കെ.കെ.രമയും ജയരാജനെതിരെ വിമര്‍ശനവുമായി രംഗത്തെത്തി. ആക്രമണത്തിന് പിന്നില്‍ സിപിഎമ്മാണെന്ന് രമ പറഞ്ഞു. ജയരാജന് കിട്ടേണ്ട വോട്ടാണ് നസീറിന് ലഭിക്കുക എന്നും അത് ജയപരാജയത്തെ സ്വാധീനിക്കുമെന്നും രമ പറഞ്ഞു.

വടകര മണ്ഡലത്തിലെ സ്വതന്ത്ര സ്ഥാനാര്‍ത്ഥിയായ സി.ഒ.ടി നസീറിന് ഇന്നലെയാണ് വെട്ടേറ്റത്. തലശ്ശേരിയല്‍ വച്ചായിരുന്നു നസീറിന് വെട്ടേറ്റത്. തുടര്‍ന്ന് നസീറിനെ കോഴിക്കോട് മെഡിക്കല്‍ കോളേജിലേക്ക് കൊണ്ടു പോയി. പുതിയസ്റ്റാന്റ് പരിസരത്ത് നില്‍ക്കുകയായിരുന്ന നസീറിനെ മൂന്നംഗ സംഘമാണ് അക്രമിച്ചത്. ബൈക്കിലെത്തിയ മൂന്നുപേര്‍ ചേര്‍ന്ന് ആക്രമിക്കുകയായിരുന്നുവെന്ന് നസീര്‍ പറഞ്ഞു.

കൂത്തുപറമ്പ് നിയോജക മണ്ഡലത്തില്‍ എല്‍ഡിഎഫ് സ്ഥാനാര്‍ഥി പി ജയരാജന്റെ സ്വന്തം ബൂത്തില്‍ യുഡിഎഫ് പോളിങ് ഏജന്റിനെ ഇരിക്കാന്‍ അനുവദിച്ചില്ല. അവിടെ കള്ളവോട്ടു നടന്നതായി വിവരം ലഭിച്ചിട്ടുണ്ട്. വടകര മണ്ഡലത്തില്‍ അറുപത് ബൂത്തുകളില്‍ കള്ളവോട്ടു നടന്നതായാണ് സംശയിക്കുന്നതെന്ന് മുരളീധരന്‍ പറഞ്ഞു. തന്നെ തടഞ്ഞ ബൂത്ത് ഉള്‍പ്പെടെ 162 ബൂത്തുകള്‍ ഹൈപ്പര്‍ സെന്‍സിറ്റിവ് ആയി കണക്കാക്കണമെന്ന് തന്റെ ആവശ്യപ്രകാരം കോടതി നിര്‍ദേശിച്ചിരുന്നു. എന്നാല്‍ തെരഞ്ഞെടുപ്പു ദിവസം അതനുസരിച്ചുള്ള ഒരു നടപടിയുമുണ്ടായില്ലെന്നും മുരളീധരന്‍ പറഞ്ഞു.

കള്ളവോട്ടിന്റെ ദൃശ്യം സഹിതമുള്ള തെളിവുകള്‍ ശേഖരിക്കാന്‍ നടപടി തുടങ്ങിയിട്ടുണ്ട്. കോടതി ഉത്തരവ് പാലിക്കാതിരുന്ന ഉദ്യോഗസ്ഥര്‍ക്കെതിരെ നിയമ നടപടി സ്വീകരിക്കും. വോട്ടെണ്ണല്‍ കഴിഞ്ഞായാലും തെളിവു സഹിതം കള്ളവോട്ടിനെതിരെ നിയമയുദ്ധം തുടരും. ജനവിധി അട്ടിമറിക്കുന്ന നടപടികള്‍ ഭാവിയില്‍ ഉണ്ടാവാതിരിക്കാനാണ് ഇത്. ഇപ്പോള്‍ ആരോപണമുയര്‍ന്ന പല ബൂത്തുകളിലും യുഡിഎഫ് പോളിങ ്ഏജന്റുമാരെ ചുമന്നുകൊണ്ടുവരേണ്ടി വന്നിട്ടുണ്ടെന്നും മുരളീധരന്‍ പറഞ്ഞു.

താലൂക്ക് മാറുന്നതിന് അനുസരിച്ച് സിപിഎമ്മിന്റെ നയം മാറുകയാണ്. കേരളത്തില്‍ കോണ്‍ഗ്രസിന് എതിര്, പോണ്ടിച്ചേരിയില്‍ കോണ്‍ഗ്രസിനൊപ്പവും അതേസമയം മാഹിയില്‍ കമലഹാസന്റെ പാര്‍ട്ടിക്കൊപ്പവുമാണ്. ജനങ്ങള്‍, പ്രത്യേകിച്ച് ന്യൂനപക്ഷങ്ങള്‍ സിപിഎമ്മിനെ കൈവിട്ടെന്ന് മുരളീധരന്‍ പറഞ്ഞു.

ബംഗാളില്‍ സിപിഎമ്മിന് ഒന്നും കിട്ടില്ലെന്നാണ് വാര്‍ത്തകളില്‍നിന്നു മനസിലാവുന്നത്. തൃപുരയില്‍ ഇതാണ് സ്ഥിതി. തമിഴ്നാട്ടില്‍ഡിഎംകെ- കോണ്‍ഗ്രസ് മുന്നണിക്കൊപ്പമായതിനാല്‍ ചിലപ്പോള്‍ ജയിച്ചേക്കാം. എന്തായാലും ഈ തെരഞ്ഞെടുപ്പില്‍ സിപിഎം ഒറ്റയക്കമായി ചുരുങ്ങുമെന്ന് മുരളീധരന്‍ പറഞ്ഞു.

ഈ തെരഞ്ഞെടുപ്പില്‍ ബിജെപിയുടെ വോട്ടുകൂടുമെന്നു പറഞ്ഞ കോടിയേരി ബാലകൃഷ്ണന്‍ തന്നെയാണ് അവര്‍ വോട്ടു യുഡിഎഫിന് മറിച്ചുനല്‍കുമെന്നു പറഞ്ഞത്. ഇത് നമ്മളൊന്നും പഠിച്ച കണക്കല്ല. ഏതു ശാസ്ത്രമാണെന്നു കോടിയേരിയാണ് പറയേണ്ടത്- മുരളീധരന്‍ പറഞ്ഞു.

ദേശീയ കക്ഷി എന്ന് അവകാശപ്പെടുന്ന സിപിഎമ്മിന് ഒരു പൊതുനയം സ്വീകരിക്കാന്‍ കഴിഞ്ഞിട്ടില്ല. വാളയാര്‍ ചുരത്തിന് അപ്പുറം രാഹുല്‍ഗാന്ധി നല്ലവനും ചുരത്തിന് ഇപ്പുറം മോശവുമാണ് സിപിഎമ്മിന്. സംസ്ഥാന അതിര്‍ത്തി മാറുന്നതനുസരിച്ച് അഭിപ്രായം മാറ്റുകയാണ് സിപിഎം. വ്യക്തമായ ഒരു നിലപാടില്ലാത്ത പാര്‍ട്ടിയായി ഇടതുപക്ഷം മാറി. പലകാര്യങ്ങളിലും നരേന്ദ്രമോദിക്കും പിണറായിക്കും ഒരേ സ്വരമാണ്. സിപിഎമ്മിന്റെ എല്ലാ നേതാക്കളും ഇപ്പോള്‍ കേരളത്തിലാണ്. ഇന്ന് ഒരു സംസ്ഥാനത്ത് മാത്രമായി സിപിഎം ഒതുങ്ങിക്കഴിഞ്ഞു. രാജ്യം നിലനില്‍ക്കണമോ വേണ്ടയോ എന്ന് തീരുമാനിക്കുന്ന തെരഞ്ഞെടുപ്പാണിത്.

ബിജെപിയെ നേരിടാന്‍ ഇടതു പക്ഷം എന്ന് പറയുമ്പോള്‍ ലോക്‌സഭയിലേക്ക് 543 സീറ്റില്‍ ആകെ 40 സീറ്റിലാണ് സിപിഎം മത്സരിക്കുന്നത്. കോയമ്പത്തൂരില്‍ മത്സരിക്കുന്ന സ്ഥാനാര്‍ത്ഥി രാഹുല്‍ ഗാന്ധിയുടെ ചിത്രത്തിനൊപ്പമാണ് അരിവാള്‍ ചുറ്റിക നക്ഷത്രം വരച്ചുവച്ചിട്ടുള്ളത്. മധുരയില്‍ സ്ഥാനാര്‍ത്ഥി ചെയ്തതെന്താണെന്ന് ഇന്നലത്തെ പത്രത്തില്‍ വ്യക്തമാണ്. രാഹുല്‍ ഗാന്ധിയെയും കോണ്‍ഗ്രസിനെയും വിശ്വസിക്കാന്‍ കൊള്ളില്ല എന്ന് പിണറായി വിജയന്‍ പറയുമ്പോള്‍ അദ്ദേഹത്തിന്റെ പാര്‍ട്ടി സ്ഥാനാര്‍ത്ഥി അരിവാള്‍ ചുറ്റിക നക്ഷത്രം മാത്രമല്ല കൈപ്പത്തിയും കുത്തിക്കൊണ്ടുനില്‍ക്കുന്ന ചിത്രമാണ് മധുരയില്‍ കാണുന്നത്. അത് ഇടതുപക്ഷക്കാര്‍ മനസിലാക്കേണ്ടതുണ്ട്. അതാണ് പറയുന്നത് ഈ തെരഞ്ഞെടുപ്പില്‍ മാര്‍ക്‌സിസ്റ്റ് പാര്‍ട്ടിക്ക് പ്രസക്തിയില്ല എന്ന്.
കോയമ്പത്തൂരിലും മധുരയിലും ഒരു നയം കേരളത്തില്‍ വേറൊന്നും ഒരു രാജ്യത്ത് രണ്ട് നയമുള്ള ഇടതുപക്ഷത്തിന് എങ്ങിനെ ഇന്ത്യാ രാജ്യത്ത് ഒരു ബദല്‍ ഉണ്ടാക്കാന്‍ സാധിക്കുമെന്നും മുരളീധരന്‍ ചോദിച്ചു. മുസ്‌ലീം ലീഗിനെ കുറ്റം പറയുന്ന കാര്യത്തിലും പിണറായിക്കും മോഡിക്കും ഒരേ സ്വരമാണ്. ഈ വരുന്ന തെരഞ്ഞെടുപ്പില്‍ മോഡി-പിണറായി അവിശുദ്ധ കൂട്ടുകെട്ടിനെ അധികാരത്തില്‍ നിന്നും ഇറക്കി രാഹുല്‍ ഗാന്ധിയെ അധികാരത്തിലെത്തിക്കണമെന്നും മുരളി പറഞ്ഞു. പ്രസ്സ് ഫോറം പ്രസിഡന്റ് അനീഷ് പാതിരിയാട് അധ്യക്ഷത വഹിച്ചു. വിഎ നാരായണന്‍, സജീവ് മാറോളി, അഡ്വ.സിടി സജിത്ത് എന്നിവരും മുരളീധരനോടെപ്പം ഉണ്ടായിരുന്നു.

രണ്ടാം തീയതി ചൊവ്വാഴ്ച കോണ്‍ഗ്രസിന്റെ പ്രകടനപത്രിക പുറത്തിറക്കുന്ന ചടങ്ങ് ഡല്‍ഹിയില്‍ പാര്‍ട്ടി ആസ്ഥാനത്ത് നടക്കുന്നുണ്ട്. അതിനാല്‍ ബുധനാഴ്ച മാത്രമേ രാഹുലിന് കേരളത്തില്‍ എത്താന്‍ കഴിയൂ എന്നാണ് വിവരം. വ്യാഴാഴ്ചയാണ് പത്രിക സമര്‍പ്പിക്കാനുള്ള അവസാന ദിവസം. അഞ്ചിന് സൂക്ഷ്മ പരിശോധന. എട്ടാംതീയതി വരെ പത്രിക പിന്‍വലിക്കാം.

കഴിഞ്ഞ വെള്ളിയാഴ്ചയാണ് രാഹുല്‍ ഗാന്ധിയോട് വയനാട്ടില്‍ മത്സരിക്കണമെന്ന ആവശ്യം കേരളത്തിലെ കോണ്‍ഗ്രസ് നേതാക്കള്‍ അറിയിച്ചത്. തുടര്‍ന്ന് ടി.സിദ്ദീഖ് സ്ഥാനാര്‍ഥിത്വത്തില്‍ നിന്ന് പിന്‍വാങ്ങുകയും ചെയ്തു. തുടര്‍ന്ന് ഒരാഴ്ചയിലധികമായി നീണ്ടുനിന്നിരുന്ന അനിശ്ചിതത്വങ്ങള്‍ക്കൊടുവില്‍ ഇന്ന് എ.കെ ആന്റണിയാണ് രാഹുല്‍ ഗാന്ധി വയനാട്ടില്‍ മത്സരിക്കുന്ന കാര്യം പ്രഖ്യാപിച്ചത്. ഉത്തര്‍പ്രദേശിലെ അമേത്തിക്ക് പുറമെയാണ് രാഹുല്‍ വയനാട്ടില്‍ കൂടി മത്സരിക്കുക. ദക്ഷിണേന്ത്യയില്‍ കോണ്‍ഗ്രസിന്റെ സീറ്റ് വര്‍ദ്ധിപ്പിക്കല്‍ ലക്ഷ്യംവെച്ചാണ് രാഹുല്‍ ഗാന്ധിയുടെ വരവ്‌

വിവിധ യു.ഡി.എഫ് ഘടകകക്ഷികള്‍ അണിനിരന്ന റോഡ് ഷോ ഡേ മാര്‍ട്ട് പരിസരത്ത് നിന്നുംആരംഭിച്ച് യു.ഡി.എഫ് മണ്ഡലം തെരഞ്ഞെടുപ്പ് കമ്മിറ്റി ഓഫീസില്‍ അവസാനിച്ചു.റൂറല്‍ ബാങ്ക് കണ്ണുക്കര ശാഖ, കുഞ്ഞിപ്പള്ളി പരിസരത്തും സ്ഥാനാര്‍ത്ഥിക്ക് സ്വീകരണം നല്‍കി.

കുഞ്ഞിപ്പള്ളിയിലും അറക്കിലാട് ഭഗവതി ക്ഷേത്രത്തിലെ വെളിച്ചപ്പാടിനെയും സന്ദര്‍ശിച്ച് അനുഗ്രഹം തേടി.പ്രചാരണത്തിന്റെ ആദ്യഘട്ടം പിന്നിട്ട് ദിവസങ്ങള്‍ കഴിയുമ്പോഴും സ്ഥാനാര്‍ത്ഥിയെ കാണാനായി രാഷ്ട്രീയഭേദമന്യേയാണ് സ്വീകരണ കേന്ദ്രങ്ങളില്‍ ആളുകള്‍ എത്തുന്നത മണ്ഡലം തെരഞ്ഞെടുപ്പ് കമ്മിറ്റി ചെയര്‍മാന്‍ എം.സി ഇബ്രാഹിം, കോട്ടയില്‍ രാധാകൃഷ്ണന്‍, കളത്തില്‍ പീതാംബരന്‍, പ്രദീപ് ചോമ്പാല, എന്‍.പി അബ്ദുള്ള ഹാജി, അഡ്വ. ഇ. നാരായണന്‍ നായര്‍, പി.കെ. അയൂബ്, സി.കെ വിശ്വനാഥന്‍, ഒ.കെ കുഞ്ഞബ്ദുള്ള, പറമ്പത്ത് പ്രഭാകരന്‍, അന്‍വര്‍ ഹാജി, ക്രസന്റ് അബ്ദുള്ള, പി.പി ജാഫര്‍, ഷുഹൈബ് കുന്നത്ത്, ഷംസുദ്ദീന്‍ കൈനാട്ടി എന്നിവര്‍ അനുഗമിച്ചു.

വടകരയില്‍ മത്സരിക്കുന്നതിനെക്കുറിച്ച്?

കഴിഞ്ഞ ഫെബ്രുവരിയില്‍ തന്നെ വടകരയില്‍ മത്സരിക്കുമെന്ന് തീരുമാനിച്ചിരുന്നു. അതിനുശേഷമാണ് മറ്റു മുന്നണികളുടെ സ്ഥാനാര്‍ത്ഥി നിര്‍ണ്ണയമുണ്ടാവുന്നത്. ഔദ്യോഗിക പ്രഖ്യാപനം ഉണ്ടായിട്ടില്ലെങ്കിലും കെ. മുരളീധരനാണ് യു.ഡി.എഫ് സ്ഥാനാര്‍ത്ഥി. സി.പി.എമ്മിന്റെ കണ്ണൂര്‍ മുന്‍ ജില്ലാ സെക്രട്ടറിയായ പി.ജയരാജന്‍ മത്സരിക്കുമെന്ന് പ്രഖ്യാപിക്കുന്നതിന് മുമ്പു തന്നെ വടകരയില്‍ മത്സരിക്കാന്‍ തീരുമാനിച്ചിരുന്നു. യുവാക്കള്‍ക്ക് പ്രാതിനിധ്യമുള്ള തെരഞ്ഞെടുപ്പാവണം എന്നാണ് ആഗ്രഹം.

നേരത്തെ, 2016-ല്‍ നിയമസഭാ തെരഞ്ഞെടുപ്പില്‍ എ.എന്‍ ഷംസീറിനെതിരെ മത്സരിക്കാന്‍ ഒരുങ്ങിയിരുന്നു. അന്ന് സി.പി.എമ്മിന്റെ മുതിര്‍ന്ന നേതാക്കള്‍ ഇടപെട്ട് എന്നെ പിന്തിരിപ്പിക്കുകയായിരുന്നു. ഇവിടെ ജയരാജന്‍ മത്സരിക്കുമെന്ന് കരുതിയിരുന്നില്ല. എന്നാല്‍ സ്ഥാനാര്‍ത്ഥിത്വവുമായി മുന്നോട്ടുപോകും. ഭീഷണിയെ അതിജീവിക്കാന്‍ കഴിയും.

വടകരയില്‍ പി.ജയരാജനെതിരെ മത്സരിക്കുന്നതില്‍ സി.പി.എമ്മുകാരുടെ ഭാഗത്തുനിന്നും ഏതെങ്കിലും തരത്തിലുള്ള ഭീഷണിയുണ്ടോ?

ഞാന്‍ അക്രമരാഷ്ട്രീയത്തിനെതിരാണ്. സൗഹാര്‍ദ്ദപരമായ രാഷ്ട്രീയത്തിലാണ് വിശ്വസിക്കുന്നത്. അതാണ് മുന്നോട്ടുവെക്കുന്നതും. ഇതുവരെ ഭീഷണി ഉണ്ടായിട്ടില്ല. ചിലരൊക്കെ ഫോണില്‍ വിളിച്ച് മത്സരിക്കുന്നതില്‍ നിന്നും പിന്‍മാറണമെന്ന് ആവശ്യപ്പെട്ടിരുന്നു. ഞാന്‍ പിന്‍മാറുമെന്നാണ് അവര്‍ കണക്കാക്കുന്നത്. മുന്നോട്ടുപോകുമ്പോള്‍ ഭീഷണിക്ക് സാധ്യതയുണ്ട്.

പിന്‍മാറുമോ?

ഇല്ല. എന്തുതരം എതിര്‍പ്പുണ്ടായാലും വടകര മണ്ഡലത്തില്‍ സ്വതന്ത്ര സ്ഥാനാര്‍ത്ഥിയായി മത്സരിക്കും.

കണ്ണൂരില്‍ അക്രമരാഷ്ട്രീയം നിലനിര്‍ത്തുന്നതില്‍ സി.പി.എമ്മിന്റെ മുതിര്‍ന്ന നേതാക്കള്‍ക്ക് പങ്കുണ്ട്. ശുക്കൂര്‍ വധം, കതിരൂര്‍ മനോജ് വധം എന്നീ കേസുകളില്‍ ജയരാജന്‍ പ്രതിയുമാണ്. എന്താണ് പ്രതികരണം?

അക്രമരാഷ്ട്രീയത്തോട് എല്ലാക്കാലത്തും എതിര്‍പ്പറിയിച്ചിട്ടുണ്ട്. സൗഹാര്‍ദ്ദപരമായ രാഷ്ട്രീയമാണ് മുന്നോട്ടുവെക്കുന്നത്. ശുക്കൂര്‍ വധവുമായി ബന്ധപ്പെട്ട് പി ജയരാജന്‍ ഗൂഢാലോചന നടത്തിയെന്ന കേസ് നടന്നുകൊണ്ടിരിക്കുകയാണല്ലോ. അതുകൊണ്ട് അക്കാര്യത്തില്‍ പ്രതികരിക്കാനില്ല.

പി. ജയരാജനെതിരെ മത്സരിച്ചു എന്നതിന്റെ പേരില്‍ തെരഞ്ഞെടുപ്പിന് ശേഷം സി.പി.എം ഭീഷണിയുണ്ടാവില്ലേ?

അത്തരത്തിലുള്ള ഭീഷണികള്‍ ഉണ്ടാവുമെന്ന് അറിഞ്ഞുകൊണ്ടാണ് മത്സരിക്കുന്നതിന് തയ്യാറെടുത്തത്. അതെല്ലാം നേരിടാന്‍ കഴിയുമെന്നാണ് വിശ്വാസം.

സി.പി.എം വിടാനുള്ള കാരണമെന്താണ്?

പാര്‍ട്ടി അംഗത്വം പുതുക്കാന്‍ നല്‍കിയ അപേക്ഷയില്‍ ‘മതന്യൂനപക്ഷമാണോ’ എന്ന കോളം ഒഴിച്ചിട്ടിരുന്നു. ആ കോളം പാര്‍ട്ടി അറിയാതെ പൂരിപ്പിക്കുകയായിരുന്നു. ഈ സംഭവത്തില്‍ നിരാശനായിരുന്നു. പിന്നീട് അന്നത്തെ സംസ്ഥാന സെക്രട്ടറിയായിരുന്ന പിണറായി വിജയന് പരാതി നല്‍കിയിരുന്നു. എന്നാല്‍ മറുപടിയൊന്നും ലഭിച്ചില്ല. സി.പി.എമ്മിന്റെ അക്രമരാഷ്ട്രീയത്തോടും യോജിപ്പില്ല. സി.പി.എമ്മിന്റെ എന്നുമാത്രമല്ല, ആര് അക്രമം നടത്തിയാലും യോജിക്കാനാവില്ല.

സ്വതന്ത്രസ്ഥാനാര്‍ത്ഥിയായി നില്‍ക്കുന്നത് കൊണ്ട് എങ്ങനെയാണ് പ്രചാരണം നടത്തുന്നത്?

കോളേജ് വിദ്യാര്‍ത്ഥികളുള്‍പ്പെടെയുള്ള ഒരു കൂട്ടം ചെറുപ്പക്കാരാണ് പ്രചാരണങ്ങള്‍ക്ക് ചുക്കാന്‍ പിടിക്കുന്നത്. ഓണ്‍ലൈനിലൂടെ ഡിജിറ്റല്‍ ഓണ്‍ലൈന്‍ ടീമാണ് പ്രചാരണം കൂടുതലായും നടത്തുന്നത്. കൂടാതെ മണ്ഡലത്തിലെ പ്രമുഖരായ ചില വ്യക്തിത്വങ്ങളെയൊക്കെ നേരില്‍ പോയി കാണാനായി. വീടുകള്‍ തോറും കയറിയിറങ്ങി പ്രചാരണം നടത്തുകയും ചെയ്യുന്നുണ്ട്.

എന്താണ് പ്രതീക്ഷ?

നിലവില്‍ ഇരുമുന്നണികളിലും ശക്തരായ സ്ഥാനാര്‍ത്ഥികളാണ്. ഒരു ത്രികോണമത്സരമാണ് വടകരയില്‍ നടക്കുന്നത്. ബി.ജെ.പിക്ക് ഒട്ടും സാധ്യതയുണ്ടാവില്ല. സൗഹാര്‍ദ്ദപരമായ രാഷ്ട്രീയത്തെ വടകരയിലെ ജനങ്ങള്‍ അംഗീകരിക്കുമെന്നാണ് പ്രതീക്ഷ. വടകരയില്‍ പരിസ്ഥിതി സൗഹാര്‍ദ്ദപരമായ, തൊഴില്‍ മേഖലയില്‍ ഉന്നമനമുള്ള ഒരു വികസന കാഴ്ച്ചപ്പാടാണ് മുന്നോട്ട് വെക്കുന്നത്. വടകരയെ അക്രമമില്ലാത്ത നാടാക്കി മാറ്റുന്നതിന് പ്രവര്‍ത്തിക്കും.

മുന്‍ സി.പി.എം നേതാവ് സി.ഒ.ടി നസീര്‍, വടകരയില്‍ മത്സരിക്കുന്നതിനെ കുറിച്ച് പറയുന്നു

ശുക്കൂര്‍ വധം, കതിരൂര്‍ മനോജ് വധം എന്നീ കേസുകളിലെ പ്രതിയാണ് പി.ജയരാജന്‍. മുന്‍ സി.പി.എം നേതാവും തലശ്ശേരി നഗരസഭാംഗവുമായിരുന്നു സി.ഒ.ടി നസീര്‍. വടകരയില്‍ മത്സരിക്കുന്നതിനെക്കുറിച്ച് നിലപാട് വ്യക്തമാക്കുന്നു.

അറിയപ്പെടാത്ത കെ മുരളീധരന്‍

1996 ലാണ്.

ഞാന്‍ കോഴിക്കോട് ഗവണ്‍മെന്റ് ആര്‍ട്‌സ് ആന്‍ഡ് സയന്‍സ് കോളേജിലെ കെ എസ് യു യുണിറ്റ് പ്രസിഡണ്ട്.
മദ്യപിച്ച് കാമ്പസ്സില്‍ വന്ന ചില വിദ്യാര്‍ത്ഥികള്‍ക്കെതിരെ പ്രിന്‍സിപ്പാള്‍ നടപടി എടുക്കുകയും അതിന്റെ പേരില്‍ വിവാദവും സമരവുമൊക്കെ ഉണ്ടാവുകയും ചെയ്തു, ഹിസ്റ്ററിയിലെ അദ്ധ്യാപകന്‍ ആയിരുന്ന മനോഹരന്‍ സാറാണ് ചോദിച്ചത്, ‘ലഹരിക്കെതിരെ ഒരു ബോധവല്‍ക്കരണ കാമ്പയിന്‍ നടത്തിക്കൂടേ, നമ്മുടെ കാമ്പസിലും പരിസരത്തെ സ്ഥാപനങ്ങളിലും?’

ആശയം കെ എസ് യു ഏറ്റെടുത്തു, കല്ലായി മുതല്‍ മീഞ്ചന്ത വരെ നഗരത്തിലും വിദ്യാഭ്യാസ സ്ഥാപനങ്ങളിലും നോട്ടിസ് വിതരണവും മറ്റു പ്രചരണ പരിപാടികളും സംഘടിപ്പിക്കാന്‍ തീരുമാനിച്ചു,

വൈകുന്നേരം മറ്റെന്തോ കാര്യത്തിന് ബിലാത്തിക്കുളത്തുള്ള കെ മുരളീധരന്റെ വീട്ടില്‍ പോയപ്പോള്‍, അദ്ദേഹത്തിന്റെ സെക്രട്ടറി ജ്യോതി പ്രകാശ് പറഞ്ഞു, മുരളിയേട്ടന്‍ വീട്ടിലുണ്ട് കണ്ടിട്ട് പൊയ്‌ക്കോ..
അല്പസമയം കഴിഞ്ഞപ്പോള്‍ അകത്തേക്ക് വിളിച്ചു, കാമ്പസിലെ വിശേഷങ്ങള്‍ തിരക്കിയപ്പോള്‍ ‘ലഹരി വിരുദ്ധ കാംപസ്’ പരിപാടിയുടെ ആലോചനയിലാണെന്ന് പറഞ്ഞു, അദ്ദേഹം വിശദശാംശങ്ങള്‍ ചോദിച്ച ശേഷം, മെഡിക്കല്‍ കോളേജിലുള്ള ലഹരിക്കെതിരെ പ്രവര്‍ത്തിക്കുന്ന ഒരു സന്നദ്ധ സംഘടനയേക്കൂടി സഹകരിച്ചു പരിപാടി ഉഷാറാക്കാന്‍ പറഞ്ഞു, ജ്യോതി പ്രകാശിനോട് അവരെ വിളിച്ച് ഏര്‍പ്പാടാക്കാന്‍ പറഞ്ഞു, ഞങ്ങള്‍ക്ക് വേണ്ട സാമ്പത്തീകവും ഏര്‍പ്പാടാക്കാന്‍ പറഞ്ഞു, യാത്രയാക്കി അദ്ധേഹം.

എംടി വാസുദേവന്‍ നായരെ വരെ ഉള്‍പ്പെടുത്തി, നഗരത്തില്‍ ഉടനീളം നോട്ടീസ് വിതരണം നടത്തി, റിഹാബിലിറ്റേഷന്‍ കേന്ദ്രങ്ങളില്‍ സന്ദര്‍ശനം നടത്തി പരിപാടി ഞങ്ങള്‍ ജോറാക്കി.

പറയാന്‍ വന്ന കാര്യം വേറെയാണ്,
പരിപാടിക്ക് വേണ്ടി ഞങ്ങള്‍ക്ക് കാശ് വേണമല്ലോ, ഒരു രൂപയുടെ ടോക്കണ്‍ അടിച്ച് ഒരു കലക്ഷന്‍ എടുക്കാനാണ് ഞങ്ങളുടെ പ്ലാന്‍, അപ്പോഴാണ് ജ്യോതി പ്രകാശ് മിഠായിത്തെരുവിലെ ഒരു ഫുട് വെയറിലേക്ക് പറഞ്ഞയച്ചത്,പരിപാടിക്ക് സംഭാവന വാങ്ങാന്‍!
ആ കടയില്‍ ചെന്നു, മുരളിയേട്ടന്‍ പറഞ്ഞിട്ട് വന്നതാണ് എന്ന് പറഞ്ഞപ്പഴേ അദ്ദേഹം ഇരിക്കാന്‍ പറഞ്ഞു, കുടിക്കാന്‍ എന്താണ് വേണ്ടത് എന്ന് ചോദിച്ചു, പിരിവിന് ചെന്നവനോട് ഇത്ര ബഹുമാനമോ എന്ന് ശങ്കിച്ചു നില്‍ക്കുമ്പോള്‍ അദ്ദേഹം രണ്ടായിരം രൂപയെടുത്തു തന്നു! ഇനി വേണമെങ്കില്‍ പറയണം എന്നും പറഞ്ഞു, എന്റെ കിളി പോയി, പരമാവധി അഞ്ഞൂറ് രൂപ പ്രതീക്ഷിച്ചു പോയവന്, രണ്ടായിരം രൂപയും സ്വീകരണവും.

അത്ഭുതം തോന്നിയത് കൊണ്ട് ഞാന്‍ അദ്ദേഹത്തോട് കാര്യം തിരക്കി, ഇതെന്താ ഇങ്ങനെ?
ആ മനുഷ്യന്‍ പറഞ്ഞു, മുരളിയേട്ടന്‍ പറഞ്ഞു വിട്ടയാള്‍ക്ക് ഞാന്‍ ഇത്രയും കൊടുത്താല്‍ പോരാ…എന്റെ ജീവിതം തിരിച്ചു തന്നത് അദ്ദേഹമാണ്!
അയാള്‍ പറഞ്ഞ കഥ ഇങ്ങനെയാണ്,

ഒരു ബിസിനസ്സ് ചെയ്ത് പരാജയപ്പെട്ട് പ്രതിസന്ധിയിലായി നില്‍ക്കവെയാണ്, ഞാന്‍ ഈ സ്ഥാപനം തുടങ്ങുന്നത്, ആധാരം പണയപ്പെടുത്തി എടുത്ത ബാങ്ക് ലോണും, ഭാര്യയുടെ ആഭരണങ്ങള്‍ വിറ്റ പണവും, വായ്പകള്‍ വേറെയും, ഡല്‍ഹിയിലും ആഗ്രയിലുമൊക്കെ പോയി പെരുന്നാളിന് കച്ചവടം ചെയ്യാന്‍ ചരക്കുകള്‍ എടുത്ത് വന്നതാണ്, കോഴിക്കോട് റെയില്‍വേ സ്‌റ്റേഷനില്‍ വെച്ച് ടാക്‌സ് കാര്‍ പിടിച്ചു, മൂന്നു ലക്ഷം രൂപ അടക്കണമത്രെ! എന്നാലേ സാധനങ്ങള്‍ വിട്ടുകിട്ടൂ. എനിക്ക് തലകറങ്ങി, ഊണും ഉറക്കവും ഇല്ലാതായി, പലതവണ ആ ഓഫിസ് കേറി ഇറങ്ങി, ഈ സാധനങ്ങള്‍ എല്ലാം കൂടി വിറ്റാല്‍ എനിക്ക് മൂന്നു ലക്ഷം കിട്ടില്ല എന്ന് താണു കേണു പറഞ്ഞു, ഞാനും ഭാര്യയും കൂടി ചെന്ന് കരഞ്ഞു നോക്കി. നാട്ടില്‍ ഇടതുപക്ഷക്കാരനായ ഞാന്‍ സഹായം ചോദിച്ച് പലരുടെയും അടുത്ത് ചെന്നു, ആര്‍ക്കും ഒന്നും ചെയ്യാന്‍ കഴിയുന്നില്ല, ഒരു ലക്ഷം കൈക്കൂലി കൊടുത്ത് പരിഹരിക്കാന്‍ ഏജന്റിനെ കിട്ടി, ഈ സമയം അവരുടെ ചാകരയാണത്രെ, എങ്ങനെയും പണം കൊടുത്ത പെരുന്നാളിന് മുമ്പ് സാധങ്ങള്‍ റിലീസ് ചെയ്യുമെന്ന് അവര്‍ക്കറിയാം പക്ഷെ എന്റെ കയ്യില്‍ ആയിരം രൂപപോലുമില്ല, രണ്ടാഴ്ചക്കകം പെരുന്നാള്‍ വരുന്നു, ഇനിയെന്ത് ചെയ്യും എന്നറിയില്ല.

ആത്മഹത്യയെ കുറിച്ച് ആലോചിച്ചു തുടങ്ങിയ ദിവസങ്ങളിലാണ്, തൊട്ടടുത്ത ടെക്സ്റ്റയില്‍സ് കടക്കാരന്‍ എന്നോട് കെ മുരളീധരനെപ്പോയി കാണാന്‍ പറഞ്ഞത്, ഞാന്‍ കണ്‍ഗ്രസ്സുകാരനല്ല, മുരളിയുടെ ഒരു ബന്ധവുമില്ല, പാര്‍ട്ടിക്കാരുമായി അടുപ്പവുമില്ല.! ഒരു ദിവസം മുഴുവനും തിരിഞ്ഞും മറിഞ്ഞും ആലോചിച്ചു, അവസാനം ഒറ്റക്ക് ഒരു വൈകുന്നേരം വീട്ടില്‍ ചെന്നു, ആള്‍ സ്ഥലത്തില്ല, എപ്പോള്‍ വരുമെന്നും അറിയില്ല, ഞാന്‍ കാത്തിരുന്നു, രണ്ടു മൂന്ന് മണിക്കൂര്‍ എന്നെ അവിടത്തന്നെ കണ്ടപ്പോള്‍ സെക്രട്ടറി എന്താണ് കാര്യം എന്നന്വേഷിച്ചു, കാര്യം പറഞ്ഞപ്പോള്‍ വൈകിയാലും കണ്ടിട്ട് പോയാല്‍ മതി എന്ന് പറഞ്ഞു, അഞ്ചാറു പേര്‍ വേറെയും കാത്തു നില്‍ക്കുന്നുണ്ട്. ഏതാണ്ട് പതിനൊന്ന് മണിയോടെയാണ് അദ്ദേഹം വന്നത്, നല്ല ക്ഷീണിതനാണ്. പക്ഷെ അദ്ദേഹം ഓരോരുത്തരെയായി വിളിപ്പിച്ചു, എന്റെ ഊഴം വന്നു ഞാന്‍ സകല ദൈവങ്ങളെയും വിളിച്ച് അകത്തു കയറി കാര്യം പറഞ്ഞു, ഇടക്ക് ഞാന്‍ വിങ്ങിപൊട്ടിപ്പോയി, അദ്ദേഹം ഒരു സഹോദരനെപ്പോലെ തോളില്‍ തട്ടി ആശ്വസിപ്പിച്ചു, ഓഫിസറുടെ പേരും ഓഫിസ് നമ്പറും എഴുതി വാങ്ങി, രാവിലെ പത്ത് മണിക്ക് അവിടെപ്പോകാന്‍ പറഞ്ഞു.

ഉറക്കം വരാത്ത ഒരു രാത്രിക്ക് ശേഷം ഞാന്‍ ടാക്‌സ് ഓഫീസിലെത്തി, ഓഫിസര്‍ എന്നോട് ഇരിക്കാന്‍ പറഞ്ഞു, കലി തുള്ളി, എന്നെ കള്ളനും കള്ളക്കടത്തുകാരനുമാക്കി ചിത്രീകരിച്ച അതെ ഓഫിസര്‍, പാവമായി അഭിനയിച്ച് കാര്യം നേടാന്‍ നോക്കണ്ട എന്ന് എന്റ്‌റെ ഭാര്യയുടെ കണ്ണീരിനെ പരിഹസിച്ച അതേ മനുഷ്യന്‍.
എന്റെ ബില്ലുകള്‍ എല്ലാം തന്നിട്ട് ഫോട്ടോ കോപ്പി എടുത്തു വരാന്‍ പറഞ്ഞു, ഒറിജിനല്‍ ബില്ലുകള്‍ വാങ്ങി വെച്ച ശേഷം ഒന്ന് രണ്ടു കടലാസുകളില്‍ ഒപ്പിടിച്ചു, പെരുന്നാള്‍ കഴിഞ്ഞു അഞ്ചാം ദിവസം ഇവിടെ എത്തണം എന്ന് നിര്‍ദ്ദേശിച്ചു, പിടിച്ചു വെച്ച സാധനങ്ങള്‍ എല്ലാം റിലീസ് ചെയ്തു തന്നു, സ്വപ്നമാണോ യാഥാര്‍ഥ്യമാണോ എന്ന് തിരിച്ചറിയാന്‍ കഴിയാതെ ഞാന്‍ അന്ധാളിച്ചു നിന്നു, ദൈവം മുരളീധരന്റെ രൂപത്തില്‍ പ്രത്യക്ഷപ്പെട്ടു എന്ന് തന്നെ ഞാന്‍ വിശ്വസിച്ചു, അന്ന് വൈകിട്ട് അദ്ദേഹത്തെ കാണാന്‍ പോയപ്പോള്‍ ആള് സ്ഥലത്തില്ല കുറച്ചു ദിവസം കഴിഞ്ഞേ വരൂ എന്നറിഞ്ഞു, നിങ്ങള്‍ പെരുന്നാളും കച്ചവടും ഒക്കെ കഴിഞ്ഞിട്ട് വാ എന്ന് പറഞ്ഞു സെക്രട്ടറി തിരിച്ചയച്ചു,

ഞാന്‍ നന്നായി ബിസിനസ്സ് ചെയ്തു, പെരുന്നാള്‍ കഴിഞ്ഞു അഞ്ചാം ദിവസം, ടാക്‌സ് ഓഫീസില്‍ ചെന്നു, അവര്‍ റെസിപ്റ്റ് തന്നു ഫൈനടച്ചു, 18000 രൂപ! എല്ലാം കഴിഞ്ഞ ശേഷം ഞാന്‍ മുരളിയേട്ടനെ കാണാന്‍ പോയി, അദ്ദേഹത്തിന് എന്തെങ്കിലും കൊടുക്കണമല്ലോ, രണ്ടാഴ്ചമുമ്പ് അഞ്ചു പൈസ കയ്യില്‍ ഇല്ലാതിരുന്നപോലല്ല, എന്റ്‌റെ കയ്യില്‍ കച്ചവടം ചെയ്ത കാശുണ്ട്, ഭാര്യയും ഞാനുമാണ് പോയത്, അവളുണ്ടാക്കിയ ഉണ്ണിയപ്പവും കവറില്‍ തരക്കേടില്ലാത്ത ഒരു സംഖ്യയും വെച്ചു, അതിരാവിലെയാണ് പോയത്, അദ്ദേഹത്തെ കണ്ടു നന്ദി പറഞ്ഞു, അദ്ദേഹം ഭാര്യയെ വിളിച്ചു എന്റെ ഭാര്യക്ക് പരിചയപ്പെടുത്തി,അവര്‍ ഉണ്ണിയപ്പം വാങ്ങി, ഏട്ടന് ഉണ്ണിയപ്പം ഇഷ്ടമാണ് കേട്ടോ എന്ന് പറഞ്ഞു, ഞാന്‍ കാശ് കൊടുക്കാന്‍ ശ്രമിച്ചപ്പോള്‍ അദ്ദേഹം ചിരിച്ചു കൊണ്ട് പറഞ്ഞു, അനിയാ നീ വെച്ചോ, ദൈവം ഈ കണ്ട സൗഭാഗ്യങ്ങളൊക്കെ എനിക്ക് തന്നിട്ടുണ്ട്, എനിക്ക് വോട്ടു ചെയ്യുന്ന ജനങ്ങളെ കഴയാവുന്ന വിധം സഹായിക്കേണ്ടത് എന്റെ ബാധ്യതയാണ്, അതെ ഞാന്‍ ചെയ്തുള്ളൂ…!

അദ്ദേഹം ഞങ്ങളെപ്പറഞ്ഞയച്ചു, ആ വീടിന് മുന്നില്‍ കുറെ നേരം നിന്ന ശേഷം ഞാന്‍ അദ്ദേഹത്തിന്റെ സെക്രട്ടറിയെ കണ്ടു, കഥകളൊക്കെ പറഞ്ഞു, കൂട്ടത്തില്‍ ഞാന്‍ അദ്ദേഹത്തോട് ഒരു അഭ്യര്‍ത്ഥന നടത്തി, ആര്‍ക്കെങ്കിലും പിരിവോ സഹായമോ വേണമെങ്കില്‍ എന്റെ അടുത്തേക്ക് പറഞ്ഞു വിടണം, കടയിലെ നമ്പര്‍ കൊടുത്തു. ഒരു കൊല്ലത്തിനിടക്ക് രണ്ട് പേരെ വന്നുള്ളൂ, മൂന്നാമത്തെയാളാണ് നിങ്ങള്‍, ചെറിയ സംഖ്യ മതി കേട്ടോ എന്ന് സെക്രട്ടറി പറഞ്ഞത് കൊണ്ടാണ് ഞാന്‍ രണ്ടായിരത്തില്‍ ഒതുക്കിയത്, ഇനിയും ഒരു നൂറു പേര്‍ക്ക് കൊടുത്താല്‍ പോലും എനിക്ക് മുരളിയേട്ടനോടുള്ള ബാധ്യത തീരില്ല.

ഈ അനുഭവം അന്ന് മുതല്‍ ഞാന്‍ പലരോടും പങ്ക് വെച്ചിട്ടുണ്ട്,
ആദ്യമായാണ് എഴുതുന്നത്.

മുരളിയേട്ടന്‍ വീണ്ടും കോഴിക്കോട്ടേക്ക് വരുമ്പോള്‍ തന്നെയല്ലേ ഇത് പറയേണ്ടത്?