍ നിന്ന് പിന്‍മാറുമോയെന്ന് സംശയങ്ങളുണ്ടായിരുന്നു. എന്നാല്‍ താരം തന്റെ തീരുമാനം മാറ്റില്ലെന്ന് ഉറപ്പിച്ചിരിക്കയാണ്. പുതിയ പരിശീലകന്‍ റൊണാള്‍ഡ് കോമാന്റെ താത്പര്യക്കുറവാണ് സുവാരസിന് ബാഴ്സയില്‍ നിന്ന് പുറത്തേക്കുള്ള വഴി തുറക്കുന്നത്. 10 മില്യണ്‍ യൂറോയ്ക്ക് രണ്ട് വര്‍ഷത്തെ കരാറില്‍ സുവാരസിനെ എത്തിക്കാനാണ് യുവന്റസിന്റെ ശ്രമമെന്ന് സ്പാനിഷ് മാധ്യമമായ മാര്‍ക്ക റിപ്പോര്‍ട്ട് ചെയ്യുന്നു. അത്‌ലറ്റികോ മാഡ്രിഡ്, പിഎസ്ജി, ലെസ്റ്റര്‍ സിറ്റി തുടങ്ങിയ ടീമുകളും സുവാരസിനെ എത്തിക്കാന്‍ താല്‍പര്യം പ്രകടിപ്പിച്ചിരുന്നു.

എയ്ഞ്ചല്‍ ഡി മരിയയുടെ ഇരട്ട ഗോളുകളാണ് പി.എസ്.ജിയുടെ ജയത്തില്‍ നിര്‍ണായകമായത്. 14, 33 മിനിറ്റുകളിലായിരുന്നു മരിയയയുടെ ഗോളുകള്‍. ഇഞ്ചുറി ടൈമില്‍ തോമസ് മ്യൂനിയര്‍ കൂടി ഗോള്‍ നേടി റയലിന്റെ പതനം പൂര്‍ത്തിയാക്കി. നെയ്മര്‍, എംബാപ്പേ, കവാനി എന്നിവരില്ലാതെയാണ് ഹോം ഗ്രൗണ്ടില്‍ പി.എസ്.ജിയുടെ തകര്‍പ്പന്‍ ജയം.

ക്രിസ്റ്റ്യാനോ റൊണാള്‍ഡോ ഗോള്‍ നേടാതിരുന്ന മത്സരത്തില്‍ യുവന്റസ് 22ന് അത്‌ലറ്റികോയുമായി സമനിലയില്‍ പിരിഞ്ഞു. യുവന്റസിന് വേണ്ടി യുവാന്‍ ക്വാര്‍ഡ്രഡോ, ബ്ലെയ്‌സെ മറ്റിയൂദി എന്നിവരാണ് ലക്ഷ്യം കണ്ടത്. അത്‌ലറ്റിക്കോയ്ക്കായി സ്‌റ്റെഫാന്‍ സാവിക്കും ഹെക്ടര്‍ ഹെരേരയും ഗോളുകള്‍ തിരിച്ചടിച്ചു. രണ്ട് ഗോളുകള്‍ക്ക് മുന്നിട്ടു നിന്ന യുവന്റസിനെ ശക്തമായ തിരിച്ചടിയിലൂടെ അത്‌ലറ്റികോ മാഡ്രിഡ് സമനിലയില്‍ കുരുക്കുകയായിരുന്നു.

ഷക്തറിനെതിരായ മത്സരത്തില്‍ ഇംഗ്ലീഷ് ചാംപ്യന്മാരായ മാഞ്ചസ്റ്റര്‍ സിറ്റിക്കായി റിയാദ് മഹ്‌റേസ്, ഇല്‍കെ ഗുന്‍ഡോഗന്‍, ഗബ്രിയേല്‍ ജീസസ് എന്നിവരാണ് ഗോളുകള്‍ നേടിയത്. ഗ്രൂപ്പ് ബിയില്‍ ബയേണ്‍ മ്യൂണിക്ക്, റെഡ് സ്റ്റാര്‍ ബെല്‍ഗ്രേഡ് ഏകപക്ഷീയമായ മൂന്ന് ഗോളുകള്‍ക്ക് തകര്‍ത്തു. കിങ്സ്ലീ കോമണ്‍, റോബര്‍ട്ട് ലിവാന്‍ഡോവ്‌സ്‌കി, തോമസ് മുള്ളര്‍ എന്നിവരുടേയാതയിരുന്നു ഗോളുകള്‍.

മറ്റു മത്സരഫലങ്ങള്‍: ഡൈനാമോ സഗ്രേബ് 4 0 അറ്റ്‌ലാന്റ, ബയേര്‍ 1 2 ലോകോമോട്ടീവ് മോസ്‌കോ, ഒളിംപിയാകോസ് 22 ടോട്ടന്‍ഹാം, ക്ലബ് ബ്രുഗെ 00 ഗലത്‌സറെ.

യുവന്തസ്-ജിനോവ മല്‍സരത്തിന്റെ ടിക്കറ്റ് എല്ലാം വിറ്റഴിഞ്ഞപ്പോഴാണ് കൃസ്റ്റിയാനോ റൊണാള്‍ഡോ മല്‍സരത്തിലുണ്ടാവില്ലെന്ന്, യുവെ കോച്ച്് മാസിമിലാനോ അല്‍ഗ്രേനി വാര്‍ത്താസമ്മേളനത്തില്‍ വ്യക്തമാക്കിയത്. യുവേഫ ചാമ്പ്യന്‍സ് ലീഗിലെ വലിയ മല്‍സരത്തിന് ശേഷം സൂപ്പര്‍ താരത്തിന് താന്‍ വിശ്രമം അനുവദിച്ചിരിക്കയാണെന്നായിരുന്നു കോച്ചിന്റെ വാക്കുകള്‍. ഉടനെ നിരവധി റോണോ ആരാധകര്‍ ടിക്കറ്റ് കാശ് തിരികെ ചോദിച്ച്് യുവന്തസിനെതിരെ രംഗത്തെത്തുകയായിരുന്നു. ജിനോവയുടെ ആരാധകരും പണം തിരികെ വാങ്ങാന്‍ വന്നതോടെ സംഘാടകര്‍ സമ്മര്‍ദ്ദത്തിലായി. കൃസ്റ്റിയനോ കളിക്കുന്നത് കാണാനാണ് വലിയ വിലക്ക് ടിക്കറ്റ് വാങ്ങിയതെന്നും അദ്ദേഹമില്ലെങ്കില്‍ പണം തിരികെ തരണമെന്നുമായിരുന്നു പലരുടെയും വാദം

അതേസമയം കൃസ്റ്റിയാനോ റൊണാള്‍ഡോയില്ലാതെ കളത്തിലിറങ്ങിയ യുവന്തസ് താരത്തിന്റെ വില ഒരിക്കല്‍ കൂടി അറിഞ്ഞു. ജിനോവയെ നേരിട്ട ചാമ്പ്യന്മാര്‍ രണ്ട് ഗോളിന് തോറ്റു മടങ്ങുകയാണുണ്ടാത്. സ്റ്റെഫാനോ സ്റ്റുവാറോ, ഗോറാന്‍ ബാന്‍ഡേവ് എന്നിവരാണ് ജിനോവക്കായി ഗോളുകള്‍ സ്‌ക്കോര്‍ ചെയ്തത്. സീസണില്‍ യുവന്തസിന്റെ ആദ്യ പരാജയമാണിത്. എന്നിട്ടും രണ്ടാം സ്ഥാനക്കാരേക്കാള്‍ 18 പോയന്റിന്റെ വ്യക്തമായ ലീഡിലാണ് നിലവിലെ ചാമ്പ്യന്മാര്‍.

കഴിഞ്ഞ ദിവസം റൊണാള്‍ഡോയുടെ ഹാട്രിക്കിലാണ് യുവന്തസ് അത്‌ലറ്റികോ മാഡ്രിഡിനെ കീഴ്‌പ്പെടുത്തി യുവേഫ ചാമ്പ്യന്‍സ് ലീഗിന്റെ ക്വാര്‍ട്ടര്‍ ടിക്കറ്റ് നേടിയത്. ആദ്യ പാദത്തില്‍ രണ്ട് ഗോളിന് പിറകില്‍ നിന്ന ശേഷമായിരുന്നു പോര്‍ച്ചുഗലുകാരന്റെ കരുത്തില്‍ ടീമിന്റെ തിരിച്ചുവരവ്.

ഈ സീസണിന്റെ തുടക്കത്തില്‍ സ്പാനിഷ് ക്ലബായ റയല്‍ മാഡ്രിഡില്‍ നിന്നും യുവന്തസിലേക്ക് ചേക്കേറിയ റൊണാള്‍ഡോ സിരിയ എയില്‍ ഇതുവരെ മൂന്ന് ഗോളുകള്‍ നേടിക്കഴിഞ്ഞു. ചാമ്പ്യന്‍സ് ലീഗ് പോരാട്ടകത്തില്‍ വലന്‍സിയക്കെതിരെ രണ്ട് ഗോളിന് യുവന്തസ് ജയിച്ചെങ്കിലും ഫുട്‌ബോള്‍ ലോകം ചര്‍ച്ച ചെയ്തത് റൊണാള്‍ഡോക്കെതിരായ ചുവപ്പ് കാര്‍ഡായിരുന്നു. അത്ര കടുപ്പമെല്ലാത്ത ഫൗളിനായിരുന്നു സൂപ്പര്‍ താരത്തിനെതിരെ റഫറി ചുവപ്പ് കാര്‍ഡ് ഉയര്‍ത്തിയത്.

യുവന്റസിലെത്തി ആദ്യ മൂന്ന് മത്സരങ്ങളിലും റൊണാള്‍ഡോക്ക് ഗോള്‍ കണ്ടെത്താന്‍ സാധിച്ചിരുന്നില്ല. ഇതോടെ താരം വലിയ വിമര്‍ശനങ്ങളാണ് ഏറ്റുവാങ്ങിയത്.

രണ്ടാം പകുതിയില്‍ 50-ാം മിനുട്ടിലാണ് പുതിയ ടീമിനായുള്ള തന്റെ ആദ്യ ഗോള്‍ റൊണാള്‍ഡോ കണ്ടെത്തിയ്. സസുവോള പ്രതിരോധ താരത്തിന്റെ പിഴവ് മുതലെടുത്ത് റൊണാള്‍ഡോ ഗോള്‍ അത്ര ഹരം തരുന്നതായിരുന്നില്ല. എന്നാല്‍ 65ാം മിനുട്ടില്‍ ഒരു കൗണ്ടര്‍ അറ്റാക്കിലൂടെ സുന്ദരമായിരുന്നു റോണാള്‍ഡോയുടെ രണ്ടാം ഗോള്‍.

തിങ്കളാഴ്ച രാവിലെയാണ് റൊണാള്‍ഡോ തന്റെ പുതിയ പരിശീലന ഗ്രൌണ്ടിലെത്തിയത്. മെഡിക്കല്‍ ടീമിന്റെ പരിശോധനക്കിടെ ക്ലബിന്റെ ടീം അംഗങ്ങള്‍ക്കൊപ്പമായിരുന്നു റൊണാള്‍ഡോയുടെ പരിശീലനം. ട്രെഡ്മില്‍ ഓക്‌സിജന്‍ മാസ്‌ക് ധരിച്ച് താരം ഓടുന്ന ചിത്രം സോഷ്യല്‍ മീഡിയയില്‍ വൈറലാണ്.

റെക്കോര്‍ഡ് പ്രതിഫലത്തില്‍ ഈ സീസണില്‍ യുവന്തസ് സ്വന്തമാക്കിയ താരമാണ് 33 കാരനായ റൊണാള്‍ഡോ. 21 കാരനായ ഡിബാലയാവട്ടെ മൂന്ന് വര്‍ഷമായി യുവന്തസിന്റെ പ്രധാന സ്‌ട്രൈക്കറാണ്. റഷ്യയില്‍ സമാപിച്ച ലോകകപ്പില്‍ ഡിബാലെ അര്‍ജന്റീനയുടെ സംഘത്തിലുണ്ടായിരുന്നു. പക്ഷേ അദ്ദേഹത്തിന് കോച്ച് ജോര്‍ജ് സാംപോളി അവസരം നല്‍കിയതേയില്ല.

യുവന്തസിന് വേണ്ടി സിരിയ എ യില്‍ ഗംഭീര പ്രകടനം നടത്തിയിട്ടും ഡിബാലെയെ പോലെ ഒരു മുന്‍നിരക്കാരനെ അര്‍ജന്റീന തുടര്‍ച്ചയായി ബെഞ്ചിലിരുത്തിയത് വന്‍ വിവാദമായിരുന്നു. നായകന്‍ ലയണല്‍ മെസിയുടെ അതേ െപാസിഷനില്‍ കളിക്കു താരമായതിനാലാണ് ഡിബാലേക്ക് അവസരം നല്‍കാന്‍ കളിയാതിരുതെന്നാണ് കോച്ചിന്റെ വാദം. പക്ഷേ അര്‍ജന്റീനിയന്‍ മാധ്യമ പ്രവര്‍ത്തകര്‍ തന്നെ പറഞ്ഞത് ഡിബാലെയെ മെസി ഭയക്കുന്നു എന്നാണ്. ഡിബാലെ മിന്നിയാല്‍ അത് തന്റെ കരിയറിനെ പോലും ബാധിക്കുമോ എന്ന ആശങ്കയില്‍ മെസിയാണ് ഡിബാലെയെ മാറ്റനിര്‍ത്തുതെന്നാണ് ടീം ക്യാമ്പിലെ സംസാരം. റഷ്യയില്‍ പല യുവതാരങ്ങളും മിിയപ്പോള്‍ ഡിബാലെയെ പോലെ ഒരാള്‍ ബെഞ്ചിലിരു കാഴ്ച്ച വേദനാജനകമായിരുു. അര്‍ജന്റീനയാവ’െ പ്രി ക്വാര്‍’റില്‍ ഫ്രാനിസോവോട് തോറ്റ് പുറത്താവുകയും ചെയ്തിരുന്നു. അനുഭവസമ്പനായ റൊണാള്‍ഡോയും ശക്തനായ ഡിബാലെയും യുവന്റസിനായി മുന്‍നിരയില്‍ ഒരുമിക്കുമ്പോള്‍ ലോക ക്ലബ് ഫുട്‌ബോളില്‍ സുന്ദരമായ കാഴ്ച്ചയായിരിക്കുമത്. ഫുട്‌ബോള്‍ ലോകം ഈ സഖ്യത്തില്‍ നിന്നും സുന്ദരമായ കളി മുഹൂര്‍ത്തങ്ങളാണ് പ്രതീക്ഷിക്കുന്നതും

സ്‌പെയിനിലെ നികുതി വിഭാഗം സെക്രട്ടറി ജെനറല്‍ ജോസ് മരിയ മൊല്ലിനെഡോ ഇക്കാര്യത്തില്‍ നിലപാട് വ്യക്തമാക്കിയത് റൊണാള്‍ഡോ സ്‌പെയ്ന്‍ വിട്ട് സിരി എയിലേക്ക് കൂടുമാറിയാലും കേസുമായി ബന്ധപ്പെട്ട സാഹചര്യത്തില്‍ ഒരു മാറ്റവും ഉണ്ടാകില്ലെന്നാണ് അദ്ദേഹം അറിയിച്ചത്.

സൂപ്പര്‍താരം ക്രിസ്റ്റിയാനോ റൊണാള്‍ഡോയും സ്പാനിഷ് ഭരണകൂടത്തിന്റെ നികുതി വിഭാഗവും തമ്മില്‍ ദീര്‍ഘകാലമായി നിയമയുദ്ധത്തിലാണ്. നേരത്തെ നികുതിവെട്ടിപ്പ് കേസില്‍ താരത്തിനെതിരെ രണ്ട് വര്‍ഷം തടവും 18.8 ദശലക്ഷം യൂറോ പിഴയും മന്ത്രാലയം ചുമത്തിയിരുന്നു. എന്നാല്‍ തടവിന് പകരം പിഴ അടക്കാമെന്ന് റൊണാള്‍ഡോ കഴിഞ്ഞ മാസം മന്ത്രാലയത്തെ അറിയിച്ചിരുന്നു. താരം സ്‌പെയ്ന്‍ വിട്ടതോടെ പിഴ അടക്കാന്‍ ഇനി തയ്യാറാകുമോ എന്ന കാര്യം സംശയമാണ്.

We can tell you’re ready for @Cristiano! #CR7JUVE pic.twitter.com/A6sGWcrgbh

— JuventusFC (@juventusfcen) July 12, 2018

ഒമ്പതു വര്‍ഷമായി റയല്‍ മാഡ്രിഡിനായി കളിച്ച റൊണാള്‍ഡോ നികുതിവെട്ടിപ്പുമായി ബന്ധപ്പെട്ട വിഷയത്തില്‍ ക്ലബിന്റെ പിന്തുണ ലഭിക്കാത്തതില്‍ നീരസം തുറന്നു പറഞ്ഞിരുന്നു. നികുതി കേസുമായി ബന്ധപ്പെട്ട് റൊണാള്‍ഡോയെ പിന്തുണയ്ക്കാന്‍ റയല്‍ മാഡ്രിഡ് പ്രസിഡന്റ് ഫ്‌ളോറന്റീനോ പെരസ് തയ്യാറാകാത്തത് താരത്തിന് ക്ലബ്ബില്‍ അതൃപ്തിയുണ്ടാക്കിയതായി നേരത്തെ റിപ്പോര്‍ട്ടുകളുണ്ടായിരുന്നു. ഇതാണ് താരത്തെ ക്ലബ് വിടാന്‍ പ്രേരിപ്പിച്ചതെന്നും ചിലര്‍ പറയുന്നു. 105 ദശലക്ഷം യൂറോക്കാണ് ഇറ്റാലിയന്‍ ചാമ്പ്യന്‍മാരായ യുവന്റസ് ക്രിസ്റ്റ്യാനോയെ സ്വന്തമാക്കിയത്. നാല് വര്‍ഷത്തേക്ക് കരാര്‍ ഒപ്പിട്ട താരത്തെ തിങ്കാളാഴ്ച ആരാധകര്‍ക്ക് മുമ്പില്‍ പ്രദര്‍ശിപ്പിക്കും.

2001ല്‍ പാര്‍മയില്‍ നിന്ന് റെക്കോര്‍ഡ് തുക നല്‍കിയാണ് ബഫണിനെ യുവന്റസ് സ്വന്തമാക്കിയത്. ക്ലബ്ബ് പ്രസിഡന്റ് ആന്‍ഡ്രിയ അഗ്‌നെല്ലിയാണ് ഇറ്റാലിയന്‍ ഗോള്‍കീപ്പര്‍ ടീം വിടുന്ന കാര്യം മാധ്യങ്ങളെ അറിയിച്ചത്. അതേസമയം ബഫണ്‍ സീസണനവസാനത്തോടെ കരിയര്‍ അവസാനിപ്പിക്കുമെന്ന് അഭ്യൂഹങ്ങള്‍ ഉണ്ടായിരുന്നെങ്കിലും വിരമിക്കല്‍ പ്രഖ്യാപനം
താരം ഇതുവരെ നടത്തിയിട്ടില്ല.

ശനിയാഴ്ച യുവന്റസ് ജേഴ്‌സിയില്‍ എന്റെ അവസാന മത്സരമായിരിക്കും. രണ്ടാഴ്ച മുമ്പുവരെ ഈ സീസണ്‍ അവസാനത്തോടെ കളം വിടണം എന്നാണ് തീരുമാനിച്ചിരുന്നത്. എന്നാല്‍ ഇപ്പോള്‍ പല മികച്ച ഓവറുകളും എന്നെ തേടിവരുന്നുണ്ട്. ഇപ്പോള്‍ എന്റെ ശ്രദ്ധ മുഴുവനും വെറോണക്കെതിരായ മത്സരത്തില്‍ മാത്രമാണ്. ഇതിനു ശേഷം ഉചിതമായ തീരുമാനം എടുക്കും – ബഫണ്‍ പറഞ്ഞു.

യുവന്റസിനായി 655 മത്സരങ്ങളില്‍ വല കാത്ത ബഫണ്‍ ഒമ്പതു സീരി എ കിരീടം, അഞ്ചു സുപ്പര്‍കോപ്പ, നാലു കോപ്പ ഇറ്റാലിയ എന്നീ വിജയങ്ങളില്‍ ക്ലബിനൊപ്പം പങ്കാളിയായി. ഇതിനിടെ പത്തു സീസണില്‍ സീരി എ യിലെ ഏറ്റവും മികച്ച കീപ്പറായി തെരഞ്ഞെടുക്കപ്പെട്ടു. 2015-16 സീരി എ സീസണില്‍ 974 മിനുറ്റുകള്‍ ഗോള്‍ വഴങ്ങാതെ ഏറ്റവും കൂടുതല്‍ മിനുട്ട് ഗോള്‍വഴങ്ങാത്ത കീപ്പറെന്ന റെക്കോര്‍ഡും ബഫണ്‍ സ്വന്തമാക്കി.

റഷ്യന്‍ ലോകകപ്പിന് ഇറ്റലിക്ക് യോഗ്യത നേടാനാവത്തതോടെ ദേശീയ മത്സരങ്ങളില്‍ നിന്നും ബഫണ്‍ നേരത്തെ വിരമിച്ചിരുന്നു. ഇറ്റലിക്കായി 176 മത്സരങ്ങളില്‍ കളിച്ച താരം 2006 ലോകകപ്പ് ഫൈനലില്‍ ഫ്രാന്‍സിനെ ഷൂട്ടൗട്ടില്‍ പരാജയപ്പെടുത്തി ഇറ്റലിക്ക് ലോകകപ്പ് സമ്മാനിക്കുന്നതില്‍ നിര്‍ണായക ഘടകമായിരുന്നു.