പൃഥ്വിരാജ് പ്രൊഡക്ഷന്‍സ് 55 ശതമാനം വിഹിതം ആവശ്യപ്പെടുകയാണെങ്കിലും, അത് അനുവദിക്കാനാവില്ലെന്നതാണ് ഫിയോകിന്റെ നിലപാട്. ഇരുപക്ഷവും വിട്ടുവീഴ്ച ചെയ്യാത്ത പക്ഷം, ചിത്രം സംസ്ഥാനത്തെ തിയറ്ററുകളില്‍ പ്രദര്‍ശിപ്പിക്കില്ലെന്നാണ് സംഘടനയുടെ തീരുമാനം.

ഇപ്പോള്‍ ചര്‍ച്ചകള്‍ തുടരുകയാണെന്ന് റിപ്പോര്‍ട്ടുകളുണ്ട്. ഒക്ടോബര്‍ 2-ന് കന്നഡ, ഹിന്ദി, തെലുങ്ക്, തമിഴ്, മലയാളം, ഇംഗ്ലീഷ്, ബംഗാളി തുടങ്ങി വിവിധ ഭാഷകളില്‍ ചിത്രം ആഗോളതലത്തില്‍ റിലീസ് ചെയ്യാനിരിക്കെയാണ് പ്രതിഷേധവുമായി ഫിയോക് രംഗത്തെത്തിയിരിക്കുന്നത്. കേരളത്തിലെ വിതരണാവകാശം ഏറ്റെടുത്തിരിക്കുന്നത് പൃഥ്വിരാജ് പ്രൊഡക്ഷന്‍സാണ്.