kakkayam – Chandrika Daily https://www.chandrikadaily.com Sun, 21 Jan 2024 06:41:22 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg kakkayam – Chandrika Daily https://www.chandrikadaily.com 32 32 കാട്ടുപോത്ത് ആക്രമണം: സഞ്ചാരികള്‍ക്ക് വിലക്ക്, കക്കയത്തെ ടൂറിസം കേന്ദ്രങ്ങള്‍ അടച്ചു https://www.chandrikadaily.com/wild-buffalo-attack-tourists-banned-kakkayam-tourism-centers-closed.html https://www.chandrikadaily.com/wild-buffalo-attack-tourists-banned-kakkayam-tourism-centers-closed.html#respond Sun, 21 Jan 2024 06:41:22 +0000 https://www.chandrikadaily.com/?p=288547 കാട്ടുപോത്ത് ആക്രമണത്തെ തുടര്‍ന്ന് കോഴിക്കോട് കക്കയത്തെ ടൂറിസം കേന്ദ്രങ്ങള്‍ അടച്ചു. ഹൈഡല്‍ ടൂറിസം, ഇക്കോ ടൂറിസം കേന്ദ്രങ്ങളിലാണ് സഞ്ചാരികള്‍ക്ക് വിലക്ക് ഏര്‍പ്പെടുത്തിയത്. കാട്ടുപോത്തിനെ തുരത്താന്‍ വനംവകുപ്പിന്റെ പ്രത്യേകസംഘം ഇന്നെത്തും. ഇന്നലെ കാട്ടുപോത്ത് ആക്രമിച്ച ഇടപ്പള്ളി സ്വദേശി അപകടനില തരണം ചെയ്തു.

കരിയാത്തംപാറ കക്കയം ഡാം സൈറ്റിലാണ് ഇന്നലെ കാട്ടുപോത്തിന്റെ ആക്രമണമുണ്ടായത്. ഡാം കാണാനെത്തിയ വിനോദസഞ്ചാരികള്‍ക്കാണ് പരിക്കേറ്റത്. എറണാകുളം ഇടപ്പള്ളി തോപ്പില്‍ വീട്ടില്‍ നീതു ഏലിയാസ് (32), മകള്‍ ആന്‍മരിയ (4) എന്നിവര്‍ക്കാണ് പരിക്കേറ്റത്. കുഞ്ഞിന്റെ പരിക്കും ഗുരുതരമല്ല. നീതുവിന്റെ വാരിയെല്ലിനും തലയ്ക്കും പരിക്കുണ്ട്. ഇവര്‍ കോഴിക്കോട്ടെ സ്വകാര്യ ആശുപത്രിയില്‍ ചികിത്സയിലാണ്.

കൂടരഞ്ഞിയിലെ ബന്ധുവീട്ടില്‍ വിരുന്നെത്തിയ ശേഷം ഡാം പരിസരത്ത് എത്തിയവരാണ് ആക്രമണത്തിന് ഇരയായത്. ഇന്നലെ രാത്രി മുതല്‍ ഒരു കാട്ടുപോത്ത് പരിസരത്ത് ഉണ്ടായിരുന്നു. കുട്ടികളുടെ പാര്‍ക്കിന് സമീപം നിന്നിരുന്ന സംഘത്തെ കാട്ടുപോത്ത് പാഞ്ഞു വന്ന് ആക്രമിക്കുകയായിരുന്നു എന്നാണ് വിവരം.
]]> https://www.chandrikadaily.com/wild-buffalo-attack-tourists-banned-kakkayam-tourism-centers-closed.html/feed 0 കനത്ത മഴ: കക്കയം വാലിയില്‍ ഉരുള്‍പൊട്ടല്‍; ഗതാഗതം തടസ്സപ്പെട്ടു https://www.chandrikadaily.com/heavy-rain-land-slip-in-kakkayam.html https://www.chandrikadaily.com/heavy-rain-land-slip-in-kakkayam.html#respond Fri, 13 Oct 2017 12:22:07 +0000 http://www.chandrikadaily.com/?p=47626 കോഴിക്കോട്: ജില്ലയുടെ മലയോര മേഖലകളിലെ കനത്തമഴയെ തുടര്‍ന്ന്  കക്കയം വാലിയില്‍ ഉരുള്‍പൊട്ടി. കക്കയം ഡാമിന് സമീപം കാട്ടിലെ മലയിലാണ് ഉരുള്‍പൊട്ടിയത്. ഉരുള്‍പൊട്ടലിനെ തുടര്‍ന്ന് വെള്ളംകയറിയതിനാല്‍ സ്ഥലത്തെ ഗതാഗതം തടസ്സപ്പെട്ടു. കക്കയത്തെത്തിയ വിനോദസഞ്ചാരികളും ഡാമിലെ വൈദ്യുതി വകുപ്പിന്റെയും വിനോദസഞ്ചാരവകുപ്പിന്റെയും ജീവനക്കാരും ഡാം സൈറ്റിനകത്ത് കുടുങ്ങിതായാണ് വിവരം.

മഴ കുറഞ്ഞതിന് ശേഷം യന്ത്രസംവിധാനങ്ങള്‍ അടക്കമുള്ളവ സ്ഥലത്തെത്തിച്ച് ഗതാഗതം പുനഃസ്ഥാപിച്ചാല്‍ മാത്രമെ വിനോദ സഞ്ചാരികള്‍ അടക്കമുള്ളവര്‍ക്ക് അവിടെനിന്ന് തിരിച്ചെത്താന്‍ കഴിയൂവെന്നാണ് ലഭ്യമായ വിവരം. സ്ഥലത്ത് രക്ഷാപ്രവര്‍ത്തനം പുരോഗമിക്കുന്നതായി കെഎസ്ഇബി അധികൃതര്‍ അറിയിച്ചു.

അതിനിടെ,താമരശേരി ചുരം ഏഴാം വളവില്‍ കനത്ത മഴയെത്തുടര്‍ന്ന് റോഡ് ഒലിച്ചുപോയി. ഇതേത്തുടര്‍ന്ന് ചുരത്തില്‍ ഗതാഗത നിയന്ത്രണം ഏര്‍പ്പെടുത്തി.

]]> https://www.chandrikadaily.com/heavy-rain-land-slip-in-kakkayam.html/feed 0