karanatakaelection – Chandrika Daily

ബിജെപി യുടെ തോല്‍വിക്ക് കാരണമായി ഞങ്ങൾ ഇലക്‌ട്രോണിക് വോട്ടിംഗ് മെഷീനുകളെ കുറ്റപ്പെടുത്തുന്നില്ലെന്ന് അസം മുഖ്യമന്ത്രി ഹിമന്ത ബിശ്വ ശർമ്മ

webdesk15 — Sun, 14 May 2023 08:30:12 +0000

തോല്‍വിയുടെ കാരണമായി ഇലക്‌ട്രോണിക് വോട്ടിംഗ് മെഷീനുകൾ പോലുള്ള ഘടകങ്ങളെ കുറ്റപ്പെടുത്താതെ ജനവിധിയെ വിനീതമായി അംഗീകരിക്കുന്നുവെന്ന് ഹിമന്ത ബിശ്വ ശർമ്മ ട്വീറ്റ് ചെയ്തു. കര്‍ണാടകയിലെ കോണ്‍ഗ്രസിന്‍റെ വിജയം 2024-ല്‍ നടക്കാനിരിക്കുന്ന പൊതുതെരഞ്ഞെടുപ്പിൽ ബിജെപിയുടെ തുടര്‍ച്ചയായ മൂന്നാം വിജയത്തെ തടയില്ലെന്നും ഹിമന്ത ബിശ്വ ശർമ്മ പറഞ്ഞു.കര്‍ണാടകയില്‍ ബിജെപിയുടെ താരപ്രചാരകരില്‍ പ്രധാനിയായിരുന്നു അസം മുഖ്യമന്ത്രി ഹിമന്ത ബിശ്വ ശർമ്മ

മതേതര ഇന്ത്യയെ തിരിച്ചുപിടിക്കാനുള്ള അവസരം: പി.എം.എ സലാം

webdesk15 — Sat, 13 May 2023 08:23:02 +0000

കോഴിക്കോട്: കർണാടകയിലെ തെരഞ്ഞെടുപ്പ് ഫലം മതേതര ഇന്ത്യയെ തിരിച്ചുപിടിക്കാനുള്ള അവസരമാണെന്ന് മുസ്ലിംലീഗ് സംസ്ഥാന ജനറൽ സെക്രട്ടറി പി.എം.എ സലാം പ്രതികരിച്ചു. ദേശീയ രാഷ്ട്രീയത്തിൽ പ്രതീക്ഷകൾക്ക് വക നൽകുന്ന തെരഞ്ഞെടുപ്പ് ഫലമാണിത്. ഹിജാബ് നിരോധനത്തിലൂടെയും മുസ്ലിം സംവരണം എടുത്തുകളഞ്ഞും വർഗ്ഗീയ ധ്രുവീകരണത്തിന് ശ്രമിച്ച ബി.ജെ.പിയെ ജനം തള്ളിക്കളഞ്ഞു. കർണാടകയിലെ ഭൂരിപക്ഷം ജനങ്ങളും മതനിരപേക്ഷതക്കു വേണ്ടി നിലകൊണ്ടു. വർഗ്ഗീയ കാർഡ് ഉപയോഗിച്ച് അധിക കാലം ബി.ജെ.പിക്ക് മുന്നോട്ട് പോകാൻ കഴിയില്ലെന്ന് തെളിയിക്കുന്നതാണ് കർണാടകയിലെ തെരഞ്ഞെടുപ്പ് ഫലം.- അദ്ദേഹം വ്യക്തമാക്കി.

മതേതര വോട്ടുകൾ ഭിന്നിക്കാതിരിക്കാനാണ് കർണാടകയിൽ മുസ്ലിംലീഗ് ശ്രമിച്ചത്. ആ ശ്രമം വിജയം കണ്ടു. രാജ്യത്ത് ജനാധിപത്യവും മതേതരത്വവും നിലനിൽക്കണമെന്ന് ആഗ്രഹിക്കുന്നവരെല്ലാം ഈ തെരഞ്ഞെടുപ്പ് വിജയത്തിൽ ആഹ്ലാദിക്കുന്നുണ്ട്. കോൺഗ്രസിന്റെ ഈ വിജയം രാജ്യം മുഴുവൻ സ്‌നേഹത്തിന്റെ സന്ദേശം പ്രചരിപ്പിക്കാനായി നടന്നുതീർത്ത രാഹുൽ ഗാന്ധിയുടെ വിജയം കൂടിയാണ്. ബി.ജെ.പി മുക്ത ദക്ഷിണേന്ത്യ സാധ്യമായിരിക്കുന്നു എന്നത് ചെറിയ കാര്യമല്ല. ലോക്‌സഭാ തെരഞ്ഞെടുപ്പിലേക്ക് രാജ്യം നടന്നുനീങ്ങുമ്പോൾ കർണാടക നൽകുന്നത് വലിയ പ്രതീക്ഷ തന്നെയാണ്. വർഗീയതക്കും വെറുപ്പിനുമെതിരെ കർണാടക പ്രതികരിച്ചിരിക്കുന്നു. സ്‌നേഹത്തിന്റെയും സമാധാനത്തിന്റെയും രാഷ്ട്രീയത്തെ അവർ സ്വീകരിച്ചിരിക്കുന്നു. ഈ രാഷ്ട്രീയ സംസ്‌കാരം രാജ്യം മുഴുവൻ പടരട്ടെ എന്നാണ് ജനാധിപത്യ വിശ്വാസികൾ ആഗ്രഹിക്കുന്നത്. -പി.എം.എ സലാം പറഞ്ഞു.

കർണ്ണാടകയിൽ ഭാരത് ജോഡോ യാത്ര കടന്നുപോയ മണ്ഡലങ്ങളിൽ നിന്ന് തുടച്ചു നീക്കപ്പെട്ട് ബി.ജെ.പി

webdesk15 — Sat, 13 May 2023 07:53:09 +0000

കർണാടക സംസ്ഥാനത്തിലൂടെ രാഹുൽ ഗാന്ധിയുടെ ഭാരത് ജോഡോ യാത്ര കടന്നുപോയ 21 മണ്ഡലങ്ങളിൽ ഒന്നിൽ പോലും ലീഡ് ചെയ്യാനാവാതെ ബി.ജെ.പി . 2018 ലെ തെരഞ്ഞെടുപ്പിൽ ഈ 21 മണ്ഡലങ്ങളിൽ 12 എണ്ണത്തിലും വിജയിച്ചത് ബി.ജെ.പി സ്ഥാനാർത്ഥികളായിരുന്നു. കോൺഗ്രസിന് 5 ഉം ജെഡിഎസിന് നാലും സീറ്റുകൾ ലഭിച്ചിരുന്നു. ഇപ്പോഴത്തെ ഫല സൂചനകൾ അനുസരിച്ച് ഈ 21 മണ്ഡലങ്ങളിൽ ഒന്നിൽ പോലും ബിജെപി സ്ഥാനാർത്ഥികൾ ലീഡ് ചെയ്യുന്നില്ലെന്ന് മാത്രമല്ല 17 സീറ്റിൽ കോൺഗ്രസ് സ്ഥാനാർത്ഥികൾ ലീഡ് ചെയ്യുകയും ചെയ്യുന്നു. ജെഡിഎസ് നാല് സീറ്റുകളിലും ലീഡ് ചെയ്യുന്നുണ്ട്. രാഷ്ട്രീയ നിരീക്ഷകനും രാഹുൽഗാന്ധിയുടെ ഭാരത് ജോഡോ യാത്രയിൽ പങ്കെടുക്കുകയും ചെയ്തിരുന്ന യോഗേന്ദ്ര യാദവ് ആൺ ഒരു ട്വീറ്റിലൂടെ ഈ വസ്തുത ചൂണ്ടികാണിച്ചിരിക്കുന്നത്.

Bharat Jodo Yatra Impact on the 21 Karnataka Assembly Seats it passed through

2018 score:
Cong 5,
BJP 12,
JDS 4;

2023 leads (11:30am)
Cong 17,
BJP – Nil
JDS 4

— Yogendra Yadav (@_YogendraYadav) May 13, 2023

കർണാടകയിൽ കോൺഗ്രസിന് 117 സീറ്റിൽ ലീഡ്

webdesk15 — Sat, 13 May 2023 05:08:41 +0000

തെരഞ്ഞെടുഫലം പുറത്തുവന്ന് രണ്ടുമണിക്കൂർ പിന്നിടിമ്പോൾ കോൺഗ്രസ് 117 സീറ്റിൽ ലീഡ് ചെയ്യുന്നു. ബി.ജെ.പി 76 സീറ്റിലും ജെ.ഡി.എസ് 26 സീറ്റിലുമാണ് ലീഡ് ചെയ്യുന്നത്. മറ്റുള്ളവർ 6 സീറ്റിലും ലീഡ് ചെയ്യുന്നുണ്ട്.

കർണാടക തെരഞ്ഞെടുപ്പ്ഫലം ; കോൺഗ്രസ് പാളയം ആവേശത്തിൽ

webdesk15 — Sat, 13 May 2023 04:59:16 +0000

കർണാടക തെരഞ്ഞെടുപ്പ് ഫലം പുറത്തുവന്ന് രണ്ട് മണിക്കൂർ പിന്നിടുമ്പോൾ കോൺഗ്രസ് പാളയം ആവേശത്തിൽ. കർണാടകയിൽ ഡികെ ശിവകുമാറിന്റെ മാജിക് ഫലം കണ്ടുവെന്നാണ് ഇതുവരെയുള്ള കണക്കുകൾ സൂചിപ്പിക്കുന്നത്. കോൺഗ്രസിന്റെ ലീഡ് നില കേവല ഭൂരിപക്ഷം കടന്ന് കഴിഞ്ഞു. ഇതോടെ കോൺഗ്രസ് പാളയങ്ങളിൽ ആഘോഷം തുടങ്ങിയിരിക്കുകയാണ്.ഇതുവരെ 116 സീറ്റുകളുടെ ലീഡാണ് കോൺഗ്രസിന് ലഭിച്ചിരിക്കുന്നത്.44.4ശതമാനം വോട്ട് കോൺഗ്രസ് ഇതുവരെ നേടിക്കഴിഞ്ഞു

കർണാടകയിൽ വോട്ട് ചെയ്യാനെത്തിയ യുവതി പോളിംഗ് ബൂത്തിൽ പ്രസവിച്ചു

webdesk15 — Thu, 11 May 2023 05:32:11 +0000

കർണാടകയിൽ വോട്ട് ചെയ്യാനെത്തിയ യുവതി പോളിംഗ് ബൂത്തിൽ പ്രസവിച്ചു. ബുധനാഴ്ച ബല്ലാരിയിലെ കുർലങ്കിഡി പോളിംഗ് ബൂത്തിലാണ് 23കാരിയായ യുവതി പ്രസവിച്ചതെന്ന് . ഇക്കാര്യം തെരഞ്ഞെടുപ്പ് കമ്മീഷൻ അറിയിച്ചു. വോട്ട് ചെയ്യാനെത്തിയ യുവതിയ്ക്ക് പ്രസവവേദനയുണ്ടായതിനെ തുടർന്ന് അവിടെത്തന്നെ പ്രസവിക്കുകയുമായിരുന്നു. വനിതാ ജീവനക്കാരും വോട്ടർമാരും യുവതിയെ സഹായിച്ചു.

കര്‍ണാടകയില്‍ വോട്ടെടുപ്പ് പൂര്‍ത്തിയായപ്പോൾ 73 ശതമാനമാണ് പോളിങ്. 224 നിയമസഭാ മണ്ഡലങ്ങളിലേക്കാണ് തെരഞ്ഞെടുപ്പ് നടന്നത്. നഗര മേഖലകളില്‍ പോളിങ്ങ് കുറഞ്ഞപ്പോള്‍ ഗ്രാമങ്ങളില്‍ ജനം ആവേശത്തോടെ വോട്ടെടുപ്പില്‍ പങ്കാളികളായി. ശനിയാഴ്ചയാണ് വോട്ടെണ്ണൽ.ഏഴിൽ അഞ്ച് എക്സിറ്റ് പോൾ ഫലങ്ങളും കോൺഗ്രസിനാണ് വിജയ സാധ്യത പ്രവചിച്ചിരിക്കുന്നത്.

ബിജെപിക്ക് കേരളത്തിലെ അതേ സ്ഥിതി കര്‍ണ്ണാടകയിലും വരുമെന്ന് ഡി കെ ശിവകുമാര്‍

webdesk15 — Thu, 27 Apr 2023 08:03:24 +0000

കേരളം അടക്കമുള്ള ദക്ഷിണേന്ത്യന്‍ സംസ്ഥാനങ്ങളിലെ അതേസ്ഥിതി കര്‍ണാടകയിലും ബിജെപിക്ക് നേരിടേണ്ടി വരുമെന്ന് കോണ്‍ഗ്രസ് അദ്ധ്യക്ഷന്‍ ഡി കെ ശിവകുമാര്‍ പറഞ്ഞു.കാര്യങ്ങള്‍ മാറും പുതിയ സര്‍ക്കാര്‍ അധികാരത്തില്‍ വരും ഡി കെ ശിവകുമാര്‍ പറഞ്ഞു. കേരളവും തമിഴ്‌നാടും ആന്ധ്രാപ്രദേശും ഉള്‍പ്പെടെ ബിജെപിയെ പുറത്ത് നിര്‍ത്തിയിരിക്കുകയാണ്. കര്‍ണാടകയിലും ഇത് സംഭവിക്കുമെന്നും ശിവകുമാർ പ്രതികരിച്ചു.ഇത്തവണയും കനകപുരിയില്‍ നിന്നുതന്നെയാണ് ഡി കെ ശിവകുമാര്‍ ജനവിധി തേടുന്നത്. മന്ത്രി ആര്‍ അശോകാണ് ഡി കെ ശിവകുമാറിന്റെ മുഖ്യഎതിരാളി.2018ലെ തിരഞ്ഞെടുപ്പില്‍ ശിവകുമാറിന് 1,27,552 വോട്ടു ലഭിച്ചപ്പോള്‍ ബിജെപി സ്ഥാനാര്‍ഥി നന്ദിനി ഗൗഡയ്ക്ക് 6,273 വോട്ട് മാത്രമാണ് നേടാനായത്

‘ഉദ്ദിഷ്ടകാര്യത്തിന് ഉപകാരസ്മരണ’ കര്‍ണാടകയില്‍ എസ് .ഡി.പി.ഐ -ബിജെപി കൂട്ടുകെട്ടെന്ന് അബ്ദു റബ്ബ്

webdesk15 — Sun, 09 Apr 2023 01:50:02 +0000

കര്‍ണാടക നിയമസഭാ തെരഞ്ഞെടുപ്പില്‍ എസ്ഡിപിഐ മത്സരിക്കുന്നത് ബിജെപിക്ക് വേണ്ടിയാണെന്ന് മുസ്ലീംലീഗ് നേതാവ് പികെ അബ്ദു റബ്ബ്. എസ്ഡിപിഐ മത്സരിക്കുന്നത് മൂലം കോണ്‍ഗ്രസിന് ലഭിക്കേണ്ട വോട്ടുകളാണ് ഭിന്നിക്കാന്‍ പോകുന്നത്. ഇങ്ങനെ സഹായിക്കുന്നത് കൊണ്ടാണ് പോപ്പുലര്‍ ഫ്രണ്ടിനെ നിരോധിച്ച ബിജെപി എസ്ഡിപിഐയെ ഇനിയും നിരോധിക്കാത്തതെന്ന് അബ്ദു റബ്ബ് സമൂഹ മാധ്യമത്തിൽ കുറിച്ചു . ഉദ്ദിഷ്ടകാര്യത്തിനാണ് എസ്ഡിപിഐയുടെ ഉപകാരസ്മരണയെന്നും അബ്ദു റബ്ബ് കൂട്ടിച്ചേര്‍ത്തു.

അബ്ദു റബ്ബ് കുറിച്ചത്.: ”SDPI ഒറ്റക്ക് മത്സരിച്ചാല്‍ കര്‍ണാടകയില്‍ അധികാരം പിടിച്ചെടുക്കാന്‍ പറ്റുമോ? പറ്റില്ല.
ഒരു സീറ്റെങ്കിലും വിജയിക്കാന്‍ പറ്റുമോ? പറ്റില്ല. SDPI മത്സരിച്ചാല്‍ ബി.ജെ.പി വോട്ടുകള്‍ ഭിന്നിക്കുമോ? ഇല്ല.
SDPI മത്സരിക്കുന്നത് മൂലം ആരുടെ വോട്ടുകളാണ് ഭിന്നിക്കാന്‍ പോകുന്നത്? കോണ്‍ഗ്രസിനു ലഭിക്കേണ്ട വോട്ടുകള്‍.
കോണ്‍ഗ്രസിനു ലഭിക്കേണ്ട വോട്ടുകള്‍ പല പെട്ടികളിലായി വിഭജിക്കുമ്പോള്‍ അതിന്റെ നേരിട്ടുള്ള ഗുണഭോക്താക്കള്‍ ആരാണ്?
ബി.ജെ.പിയല്ലാതെ മറ്റാര്. അപ്പോള്‍ SDPI മത്സരിക്കുന്നത് ബി.ജെ.പിക്കു വേണ്ടിയല്ലേ? എന്താ സംശയം.
പോപുലര്‍ഫ്രണ്ടിനെ നിരോധിച്ചവരല്ലേ BJP; ആ BJP ക്കു വേണ്ടി SDPI ഇങ്ങനെയൊക്കെ സഹായം ചെയ്യുമോ?
അങ്ങനെ സഹായിക്കുന്നത് കൊണ്ടല്ലേ പോപ്പുലര്‍ ഫ്രണ്ടിനെ നിരോധിച്ച BJP SDPIയെ ഇനിയും നിരോധിക്കാത്തത്.
ശിഷ്ടം: വെറുതെയല്ല മക്കളേ….ഉദ്ദിഷ്ടകാര്യത്തിനാണ് SDPI യുടെ ഉപകാരസ്മരണ..”