അതേസമയം, ആകാശിനെതിരെ വിമര്‍ശനങ്ങളും ഉയരുന്നുണ്ട്. കൊലപാതക രാഷ്ട്രീയം കൊണ്ട് ഒന്നും നേടാനില്ലെന്നും ചിലര്‍ പറയുന്നുണ്ട്. അതിനിടെ, 2015-ല്‍ വി.എസിനെതിരെ ആകാശ് ഫേസ്ബുക്കിലെഴുതിയ കുറിപ്പ് വീണ്ടും ചര്‍ച്ചയായി. ആര്‍.എം.പി നേതാവ് ടി.പി ചന്ദ്രശേഖരന്റെ ഗതി വരും വി.എസിനെന്ന് പരോക്ഷമായി സൂചിപ്പിക്കുന്നതാണ് പോസ്റ്റ്. ആലപ്പുഴ സംസ്ഥാന സമ്മേളനത്തില്‍ നിന്ന് വി.എസ് ഇറങ്ങിപ്പോയ സമയത്തായിരുന്നു വി.എസിനുനേരെയുള്ള കൊലവിളിയുണ്ടായത്.

വി.എസിനെതിരെയുള്ള ആകാശിന്റെ ഫേസ്ബുക്ക് പോസ്റ്റ്

അറിയാവുന്ന നല്ല ഭാഷയില്‍ നിന്നോടൊക്കെ ഞങ്ങള്‍ പറയേണ്ടത് പറഞ്ഞു..,
നീ പക്ഷെ കൂടെ കൊണ്ട് വന്നിട്ടുള്ള ഈ മാധ്യമ ഇട്ടികണ്ടപ്പന്‍മാരുടെ മസിലിന്റെ വലിപ്പം കൊണ്ടുള്ള ധൈര്യം കാണിച്ച്..,

മുന്നോട്ട് ദാ ബബബബബബ ഇതിനപ്പുറം കടന്നാല്‍…
പാര്‍ട്ടി വിരുദ്ധര്‍ക്കും കുലംകുത്തികള്‍ക്കും ഒഞ്ചിയം ചന്ദ്രന്റെ രക്തസാക്ഷി സ്തൂപത്തിനപ്പുറം കുഴി മറ്റൊന്ന് വെട്ടേണ്ടി വരും..

കാലുപിടിക്കാന്‍ കുനിയുന്നവന്റെ മൂര്‍ദ്ദാവില്‍ തുപ്പണ സ്വഭാവം കാണിച്ചാല്‍ ഈ ഭൂമിമലയാളത്തില്‍ സഖാക്കള്‍ക്ക് ഒരു പൊന്നു മോന്റെ മോനും വിഷയമല്ല..

ഏലംകുളം മനയ്ക്കല്‍ ശങ്കരന്‍ നമ്പൂതിപ്പാടിന്റെ ശിഷ്യരാ തല്ലുംപടിയില്‍ സഖാക്കള്‍.., അതീ ചെക്കന്‍മാര്‍ക്ക് കാണിച്ച് കൊടുക്കണം എന്നാണേല്‍ വരാന്‍ പറ നായിന്റെ മക്കളോട്..!

അതേസമയം, യൂത്ത് കോണ്‍ഗ്രസ് പ്രവര്‍ത്തകന്‍ ശുഹൈബ് വധക്കേസില്‍ അറസ്റ്റിലായ 2 പ്രതികളെ ഇന്ന് കോടതിയില്‍ ഹാജരാക്കും. പ്രതികളായ സി.പി.എം പ്രവര്‍ത്തകര്‍ ആകാശ് തില്ലങ്കേരിയെയും, റിജിന്‍ രാജിനെയും മട്ടന്നൂര്‍ കോടതിയില്‍ ആണ് ഹാജരാക്കുക. ഇന്നലെ പകല്‍ മുഴുവന്‍ ജില്ലാ ആസ്ഥാനത്ത് ചോദ്യം ചെയ്ത ഇരുവരേയും രാത്രിയോടെ മട്ടന്നൂര്‍ സ്‌റ്റേഷനിലേക്ക് മാറ്റിയിരുന്നു. ഇവരെ ചോദ്യം ചെയ്തപ്പോള്‍ ലഭിച്ച വിവരങ്ങളുടെ അടിസ്ഥാനത്തില്‍ കൂടുതല്‍ അറസ്റ്റുകള്‍ ഉണ്ടാകുമെന്നാണ് സൂചന. നിലവില്‍ കേസുമായി ബന്ധപ്പെട്ട് എട്ടുപേരായിരുന്നു കസ്റ്റഡിയിലുണ്ടായിരുന്നത്. എന്നാല്‍ അഞ്ചുപേര്‍ കൊലയാളി സംഘത്തിലുണ്ടെന്ന് പൊലീസ് വ്യക്തമാക്കി. ഇവരില്‍ നിന്ന് നിര്‍ണ്ണായക മൊഴി ലഭിച്ചുവെന്നും പൊലീസ് പറഞ്ഞു.

പ്രദേശത്തെ സ്ത്രീയെ ഭര്‍ത്താവിന്റെ മുന്നില്‍ വെച്ച് ആര്‍.എസ്.എസ് പ്രവര്‍ത്തകന്‍ അക്രമിച്ചതിനെ തുടര്‍ന്ന് പൊലീസില്‍ പരാതി നല്‍കിയെങ്കിലും നടപടി സ്വീകരിക്കാത്തതതും അക്രമത്തിനു കാരണമായതായി പ്രതികള്‍ മൊഴി നല്‍കി.
പോപ്പുലര്‍ ഫ്രണ്ട് യൂണിറ്റ് പ്രസിഡന്റായ അയ്യൂബിനെതിരെ രണ്ടു തവണ നടന്ന വധശ്രമത്തിന് ആര്‍.എസ്.എസ് ശാഖ ശാഖ മുഖ്യശിക്ഷകിനു തന്നെ മറുപടി നല്‍കണമെന്നാണ് പദ്ധതിയിട്ടത്. ഇത് കൊണ്ടാണ് ശ്യാമ പ്രസാദിനെ തെരഞ്ഞെടുത്തതെന്ന് പ്രതികള്‍ സമ്മതിച്ചു.

കൃത്യം നിര്‍വഹിച്ച് വയനാട് വഴി കര്‍ണ്ണാടകയിലേക്ക് കാറില്‍ കടക്കാന്‍ ശ്രമിക്കുമ്പോഴാണ്
മുഴക്കുന്ന് പാറക്കണ്ടം പുത്തംവീട്ടീല്‍ മുഹമ്മദ്(20),മിനിക്കോല്‍ സലീം(26), നീര്‍വേലിസമീറ മന്‍സിലീല്‍ അമീര്‍(26),പാലയോട് തെക്കയില്‍ ഹാഷിം(ഷമീം) എന്നിവര്‍ പിടിയിലായത്. ബോയിസ് ടൗണ്ടിനു സമീപത്തു നിന്നു തലപ്പുഴ എസ്.ഐ.യു.ടെ നേതൃത്വത്തിലാണ് ഇവരെ കസ്റ്റഡിയിലെടുത്തത്. കണ്ണവം പൊലീസ് സ്‌റ്റേഷനില്‍ എത്തിച്ച് ചോദ്യം ചെയ്തപ്പോള്‍ പ്രതികള്‍ കുറ്റംസമ്മതിക്കുകയും ചെയ്തു. ഇന്നു രാവിലെയാണ് അറസ്റ്റ്‌രേഖപ്പെടുത്തിയത്.

കൃത്യം നിര്‍വഹിച്ചത് നാലുപേരാണെങ്കിലും ഗൂഡോലോചനയില്‍ കൂടുതല്‍ പേര്‍ പങ്കാളികളാണ്.
മരിച്ച ശ്യാം പ്രസാദിന്റെ മൃതദേഹം ഇന്നലെ വൈകിട്ട് കണ്ണവം സേവ കേന്ദ്രത്തിനു സമീപം സംസ്‌കരിച്ചു. പരിയാരം മെഡിക്കല്‍ കോളജില്‍ പോസ്റ്റ് മോര്‍ട്ടത്തിനു ശേഷം വിലാപയാത്രയായി എത്തിയ മൃതദേഹം തളിപ്പറമ്പ്,കണ്ണൂര്‍,കൂത്തുപറമ്പ് എന്നിവിടങ്ങളില്‍ പൊതുദര്‍ശനത്തിനു വെച്ചു.

തന്നെ ധാര്‍മികതയുടെ പാഠം സി.പി.എം പഠിപ്പിക്കേണ്ട. ഏ.കെ.ജി വിവാദം സി.പി.എം നിലനിര്‍ത്തുകയാണ്. സി.പി.എം ജില്ലാ സമ്മേളനങ്ങളിലെ വിവാദങ്ങളില്‍ നിന്ന് ശ്രദ്ധ തിരിച്ചുവിടാനാണിത്. ഉത്തരേന്ത്യയില്‍ ബി.ജെ.പിയുടെ വനിതനേതാവ് കണ്ണ് ചൂഴ്‌ന്നെടുക്കുമെന്ന് പ്രസംഗിച്ചപ്പോള്‍ പ്രതിഷേധിച്ചവര്‍ കേരളത്തില്‍ വന്ന് തന്റെ നാവ് പിഴുതെടുക്കുമെന്നാണ് പറയുന്നത്. പാവങ്ങള്‍ക്ക് വേണ്ടി പടപൊരുതി എന്ന് പറയുന്നവര്‍ പാവങ്ങള്‍ക്കു പണമെടുത്ത് ആകാശയാത്ര നടത്തുകയാണെന്നും വി.ടി ബല്‍റാം പറഞ്ഞു.

എ.കെ.ജിക്കെതിരെ പരാമര്‍ശം നടത്തിയ ബല്‍റാമിന്റെ നാവ് പിഴുതെടുക്കുമെന്ന് സി.പി.എം നേതാവ് ഭീഷണി മുഴക്കിയിരുന്നു. ബല്‍റാമിന്റെ തൃത്താലയിലെ ഓഫീസ് ആക്രമണശേഷമായിരുന്നു അത്.

ആര്‍.എസ്.എസ് താലൂക്ക് ബൗദ്ധിക് പ്രമുഖ് ആണ് കാവിക്കൊടി ഒഴുവാക്കി ചെങ്കൊടി പിടിക്കാന്‍ തയാറായത്. ആര്‍എസ്എസ് മുന്‍ പ്രചാരക് ആയിരുന്ന സുബഹ് നേരത്തെ ബാലഗോകുലം കണ്ണൂര്‍ ജില്ലാ സെക്രട്ടറി, സേവാഭാരതിയുടെ സേവന വാര്‍ത്ത വടക്കന്‍ കേരളം സംയോജകന്‍, ഹിന്ദു ഐക്യവേദി തലശേരി താലൂക്ക് ജനറല്‍ സെക്രട്ടറി എന്നീ ചുമതല വഹിച്ചിട്ടുണ്ട്.

ബിജെപിയുടെ മുഖപത്രമായ ജന്മഭൂമിയില്‍ സബ് എഡിറ്ററായ സുബഹ് തലശ്ശേരി ധര്‍മ്മടം സ്വദേശിയാണ്. ആര്‍.എസ്.എസ് വിട്ട് സി.പി.എമ്മിനൊപ്പം ചേര്‍ന്ന് പ്രവര്‍ത്തിക്കാന്‍ തീരുമാനിച്ചതായി സുബഹ് പ്രസ് ക്ലബില്‍ നടന്ന വാര്‍ത്ത സമ്മേളനത്തില്‍ വ്യക്തമാക്കുകയായിരുന്നു. അതേസമയം സിപിഎമ്മിലേക്കുള്ള സുബഹിന്റെ വരവ് പാര്‍ട്ടി നേതൃത്വം സ്ഥിരീകരിച്ചു.

സുബഹിന് സ്വീകരണം നല്‍കുന്നതായി സിപിഎം ധര്‍മ്മടം നോര്‍ത്ത് ലോക്കല്‍ കമ്മിറ്റി പരസ്യം ചെയ്തു തുടങ്ങി. ജനുവരി 20 ശനിയാഴ്ച ധര്‍മ്മടത്തെ ചിറക്കുനിയില്‍വെച്ച് നടക്കുന്ന പൊതുയോഗത്തില്‍വെച്ചാണ് സുബഹിന് സ്വീകരണം ഓരുക്കുന്നത്. സിപിഎം ജില്ല സെക്രട്ടറി പി. ജയരാജനാണ് പരിപാടി ഉദ്ഘാടനം ചെയ്യും.

കണ്ണൂര്‍: കണ്ണൂരില്‍ സമാധാനയോഗതീരുമാനത്തിന് ഒരു രാത്രിയുടെ ആയുസ്സ് പോലുമില്ല. വൈകുന്നേരം കലക്‌ടേറ്റില്‍ ചേര്‍ന്ന സമാധാനയോഗത്തില്‍ സിപിഎം ജില്ലാ സെക്രട്ടറി പി ജയരാജനും ബിജെപി ജില്ലാ പ്രസിഡണ്ട് കെ.രഞ്ജിത്തും ആര്‍എസ്എസിനെ പ്രതിനിധീകരിച്ചെത്തിയ വത്സന്‍ തില്ലങ്കേരിയും ജില്ലയില്‍ സമാധാനമുണ്ടാക്കാനുള്ള ജില്ലാ ഭരണകൂടത്തിന്റെ ശ്രമങ്ങള്‍ക്ക് പൂര്‍ണ പിന്തുണ വാഗ്ദാനം ചെയ്ത് പിരിഞ്ഞതായിരുന്നു. എന്നാല്‍ രാത്രി പുലര്‍ന്നത് അക്രമപരമ്പരകളോടെ.

രാത്രി ഒമ്പതോടെ സിപിഎമ്മുകാര്‍ പയ്യന്നൂര്‍ കവ്വായിയില്‍ മുസ്‌ലിം ലീഗുകാരെ അക്രമിക്കുകയും ബോംബെറിയുകയും ചെയ്തുകൊണ്ടാണ് സമാധാന ലംഘനം ഉദ്ഘാടനം ചെയ്തത്. പുലരും വരെ അവര്‍ 12 വാഹനങ്ങളും എട്ടു വീടുകളും മുസ്‌ലിം ലീഗ് ഓഫീസുകളും അവര്‍ തകര്‍ത്തു. നിരവധി ലീഗ് പ്രവര്‍ത്തകെ മാരകമായി വെട്ടിപരിക്കേല്‍പിച്ചു. കൊടിമരം സ്ഥാപിച്ചതുമായി ബന്ധപ്പെട്ട പ്രശ്‌നമാണിവിടെ വന്‍ ആക്രമമായി മാറിയത്.

സമാധാന യോഗത്തില്‍ നല്‍കിയ ഉറപ്പ് വകവെക്കാതെ ബിജെപിയും പുലരും മുമ്പ് തന്നെ കളത്തിലിറങ്ങി. പാനൂര്‍ കൂറ്റേരിയിലെ സിപിഎം പ്രവര്‍ത്തകന്‍ കാട്ടിന്റവിട ചന്ദ്രനെയാണ് ബിജെപിയുടെ കഠാരക്കിരയായത്. മൊകേരി ക്ഷീരോല്‍പാദക സഹകരണ സംഘം ജീവനക്കാരനുമായ ചന്ദ്രന്‍ പാല്‍ വിതരണത്തിനിടെയായാണ് ആക്രമിക്കപ്പെട്ടത്. ഇരു കാലുകളും അറ്റുതൂങ്ങിയ നിലയില്‍ പോലീസാണ് ചന്ദ്രനെ തലശ്ശേരി സഹകരണ ആശുപത്രിയില്‍ പ്രവേശിപ്പിച്ചത്.

മട്ടന്നൂര്‍, പാനൂര്‍, കരിരൂര്‍ പ്രദേശങ്ങളില്‍ ഏതാനും ദിവസമായി നിലനില്‍ക്കുന്ന അക്രമങ്ങളെ തുടര്‍ന്നായിരുന്നു ജില്ലാ കലക്ടര്‍ മിര്‍ മുഹമ്മദലിയും ജില്ലാ പോലീസ് മേധാവി ജി ശിവവിക്രമും സമാധാനയോഗം വിളിച്ചിരുന്നത്. കണ്ണൂരില്‍ സമാധാനം തകര്‍ന്നതായി ചൂണ്ടിക്കാട്ടി ബിജെപി സംസ്ഥാന പ്രസിഡണ്ട് കുമ്മനം രാജശേഖരന്‍ ഗവര്‍ണറെ കണ്ട് നിവേദനവും നല്‍കിയിരുന്നു. എന്നാല്‍ നേതാക്കള്‍ ഒരു ഭാഗത്ത് സമാധാനം ആഹ്വാനം ചെയ്യുകയും മറുഭാഗത്ത് ആക്രമത്തിന് നേതൃത്വം നല്‍കുകയും ചെയ്യുന്ന കാഴ്ചയാണ് കണ്ണൂര്‍ ജില്ലയില്‍ കാണുന്നത്. കണ്ണൂര്‍ ജില്ലയില്‍ രാഷ്ട്രീയ ആക്രമങ്ങള്‍ ഏറ്റവും കൂടുതല്‍ നടക്കുന്നതും ഏറ്റവും കൂടുതല്‍ പേര്‍ കൊല്ലപ്പെട്ടതും ഡിസംബര്‍ മാസത്തിലാണ്. ജീവനെടുത്തില്ലെങ്കിലും പതിവു പോലെ ഈ ഡിസംബറിലും സിപിഎമ്മും ബിജെപിയും ആക്രമങ്ങളുടെ ഉത്സവതിമിര്‍പ്പില്‍ തന്നെയാണ്.

മട്ടന്നൂര്‍: കണ്ണൂര്‍ മട്ടന്നൂരില്‍ വീണ്ടും ബി.ജെ.പി-സി.പി.എം ഏറ്റുമുട്ടി. സംഘര്‍ഷത്തില്‍ രണ്ടു പേര്‍ക്ക് വെട്ടേറ്റു. സി.പി.ഐ.എം പ്രവര്‍ത്തകരായ സുധീര്‍, ശ്രീജിത്ത് എന്നിവര്‍ക്കാണ് വെട്ടേറ്റത്.

ഗുരുതരമായി പരുക്കേറ്റ ഇരുവരെയും ആദ്യം കണ്ണൂര്‍ എ.കെ.ജി ആശുപത്രിയില്‍ പ്രവേശിപ്പിച്ചെങ്കിലും പിന്നീട് കോഴിക്കോട് ബേബി മെമ്മോറിയല്‍ ആശുപത്രിയിലേക്ക് മാറ്റി.

മട്ടന്നൂര്‍ അയല്ലൂര്‍ വായനശാലയില്‍ ഇരിക്കുകയായിരുന്ന സുധീര്‍, ശ്രീജിത്ത് എന്നിവരെ് മാരകായുധങ്ങളുമായി ബൈക്കിലെത്തിയ ആര്‍.എസ്.എസ് സംഘം വെട്ടിപ്പരുക്കേല്‍പ്പിക്കുകയായിരുന്നു എന്ന് സി.പി.ഐ.എം ആരോപിച്ചു.

.
സംഭവത്തില്‍ പ്രതിഷേധിച്ച് സി.പി.ഐ.എം മാലൂര്‍, തില്ലങ്കേരി, കൂടാളി, കീഴല്ലൂര്‍ പഞ്ചായത്തുകളിലും ഇരിട്ടി, മട്ടന്നൂര്‍ നഗരസഭാ പരിധിയിലും ഇന്ന് ഹര്‍ത്താല്‍ പ്രഖ്യാപിച്ചു. രാവിലെ ആറു മണി മുതല്‍ വൈകീട്ട് ആറു മണി വരെയാണ് ഹര്‍ത്താല്‍.