ഭര്‍തൃമാതാവിനൊപ്പം ബന്ധുക്കളും മര്‍ദ്ദിച്ചെന്ന് കനകദുര്‍ഗ പറയുന്നു. ശബരിമല ദര്‍ശനത്തിന് പിന്നാലെ കനകദുര്‍ഗ്ഗക്കും ബിന്ദുവിനും നേരെ വലിയ രീതിയില്‍ പ്രതിഷേധം ഉയര്‍ന്നിരുന്നു. തുടര്‍ന്ന് ഇരുവരും വീട്ടില്‍ പോയിരുന്നില്ല. ഇന്നലെ ബിന്ദു ജോലിക്കെത്തിയിരുന്നു.

കനകദുര്‍ഗയെ ഒളിപ്പിച്ചത് കണ്ണൂരിലാണ്. ഇതുമായി ബന്ധപ്പെട്ട് സി.പി.എം നേതാക്കള്‍ നിരന്തരം ഫോണില്‍ ബന്ധപ്പെട്ടിരുന്നു. ഇതിന്റെ ശബ്ദ രേഖ കൈവശമുണ്ട്. ആവശ്യമെങ്കില്‍ കോടതിയില്‍ ഹാജരാക്കുമെന്ന് സഹോദരന്‍ പറഞ്ഞു.

ഡിസംബര്‍ 24ന് കനകദുര്‍ഗ ശബരിമലയില്‍ എത്തിയിരുന്നെങ്കിലും മല ചവിട്ടാനായിരുന്നില്ല. വീട്ടില്‍ പറയാതെയാണ് കനകദുര്‍ഗ ശബരിമലയില്‍ എത്തിയതെന്ന് അവരുടെ ഭര്‍ത്താവ് അന്നു പറഞ്ഞിരുന്നു. തിരുവനന്തപുരത്തേക്ക് ജോലി സംബന്ധമായ ആവശ്യത്തിനെന്നാണു പറഞ്ഞതെന്നും ശബരിമലയില്‍ പോയതിനെക്കുറിച്ച് അറിയില്ലെന്നും അദ്ദേഹം വ്യക്തമാക്കിയിരുന്നു. പിന്നീട് ദിവസങ്ങള്‍ക്കു ശേഷം ഇന്നു പുലര്‍ച്ചെയാണ് യുവതികള്‍ മലചവിട്ടിയത്.