jwellery – Chandrika Daily

മലപ്പുറം എടപ്പാളില്‍ കോടികളുടെ ജ്വല്ലറി നിക്ഷേപ തട്ടിപ്പ്; രണ്ട് പേര്‍ അറസ്റ്റില്‍

webdesk17 — Fri, 21 Mar 2025 00:53:08 +0000

മലപ്പുറം എടപ്പാളില്‍ കോടികളുടെ ജ്വല്ലറി നിക്ഷേപ തട്ടിപ്പ്. ജ്വല്ലറി ഉടമകളായ രണ്ടു പേര്‍ അറസ്റ്റില്‍. ഐലക്കാട് സ്വദേശി അബ്ദുറഹ്‌മാന്‍, വെങ്ങിനിക്കര സ്വദേശി അബ്ദുല്‍ ലത്തീഫ് എന്നിവരാണ് പിടിയിലായത്.

ചങ്ങരംകുളം പൊലീസാണ് പ്രതികളെ അറസ്റ്റ് ചെയ്തത്. ആളുകളില്‍ നിന്ന് പണമായും സ്വര്‍ണമായും ഇവര്‍ നിക്ഷേപം സ്വീകരിച്ചു. എടപ്പാളിലെ ദീമ ജ്വല്ലറിയിലാണ് കോടികളുടെ നിക്ഷേപ തട്ടിപ്പ് നടന്നത്.

എടപ്പാള്‍ സ്വദേശികളായ രണ്ടു പേരില്‍ നിന്ന് 1.3 കോടി തട്ടിയെടുത്തുന്ന പരാതിയിലാണ് അറസ്റ്റ്. തട്ടിപ്പുമായി ബന്ധപ്പെട്ട് ചങ്ങരംകുളം പൊലീസ് നാല് എഫ്‌ഐആറുകള്‍ രജിസ്റ്റര്‍ ചെയ്തു.

ഡൽഹിയിൽ ജൂവലറി ഭിത്തിയിൽ ദ്വാരം ഉണ്ടാക്കി 20 കോടി രൂപയുടെ ആഭരണങ്ങൾ കവർന്നു

webdesk15 — Wed, 27 Sep 2023 06:28:17 +0000

ഡൽഹിയിൽ ജൂവലറി ഭിത്തിയിൽ ദ്വാരം ഉണ്ടാക്കി 20 കോടി രൂപയുടെ ആഭരണങ്ങൾ കവർന്നു. ജങ്പുരയിലെ ഉംറാവോ സിംഗ് ജ്വല്ലറിയിലാണ് കവർച്ച നടന്നത്.കഴിഞ്ഞ ദിവസം രാത്രിയിലാണ് സംഭവം.ഒറ്റ രാത്രിയിലാണ് രാജ്യ തലസ്ഥാനത്തെ ഞെട്ടിച്ച വൻ കവർച്ച നടന്നത്.മൂന്ന് പേർ അടങ്ങുന്ന സംഘമാണ് കവർച്ച നടത്തിയതെന്ന് സി സി ടി വി ദൃശ്യങ്ങളിൽ വ്യക്തമാണെന്ന് പൊലീസ് പറഞ്ഞു.മോഷ്ടാക്കൾ സമീപത്തെ കെട്ടിടത്തിലൂടെ ജ്വല്ലറിയുടെ ടെറസിലേക്ക് കയറി മൂന്ന് നിലകളുള്ള കടയുടെ ഒരു ഭാഗത്തെ ഭിത്തി തുരന്നാണ് അകത്ത് കയറിയിരിക്കുന്നത്.സ്വർണത്തിനൊപ്പം 15 ലക്ഷം രൂപയും കവർന്നതായി സംശയിക്കുന്നുണ്ട്.

അഴുക്കുചാലിലൂടെ തുരങ്കം ഉണ്ടാക്കി യു.പി യിൽ ജ്വല്ലറി കൊള്ളയടിച്ചു

webdesk15 — Wed, 29 Mar 2023 09:56:46 +0000

അഴുക്കുചാലിലൂടെ തുരങ്കമുണ്ടാക്കി ഉത്തർപ്രദേശിലെ മീററ്റിലെ ഒരു കടയിൽ നിന്ന് മോഷ്ടാക്കൾ ലക്ഷക്കണക്കിന് രൂപയുടെ ആഭരണങ്ങൾ അപഹരിച്ചു.ചൊവ്വാഴ്ച രാവിലെ കട തുറക്കാൻ ജ്വല്ലറി ഉടമ എത്തിയപ്പോഴാണ് അഴുക്കുചാലിലൂടെ കടയിലേക്ക് തുരങ്കം പോകുന്നത് ശ്രദ്ധയിൽപ്പെട്ടത്. കടയ്ക്കുള്ളിലേക്ക് കടക്കുന്നതിനായി മോഷ്ടാക്കൾ അഴുക്കുചാലിന്റെ ദുർബലമായ ഭാഗത്തുനിന്ന് നിന്ന് ഇഷ്ടികയും ചെളിയും പൊളിച്ചുമാറ്റിയതായി പോലീസ് പറഞ്ഞു. ലക്ഷക്കണക്കിന് രൂപ വിലമതിക്കുന്ന ആഭരണങ്ങളുമായി മോഷ്‌ടാക്കൾ ഓടി രക്ഷപ്പെട്ടെങ്കിലും തുക എത്രയാണെന്ന് ഇതുവരെ വ്യക്തമായിട്ടില്ലെന്ന് പോലീസ് പറഞ്ഞു. കവർച്ചയുടെ വാർത്ത പരന്നതോടെ വ്യാപാരി അസോസിയേഷൻ അംഗങ്ങൾ നഗരത്തിലെ ക്രമസമാധാന പ്രശ്‌നത്തിൽ പ്രതിഷേധിച്ച് രംഗത്തെത്തി. ഇത് നാലാമത്തെ കവർച്ചയാണ് നഗരത്തിൽ നടക്കുന്നതെന്ന് വ്യാപാരികൾ ആരോപിച്ചു.