ജയില്‍ സെല്ലില്‍ കത്തികൊണ്ട് കഴുത്തറുത്ത നിലയില്‍ ജില്‍സണിനെ കണ്ടെത്തുകയായിരുന്നു. രാത്രി ഉറങ്ങാന്‍ കിടന്നശേഷം പുതപ്പിട്ട് മൂടിയ നിലയില്‍ സ്വയം കഴുത്തില്‍ കുത്തി പരിക്കേല്‍പ്പിച്ചതാണെന്ന് പ്രാഥമിക നിഗമനം. രക്തസ്രാവം കൂടുതലായതിനെ തുടര്‍ന്ന് ജയില്‍ ജീവനക്കാര്‍ ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരണം സംഭവിച്ചു.

ഏപ്രില്‍ 14ന് ഭാര്യയെ കൊലപ്പെടുത്തിയ കേസിലാണ് ജില്‍സണ്‍ പ്രതിയായത്. ഭാര്യയെ കൊലപ്പെടുത്തിയ ശേഷം തൂങ്ങിമരിക്കാന്‍ ശ്രമിച്ചെങ്കിലും കയറുപൊട്ടി വീണതിനാല്‍ ശ്രമം പരാജയപ്പെട്ടിരുന്നു. അയല്‍ക്കാര്‍ രക്ഷപ്പെടുത്തി ആശുപത്രിയില്‍ എത്തിച്ചത് പിന്നീട് റിമാന്‍ഡിലാക്കാനായിരുന്നു.

ജയില്‍ അധികൃതരുടെ പ്രകാരം, ജില്‍സണ്‍ മുന്‍പും ആത്മഹത്യയ്ക്ക് ശ്രമിച്ചതായി രേഖകളുണ്ട്. കൗണ്‍സിലിംഗ് അടക്കം ആവശ്യമായ സഹായം നല്‍കിയിരുന്നതായും അധികൃതര്‍ വ്യക്തമാക്കി.

കഞ്ചാവ്,മദ്യം,ബീഡി,മൊബൈല്‍ ഫോണ്‍,പുറത്തുനിന്ന് ഭക്ഷണം തുടങ്ങി തടവുകാരുടെ നിയമവിരുദ്ധമായ ആവശ്യങ്ങളെല്ലാം ഇവര്‍ പ്രതിഫലം പറ്റി ചെയ്തു കൊടുക്കുന്നതായും വിവരമുണ്ട്. ആള്‍ അനക്കം കുറഞ്ഞ ഇടങ്ങളില്‍ മതിലിനു മുകളിലൂടെയാണ് സാധനങ്ങള്‍ എറിഞ്ഞു കൊടുക്കുന്നത്. ഫോണ്‍ റീചാര്‍ജ് ചെയ്യാനും ജയില്‍വാസം ഒഴിവാക്കി ആശുപത്രിവാസം ലഭിക്കാനും ഇടക്കിടക്ക് പരോള്‍ ലഭിക്കാനും തടവുകാര്‍ ഇവരെയാണ് സമീപിക്കുന്നത്.

പ്രതിഫലത്തിന്റെ പണമിടപാടുകള്‍ ജയിലിനു പുറത്താണ് നടക്കുന്നത്. ടി.കെ രജീഷ് അടക്കം ടി.പി കേസിലെ ആറ് പ്രതികളാണ് കണ്ണൂര്‍ സെന്‍ട്രല്‍ ജയിലില്‍ ഉള്ളത്. അഞ്ചു വര്‍ഷത്തിലൊരിക്കല്‍ ജയില്‍ ഉദ്യോഗസ്ഥരെ സ്ഥലം മാറ്റണമെന്നാണ് നിര്‍ദ്ദേശം. എന്നാല്‍ കണ്ണൂരില്‍ ഇത് നടപ്പായിട്ടില്ല.