വിദ്യാര്‍ത്ഥികളോടുള്ള വെല്ലുവിളി ചെറുക്കും; സംഘാടക സമിതി

മലപ്പുറം: കലോത്സവം നല്ല രീതിയില്‍ മുന്നേറുന്നതില്‍ കലിപൂണ്ട് എസ്.എഫ്.ഐയുടെ നിര്‍ദേശപ്രകാരം പ്രാദേശിക സി.പി.എം ഡി.വൈ.എഫ്.ഐ നേതാക്കള്‍ കാമ്പസില്‍ അഴിഞ്ഞാടുകയായിരുന്നെന്നും വിദ്യാര്‍ത്ഥികളെ ആക്രമിച്ചും കാമ്പസില്‍ ഭീകരാന്തരീക്ഷം സൃഷ്ടിച്ചും കലോത്സവം അലങ്കോലപ്പെടുത്താനുള്ള ശ്രമമാണ് നടന്നതെന്നും സംഘാടക സമിതി ജനറല്‍ കണ്‍വീനര്‍ സഫ്വാന്‍ പത്തില്‍, ഭാരവാഹികളായ അഷ്ഹര്‍ പെരുമുക്ക്, ശറഫുദ്ധീന്‍ പിലാക്കല്‍, വി.എ.വഹാബ് എന്നിവര്‍ പറഞ്ഞു. പ്രശ്നം ഉണ്ടാക്കി കലോത്സവം നിര്‍ത്തിവെപ്പിക്കാനുള്ള ശ്രമമാണ് നടന്നത്. പോലീസും ഇതിന് കൂട്ടുനി്ല്‍ക്കുന്ന കാഴ്ച്ചയാണ് കാണാനായത്. ആക്രമണം ചെറുക്കും. മികച്ച രീതിയില്‍ തന്നെ കലോത്സവം പൂര്‍ത്തിയാക്കും. യൂണിവേഴ്സിറ്റി യൂണിയന്‍ നഷ്ടപെട്ടതുമുതല്‍ എസ്.എഫ്.ഐക്ക് കലിതുള്ളി നടക്കുകയാണ്. ഈ ദേഷ്യമാണ് പാവപ്പെട്ട വിദ്യാര്‍ത്ഥികളുടെ നേരെ തീര്‍ക്കുന്നത്. ഇത് അംഗീകരിക്കാനാവില്ലെന്നും നേതാക്കള്‍ പറഞ്ഞു.

1986ല്‍ കേരള കലാമണ്ഡലത്തില്‍ നിന്ന് കൂടിയാട്ടത്തില്‍ പരിശീലനം നേടിയ ചാക്യാര്‍ കലോത്സവ വേദികളില്‍ കൂടിയാട്ടം എന്ന കലയുടെ പ്രചാരണത്തിന് വലിയ പങ്കു വഹിച്ച വ്യക്തി കൂടിയാണ്. 1987 മുതല്‍ കലോത്സവ വേദികളില്‍ ശിഷ്യഗണങ്ങളുമായി എത്തുന്നുണ്ട് നാരായണ ചാക്യാര്‍.

2010 വരെ കൂടിയാട്ടം എന്നത് യുനെസ്‌കോ അംഗീകരിച്ച കേരളത്തിലെ ഏക പൈതൃക കലയായിരുന്നു. കലോത്സവവേദികളില്‍ കൂടിയാട്ടം വന്നതോടെ കല അഭ്യസിക്കാനുളള ആളുകളുടെ താല്‍പര്യം വലിയ തോതില്‍ കൂടിയെന്ന് നാരായണ ചാക്യാര്‍ പറയുന്നു. മത്സരം എന്നതിലുപരി കൂടിയാട്ടം എന്ന കലയിലേക്ക് പുതുതലമുറയുടെ ശ്രദ്ധ ആകര്‍ഷിക്കുകയും ഇഷ്ടം ഉണ്ടാക്കിയെടുക്കുകയും ചെയ്യുക എന്നതാണ് കലോത്സവങ്ങളിലെ പങ്കാളിത്തത്തിലൂടെ പൈങ്കുളം നാരായണ ചാക്യാര്‍ ലക്ഷ്യം വെക്കുന്നത്.

വെള്ളക്കെട്ടും ചളിയുമായതിനാല്‍ യാത്രക്കാര്‍ക്ക് ഇതില്‍ ചവിട്ടി വേണം ബസിന് അടുത്തേക്കു പോകാനും പ്രധാനവേദിയിലേക്ക് പോകാനും വലിയ ബുദ്ധിമുട്ടാണ്. ബസ് സ്‌റ്റോപിന്റെ മുന്‍വശത്ത് ഏറെ നീളത്തിലാണ് ഇപ്പോള്‍ ചളി നിറഞ്ഞു നില്‍ക്കുന്നത്. ആശ്രമത്ത് വന്നിറങ്ങുന്നവര്‍ക്കും ബസില്‍ നിന്ന് ഈ ചളിയിലേക്കോ വെള്ളക്കെട്ടിലേക്കോ ഇറങ്ങേണ്ട സാഹചര്യമാണ് നിലവിലുള്ളത്. ചളിയും വെള്ളക്കെട്ടുമായതിനാല്‍ ബസുകളും ആ ഭാഗം വിട്ടിട്ട് റോഡിന്റെ മധ്യഭാഗത്തേക്കോ അല്ലെങ്കില്‍ ബസ് സ്‌റ്റോപ്പില്‍ നിന്നു മാറിയോ ആണ് ആളുകളെ ഇറക്കുന്നതും കയറ്റുന്നതും. ഇത് യാത്രക്കാരെ ബുദ്ധിമുട്ടിലാക്കുകയും അപകടങ്ങള്‍ക്ക് കാരണമാവുകയും ചെയ്യുന്നുണ്ട്. ഇപ്പോഴത്തെ സാഹചര്യത്തില്‍ വലിയ തിരക്കാണ് വേദിയിലും പുറത്തും ഇത് കാരണം വലിയ അപകടങ്ങള്‍ക്ക് വഴിവയ്ക്കും.

ബസ് സ്‌റ്റോപ്പില്‍ കയറി ഇരുന്നു വിശ്രമിച്ചു ബസ് കാത്തിരിക്കാമെന്നു കരുതിയാലും ചിലപ്പോള്‍ നടക്കില്ല. ബസിന് നിര്‍ത്താന്‍ കാണിക്കാനോ നിര്‍ത്തുമ്പോഴേക്ക് ചളിയും വെള്ളക്കെട്ടും മറികടന്നു എത്താനോ പെട്ടെന്നു കഴിയില്ല എന്നതാണ് കാരണം. ഇത് യാത്രക്കാര്‍ റോഡില്‍ തന്നെ ബസ് കാത്തിരിക്കുന്നതിലേക്കും നയിക്കുന്നുണ്ട്. നഗരത്തിലെ പ്രധാനപ്പെട്ട ഇടങ്ങളിലൊന്നായ ആശാമത്തെ ബസ്‌സ്‌റ്റോപ്പിന് മുന്‍വശം വെള്ളക്കെട്ടും ചളിയും നിറഞ്ഞു നില്‍ക്കാന്‍ തുടങ്ങിയിട്ട് എത്രയൊ മാസങ്ങള്‍ കഴിഞ്ഞു.

മൈതാനത്തിന്റെ പ്രധാന വേദിയില്‍ കാണികള്‍ ഇരിക്കുന്ന പന്തലിനുള്ളിലേക്കും വെള്ളം കയറിയ സാഹചര്യം ഉണ്ടായി. സംഘാടകരില്‍ വേണ്ട രീതിയിലുള്ള പ്രതികരണം ഉണ്ടായില്ലെങ്കില്‍ കലോത്സവ അനുഭവം ദുസ്സഹമാവും. ആശ്രമം മൈതാനത്ത് സജ്ജമാക്കിയ മീഡിയ സ്റ്റാളുകളിലേക്കടക്കം വെള്ളത്തിലായി. പല മീഡിയ സ്റ്റാളുകളിലും ലക്ഷങ്ങള്‍ വിലപിടിപ്പുള്ള ഇലക്ട്രോണിക്‌സ് ഉപകരണങ്ങളും പുസ്തങ്ങളും വേണ്ട മുന്‍കരുതലുകള്‍ കൈക്കൊളളാത്തതിന്റെ ഫലമായാണ് ഇത്തരം പ്രശ്‌നങ്ങള്‍ക്ക് വഴിവയ്ക്കുന്നത്.

കടുത്ത ചൂടിന് ഇന്നലെ പെയ്ത മഴ കാരണം ചെറിയൊരു ശമനമുണ്ടായിട്ടുണ്ട്. പക്ഷെ കലോത്സവത്തെ മഴ ഏതൊക്കെ തരത്തില്‍ ബാധിക്കുമെന്നത് ഇപ്പോള്‍ ഒരു ചോദ്യമായി അവശേഷിക്കുകയാണ്. എത്രയും വേഗം അധികൃതരുടെ ഭാഗത്തുനിന്നും വേണ്ട നടപടികള്‍ സ്വീകരിക്കുമെന്ന് പ്രതീക്ഷിക്കാം.

പോലീസിനും രക്ഷയില്ല

കലോത്സവത്തിന്റെ സുഗമമായ നടത്തിപ്പിനും ജനങ്ങളുടെ സുരക്ഷയ്ക്കും വേണ്ടി ആശ്രമം മൈതാനിയില്‍ സജ്ജമാക്കിയ പൊലീസ് കണ്‍ട്രോള്‍ റൂമിനുള്ളിലേക്കും വെള്ളം കയറി. ജനങ്ങളെ സംരക്ഷിക്കാന്‍ വേണ്ടി തയ്യാറാക്കിയ പോലീസ് കണ്‍ട്രോള്‍ റൂം തന്നെ ഇപ്പോള്‍ സുരക്ഷ ഇല്ലാത്ത അവസ്ഥയിലാണ് ഇതുവരെയും വെള്ളം പൂര്‍ണമായും കണ്‍ട്രോള്‍ റൂമിനകത്ത് കയറിയ വെള്ളം പൂര്‍ണമായും നീക്കം ചെയ്യാന്‍ പൊലീസിനൊ സംഘാടകര്‍ക്കൊ സാധിച്ചിട്ടില്ല.

ഇടതുസര്‍ക്കാറിന്റെ കുപ്രസിദ്ധി നേടിയ നവകേരള സദസ്സിന്റെ ഹാങ്ങോവറില്‍ നിന്ന് മുഖ്യമന്ത്രിയും മന്ത്രിമാരും മാറിയിട്ടില്ലെന്ന വിമര്‍ശനും ഉയര്‍ന്നു. സിനിമ താരം ആഷാ ശരതിന്റെ നേതൃത്വത്തില്‍ നടത്തിയ സ്വാഗത നൃത്ത പരിപാടിക്ക് നവകേരളം എന്ന് തുടങ്ങുന്ന ഗാനമായിരുന്നു അകമ്പടി.

കേരളം എന്ന് ഉപയോഗിക്കുന്നിടത്തെല്ലാം ‘നവം’ ചേര്‍ത്തുള്ള പ്രയോഗം പലയിടത്തും ആരോചകമായി. മുഖ്യമന്ത്രിയുടെയും മന്ത്രിമാരുടെയും പ്രസംഗങ്ങളും നവകേരള മയമായിരുന്നു. മുഖ്യമന്ത്രിയുടെ സുരക്ഷയും കലോത്സവല നഗരിയെ വീര്‍പ്പ്മുട്ടിച്ചു. നവകേരള സദസ്സിലേക്ക് എത്തിയ പോലെ തന്നെയായിരുന്നു മുഖ്യമന്ത്രി എത്തിയത്.

സായുധ സേനയുടെ അകമ്പടിയും അവരുടെ സുരക്ഷ ക്രമീകരണങ്ങളും കലോത്സവ ജനകീയതെ തന്നെ വെല്ലുവിളിക്കുന്നതായി. മാധ്യമപ്രവര്‍ത്തകരെ വരെ ഒഴിപ്പിച്ചെന്നും പരാതി ഉയര്‍ന്നു. ഒരു മണിക്കൂറോളം പരിപാടിയില്‍ ചിലവഴിച്ചാണ് മുഖ്യമന്ത്രി മടങ്ങിയത്. അതുവരെയും കനത്ത സുരക്ഷാ വലയത്തിലായിരുന്നു ജനം. ഉദ്ഘാടനം കഴിഞ്ഞ് മുഖ്യമന്ത്രി പിണറായി വിജയന്‍ വേദിവിട്ടതോടെയാണ് പ്രധാന വേദിയായ ആശ്രാമം ശ്വാസം വിട്ടത്.