സി.പി.എം ലോക്കല്‍, ഏരിയ കമ്മിറ്റികളില്‍ എടുത്ത തീരുമാന പ്രകാരമാണ് വികസന പ്രവര്‍ത്തനങ്ങള്‍ അട്ടിമറിക്കുന്നത്. പല തവണ വിളിച്ചിട്ടും ഈ വിഷയത്തില്‍ പരിഹാരം ഉണ്ടായില്ല. റിയാസ് സി.പി.എമ്മിനെ ഹൈജാക്ക് ചെയ്യുകയാണ്.

രണ്ട് പരാതികള്‍ താന്‍ സി.പി.എമ്മിന് നല്‍കിയിരുന്നു. നിയമസഭ തെരഞ്ഞെടുപ്പില്‍ തന്നെ പരാജയപ്പെടുത്താന്‍ ചിലര്‍ ശ്രമിച്ചതിനെ കുറച്ചാണ് പരാതി നല്‍കിയത്. ഈ പരാതിയില്‍ 3 വര്‍ഷം കഴിഞ്ഞിട്ടും പാര്‍ട്ടിയുടെ മറുപടി ലഭിച്ചിട്ടില്ല. വികസന പ്രവര്‍ത്തനങ്ങള്‍ അട്ടിമറിക്കുന്നതിനെ കുറിച്ചായിരുന്നു തന്റെ രണ്ടാമത്തെ പരാതി. എന്നാല്‍, ഈ പരാതിയിലും സി.പി.എമ്മിന്റെ മറുപടി ഇതുവരെ ലഭിച്ചിട്ടില്ലെന്നും കാരാട്ട് റസാഖ് വ്യക്തമാക്കി.

താന്‍ ഉയര്‍ത്തിയ വിഷയങ്ങളില്‍ തീരുമാനം പുനഃപരിശോധിക്കാന്‍ പത്ത് ദിവസം കാത്തുനില്‍ക്കുമെന്നും അല്ലാത്തപക്ഷം തന്റെ നിലപാട് വ്യക്തമാക്കും. വികസനം അട്ടിമറിക്കുന്നത് പുനഃപരിശോധിക്കുന്നില്ലെങ്കില്‍ ഇടത് സഹയാത്രികനായി തുടരാനാവില്ല. അത്തരമൊരു സാഹചര്യത്തിലേക്ക് പാര്‍ട്ടി പോകരുതെന്നാണ് തനിക്ക് പറയാനുള്ളത്. പാര്‍ട്ടിക്ക് പരിഹരിക്കാന്‍ സാധിക്കുന്ന കാര്യങ്ങളാണ് താന്‍ മുന്നോട്ടുവെച്ചത്.

കാരാട്ട് റസാഖ് ഇടതുബന്ധം ഉപേക്ഷിക്കാനുള്ള തയ്യാറെടുപ്പിലാണ് ഇപ്പോള്‍. പി.വി അന്‍വറുമായി കൂടികാഴ്ച നടത്തിയിരുന്നു അദ്ദേഹം.

ഇടതുമുന്നണിയില്‍ കൂട്ടപ്പൊരിച്ചില്‍ നടത്തി അന്‍വര്‍ പുറപ്പെട്ടു പോയപ്പോഴും താന്‍ എല്‍.ഡി.എഫില്‍ തന്നെ തുടരും എന്ന് ആണയിട്ടയാളാണ് കാരാട്ട് റസാഖ്.

കൊടുവള്ളിയില്‍ കഴിഞ്ഞ തെരഞ്ഞെടുപ്പില്‍ തനിക്ക് വേണ്ടത്ര പിന്തുണ സി.പി.എമ്മില്‍ നിന്നും കിട്ടിയില്ല എന്ന പരിഭവം പലതവണ പറഞ്ഞെങ്കിലും കടുത്ത നിലപാട് സ്വീകരിച്ചിരുന്നില്ല. എന്നാല്‍ ഇന്ന് ചേലക്കരയില്‍ പി.വി അന്‍വറുമായി കൂടിക്കാഴ്ച നടത്തിയ കാരാട്ട് റസാക്ക് സി.പി.എമ്മിനെ വൈകാതെ മൊഴി ചൊല്ലും എന്ന സൂചന നല്‍കിയിട്ടുണ്ട്.

കൊടുവള്ളി മണ്ഡലത്തിലെ വികസനമുരടിപ്പിനെതിരേ വികസനസമിതി സംഘടിപ്പിച്ച സായാഹ്നധര്‍ണയും ജനകീയസദസ്സും ഉദ്ഘാടനംചെയ്യുകയായിരുന്നു അദ്ദേഹം. കേരള സ്‌റ്റേറ്റ് മിനറല്‍ ഡിവലപ്‌മെന്റ് കോര്‍പ്പറേഷന്‍ ചെയര്‍മാന്‍ വായോളി മുഹമ്മദിന്റെ സാന്നിധ്യത്തില്‍ സി.പി.എം ഏരിയാസെക്രട്ടറി, ലോക്കല്‍ സെക്രട്ടറി, മറ്റു മുന്നണിയില്‍ ഉള്‍പ്പെടെയുള്ള നേതാക്കള്‍ പദ്ധതിക്കെതിരേ നിലപാടെടുക്കുകയായിരുന്നു.

അതിന്റെ അടിസ്ഥാനത്തിലാണ് പ്രസ്തുതപദ്ധതി നിര്‍ത്തിവെക്കാന്‍ പൊതുമരാമത്ത് മന്ത്രി കിഫ്ബിക്ക് നിര്‍ദേശം നല്‍കിയത്. സൂപ്പര്‍മാര്‍ക്കറ്റ് മുതലാളിയുടെ കുടുംബക്കാരനായ ലോക്കല്‍ സെക്രട്ടറിക്കുവേണ്ടിയാണ് സി.പി.എം. ഏരിയാ സെക്രട്ടറി പദ്ധതിക്കെതിരേ കത്തുനല്‍കിയതെന്നും കാരാട്ട് ആരോപിച്ചു. കൊടുവള്ളിയില്‍ വികസനം വേണമെന്നാഗ്രഹിക്കുന്ന ആയിരക്കണക്കിനാളുകളുടെ മുഖത്തടിച്ചുകൊണ്ടാണ് ആ നടപടി സ്വീകരിച്ചത്.

കൊടുവള്ളിയില്‍ വികസനം കൊണ്ടുവന്നതിന്റെ പേരില്‍മാത്രമാണ് എം.എല്‍.എ. സ്ഥാനം തനിക്കുനഷ്ടമായത്. ഏത് രാഷ്ട്രീയപ്പാര്‍ട്ടിയില്‍ പ്രവര്‍ത്തിക്കുമ്പോഴും കാര്യങ്ങള്‍ തുറന്നുപറയുന്നതിന് ആരെയും ഭയമില്ലെന്നും കാരാട്ട് കൂട്ടിച്ചേര്‍ത്തു. ലീഗുമായി ഒത്തുകളിച്ച് വികസനപദ്ധതി അട്ടിമറിച്ചെന്ന് ആരോപണം.

സ്വര്‍ണക്കടത്ത് കേസ് പ്രതി സന്ദീപ് നായരുടെ ഭാര്യയാണ് കാരാട്ട് റസാഖിനെതിരെ മൊഴി നല്‍കിയത്. മുഖ്യപ്രതികളായ സ്വപ്ന സുരേഷിനും സന്ദീപ് നായര്‍ക്കുമെതിരെ കോഫെപോസ (കള്ളക്കടത്തു തടയല്‍ നിയമം) ചുമത്താനുള്ള അപേക്ഷയോടൊപ്പം കേന്ദ്ര ധനമന്ത്രാലയത്തിന് സമര്‍പ്പിച്ച റിപ്പോര്‍ട്ടിലാണ് എംഎല്‍എയുടെ പേര് പരാമര്‍ശിക്കുന്നത്.

പിഡി 12002-06-2020 കോഫപോസ എന്ന ഫയല്‍ നമ്പറിലുള്ള രഹസ്യ റിപ്പോര്‍ട്ടിന്റെ അഞ്ചാം പേജിലാണ് പ്രതികളുമായി എംഎല്‍എക്കുള്ള ബന്ധം പരാമര്‍ശിക്കുന്നത്. സ്വര്‍ണക്കടത്തിന്റെ സൂത്രധാരനായ കെ.ടി റമീസ് എംഎല്‍എക്ക് പങ്കാളിത്തമുള്ള കള്ളക്കടത്തു സംഘത്തിലെ മുഖ്യ കണ്ണിയാണെന്നും സാക്ഷിമൊഴികളുടെ പിന്തുണയോടെ റിപ്പോര്‍ട്ടില്‍ പരാമര്‍ശിച്ചിട്ടുണ്ട്. സ്വര്‍ണക്കടത്തിന്റെ ഭാഗമായി പ്രതികള്‍ തമ്മില്‍ നടത്തിയ ആശയവിനിമയങ്ങളുടെ വിശദാംശങ്ങളിലും എംഎല്‍എയുടെ പങ്ക് പരാമര്‍ശിക്കുന്നുണ്ട്.

അതേസമയം തനിക്കെതിരായ ആരോപണങ്ങള്‍ വ്യാജമാണെന്ന് കാരാട്ട് റസാഖ് എംഎല്‍എ പറഞ്ഞു. കെ.ടി ജലീലിന്റെ മാതൃകയില്‍ കഴിഞ്ഞ നിയമസഭാ തെരഞ്ഞെടുപ്പ് ആയുധമാക്കിയാണ് എംഎല്‍എ രക്ഷപ്പെടാന്‍ ശ്രമിക്കുന്നത്. കൊടുവള്ളിയില്‍ യുഡിഎഫിനെ തോല്‍പിച്ചതിന് തന്നോട് പകവീട്ടകയാണെന്ന് അദ്ദേഹം ആരോപിച്ചു.

ഫെയ്‌സ്ബുക്ക് പോസ്റ്റിന്റെ പൂര്‍ണരൂപം:

കെ ടി ജലീലിനെതിരെ പറഞ്ഞതിനു പടച്ചവൻ നൽകിയ ശിക്ഷയാണ് എനിക്കെതിരെയുള്ള കോടതി വിധി എന്നായിരുന്നു അന്ന് ജലീലിന്റെ കണ്ടെത്തൽ .
ഇപ്പോൾ സ്വന്തം കാരാട്ട് റസ്സാഖിന് കിട്ടിയത് ആരുടെ ശിക്ഷയാണ് എന്ന് ചോദിച്ചാൽ ജലീലിന് ഇതേ ഉത്തരമുണ്ടാകാൻ സാധ്യതയില്ല. കാരണം അപ്പോഴേക്കും മൂപ്പര് മതം തന്നെ മാറ്റിപ്പിടിച്ച് സർവ്വമതസത്യവിശ്വാസിയായി കഴിഞ്ഞല്ലോ..
ഇനിയെങ്കിലും ആടൊരു ഭീകരജീവി അല്ലെന്ന് മാത്രം പറയരുത്.

കൃത്യമായ തെളിവുകള്‍ ഹാജരാക്കാന്‍ കഴിഞ്ഞതാണ് കേസില്‍ നേട്ടമായതെന്ന് എം.കെ മൂനീര്‍ എം.എല്‍.എ പറഞ്ഞു. ഷാജിയെ നിയമസഭാ നടപടികളില്‍ നിന്ന് വിലക്കിയ സ്പീക്കര്‍ കാരാട്ട് റസാഖിന്റെ കാര്യത്തില്‍ എന്ത് നിലപാട് സ്വീകരിക്കുമെന്നറിയാന്‍ കാത്തിരിക്കുകയാണെന്നും മൂനീര്‍ പറഞ്ഞു.

എതിര്‍സ്ഥാനാര്‍ത്ഥിയായിരുന്ന എം.എ റസാഖ് മാസ്റ്ററെ വ്യക്തിഹത്യ നടത്തുന്ന പ്രചാരണങ്ങള്‍ നടത്തിയതിനാണ് കാരാട്ട് റസാഖിനെ ഹൈക്കോടതി അയോഗ്യനാക്കിയത്. റസാഖ് മാസ്റ്റര്‍ക്കെതിരെ വ്യാജ അഴിമതിയാരോപണങ്ങള്‍ അടക്കം ഉന്നയിക്കുന്ന വീഡിയോകള്‍ നിര്‍മിച്ച് പ്രചാരണത്തിനുപയോഗിച്ചുവെന്ന ഹര്‍ജിക്കാരുടെ വാദം കോടതി അംഗീകരിക്കുകയായിരുന്നു.

യോഗത്തില്‍ വിവിധ പാര്‍ട്ടികളുടെ ഓരോ പ്രതിനിധികള്‍ക്ക് സംസാരിക്കാന്‍ അവസരം നല്‍കിയിരുന്നു. എന്നാല്‍ രക്ഷാപ്രവര്‍ത്തനങ്ങള്‍ക്ക് മുന്നില്‍ നിന്ന യുവാക്കള്‍ക്ക് സംസാരിക്കാന്‍ അവസരം ലഭിച്ചില്ല. തുടര്‍ന്ന് തങ്ങളാണ് രക്ഷാപ്രവര്‍ത്തനത്തിന് മുന്നില്‍നിന്നത്. തങ്ങള്‍ പറയുന്നത് കേള്‍ക്കണമെന്ന് ആവശ്യപ്പെട്ട് എംഎല്‍എയെ തടയുകയായിരുന്നു.

അതേസമയം ഉരുള്‍പൊട്ടലില്‍ കാണാതായ നഫീസയ്ക്കായി തെരച്ചില്‍ തുടരണമെന്ന യോഗത്തിലെ ആവശ്യം അംഗീകരിച്ചു. ദുരിതാശ്വാസ ക്യാമ്പായ വട്ടിഒഴിഞ്ഞൊട്ടു സ്‌കൂളില്‍ താമസിക്കുന്ന ആളുകളെ മറ്റു സ്ഥലങ്ങളിലേക്ക് മാറ്റുന്നതിന് കുറിച്ച് ആലോചിക്കുമെന്ന് പറഞ്ഞ കാരാട്ട് റസാഖ് എം.എല്‍.എ, സ്‌കൂള്‍ എത്രയും പെട്ടെന്ന് തുറക്കാനുള്ള നടപടി സ്വീകരിക്കുമെന്നും പറഞ്ഞു. നിപ ബാധയെ തുടര്‍ന്ന് സ്‌കൂള്‍ തുറക്കുന്നത് നീട്ടിവച്ചിരുന്നു. ഇനിയും തുറക്കാതിരുന്നാല്‍ കുട്ടികളുടെ പഠനം മുടങ്ങുമെന്നും എം എല്‍ എ കൂട്ടിച്ചേര്‍ത്തു.

ഇടതുപക്ഷത്തിന്റെ എം.എല്‍.എ സ്ഥാനാര്‍ത്ഥി ആയതു മുതല്‍ സ്വന്തം മണ്ഡലത്തിലെ ലീഗുകാര്‍ തന്നെ കല്ല്യാണം വിളിക്കുന്നില്ല എന്നാണ് എം.എല്‍.എയുടെ പരാതി. സഭയില്‍ സ്വന്തം മുന്നണിക്കാര്‍ പോലും അദ്ദേഹത്തിന്റെ പ്രശ്‌നം ഏറ്റെടുക്കാന്‍ തയ്യാറായില്ല. മാത്രവുമല്ല സമയം കഴിഞ്ഞിട്ടും ഇങ്ങനെയുള്ള പ്രശ്‌നങ്ങളുന്നയിക്കാതെ സീറ്റീലിരിക്കാനായിരുന്നു ചെയറിന്റെ കല്‍പന.

എം.എല്‍.എയുടെ പരാതി സ്വന്തക്കാര്‍ പോലും പരിഗണിച്ചില്ലെങ്കിലും സോഷ്യല്‍ മീഡിയ ഏറ്റെടുത്തിട്ടുണ്ട്. എം.എല്‍.എയോട് ഐക്യദാര്‍ഢ്യം പ്രഖ്യാപിച്ച് പാട്ടും ഇറങ്ങിയിട്ടുണ്ട്. അഡ്രസ് അയച്ചു തന്നാല്‍ ഞങ്ങളുടെ നാട്ടിലുള്ള എല്ലാ വിവാഹവും അങ്ങയെ അറിയിക്കാം എന്നാണ് ട്രോളന്‍മാര്‍ പറയുന്നത്.