പുതിയ സിഡബ്‌ള്യുസി കമ്മിറ്റി നിലവില്‍ വരാതെ കുട്ടിയെ വിട്ടുനല്‍കാനാകില്ല എന്ന് വിചിത്ര വാദമാണ് ഗോവയിലെ അധികൃതര്‍ ഉന്നയിക്കുന്നത്. പുതിയ കമ്മറ്റി വരാന്‍ ഒരാഴ്ച്ച സമയമെടുക്കുമെന്നാണ് പറയുന്നത്. അതിന് പറ്റില്ലെങ്കില്‍ കോടതിയെ സമീപിക്കാനാണ് അവര്‍ വാദിക്കുന്നത്. കുട്ടിയെ ഇതുവരെ നേരിട്ട് കാണാനായിട്ടില്ലെന്ന് പിതാവ് പറഞ്ഞു. കഴിഞ്ഞ വ്യാഴാഴ്ച്ച ഉച്ചക്ക് ശേഷമാണ് സല്‍മാനെ വീട്ടില്‍ നിന്നും കാണാതാകുന്നത്. ഇന്നലെയാണ് ഗോവയില്‍ കുട്ടിയെ കണ്ടെത്തിയത്.