കാബൂള്‍: അഫ്ഗാന്‍ തലസ്ഥാനമായ കാബൂളില്‍ നബിദിനാഘോഷത്തിന്റെ ഭാഗമായി നടന്ന മുസ്്‌ലിം പണ്ഡിത സംഗമത്തിനുനേരെ ചാവേറാക്രമണം. അമ്പതോളം പേര്‍ കൊല്ലപ്പെട്ടു. 83 പേര്‍ക്ക് പരിക്കേറ്റു. ഇവരില്‍ 20 പേരുടെ നില ഗുരുതരമാണ്. മരണസംഖ്യ ഉയര്‍ന്നേക്കുമെന്നാണ് റിപ്പോര്‍ട്ട്. നബിദിനാഘോഷത്തോടനുബന്ധിച്ച് കാബൂളിലെ ഒരു വെഡ്ഡിങ് ഹാളില്‍ നടന്ന പരിപാടിയിലേക്ക് ചാവേര്‍ നുഴഞ്ഞുകയറുകയായിരുന്നു. നൂറുകണക്കിന് മുസ്്‌ലിം പണ്ഡിതന്മാരും നേതാക്കളും പങ്കെടുത്ത വേദിയിലാണ് ചാവേര്‍ പൊട്ടിത്തെറിച്ചത്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. ഭരണകൂടവുമായി ബന്ധമുള്ള പണ്ഡിതന്മാരെ താലിബാനും ഇസ്്‌ലാമിക് സ്റ്റേറ്റും ആക്രമിക്കാറുണ്ട്. പരിപാടിയുടെ സംഘാടകര്‍ പൊലീസ് സംരക്ഷണം തേടിയിരുന്നില്ല. ഭൂരിഭാഗം വെഡ്ഡിങ് ഹാളുകള്‍ക്കും സ്വകാര്യ പാറാവുകാരാണുള്ളത്. ആക്രമണത്തെ തുടര്‍ന്ന് പ്രദേശത്തേക്കുള്ള റോഡുകള്‍ പൊലീസ് അടച്ചു. ചാവേറാക്രമണത്തെ ഇസ്്‌ലാമിക വിരുദ്ധമായി പ്രഖ്യാപിക്കുകയും സമാധാന ചര്‍ച്ചകള്‍ക്ക് ആഹ്വാനം നല്‍കുകയും ചെയ്ത പണ്ഡിത സമ്മേളനത്തിലുണ്ടായ സ്‌ഫോടനത്തില്‍ തങ്ങള്‍ക്ക് പങ്കില്ലെന്ന് താലിബാന്‍ വ്യക്തമാക്കിയിട്ടുണ്ട്.

പെട്രോളിംഗ് നടത്തുന്ന റൊമാനിയന്‍ സൈനികര്‍ക്ക് നേരെ ഭീകരര്‍ വാഹനമോടിച്ച് കയറ്റുകയായിരുന്നു. ഈ സമയത്ത് അവിടെയുണ്ടായിരുന്ന വിദ്യാര്‍ത്ഥികളാണ് കൊല്ലപ്പെട്ടതെന്ന് കാണ്ഡഹാര്‍ മീഡിയ ഓഫീസ് ഡെപ്യൂട്ടി വക്താവ് മത്തിയുല്ല പറഞ്ഞു. ആക്രമണത്തിന്റെ ഉത്തരവാദിത്തം ഒരു ഭീകരസംഘടനയും ഏറ്റെടുത്തിട്ടില്ല.

ആദ്യ സ്‌ഫോടനത്തില്‍ നാല് പേരാണ് കൊല്ലപ്പെട്ടത്. അഞ്ച് പേര്‍ക്ക് പരിക്കേല്‍ക്കുകയും ചെയ്തു. ബൈക്കിലെത്തിയ ചാവേര്‍ ആദ്യം പൊട്ടിത്തേറിക്കുകയായിരുന്നു. സ്‌ഫോടനം നടന്നയുടന്‍ ജനങ്ങള്‍ ചിതറിയോടി. പരിക്കേറ്റവരെ രക്ഷിക്കാനും രക്ഷാപ്രവര്‍ത്തനം നടത്താനും ആളുകള്‍ എത്തിയതോതെ തിരക്കേറി. ഒട്ടേറെ മാധ്യമ പ്രവര്‍ത്തകരും ഫോട്ടോഗ്രഫര്‍മാരും സ്ഥലത്തെത്തവെയാണ് രണ്ടാമത്തെ ആക്രമണം നടന്നത്. സ്‌ഫോടനം റിപ്പോര്‍ട്ട് ചെയ്തു കൊണ്ടിരുന്ന മാധ്യമ പ്രവര്‍ത്തകര്‍ക്കിടയിലേക്ക് രണ്ടാമത്തെ ചാവേര്‍ പാഞ്ഞു കയറുകയായിരുന്നു. ആദ്യ സ്‌ഫോടനം റിപ്പോര്‍ട്ട് ചെയ്യാനെത്തിയ മാധ്യമ സംഘമാണ് രണ്ടാമത്തെ സ്‌ഫോടനത്തില്‍ പ്രധാനമായും ഇരയായത്. ആക്രമണമുണ്ടായത് ശക്തമായ സുരക്ഷാ സജ്ജീകരണങ്ങളുള്ള സ്ഥലത്താണ്. സ്‌ഫോടനം നടന്നതിന്റെ ഏതാനും മീറ്റര്‍ അകലെയാണ് നാറ്റോ ആസ്ഥാനം. സ്‌ഫോടനങ്ങളുടെ പശ്ചാത്തലത്തില്‍ സുരക്ഷ ശക്തിപ്പെടുത്തിയിരിക്കുകയാണ് കാബൂളില്‍. കഴിഞ്ഞാഴ്ച വോട്ടര്‍ രജിസ്‌ട്രേഷന്‍ കേന്ദ്രത്തിലെ സ്‌ഫോടനത്തില്‍ 57 പേര്‍ കൊല്ലപ്പെട്ടിരുന്നു.

കാബൂള്‍: അഫ്ഗാനിസ്താന്റെ തലസഥാനമായ കാബൂളില്‍ ഒരു രാഷ്ട്രീയ യോഗത്തിനു സമീപമുണ്ടായ ചാവേര്‍ ബോംബ് സ്‌ഫോടനത്തില്‍ ഏഴുപേര്‍ കൊല്ലപ്പെട്ടു. ബല്‍ഖ് പ്രവിശ്യ ഗവര്‍ണറും താജിക് ജംഇയത്തുല്‍ ഇസ്്‌ലാമി നേതാവുമായ അത്ത മുഹമ്മദ് നൂറിന്റെ അനുയായികളുടെ യോഗത്തിനുനേരെയാണ് ആക്രമണമുണ്ടായത്. രാഷ്ട്രീയ സംഗമം നടക്കുന്ന ഹോട്ടലിനടത്താണ് ചാവേര്‍ പൊട്ടിത്തെറിച്ചതെന്ന് അഫ്ഗാന്‍ ആഭ്യന്തര മന്ത്രാലയ വക്താവ് പറയുന്നു. കൊല്ലപ്പെട്ടവരില്‍ അഞ്ച് പൊലീസുകാരും രണ്ട് സാധാരണക്കാരും പെടും. അനേകം പേര്‍ക്ക് പരിക്കുണ്ട്. 2019ല്‍ പ്രസിഡന്റ് തെരഞ്ഞെടുപ്പ് നടക്കാനിരിക്കെ, രാഷ്ട്രീയ പാര്‍ട്ടികളെ ഉണര്‍ത്താനുള്ള ശ്രമത്തിലാണ്. അതിന്റെ ഭാഗമായി പ്രമുഖ പാര്‍ട്ടികളെല്ലാം യോഗങ്ങള്‍ നടത്തുന്നുണ്ട്. ബുധനാഴ്ച പ്രസിഡന്റ് അഷ്‌റഫ് ഗനി തെരഞ്ഞെടുപ്പ് കമ്മീഷന്‍ ചെയര്‍മാനെ പിരിച്ചുവിട്ടിരുന്നു. അടുത്ത വര്‍ഷം നിശ്ചയിച്ച പാര്‍ലമെന്റ്, പ്രവിശ്യ കൗണ്‍സില്‍ തെരഞ്ഞെടുപ്പ് സമയത്തിന് നടക്കുമോ എന്ന് സംശയമുയന്നിട്ടുണ്ട്.

അതേസമയം, ഇന്ത്യന്‍ എംബസി ഓഫീസിലുണ്ടായിരുന്ന ഉദ്യോഗസ്ഥരെല്ലാം സുരക്ഷിതരാണെന്നു വിദേശകാര്യ മന്ത്രി സുഷമ സ്വരാജ് ട്വിറ്ററില്‍ അറിയിച്ചു. നഗരമധ്യത്തില്‍ കനത്ത പുക ഉയരുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്. ആക്രമണത്തിന്റെ കാരണമെന്തെന്നു വ്യക്തമല്ല.