ഒരാള്‍ കൊല്ലപ്പെട്ടു കഴിഞ്ഞാല്‍ പകരമെന്നോണമാണ് മറ്റു പല കൊലപാതകങ്ങളും കണ്ണൂരില്‍ നടന്നിട്ടുള്ളത്. അങ്ങനെ നാലു വര്‍ഷത്തിനിടെ പതിമൂന്ന് രാഷ്ട്രീയ കൊലപാതകങ്ങള്‍ കണ്ണൂര്‍ ജില്ലയിലും മാഹിയിലുമായി നടന്നു. പതിമൂന്നാമത്തെ രാഷ്ട്രീയ കൊലപാതകമാണു കണ്ണവത്തെ എസ്ഡിപിഐ പ്രവര്‍ത്തകന്‍ സലാഹുദ്ദീന്റേത്. 2018 മേയ് ഏഴിനു മാഹിയിലും തുടര്‍ച്ചയായി അന്നു തന്നെ കണ്ണൂരിലും ഇരട്ടക്കൊലപാതകം നടന്നശേഷം 27 മാസത്തെ ഇടവേളക്കു ശേഷമാണ് സ്വലാഹുദ്ദീന്റേത്.

2016 മേയ് 19 ഏറാങ്കണ്ടി രവീന്ദ്രന്‍ (സിപിഎം) എല്‍ഡിഎഫിന്റെ വിജയാഹ്ലാദ പ്രകടനത്തിനിടെയുണ്ടായ സംഘര്‍ഷത്തില്‍ കൊല്ലപ്പെട്ടു. 2016 ജൂലൈ 11 സി.വി.ധനരാജ് (സിപിഎം)- ഒരു സംഘം പയ്യന്നൂരിലെ വീട്ടില്‍ കയറി വെട്ടിക്കൊലപ്പെടുത്തി.
സി.കെ.രാമചന്ദ്രന്‍ (ബിജെപി)- സി.വി.ധനരാജ് കൊല്ലപ്പെട്ടു മണിക്കൂറുകള്‍ക്കുള്ളില്‍ ഒരു സംഘം വീടാക്രമിച്ചു വെട്ടിക്കൊലപ്പെടുത്തി. 2016 സെപ്റ്റംബര്‍ 3 ന് മാവില വിനീഷ് (ബിജെപി)- തില്ലങ്കേരിയില്‍ ഒരു സംഘം വെട്ടിക്കൊലപ്പെടുത്തി. 2016 ഒക്ടോബര്‍ 10 കെ.മോഹനന്‍ പാതിരിയാട് (സിപിഎം)- ജോലി ചെയ്യുന്ന കള്ളുഷാപ്പില്‍ കയറി വെട്ടിക്കൊലപ്പെടുത്തി. 2016 ഒക്ടോബര്‍ 12 വി.രമിത്ത് പിണറായി (ബിജെപി)- കെ.മോഹനന്‍ കൊല്ലപ്പെട്ട് 48 മണിക്കൂറുകള്‍ക്കുള്ളില്‍ ഒരു സംഘം രമിത്തിനെ വെട്ടിക്കൊലപ്പെടുത്തി .

2017 ജനുവരി 18-ധര്‍മടം അണ്ടല്ലൂര്‍ എഴുത്തന്‍ സന്തോഷ് (ബിജെപി)- ഒരു സംഘം വീട്ടില്‍ക്കയറി വെട്ടിക്കൊലപ്പെടുത്തി. 2017 മേയ് 12 ചൂരക്കാട് ബിജു (ബിജെപി)- ധനരാജ് വധക്കേസിലെ പന്ത്രണ്ടാം പ്രതിയായിരുന്ന ബിജു ബൈക്കില്‍ വരുമ്പോള്‍, കാറില്‍ പിന്തുടര്‍ന്നെത്തിയ സംഘം വെട്ടി വീഴ്ത്തി. 2018 ജനുവരി 19 ശ്യാമപ്രസാദ് (ബിജെപി)- ആര്‍എസ്എസ് പ്രാദേശിക ഭാരവാഹിയും എബിവിപി പ്രവര്‍ത്തകനുമായിരുന്ന ശ്യമപ്രസാദിനെ ബൈക്ക് തടഞ്ഞു വെട്ടിക്കൊലപ്പെടുത്തി. 2018 ഫെബ്രുവരി 12 എസ്പി ഷുഹൈബ് (യൂത്ത് കോണ്‍ഗ്രസ്)- മട്ടന്നൂര്‍ ബ്ലോക്ക് സെക്രട്ടറിയായ ഷുഹൈബിനെ വെട്ടിക്കൊലപ്പെടുത്തി. 2018 മേയ് 7 കണ്ണിപ്പൊയില്‍ ബാബു (സിപിഎം) – മാഹി പള്ളൂരില്‍ ബൈക്ക് തടഞ്ഞു വെട്ടിക്കൊലപ്പെടുത്തി. കെ.പി.ഷമേജ് (ബിജെപി)- ബാബു കൊല്ലപ്പെട്ട് ഒരു മണിക്കൂറിനുള്ളില്‍ പ്രതികാരമെന്നവണ്ണം കൊല്ലപ്പെട്ടു. -ഇവരാണ് നാലു വര്‍ഷത്തിനിടെ കണ്ണൂരില്‍ രാഷ്ട്രീയ അക്രമത്തില്‍ കൊല്ലപ്പെട്ടവര്‍.

ഈ കൊലപാതകങ്ങളെല്ലാം ഒന്നിനു പിറകെ ഒന്നായി നടന്നതാണ്. പല കൊലപാതകങ്ങളും മുന്‍ കൊലപാതകത്തിന്റെ പകരംവീട്ടല്‍ എന്നു സംശയിക്കാവുന്നവയാണ്. 2016 ജൂലൈയില്‍ പയ്യന്നൂരില്‍ സിപിഎം പ്രവര്‍ത്തകനായ സി.വി.ധനരാജ് കൊല്ലപ്പെട്ടു മണിക്കൂറുകള്‍ക്കുള്ളിലാണു പയ്യന്നൂരിലെ ബിജെപി പ്രവര്‍ത്തകനായ രാമചന്ദ്രന്‍ കൊലക്കത്തിക്കിരയായത്. എന്നാല്‍ കഴിഞ്ഞ 28 മാസം കണ്ണൂര്‍ ശാന്തമായിരുന്നു. അതിനിടയിലാണ് ഇന്നലെ വീണ്ടും ഒരാള്‍കൂടി കൊലക്കത്തിക്ക് ഇരയാവുന്നത്.

ഷുഹൈബിന്റെ കൊലപാതകം പൈശാചികവും ഹീനവുമാണെന്ന് കോടതി നിരീക്ഷിച്ചു. രാഷ്ട്രീയ എതിരാളിയായ ഷുഹൈബിനെ നാടന്‍ബോംബും വാളും ഉപയോഗിച്ച് ഇല്ലാതാക്കുകയായിരുന്നുവെന്ന് വ്യക്തമാണെന്നും കോടതി വ്യക്തമാക്കി.

അതിസൂക്ഷ്മമായി ആസൂത്രണം ചെയ്ത കൊലപാതകമാണ് ഷുഹൈബിന്റെതെന്നും, പ്രൊഫഷണല്‍ കൊലയാളി സംഘമാണ് കൃത്യം നടപ്പാക്കിയതെന്നും പറഞ്ഞ ഹൈക്കോടതി രാഷ്ട്രീയ പകപോക്കല്‍ ആണ് നടന്നത് വ്യക്തമാണെന്നും നിരീക്ഷിച്ചു.

ആകാശ് തില്ലങ്കേരി അടക്കമുള്ള ആദ്യ നാല് പ്രതികള്‍ക്ക് കൃത്യത്തില്‍ നേരിട്ട് പങ്കുണ്ടെന്നും കോടതി പരാമര്‍ശിച്ചു. പ്രതികളെ ജാമ്യത്തില്‍ വിട്ടാല്‍ സാക്ഷികള്‍ സ്വാധീനിക്കപ്പെടുമെന്നും വീണ്ടും കുറ്റകൃത്യങ്ങളില്‍ ഏര്‍പ്പെടാന്‍ സാധ്യതയുണ്ടെന്നും ചൂണ്ടിക്കാട്ടിയാണ് മുന്‍ സിപിഎം പ്രവര്‍ത്തകരായ ആകാശ് തില്ലങ്കേരിയടക്കമുള്ള നാല് പ്രതികളുടെ ജാമ്യാപേക്ഷ കോടതി തള്ളിയത്.

2018 ഫെബ്രുവരി പന്ത്രണ്ടാം തീയതി അര്‍ദ്ധരാത്രിയാണ് ഷുഹൈബിനെ അക്രമിസംഘം വെട്ടിയത്. കണ്ണൂര്‍ തെരൂരിലെ തട്ടുകടയില്‍ ഭക്ഷണം കഴിച്ചുകൊണ്ടിരിക്കെയാണ് ഷുഹൈബ് ആക്രമിക്കപ്പെട്ടത്. ബോംബെറിഞ്ഞ് ഭീകരാന്തരീക്ഷം സൃഷ്ടിച്ച ശേഷമായിരുന്നു ആക്രമണം, ഷുഹൈബിനെയും കൂടെയുള്ളവരെയും ആശുപത്രിയിലെത്തിക്കുന്നതും ആക്രമികള്‍ വൈകിച്ചു. കോഴിക്കോട് മെഡിക്കല്‍ കോളേജിലെത്തിക്കുന്നതിന് മുന്‍പ് രക്തം വാര്‍ന്നായിരുന്നു ഷുഹൈബിന്റെ മരണം.

കേരളം കണ്ട ഏറ്റവും നിഷ്ഠൂരമായ രാഷ്ട്രീയ കൊലപാതകങ്ങളില്‍ ഒന്നായിരുന്നു ഷുക്കൂര്‍ വധം. പി.ജയരാജന്റെയും ടി.വി രാജേഷിന്റെയും നേതൃത്വത്തില്‍ വളരെ ആസൂത്രിതമായാണ് 2012 ഫെബ്രുവരി 20ന് ഷുക്കൂറിനെ കൊലപ്പെടുത്തിയത്. പി.ജയരാജനെ കാറ് തടഞ്ഞ് ആക്രമിച്ചുവെന്നാരോപിച്ച് ഷുക്കൂറിനെ തടഞ്ഞുവെക്കുകയായിരുന്നു.

പി.ജയരാജനും രാജേഷും കൈരളി ടി.വിയുടെ മാധ്യമസംഘത്തോടൊപ്പം ആസൂത്രിതമായാണ് അരിയില്‍ പ്രദേശത്തെത്തിയത്. ഒരാളെ ഇടിച്ചിട്ട് നിര്‍ത്താതെപോയ ജയരാജന്റെ വാഹനം നാട്ടുകാര്‍ തടഞ്ഞതിനെ ലീഗുകാര്‍ കൊല്ലാന്‍ ശ്രമിച്ചുവെന്നാണ് ജയരാജനും സി.പി.എമ്മും പ്രചരിപ്പിച്ചത്. ഇതില്‍ ഒരു പങ്കുമില്ലാത്ത ഷുക്കൂറിനെ ജയരാജന്റെ നിര്‍ദേശപ്രകാരം തടഞ്ഞുവെച്ച് വിചാരണ നടത്തി കൊലപ്പെടുത്തുകയായിരുന്നു.

മണിക്കൂറുകളോളം ജനമധ്യത്തില്‍ തടഞ്ഞുവെച്ച ശേഷമാണ് പി.ജയരാജന്റെ നിര്‍ദേശപ്രകാരം ഷുക്കൂറിനെ കുത്തിക്കൊലപ്പെടുത്തിയത്. സ്ത്രീകളടക്കം നിരവധി സി.പി.എം പ്രവര്‍ത്തകരുടെ മധ്യത്തില്‍ പരസ്യമായാണ് പാര്‍ട്ടി കോടതിയുടെ വിധി നടപ്പാക്കിയത്.

കണ്ണൂരിലെ പ്രാദേശിക ഭാഷ സംസാരിക്കുന്ന കഥാപാത്രങ്ങള്‍ അഭിനയിക്കുകയല്ല, ജീവിക്കുകയാണ് സിനിമയില്‍. അക്രമമാണ് രാഷ്ട്രീയമെന്ന ബോധത്തിനിടയില്‍ ജീവിക്കുന്നവരുടെ കണ്ണ് തുറപ്പിക്കുന്നതാണ് ചിത്രം. നല്ല ഒരു ഹ്രസ്വ ചിത്രം നിര്‍മ്മിച്ചതില്‍ അണിയറ പ്രവര്‍ത്തകര്‍ക്ക് അഭിമാനിക്കും.
മനസ്സിനെ കൊളുത്തി വലിക്കുന്ന, പിടിവിടാതെ ഒപ്പം കൂട്ടുന്ന സിനിമ തന്നെയാണ് ഉടുമ്പ്. ചിത്രത്തിന്റെ ഛായാഗ്രഹണവും, എഡിറ്റിംഗും നിര്‍വ്വഹിച്ചിരിക്കുന്നത് തരുണ്‍ സുധാകരനാണ്. സുര്‍ജിത് പുരോഹിത്, രാധാകൃഷ്ണന്‍ തലച്ചങ്ങാട്, മനോഹരന്‍ വെള്ളിലോട്, മുരളി വായാട്ട്, മധു വായാട്ട്, രാമകൃഷ്ണകന്‍ പഴശ്ശി, വിഷ്ണു, എസ്.കെ ഷാന്‍ എന്നിവരാണ് ചിത്രത്തില്‍ അഭിനയിച്ചിരിക്കുന്നത്.

നല്ല നേതാക്കളില്ലാത്തത് കൊണ്ടാണ് രാഷ്ട്രീയ കൊലപാതകങ്ങള്‍ പെരുകുന്നത്. നേതാക്കള്‍ ആക്രമിക്കപ്പെടാത്തത് കൊണ്ടാണ് കൊല നിലക്കാത്തത്. ‘അഭിപ്രായ വ്യത്യാസങ്ങളുണ്ടാകും. എന്നാല്‍, അപ്പോഴൊക്കെ വെട്ടുകയും കുത്തുകയും ചെയ്താല്‍ എങ്ങനെ മുന്നോട്ടുപോകും. ഭാവിതലമുറക്ക് ഇവിടെ സമാധാനത്തോടെ ജീവിക്കുന്നതിനുള്ള അന്തരീക്ഷമൊരുക്കണം. ഈ കൊലപാതകങ്ങളൊന്നും കൈയബദ്ധങ്ങളല്ല. നേരത്തേ ലിസ്റ്റിട്ട് കൊലപ്പെടുത്തുകയാണ്’, മാമുക്കോയ പറഞ്ഞു.

‘ഇവിടെ കൊല്ലപ്പെടുന്നത് വളരെ പാവപ്പെട്ട ചെറുപ്പക്കാരാണ്. നമ്മള്‍ പരസ്പരം വെട്ടി മരിക്കാനുള്ളവരല്ല. സ്‌നേഹത്തോടെയും സമാധാനത്തോടെയും ഐക്യത്തോടെയും ഒന്നിച്ച് ജീവിച്ച് മരിക്കാനുള്ളവരാണ്. ഹര്‍ത്താല്‍ ഉള്‍പ്പെടെയുള്ള ഭീകര സമരമുറകള്‍ എല്ലാ പാര്‍ട്ടികളും ഒഴിവാക്കണം. പണ്ടത്തെ നേതാക്കള്‍ എഴുത്തുകാരും കലാകാരന്മാരുമായിരുന്നു. അതില്ലാത്തതിന്റെ ഭവിഷ്യത്താണ് ഇപ്പോള്‍ അനുഭവിക്കുന്നതെന്നും മാമുക്കോയ പറഞ്ഞു.

കണ്ണൂരിലും മണ്ണാര്‍ക്കാടുമായി കഴിഞ്ഞ മാസം രണ്ടുപേരാണ് കൊല്ലപ്പെട്ടത്. യൂത്ത് കോണ്‍ഗ്രസ് പ്രവര്‍ത്തകന്‍ ശുഹൈബിന്റെ വധത്തില്‍ അറസ്റ്റിലായത് സി.പി.എം പ്രവര്‍ത്തകരും സഫീറിന്റെ കൊലപാതകത്തില്‍ അറസ്റ്റിലായത് സി.പി.ഐ പ്രവര്‍ത്തകരുമാണ്.

കണ്ണൂര്‍: ‘നമ്മളെ നാട്ടില്‍ ഇനി ആരെയും കൊല്ലരുത്’. അനന്യയുടെ വാക്കുകള്‍ അധികാര സ്ഥാനങ്ങള്‍ വാഴുന്നോരോടായിരുന്നു. രാഷ്ട്രീയ കുരുതി കുഞ്ഞിളം മനസുകളെയും പിടിച്ചുലക്കുന്നുവെന്ന് അവളുടെ സ്വരത്തിലും മുഖത്തും പ്രകടം. ആ ഏഴാം ക്ലാസുകാരി നോട്ടുബുക്കില്‍ കുറിച്ചതും കൊലപാതകത്തിനെതിരെയുള്ള വരികളാണ്.
രാഷ്ട്രീയ കുടിപകയില്‍ ഇനിയാരുടെയും ജീവന്‍ നഷ്ടപ്പെടരുത്. അനാഥമാകരുത് ഒരു കുടുംബവും. താനും ചേരുകയാണ് നിരാഹാര സമരത്തില്‍.

ദൃഡനിശ്്ചയത്തിലെ കരുത്താണ് ഇരിട്ടിയില്‍ നിന്ന് അനന്യയെ കെ.സുധാകരന്റെ നിരാഹാര വേദിയില്‍ എത്തിച്ചത്. ഷുഹൈബിന്റെ ജീവനെടുത്ത കിരാത അക്രമത്തിന്റെ ചിത്ര-ദൃശ്യങ്ങള്‍ കണ്ടും വാര്‍ത്തകള്‍ വായിച്ചും അറിഞ്ഞത് മുതല്‍ തേങ്ങുകയായിരുന്നു അവളുടെ ഉള്ളവും.
കണ്ണൂരില്‍ നിരാഹാരം കിടക്കുന്ന നേതാവിനെ കുറിച്ച് വാര്‍ത്തകളിലൂടെയാണ് അറിഞ്ഞത്. മാതാപിതാക്കളായ സുരേഷ്് ബാബുവിനോടും ഷീബയോടും തനിക്കും നിരാഹാരം കിടക്കണമെന്ന ആഗ്രഹം അറിയിച്ചു. മാതാപിതാക്കള്‍ അതത്ര കാര്യമാക്കിയില്ല. നാട്ടില്‍ ഇനിയാരും കൊല്ലപ്പെടരുതെന്ന ചിന്തയില്‍ അനന്യയെന്ന പന്ത്രണ്ടുകാരിയുടെ ആഗ്രഹം വാശിയായി വളര്‍ന്നു. അങ്ങിനെയാണ് ഇരിട്ടി മീത്തലെ പുന്നാട് യു.പി സ്‌കൂള്‍ വിദ്യാര്‍ത്ഥിനിയായ അനന്യ സുധാകരന്റെ സമര പന്തലിലെത്തിയത്.

സുധാകരനെ നേരില്‍ കാണുന്നത് ആദ്യം. 2002ല്‍ വിവാഹിതരായ മാതാപിതാക്കളുടെ വിവാഹ ആല്‍ബത്തില്‍ കണ്ട പരിചയമേയുള്ളൂ സുധാകരനെ. വിവാഹ സമയത്ത് സുധാകരന്‍ വനം വകുപ്പ് മന്ത്രിയായിരുന്നുവെന്ന് പിതാവ് സുരേഷ് ബാബു അവള്‍ക്ക് പറഞ്ഞ് കൊടുത്തിരുന്നു. സണ്ണിജോസഫ് എം.എല്‍.എയുമായി ബന്ധപ്പെട്ടാണ് സുരേഷ് ബാബു മകളുടെ ആഗ്രഹമറിയിച്ചത്.

സമര പന്തലിലെത്തിയ അനന്യയും സുധാകരനൊപ്പം നിരാഹാര സമരത്തിനൊരുങ്ങുകയാണെന്ന് അറിയിച്ചപ്പോള്‍ ആവേശത്തോടെയാണ് സദസ് സ്വീകരിച്ചത്. രാഷ്ട്രീയ പരമായ അറിവൊന്നുമില്ലെങ്കിലും പൊതുകാര്യങ്ങളെ കുറിച്ച് മാതാപിതാക്കളുമായി വിശേഷങ്ങള്‍ പങ്കുവെക്കാറുള്ള ആ മിടുക്കിയെ ത്രിവര്‍ണ്ണാങ്കിത ഷാളണിയിച്ചാണ് നേതാക്കള്‍ സ്വീകരിച്ചത്. എതിരാളിയുടെ ജീവനെടുക്കുന്ന രാഷ്ട്രീയം ഇവിടെ വേണ്ടെന്നും കൊലകത്തി താഴെവെക്കണമെന്ന അഭ്യര്‍ത്ഥനയില്‍ ആശങ്കാകുലരായ ബാല്യങ്ങളുടെ ശബ്ദമായി മാറും അനന്യയുടെ നിരാഹാരം.

പാര്‍ട്ടിയുടെ അന്വേഷണം ഇതുവരെ പിഴച്ചിട്ടില്ല. ആകാശ് കുറ്റക്കാരനാണെന്ന് പാര്‍ട്ടി പറഞ്ഞാല്‍ അംഗീകരിക്കുമെന്നും രവി പറഞ്ഞു. നേരത്തെ, സി.പി.എമ്മിനെ തള്ളുന്ന രീതിയിലായിരുന്നു പിതാവിന്റെ പരാമര്‍ശങ്ങള്‍. പാര്‍ട്ടി കയ്യൊഴിഞ്ഞെന്നും മകന്റെ നിരപരാധിത്വം കോടതിയില്‍ തെളിയിക്കാനുമാണ് ആവശ്യപ്പെട്ടതെന്നും കഴിഞ്ഞ ദിവസം വ്യക്തമാക്കിയിരുന്നു. ബോംബ് കേസില്‍ ബി.ജെ.പി ആരോപണം മൂലമാണ് ആകാശ് ഒളിവില്‍ പോയത്. കൊല നടക്കുമ്പോള്‍ മകനും സുഹൃത്തും അമ്പലപ്പറമ്പിലായിരുന്നു. പൊലീസില്‍ കീഴടങ്ങിയതല്ല മകനെന്നും, പൊലീസ് സ്റ്റേഷനിലേക്ക് പോകുംവഴി അറസ്റ്റിലാവുകയായിരുന്നുവെന്നും രവി പറഞ്ഞിരുന്നു.

പൊലീസില്‍ വിശ്വാസമില്ലെന്ന് തന്നെയായിരുന്നു കഴിഞ്ഞ ദിവസം പി.ജയരാജനും പ്രസ്താവന നടത്തിയത്. കൊലപാതകത്തില്‍ പാര്‍ട്ടി അന്വേഷണം നടത്തുമെന്നും ജയരാജന്‍ വ്യക്തമാക്കിയിരുന്നു. അതിനിടെ, ഇതില്‍ വിമര്‍ശനവുമായി കൊടിയേരിയും പിണറായിയും രംഗത്തെത്തുകയും ചെയ്തു. പൊലീസ് വിശ്വാസമില്ലെന്ന പ്രസ്താവന പാടില്ലായിരുന്നുവെന്ന് പിണറായി താക്കീത് നല്‍കിയെന്നാണ് റിപ്പോര്‍ട്ട്. ഇന്നലെ തൃശൂരില്‍ സി.പി.എം സംസ്ഥാന സമ്മേളന വേദിയില്‍ വെച്ചാണ് പിണറായിയും കൊടിയേരിയും ജയരാജനും തമ്മില്‍ കൂടിക്കാഴ്ച്ച നടത്തിയത്.

അതേസമയം കേസില്‍ അന്വേഷണ വിവരങ്ങള്‍ ചോരുന്നതില്‍ പൊലീസിനകത്ത് തര്‍ക്കം രൂക്ഷമാണ്. പൊലീസിനെതിരെ കെ സുധാകരന്റെ നിരാഹാര സമരം തുടരുകയാണ്. ആരോഗ്യസ്ഥിതി മോശമാണെന്ന് ഡി.എം.ഒ റിപ്പോര്‍ട്ടുണ്ടെങ്കിലും സമരവുമായി മുന്നോട്ട് പോകുമെന്നാണ് സുധാകരന്‍ പറയുന്നത്.

മൂന്ന് പേര്‍ ചേര്‍ന്നാണ് ശുഹൈബിനെ വെട്ടിയത്. എന്നാല്‍ വെട്ടിയവര്‍ക്ക് ആകാശിനോളം ആകാരം ഇല്ലാത്തവരാണെന്നും നൗഷാദ് പറഞ്ഞു. 26, 27 വയസ്സുള്ളവര്‍ ആണ് വെട്ടിയ സംഘത്തില്‍ ഉള്ളത്. ആകാശ് ആ സംഘത്തില്‍ ഇല്ല. ആകാശ് തില്ലങ്കരിയെ തനിക്ക് നേരിട്ടറിയാം. എന്നാല്‍ വന്നയാളുകളില്‍ ഒരാള്‍ക്ക് പോലും ആകാശിന്റെ ശരീരത്തോട് സാദൃശ്യമില്ലെന്നും നൗഷാദ് പറയുന്നു. ഒരു ചാനലിനോട് സംസാരിക്കുകയായിരുന്നു നൗഷാദ്.

ശുഹൈബിനെ വെട്ടിയത് പുറകോട്ടു വളഞ്ഞ കനം കൂടിയ വാള്‍ കൊണ്ടെന്നും നൗഷാദ് പറയുന്നു. ഇത്തരം വാള്‍ ഉപയോഗിക്കുന്നത് വെട്ടിമാറ്റണമെന്ന ഉദ്ദേശത്തോടെയാണെന്ന് നൗഷാദ് കൂട്ടിച്ചേര്‍ത്തു.

അതേസമയം, ശുഹൈബ് വധത്തില്‍ അഞ്ചില്‍ കൂടുതല്‍ പ്രതികളെന്ന് പൊലീസ് പറഞ്ഞു. പ്രതികളെ തിരിച്ചറിഞ്ഞുവെന്ന് കേസില്‍ അറസ്റ്റിലായ ആകാശ് തില്ലങ്കേരിയേയും വിപിന്‍രാജിനേയും ചോദ്യം ചെയ്തതിന്റെ അടിസ്ഥാനത്തില്‍ പൊലീസ് വ്യക്തമാക്കി.

കൊലപാതകം നടത്തിയവരേയും സഹായിച്ചവരേയും തിരിച്ചറിഞ്ഞു. കൊലയാളികള്‍ എത്തിയ വാഹനവും രക്ഷപ്പെടാന്‍ സഹായിച്ച വാഹനവും തിരിച്ചറിഞ്ഞിട്ടുണ്ടെന്നുമാണ് സൂചന. വാടകക്കെടുത്ത വാഹനങ്ങളാണ് പ്രതികള്‍ ഉപയോഗിച്ചിട്ടുള്ളത്. കൊലപ്പെടുത്താന്‍ വാളുകളാണ് ഉപയോഗിച്ചത്. പ്രതികളില്‍ ചിലര്‍ അന്യസംസ്ഥാനങ്ങളിലേക്ക് കടന്നുവെന്നും ഇവരെ കണ്ടെത്തുന്നതിനായി തിരച്ചില്‍ ഊര്‍ജ്ജിതമാക്കുന്നുവെന്നും അന്വേഷണസംഘം അറിയിച്ചു.

കൊലപാതകം നടത്തിയവരേയും സഹായിച്ചവരേയും തിരിച്ചറിഞ്ഞു. കൊലയാളികള്‍ എത്തിയ വാഹനവും രക്ഷപ്പെടാന്‍ സഹായിച്ച വാഹനവും തിരിച്ചറിഞ്ഞിട്ടുണ്ടെന്നുമാണ് സൂചന. വാടകക്കെടുത്ത വാഹനങ്ങളാണ് പ്രതികള്‍ ഉപയോഗിച്ചിട്ടുള്ളത്. കൊലപ്പെടുത്താന്‍ വാളുകളാണ് ഉപയോഗിച്ചത്. പ്രതികളില്‍ ചിലര്‍ അന്യസംസ്ഥാനങ്ങളിലേക്ക് കടന്നുവെന്നും ഇവരെ കണ്ടെത്തുന്നതിനായി തിരച്ചില്‍ ഊര്‍ജ്ജിതമാക്കുന്നുവെന്നും അന്വേഷണസംഘം അറിയിച്ചു.

ശുഹൈബിന്റെ ശരീരത്തിലുള്ള മുറിവുകളുടെ സ്വഭാവം ഇത് വ്യക്തമാക്കുന്നുണ്ട്. ശുഹൈബിനെ കൊല്ലാനാണ് മനോജിന് പരോള്‍ നല്‍കിയതെന്നും സുധാകരന്‍ ആരോപിച്ചു. ആകാശ് സംഘത്തില്‍ ഉണ്ടെങ്കില്‍ അത് ജയരാജന്‍ അറിയാതെ നടക്കില്ലെന്നും സുധാകരന്‍ ആരോപിച്ചു. കിര്‍മാണി മനോജിന്റെ പങ്ക് പുറത്തു വന്നാല്‍ ഗൗരവം വര്‍ധിക്കും എന്നത് കൊണ്ട് ആകാശിനെ പ്രതിയാക്കിയതെന്നും സുധാകരന്‍ പറഞ്ഞു.

അതേസമയം, ശുഹൈബ് വധത്തില്‍ കോണ്‍ഗ്രസ് പ്രതിഷേധം തുടരുകയാണ്. കണ്ണൂരില്‍ കെ.സുധാകരനും തിരുവനന്തപുരത്ത് യൂത്ത് കോണ്‍ഗ്രസ് നേതാക്കളും നടത്തുന്ന നിരാഹാര സമരം രണ്ടാം ദിവസവും തുടരുകയാണ്. കേസില്‍ പിടിയിലായവരെ കഴിഞ്ഞ ദിവസം തെളിവെടുപ്പിന് കൊണ്ടുവന്നിരുന്നു.