വിമാനത്താവളത്തില്‍ എത്തിയതിന് ശേഷമാണ് റദ്ദാക്കലിന്റെ വിവരം യാത്രികരെ അറിയിച്ചത്. റിഫ്രാഷ്‌മെന്റ് സൗകര്യം പോലും ഒരുക്കാതിരുന്നതില്‍ യാത്രികര്‍ ശക്തമായി പ്രതിഷേധിച്ചു. സാങ്കേതിക പ്രശ്‌നങ്ങള്‍ കാരണമാണെന്ന് അധികൃതര്‍ വ്യക്തമാക്കിയെങ്കിലും മതിയായ പരിഹാരം കണ്ടെത്താന്‍ ശ്രമിച്ചില്ലെന്നാണ് യാത്രക്കാരുടെ പരാതി.

”വിമാനം റദ്ദാക്കിയ വിവരം വിമാനത്താവളത്തില്‍ എത്തിയശേഷമാണ് പറഞ്ഞത്. മണിക്കൂറുകളോളം കാത്തിരിപ്പിച്ചിട്ടും ഭക്ഷണമോ കുടിവെള്ളമോ ലഭിച്ചില്ല,” യാത്രക്കാരി പറഞ്ഞു.

റദ്ദാക്കലിനെ തുടര്‍ന്ന് മുംബൈയില്‍ നിന്ന് ഡല്‍ഹിയിലേക്കുള്ള കണക്ഷന്‍ വിമാനങ്ങളും നഷ്ടപ്പെട്ടതില്‍ നിരാശയിലാണ് പലരും. യാത്രികര്‍ക്ക് നേരിട്ട ബുദ്ധിമുട്ടില്‍ ഖേദം പ്രകടിപ്പിച്ചിട്ടുണ്ടെന്ന് എയര്‍പോര്‍ട്ട് അധികൃതര്‍ അറിയിച്ചു.

യാത്രക്കാർ പാർക്കിങ് നിരക്ക് ചോദ്യം ചെയ്യുകയാണെങ്കില്‍ തർക്കത്തിനും അപമര്യാദയായുള്ള ഇടപെടലിനും നില്‍ക്കാതെ വാഹനത്തിന്റെ രജിസ്റ്റർ നമ്ബർ സഹിതം വിവരം വിമാനത്താവള അഡ്മിനിസ്‌ട്രേഷൻ ഓഫീസില്‍ അറിയിക്കാൻ നിർദേശം നല്‍കിയതായി വിമാനത്താവള ഡയറക്ടറുടെ ചുമതലയിലുള്ള സി വി രവീന്ദ്രൻ അറിയിച്ചു.

തർക്കമുന്നയിക്കുന്നവരുടെ വാഹനങ്ങള്‍ ബൂത്തിനു മുന്നില്‍ പിടിച്ചിടാതെ കടത്തിവിടണമെന്നും നിർദേശം നല്‍കിയിട്ടുണ്ട്. പരാതി ലഭിച്ചാല്‍ പരിശോധിച്ച ശേഷം പൊലീസ്, മോട്ടോർ വാഹന വകുപ്പ് അധികൃതരുമായി ബന്ധപ്പെട്ട് തുടർനടപടികള്‍ സ്വീകരിക്കും. പണം പിരിക്കുന്നവർ അപമര്യാദയായി പെരുമാറുകയോ നല്‍കേണ്ട തുക സംബന്ധിച്ച്‌ സംശയം തോന്നുകയോ ചെയ്താല്‍ യാത്രക്കാർ ബഹളത്തിന് നില്‍ക്കാതെ ടെർമിനല്‍ മാനേജറുടെ ഓഫീസുമായി ബന്ധപ്പെടണമെന്നും നിർദേശിച്ചിട്ടുണ്ട്. ടെർമിനല്‍ മാനേജറുടെ ഓഫീസ് 24 മണിക്കൂറും പ്രവർത്തിക്കും.

കഴിഞ്ഞ ദിവസം യാത്രക്കാരന് മർദനമേറ്റ സംഭവത്തില്‍ കരിപ്പൂർ പൊലീസ്കേസെടുത്ത് അന്വേഷണമാ രംഭിച്ചിട്ടുണ്ട്. ഉംറ തീർത്ഥാടകനാണ് ക്രൂര മർദനമേറ്റെന്ന പരാതി വന്നത്. മലപ്പുറം വെള്ളുവമ്ബ്രം സ്വദേശി റാഫിദിനാണ് മർദനമേറ്റത്. മാതാവിനൊപ്പം ഉംറ കഴിഞ്ഞ് മടങ്ങുന്നതിനിടെ ടോള്‍ ജീവനക്കാരൻ മർദിച്ചുവെന്നായിരുന്നു പരാതി. ടോള്‍ ഗേറ്റില്‍ 27 മിനിറ്റ് കൊണ്ടാണ് എത്തിയത്. എന്നാല്‍ ടോള്‍ ജീവനക്കാർ ഇവരില്‍ നിന്നും ഒരു മണിക്കൂറിന്റെ തുക ഈടാക്കുകയായിരുന്നു.

ചാർജ് ഷീറ്റ് പ്രകാരം 30 മിനിറ്റ് നേരത്തേക്ക് 40 രൂപയാണ് ഈടാക്കേണ്ടിയിരുന്നത്. ഇത് റാഫിദ് ടോള്‍ ജീവനക്കാരെ ബോധിപ്പിക്കുകയും ചെയ്തിരുന്നു. എന്നാല്‍ ജീവനക്കാർ റാഫിദിനെ സംഘം ചേർന്ന് ആക്രമിക്കുകയായിരുന്നു.
കരിപ്പൂർ എയർപോർട്ടിലെ ടോള്‍ പ്ലാസ തട്ടിപ്പ് സംബന്ധിച്ച്‌ നേരത്തേയും റിപ്പോർട്ടുകള്‍ പുറത്തുവന്നിരുന്നു.

എന്നാൽ, പാർക്കിങ് നിരക്കിൽ വർധനയുണ്ട്. മാത്രമല്ല, എയർപോർട്ട് അതോറിറ്റിയുടെ അംഗീകാരമില്ലാത്ത ടാക്സി വാഹനങ്ങളുടെ നിരക്ക് കുത്തനെ ഉയർത്തി.ആദ്യത്തെ അര മണിക്കൂറിനും പിന്നീട് രണ്ട് മണിക്കൂർ വരെയുള്ള പാർക്കിങ്ങിനുമുള്ള നിരക്ക് ഇങ്ങനെ: കാറുകൾക്ക് (7 സീറ്റ് വരെ) 40 രൂപ. നേരത്തേ 20 രൂപ ആയിരുന്നു. അര മണിക്കൂർ കഴിഞ്ഞാൽ 65 രൂപ (നേരത്തേ 55 രൂപ). മിനി ബസ്, എസ്‌യുവി (7 സീറ്റ് വാഹനങ്ങൾക്കു മുകളിൽ) 80 രൂപ.

(എസ്‌യുവി, മിനി ബസ് തുടങ്ങിയവ നേരത്തേ 20 രൂപ നിരക്കിൽ ഉൾപ്പെട്ടിരുന്നു) അര മണിക്കൂർ കഴിഞ്ഞാൽ 130 രൂപ.ടാക്സി വാഹനങ്ങൾ (അതോറിറ്റിയുടെ അംഗീകാരമുള്ളത്) 20 രൂപ. നേരത്തേ നിരക്ക് ഉണ്ടായിരുന്നില്ല. അംഗീകാരമില്ലാത്ത വാഹനങ്ങൾക്ക് 226 രൂപ. അര മണിക്കൂറിനു ശേഷം 276. പാർക്കിങ് ഇല്ലാതെ അകത്തു കയറി പുറത്തിറങ്ങിയാൽ 283 രൂപ.ഇരുചക വാഹനങ്ങൾക്ക് 10 രൂപയും അര മണിക്കൂർ കഴിഞ്ഞാൽ 15 രൂപയും.

പാർക്ക് ചെയ്യുന്ന വാഹനങ്ങൾക്കു പുറത്തു കടക്കാൻ സമയം നിശ്ചയിച്ചിട്ടുണ്ട്. രാജ്യാന്തര ടെർമിനലിനു സമീപത്തും ടെർമിനലിനു മുൻവശത്ത് താഴ്ന്ന ഭാഗത്തും ഉളള പാർക്കിങ് സ്ഥലങ്ങളിൽനിന്നും പുറത്തു കടക്കാനുള്ള സമയപരിധി 9 മിനിറ്റ് ആണ്. ആഭ്യന്തര ടെർമിനലിനു സമീപത്തെ പാർക്കിങ് സ്‌ഥലത്തെ കവാടത്തിൽനിന്ന് പുറത്തുകടക്കാനുള്ള സമയം 7 മിനിറ്റും. നേരത്തേ ഇത്തരത്തിൽ സമയ പരിധി ഉണ്ടായിരുന്നില്ല. പാർക്കിങ് സ്‌ഥലത്തുനിന്ന് പുറത്തിറങ്ങിയാൽ വാഹനങ്ങൾ വഴിയിൽ നിർത്തിയിടുന്നത് ഒഴിവാക്കുകയും ഗതാഗതക്കുരുക്ക് കുറയ്ക്കുകയുമാണ് ഉദ്ദേശ്യം.

ഇൻഡിഗോ എയറിന്റെ മൂന്ന് സർവീസുകളും എയർ ഇന്ത്യ എക്സ്പ്രസ്സിന്റെ രണ്ട് സർവീസുകളുമാണ് മണിക്കൂറുകൾ വൈകിയത്. മുംബൈ, ഡൽഹി, ബംഗളൂരു എന്നിവിടങ്ങളിൽനിന്നുള്ള ആഭ്യന്തര സർവീസുകളും ദുബായ്, ബഹ് ൈറൻ, ജിദ്ദ, മസ്കറ്റ് എന്നിവിടങ്ങളിൽനിന്നുള്ള നാല് സർവീസുകളുമാണ് വൈകിയത്.

വിമാനത്താവള വളപ്പിനടുത്തു താമസിക്കുന്നവർക്കാണ് കൂടുതൽ ദുരിതം. നഗരസഭയിൽ 50-ലേറെ പേർ അപേക്ഷ നൽകി കാത്തിരിപ്പാണ്. 15 വീടുകൾ ലൈഫ് മിഷനിലൂടെ നിർമിക്കുന്നവയാണ്. അപേക്ഷ നൽകി രണ്ടു മാസം കഴിഞ്ഞാലും അനുമതി ലഭിക്കുന്നില്ലെന്ന് നാട്ടുകാർ പറയുന്നു.

2021-ൽ വീട് നിർമാണത്തിന് 10 പേർക്ക് എൻ.ഒ.സി. നൽകാതെ അനുമതി നിഷേധിച്ചിരുന്നു. 2022-ൽ മൂന്ന് അപേക്ഷകളും കഴിഞ്ഞ വർഷം ഒൻപത് അപേക്ഷകളും നിരസിച്ചു. ഈ വർഷം ഇതുവരെ 14 അപേക്ഷകൾ നൽകിയിട്ടുണ്ട്.

വീട് നിർമാണത്തിന് നിരാക്ഷേപ പത്രത്തിന് അപേക്ഷ നൽകുന്നവർക്ക് മുൻഗണന നൽകി വേഗത്തിൽ തീർപ്പാക്കണമെന്ന് വിമാനത്താവള ഉപദേശക സമിതി യോഗം പലതവണ അതോറിറ്റിയോട് ആവശ്യപ്പെട്ടിട്ടുണ്ട്. അപേക്ഷകരിൽ പലരും വിമാനത്താവളത്തിന് സ്ഥലം വിട്ടു നൽകിയവരാണ്. ഈ പരിഗണനയൊന്നും അപേക്ഷ തീർപ്പാക്കുന്നതിൽ അതോറിറ്റി കാണിക്കുന്നില്ലെന്ന് നാട്ടുകാർക്ക് അഭിപ്രായമുണ്ട്.

കെട്ടിട നിർമാണത്തിന് നിരാക്ഷേപ പത്രം വൈകുന്നത് വിമാനത്താവള ഡയറക്ടറുടെ ശ്രദ്ധയിൽപ്പെടുത്തുമെന്ന് നഗരസഭാ ആക്ടിങ് ചെയർമാൻ. രണ്ടര മാസം കഴിഞ്ഞിട്ടും തീരുമാനമെടുക്കാത്ത അപേക്ഷകളുണ്ട്.

കേരളത്തിലെ മറ്റെല്ലാ വിമാനത്താവളത്തിലേക്കുമുള്ള ഹജ്ജ് മടക്കയാത്രാ വിമാനങ്ങൾ മദീനയിൽ നിന്നും നേരിട്ട് സർവീസ് നടത്തുമ്പോഴാണ് കോഴിക്കോടിനോടുള്ള വിവേചനം. നിലവിൽ സലാല അടക്കമുള്ള വിമാനത്താവളങ്ങളിൽ കുറച്ച് സമയം ലേ ഓവർ കഴിഞ്ഞാണ് കോഴിക്കോട്ടേക്ക് യാത്ര തുടരുന്നത്. അതുമൂലം യാത്രാ സമയത്തിലും ടിക്കറ്റ് നിരക്കിലും വലിയ മാറ്റമാണുള്ളത്.

ഹജ്ജ് കർമങ്ങൾ കഴിഞ്ഞു വരുന്ന തീർത്താടകരിൽ കൂടുതൽ പേരും പ്രായാധക്യമുള്ളവരും സ്ത്രീകളുമാണെന്നിരിക്കെ കൂടുതൽ പരിഗണന നൽകേണ്ടുന്ന ഒരു വിഭാഗത്തോട് ഇങ്ങനെ വിവേചനം കാണിക്കുന്നത് നീതിയല്ല എന്നും ഉടനെ പരിഹാരം കാണേണ്ടതുണ്ടെന്നും എം.പി അറിയിച്ചു. ന്യൂനപക്ഷ വകുപ്പ് മന്ത്രിയുമായി വിഷയത്തിന്റെ പ്രാധാന്യം ഫോണിൽ അറിയിച്ച ശേഷമാണ് ഔദ്യോഗികമായി നിവേദനമയച്ചത്.

ഇന്ന് രാവിലെയാണ് സംഭവം.യാത്രക്കാർ കയറുന്ന സമയത്താണ് വിമാനത്തിനകത്ത് നിന്ന് ബോംബ് ഭീഷണി അടങ്ങിയ ഒരു കുറിപ്പ് കണ്ടെത്തുന്നത്. തുടർന്ന് യാത്രക്കാരെ തിരിച്ചിറക്കുകയും ബോംബ് സ്‌ക്വാഡ് ഉൾപ്പെടെയുള്ളവർ പരിശോധന നടത്തുകയും ചെയ്തു. എന്നാൽ യാതൊന്നും കണ്ടെത്താനായില്ല. തുടർന്ന് യാത്രക്കാരെ തിരിച്ച് വിമാനത്തിൽ കയറ്റുകയും ചെയ്തു.

അൽഐനിൽനിന്നെത്തിയ മലപ്പുറം സ്വദേശിയിൽനിന്ന് 62.04 ലക്ഷം രൂപയുടെ 885 ഗ്രാം സ്വർണവും റിയാദിൽനിന്നെത്തിയ ഓമശ്ശേരി സ്വദേശിയിൽനിന്ന് 52.33 ലക്ഷം രൂപ വിലവരുന്ന 734 ഗ്രാം സ്വർണവും കണ്ടെത്തി. ഇരുവരും സ്വർണമിശ്രിതം കാപ്സളുകളിലാക്കി ശരീരത്തിനകത്ത് ഒളിപ്പിച്ചു കടത്താനാണു ശ്രമിച്ചത്.

വർഷങ്ങളായി താമസിച്ചു വന്നിരുന്ന വീടും സ്ഥലവുമെല്ലാം വിമാനത്താവളത്തിൻ്റെ റൺവേ നവീകരണത്തിനായി വിട്ടു നൽകി . ഇത്ര നാൾ താമസിച്ചിരുന്ന വീടുകൾ പൊളിച്ച് മാറ്റുന്നത് കൊണ്ടുകൊണ്ടിരിക്കുകയാണ്. നഷ്ടപരിഹാരമായി ലഭിച്ച പണംകൊണ്ട് പുതിയ സ്ഥലം വാങ്ങി വീട് വെക്കാൻ നോക്കുമ്പോഴാണ് പുതിയ പ്രതിസന്ധി. വിമാനത്താവളത്തിൻ്റെ പരിസരങ്ങളിൽ വീടും മറ്റ് കെട്ടിടങ്ങളും നിർമ്മിക്കാൻ എയർ പോർട്ട് അതോറിറ്റിയുടെ അനുമതിപത്രം വേണം. പലരും വീട് നിർമ്മാണം തുടങ്ങി പാതിവഴിയിൽ പണി നിർത്തി വെച്ചിരിക്കുകയാണ്.

പാലക്കപറമ്പ് , ചിറയിൽ , പിലാതോട്, മേലങ്ങാടി , മുക്കോട് തുടങ്ങിയ പ്രദേശങ്ങളിലുള്ളവർക്കെന്നും നാല് മാസമായി കെട്ടിട നിർമ്മാണത്തിന് അനുമതി ലഭിക്കുന്നില്ല. വിമാനത്താവള വികസനത്തിനായി ഇനി ഭൂമി ഏറ്റെടുക്കാൻ പദ്ധതിയില്ലെന്ന് പറഞ്ഞാണ് ഭൂമി ഏറ്റെടുത്തത്. പുതിയ വീട് നിർമ്മിക്കാൻ അനുമതി ലഭിക്കാത്തതിനാൽ പലരും വാടക വീടുകളിലാണ് താമസിക്കുന്നത് . നിലവിലെ സാഹചര്യം എയർപോർട്ട് അതോറിറ്റിയെ അറിയിച്ചിട്ടുണ്ടെന്നാണ് കരിപ്പൂർ വിമാനത്താവളത്തിലെ ജീവനക്കാർ പറയുന്നത്.