മലയാളത്തിലെ ഒരു പാട്ടിന് ഹൈദരാബാദില്‍ നിന്ന് കേസ് വരുമ്പോള്‍ മതശക്തികളുടെ അസഹിഷ്ണുതയുടെ വ്യാപ്തി കൂടുതല്‍ ‘ഭയത്തോടെയാണ് കാണേണ്ടത്. പാട്ട് പിന്‍വലിക്കുന്നില്ലെന്ന തീരുമാനം സന്തോഷകരമാണ്. ആ ധീരത കാണിക്കണമെന്നാണ് പുതിയ തലമുറയിലെ സംവിധായകരോട് പറയാനുള്ളത്. ഇതിനെ ഒരു പോരാട്ടമായി കണ്ടില്ലെങ്കില്‍ ഇനിയും വഴങ്ങേണ്ടിവരും.

ഒരു സിനിമ എടുക്കുന്നതോടെ കലാകാരന്‍മാര്‍ക്ക് സൈ്വരജീവിതം നഷ്ടപ്പെടുന്ന അവസ്ഥയുണ്ടാകരുത്. വര്‍ഷങ്ങളായി കേള്‍ക്കുന്ന പ്രസിദ്ധമായ പാട്ടാണിത്. മതപ്രഭാഷണം നടക്കുന്നതിന്റെ ചുറ്റും പലരും പലതരത്തിലുള്ള വിനോദങ്ങളില്‍ ഏര്‍പ്പെട്ടിട്ടുണ്ടാകും. അവരെല്ലാം മതവികാരത്തെ വ്രണപ്പെടുത്തുന്നുവെന്ന് പറയാനാകില്ല. അതുപോലെ തന്നെയാണ് വേദിയില്‍ പാട്ടുപാടുമ്പോള്‍ ഗാനവുമായി ബന്ധമില്ലാത്ത പരിസരത്തുള്ള രംഗം കൂടി പകര്‍ത്തുകയാണ് സിനിമയില്‍ ചെയ്തിരിക്കുന്നത്. ഇത്തരം എതിര്‍പ്പുകളെ ഒറ്റക്കെട്ടായി ചെറുക്കുക തന്നെ ചെയ്യും.

മാധവിയെക്കുട്ടിയെക്കുറിച്ചുള്ള സിനിമയെടുത്തപ്പോള്‍ താനും ഇത്തരം എതിര്‍പ്പിന്റെ ഇരയായതായി കമല്‍ പറഞ്ഞു. അവര്‍ ഉദ്ദേശിക്കുന്ന രീതിയില്‍ ഞാന്‍ മാധവിക്കുട്ടിയെ കാണണം എന്ന് ശഠിക്കുകയാണ് ഒരുപറ്റം ആസ്വാദകര്‍. മറ്റൊരു കാഴ്ചയും മറ്റൊരു മാധവിക്കുട്ടിയെയും അവര്‍ അംഗീകരിക്കില്ല എന്ന ധാര്‍ഷ്ഠ്യമാണ് കേരളത്തില്‍ നടക്കുന്നത്. അതാണ് പാട്ടുവിഷയത്തിലും നടക്കുന്നതെന്നും കമല്‍ പറഞ്ഞു.

മലപ്പുറത്ത് മത്സരിക്കുന്നതിനെക്കുറിച്ച് ചിന്തിച്ചിട്ടുപോലുമില്ല. പാര്‍ട്ടിയുടേയോ എല്‍.ഡി.എഫിന്റേയോ ഭാഗത്തുനിന്ന് അത്തരം നിര്‍ദ്ദേശം ഉണ്ടായിട്ടില്ല. തെരഞ്ഞെടുപ്പില്‍ മത്സരിക്കുന്നതിനുളള മാനസിക തയ്യാറെടുപ്പിലല്ലെന്ന് കമല്‍ വ്യക്തമാക്കി. ഇനിമുതല്‍ പുതിയ ചിത്രം ആമിയുടെ ചിത്രീകരണത്തിന്റെ തിരക്കിലായിരിക്കും.സിനിമയാണ് തന്റെ ജീവിതമാര്‍ഗ്ഗം. സിനിമ ചെയ്യുകയാണ് തന്റെ ഉത്തരവാദിത്തമെന്നും സജീവ രാഷ്ട്രീയ പ്രവര്‍ത്തകനല്ല താനെന്നും കമല്‍ കൂട്ടിച്ചേര്‍ത്തു. സോഷ്യല്‍മീഡിയയിലുള്‍പ്പെടെ കമല്‍ മത്സരിക്കുന്നുവെന്ന പ്രചാരണം ശക്തമായിരുന്നു. കമലിനെക്കൂടാതെ നടന്‍ മമ്മുട്ടിയും മത്സരിക്കാന്‍ ഒരുങ്ങുന്നെന്ന വ്യാജപ്രചാരണം ശക്തമായിക്കൊണ്ടിരിക്കുകയാണ്.

അതേസമയം, കേരള രാജ്യാന്തര ചലച്ചിത്ര മേളയുടെ നിലമ്പൂര്‍ മേഖലാ മേളയില്‍ സംവിധായകന്‍ കമല്‍ പങ്കെടുക്കരുതെന്ന് കളക്ടര്‍ ഉത്തരവിട്ടു. തെരഞ്ഞെടുപ്പ് പെരുമാറ്റച്ചട്ടം ചൂണ്ടിക്കാട്ടിയാണ് മലപ്പുറം കളക്ടര്‍ അമിത് മീണ ഉത്തരവിട്ടിരിക്കുന്നത്.

‘ആമിയില്‍ നിന്ന് മാറുന്നതിനെക്കുറിച്ചൊന്നും ചിന്തിച്ചിട്ടേയില്ല. ഒരിക്കലും പിന്‍മാറുകയില്ല. എന്നാല്‍ ആമിയെ ഏറ്റെടുക്കുമ്പോള്‍ പേടിയുണ്ട്. മലയാളികളെല്ലാം ഇഷ്ടപ്പെടുന്ന എഴുത്തുകാരിയാണ് മാധവിക്കുട്ടി. അവരുടെ കഥ സിനിമയാകുമ്പോള്‍ അതിനെ ഏറെ പ്രതീക്ഷയോടെയാണ് ആളുകള്‍ നോക്കിക്കാണുക.അപ്പോള്‍ ആ കഥാപാത്രത്തോട് പൂര്‍ണമായി നീതി പുലര്‍ത്താനാവണം. എന്റെ നൂറുശതമാനവും ഞാനതിനു ശ്രമിക്കും. മാധവിക്കുട്ടിയുടെ ആമി അവസാനം തന്നിലേക്കെത്തുമെന്ന് കരുതിയിരുന്നില്ല. അവസരം ലഭിച്ചത് ഭാഗ്യമായണ് കരുതുന്നത്’ ഭാഗ്യലക്ഷ്മിയുടെ ആമിയെക്കുറിച്ചുള്ള ചോദ്യങ്ങള്‍ക്ക് മഞ്ജുവാര്യര്‍ മറുപടി
പറഞ്ഞു.

ബോളിവുഡ് നടി വിദ്യാബാലനെയായിരുന്നു ആദ്യം ആമിയായി തീരമാനിച്ചിരുന്നത്. എന്നാല്‍ കമലുള്‍പ്പെട്ട ദേശീയഗാന വിവാദത്തെ തുടര്‍ന്ന് വിദ്യാബാലന്‍ പിന്‍മാറുകയായിരുന്നു. പിന്നീട് മലയാളത്തിലെ മുന്‍നിര നായികമാരെല്ലാം തന്നെ ആമിയായി എത്തുന്നുവെന്ന പ്രചാരണങ്ങളുണ്ടായി. തുടര്‍ന്നാണ് മഞ്ജുവാര്യറിലേക്ക് കമലെത്തുന്നത്. എന്നാല്‍ സംഘ്പരിവാര്‍ ശക്തികള്‍ വിമര്‍ശനവുമായി എത്തി. വിവാദമായപ്പോള്‍ ആമിയാവുന്നതില്‍ രാഷ്ട്രീയമില്ലെന്ന് വ്യക്തമാക്കി മഞ്ജുവിന്റെ പോസ്റ്റ് പ്രത്യക്ഷപ്പെട്ടിരുന്നു.

കൊച്ചിയില്‍ യുവനടിക്കെതിരായി നടന്ന ആക്രമണത്തില്‍ ഗൂഢാലോചന നടന്നിട്ടുണ്ടെന്ന് കമല്‍ പറഞ്ഞു. കേസില്‍ ദിലീപുമായി ബന്ധപ്പെട്ട് സംശയമുണ്ടെങ്കില്‍ അതും അന്വേഷിക്കണം. ചില മാധ്യമങ്ങള്‍ ദിലീപിനെ മാത്രം ടാര്‍ജറ്റ് ചെയ്തപ്പോഴാണ് താന്‍ ദിലീപിന് പിന്തുണയുമായെത്തിയതെന്നും കമല്‍ കൂട്ടിച്ചേര്‍ത്തു. നടിക്കെതിരായ ആക്രമണത്തിലെ മുഖ്യമന്ത്രിയുടെ പ്രതികരണം ജനവികാരം മാനിച്ചുവേണമായിരുന്നു. ആര്‍ക്കെങ്കിലും നേരെ ഏതെങ്കിലും തരത്തിലുള്ള ആരോപണങ്ങളുണ്ടെങ്കില്‍ അതും അന്വേഷിക്കണം. സിനിമയില്‍ ക്രിമിനലുകള്‍ കടന്നുകൂടിയിട്ടുണ്ടെന്ന് ആദ്യമായി പറഞ്ഞത് താനാണ്. അത്തരത്തിലുള്ളൊരു ആക്രമണമാണ് നടിക്കുനേരെ നടന്നിട്ടുള്ളതെന്നാണ് വിശ്വസിക്കുന്നതെന്നും ഒരു ചാനലിന് നല്‍കിയ അഭിമുഖത്തില്‍ കമല്‍ പറഞ്ഞു.

നടിയുടെ തിരിച്ചുവരവ് എല്ലാവര്‍ക്കും മാതൃകയാണ്. അവര്‍ക്കു നീതിലഭിക്കുന്നതിനുള്ള എല്ലാ പ്രതിഷേധകൂട്ടായ്മകള്‍ക്കും പിന്തുണ നല്‍കും. സ്ത്രീവിരുദ്ധ സിനിമകളില്‍ അഭിനയിക്കില്ലെന്ന നടന്‍ പൃഥ്വിരാജിന്റെ നിലപാട് പ്രശംസനീയമാണ്. മറ്റു മുതിര്‍ന്ന താരങ്ങള്‍ പൃഥ്വിരാജിനെ മാതൃകയാക്കണം. മൗനം ഫാസിസമാണ്. നടിമാര്‍ ഒറ്റക്ക് യാത്ര ചെയ്യരുതെന്ന അമ്മയുടെ നിലപാട് ജനാധിപത്യവിരുദ്ധവും സ്ത്രീവിരുദ്ധവുമാണെന്നും കമല്‍ തുറന്നടിച്ചു.

പോസ്റ്റിന്റെ പൂര്‍ണ്ണരൂപം:

രാഷ്ട്രീയവത്കരിക്കുക എന്നതിനര്‍ത്ഥം പാര്‍ട്ടിവല്‍ക്കരിക്കുക എന്നല്ല എന്ന് മാര്‍ത്താ ഹാര്‍നേക്കര്‍ പറഞ്ഞിട്ടുണ്ട്. പരമ്പരാഗതരീതിയിലുള്ള മുദ്രാവാക്യം വിളികളോ സമരമുഖങ്ങളിലെ പോരാട്ടമോ മാത്രമല്ല, ഇടപെടല്‍ കൂടി രാഷ്ട്രീയമാണ്. ശരിയെന്ന് തോന്നുന്നതിനോട് ചേര്‍ന്നു നില്‍ക്കലും രാഷ്ട്രീയമാണ്. മാധവിക്കുട്ടിയാകലും രാഷ്ട്രീയമാണ്. രാഷ്ട്രീയം അത്ര മോശപ്പെട്ട സംഗതിയല്ല എന്നര്‍ത്ഥം. ഒരു നിലപാടു കൂടിയാണത്. എനിക്ക് രാഷ്ട്രീയമില്ല എന്ന വാക്കിനേക്കാള്‍ അശ്ലീലമായി മറ്റൊന്നുമില്ല മഞ്ജൂ… രാഷ്ട്രീയമുണ്ടെന്ന് ഉറക്കെപ്പറഞ്ഞു തന്നെ മാധവിക്കുട്ടിയാവൂ ആശംസകള്‍…

പോസ്റ്റിന്റെ പൂര്‍ണ്ണരൂപം:

മലയാളത്തിന്റെ പ്രിയപ്പെട്ട എഴുത്തുകാരി മാധവിക്കുട്ടിയുടെ ജീവിതകഥ പറയുന്ന ‘ആമി’ എന്ന സിനിമയില്‍ മാധവിക്കുട്ടിയായി അഭിനയിക്കാനൊരുങ്ങുകയാണ്. ഇതിനകം ഈ ചിത്രത്തെച്ചൊല്ലി ധാരാളം വാദപ്രതിവാദങ്ങളും പ്രചാരണങ്ങളും ഉയര്‍ന്നതുകൊണ്ട് ഒരു കാര്യം വ്യക്തമാക്കട്ടെ. ഞാന്‍ ഇതില്‍ അഭിനയിക്കുന്നത് എന്റെ രാഷ്ട്രീയത്തിന്റെ പ്രഖ്യാപനമായിട്ടല്ല. ചിത്രത്തിന്റെ സംവിധായകന്‍ കമല്‍സാറിനെ ചുറ്റിയുളള രാഷ്ട്രീയചര്‍ച്ചകളിലെ പക്ഷംചേരലായി ഇതിനെ വ്യാഖ്യാനിക്കുകയുമരുത്. കമല്‍ സാര്‍ എനിക്ക് ഗുരുതുല്യനാണ്. അദ്ദേഹത്തിന്റെ ‘ഈ പുഴയും കടന്നും’, ‘കൃഷ്ണഗുഡിയില്‍ ഒരു പ്രണയകാലത്തും’ പോലെയുള്ള സിനിമകള്‍ എന്റെ അഭിനയജീവിതത്തിലെ എക്കാലത്തെയും വലിയ ഭാഗ്യങ്ങളാണ്. കമല്‍ സാറിന്റെ രാഷ്ട്രീയമല്ല, അദ്ദേഹത്തിലെ കലാകാരനോടുള്ള ആദരവും ഇരുപതുവര്‍ഷത്തിനുശേഷം ഒപ്പം പ്രവര്‍ത്തിക്കാന്‍ അവസരം കിട്ടിയതിലുള്ള ആവേശവുമാണ് ഇപ്പോള്‍ ഉള്ളില്‍.

ഭാരതത്തില്‍ ജനിച്ച ഏതൊരാളെയും പോലെ ‘എന്റെ രാജ്യമാണ് എന്റെ രാഷ്ട്രീയം’. മറ്റൊന്ന് കൂടി. എന്നും രണ്ടുനേരം അമ്പലത്തില്‍ ദീപാരാധന തൊഴുന്നയാളാണ് ഞാന്‍. അതേപോലെ പള്ളിക്കും മസ്ജിദിനും മുന്നിലെത്തുമ്പോള്‍ പ്രണമിക്കുകയും ചെയ്യുന്നു.
മാധവിക്കുട്ടിയെന്ന എഴുത്തുകാരി ഒരു ഇതിഹാസമാണ്. അവരെ വെളളിത്തിരയില്‍ അവതരിപ്പിക്കാനുള്ള അവസരം ഏതൊരു അഭിനേത്രിയേയും പോലെ എന്നെയും കൊതിപ്പിക്കുന്നു. ദയവായി ആമിയെ ഒരു സിനിമയായും എന്റേത് അതിലെ ഒരു കഥാപാത്രമായും മാത്രം കാണുക. സിനിമ ഒരു കലാരൂപമാണ്. അതിന് പിന്നില്‍ പ്രവര്‍ത്തിക്കുന്നവര്‍ക്ക് പല ആശയസംഹിതകളും രാഷ്ട്രീയനിലപാടുകളുമുണ്ടാകാം. അവര്‍ അത് മറന്ന് ഒരേ മനസോടെയും നിറത്തോടെയും പ്രവര്‍ത്തിക്കുന്നത് നല്ലൊരുസിനിമ സൃഷ്ടിക്കാനാണ്. ‘ആമി’യിലും അതുതന്നെയാണ് സംഭവിക്കുക. ഇല്ലാത്ത അര്‍ഥതലങ്ങള്‍ നല്‍കി വിവാദമുണ്ടാക്കുന്നവര്‍ ഉദ്ദേശിക്കുന്നത് മറ്റുപലതുമാണ്. അത് തിരിച്ചറിയേണ്ടിയിരിക്കുന്നു.
ഈ സിനിമ ഓരോ മലയാളിയുടെയും അഭിമാനമായി മാറുമെന്നും ഇത് ലോകസിനിമയ്ക്കുള്ള മലയാളത്തിന്റെ ഐതിഹാസികമായ സമര്‍പ്പണമാകുമെന്നുമാണ് വിശ്വാസം.
അതുകൊണ്ട് പ്രിയപ്പെട്ടവരേ…എന്നെ മുന്‍നിര്‍ത്തി ചേരിതിരിഞ്ഞുള്ള വിവാദ ചര്‍ച്ചകള്‍ക്കു പകരം ഈ നല്ല സിനിമക്കായി ഒരുമിച്ചു നില്‍ക്കണമെന്ന് അഭ്യര്‍ഥിക്കുന്നു. ഈ വലിയ വേഷം ഏറ്റെടുക്കുമ്പോള്‍ നിങ്ങളുടെ പിന്തുണമാത്രമാണ് കരുത്ത്. കൂടെയുണ്ടാകണം…

മഞ്ജു പോസ്റ്റ് ചെയ്ത പുതിയ ചിത്രത്തിന് താഴെയാണ് കമന്റുകള്‍ പ്രത്യക്ഷപ്പെട്ടിരിക്കുന്നത്. കെയര്‍ ഓഫ് സൈനബാനുവിന്റേതാണ് പുതിയ ചിത്രം. കമലുമായി ബന്ധപ്പെട്ടുള്ളതാണ് പുതിയ പ്രശ്‌നം എന്നാണ് കരുതുന്നത്. ദേശീയ ഗാനവിവാദവുമായി ബന്ധപ്പെട്ട് ബി.ജെ.പി നേതാക്കള്‍ കമലിനെതിരെ രംഗത്തെത്തിയിരുന്നു. ഇതിന്റെ തുടര്‍ച്ചയാണ് മഞ്ജുവാര്യര്‍ക്കുനേരെയുള്ള ഭീഷണിയും. വിദ്യാബാലന്‍ ആമിയെ ഉപേക്ഷിച്ചുവെങ്കില്‍ അതിന് പിന്നില്‍ ഒരു കാര്യമുണ്ടായിരിക്കും. എന്നിട്ടും മഞ്ജുചേച്ചി അത് ഏറ്റെടുത്തില്ലേ? ദേശീയ ഗാനത്തെ അപമാനിച്ച ഒരാളുടെ സിനിമയില്‍ തന്നെ ചേച്ചിക്ക് അഭിനയിക്കണോ തുടങ്ങി കമന്റുകള്‍ നിരവധിയാണ്. ചേച്ചിക്ക് പറ്റിയ വേഷമല്ല ഇതെന്നും വിവാദങ്ങള്‍ക്ക് തിരികൊളുത്തിയ സംവിധായകന്റെ കൂടെ അഭിനയിക്കുന്നത് ആരാധകരെ വിഷമിപ്പിച്ചുവെന്നും കമന്റുകളുണ്ട്.

നേരത്തെ ബോളിവുഡ് നടി വിദ്യാബാലനായിരുന്നു ആമിയാവാന്‍ തീരുമാനിച്ചിരുന്നത്. എന്നാല്‍ വിവാദങ്ങള്‍ തലപൊക്കിയപ്പോള്‍ കേന്ദ്രസര്‍ക്കാരിന്റെ പരസ്യങ്ങളില്‍ അഭിനയിക്കുന്ന വിദ്യ പിന്‍മാറുകയായിരുന്നു. പിന്‍മാറ്റത്തിന്റെ കാരണം അവര്‍ ഇതുവരെ വ്യക്തമാക്കിയിട്ടും ഇല്ല. പിന്നീട് ഏറെ അന്വേഷണത്തിനൊടുവിലാണ് കമല്‍ മഞ്ജുവിലേക്ക് എത്തുന്നത്. അതിനിടെ പല നടിമാരും ആമിയാകുമെന്ന് പറഞ്ഞിരുന്നെങ്കിലും തീരുമാനമായിട്ടുണ്ടായിരുന്നില്ല.

എം.ടിയോടും കമലിനോടുമുളള അസഹിഷ്ണുത ജനാധിപത്യ രാജ്യത്തിന് ഭൂഷണമല്ല. എല്‍.കെ അദ്വാനി അടക്കമുളളവര്‍ ജനിച്ചതും പഠിച്ചതും പാകിസ്താനിലാണെന്ന് മറക്കരുത്. അഭിപ്രായം പറയുന്നവരോട് രാജ്യം വിട്ടുപോകാന്‍ പറയുന്നത് വിവരമില്ലായ്മയാണ്. പാകിസ്താന്‍ നരകമാണെന്ന് കരുതുന്നില്ല. അവിടെയുള്ളവര്‍ നമ്മുടെ സഹോദരങ്ങളാണ്. എതിര്‍പ്പുളളവരുടെ വീടിന് മുന്നില്‍പോയി പാടാനുളതല്ല ദേശീയഗാനമെന്നും എം.പി പറഞ്ഞു.

ക്രിസ്ത്യാനി ആയതിനാല്‍ തന്നോട് ആരും പാകിസ്താനില്‍ പോകാന്‍ പറയില്ലെന്നാണ് വിശ്വാസം. ഇംഗ്ലണ്ടിലേക്ക് പോകണമെന്ന് ആര്‍ക്കെങ്കിലും അഭിപ്രായം ഉണ്ടെങ്കില്‍ ടിക്കറ്റെടുത്ത് നല്‍കിയാല്‍ അതിനും തയ്യാറാണെന്ന് ഇന്നസെന്റ് കൂട്ടിച്ചേര്‍ത്തു.