ഈയിടെ ട്വിറ്റര്‍ കേന്ദ്ര ആഭ്യന്തര മന്ത്രി അമിത് ഷായുടെ ചിത്രം ഔദ്യോഗിക അക്കൗണ്ടിന്റെ പ്രൊഫൈലില്‍ നിന്ന് നീക്കം ചെയ്തിരുന്നു. തൊട്ടുപിന്നാലെ ചിത്രം പ്രത്യക്ഷപ്പെടുകയും ചെയ്തു. ഇതിന്റെ കൂടി സാഹചര്യത്തിലാണ് ബിജെപിയോട് ചായ്‌വു കാണിക്കുന്ന നടി സൈറ്റ് നിരോധിക്കണമെന്ന ആവശ്യമുന്നയിക്കുന്നത്.

നേരത്തെ, വിദ്വേഷ പരാമര്‍ശങ്ങളുടെ പേരില്‍ നടിയുടെ സഹോദരി രംഗോലി ചന്ദലിന്റെ അക്കൗണ്ട് ട്വിറ്റര്‍ പൂട്ടിയിരുന്നു.

എന്നാല്‍ തന്റെ ഫേസ്ബുക്ക് അക്കൗണ്ട് ആരോ ഹാക്ക് ചെയ്തതാണ് എന്ന് അഭിഭാഷകന്‍ അവകാശപ്പെട്ടു. ഒരു സമുദായത്തിലെയും സ്ത്രീകള്‍ക്കു നേരെ ഇത്തരം വാക്കുകള്‍ ഉപയോഗിക്കില്ല. താന്‍ തന്നെ ഞെട്ടിപ്പോയി. അതില്‍ മാപ്പു പറയുന്നു. തന്റെ ക്ഷമാപണം സ്വീകരിക്കണമെന്ന് അഭ്യര്‍ത്ഥിക്കുന്നു- അദ്ദേഹം പറഞ്ഞു. തന്റെ പേരില്‍ വന്ന കമന്റ് ഇയാള്‍ നീക്കം ചെയ്യുകയും ചെയ്തു.

സുശാന്ത് സിങ് രജ്പുതിന്റെ മരണത്തിന് പിന്നാലെ ബോളിവുഡ് താരങ്ങള്‍ക്കും മഹാരാഷ്ട്ര സര്‍ക്കാറിനുമെതിരെ നിലപാടെടുത്ത നടിയാണ് കങ്കണ. ബിജെപിയുമായി ചേര്‍ന്നു നില്‍ക്കുന്ന അവര്‍ ഈയിടെ ബോളിവുഡിനെതിരെയും വിമര്‍ശനവുമായി രംഗത്തെത്തിയിരുന്നു. ഈയിടെ രണ്ട് സമുദായങ്ങള്‍ക്കിടയില്‍ സ്പര്‍ദ്ധ വളര്‍ത്തുന്ന പ്രതികരണം നടത്തിയെന്ന ആരോപണത്തില്‍ ഇവര്‍ക്കെതിരെ മുംബൈ പൊലീസ് കേസ് രജിസ്റ്റര്‍ ചെയ്തിരുന്നു.

ബോളിവുഡ് ഹോളിവുഡില്‍ നിന്ന് കടമെടുത്തതാണ്. ഇന്ത്യന്‍ സിനിമാ വ്യവസായമാണ് ഉള്ളത്. അതില്‍ കലാകാരന്മാരും. അല്ലാതെ ബോളിവുഡ് അല്ല. എന്ത് പരിഹാസ്യമായ വാക്കാണത്. ദയവായി ആ വാക്കുകള്‍ നിരാകരിക്കൂ- എന്നാണ് അവര്‍ ട്വിറ്ററില്‍ കുറിച്ചത്. ഇന്ത്യ റിജക്ട് ബോളിവുഡ് എന്ന ഹാഷ്ടാഗും അവര്‍ ട്വീറ്റിനൊപ്പം ചേര്‍ത്തിട്ടുണ്ട്.

https://twitter.com/KanganaTeam/status/1316771306063314944?s=20

നേരത്തെ, ബോളിവുഡിനെ തകര്‍ക്കാന്‍ അനുവദിക്കില്ല എന്ന് മഹാരാഷ്ട്ര മുഖ്യമന്ത്രി ഉദ്ധവ് താക്കറെ വ്യക്തമാക്കിയിരുന്നു. ഇതിന് പിന്നാലെയാണ് കങ്കണയുടെ പരാമര്‍ശങ്ങള്‍. നോയ്ഡയില്‍ കൂറ്റന്‍ ഫിലിം സിറ്റി നിര്‍മിക്കാനുള്ള യുപി സര്‍ക്കാര്‍ പദ്ധതി പുറത്തുവന്ന സാഹചര്യത്തിലാണ് ഉദ്ധവ് ഇക്കാര്യം പറഞ്ഞിരുന്നത്. സിനിമാ വ്യവസായത്തെ ഇല്ലാതാക്കാനോ മറ്റെവിടേക്കെങ്കിലും മാറ്റാനോ ഉള്ള നീക്കത്തെ വച്ചു പൊറുപ്പിക്കില്ല എന്നായിരുന്നു താക്കറെയുടെ പ്രസ്താവന.