karnataka assembly election – Chandrika Daily

നരേന്ദ്ര മോദി റാലി നടത്തിയ പകുതി ഇടങ്ങളിലും ബിജെപിക്ക് പരാജയം ; സ്ട്രൈക്ക് റേറ്റിൽ പ്രിയങ്കക്കും പിന്നിൽ

webdesk15 — Sun, 14 May 2023 09:48:36 +0000

കർണാടക തെരഞ്ഞെടുപ്പിൽ പ്രചാരണത്തിന് എത്തിയ നേതാക്കളിൽ ഏറ്റവും കുറവ് സ്ട്രൈക്ക് റേറ്റ് പ്രധാനമന്ത്രി നരേന്ദ്ര മോദിക്കെന്ന് റിപ്പോർട്ട്. പ്രധാനമന്ത്രി നരേന്ദ്രമോദി 42 മഹാറാലികൾ നടത്തിയെങ്കിലും പകുതി സീറ്റുകളിൽ മാത്രമാണ് ബിജെപി ജയിച്ചത്.ബെംഗളൂരു നഗരത്തിൽ ക്യാമ്പ് ചെയ്തടക്കം മോദി നയിച്ചത് 42 റാലികളായിരുന്നു. ഇവയില്‍ ജയിച്ചത് 21 ഇടത്ത് മാത്രമാണ്. സ്ട്രൈക്ക് റേറ്റ് വെറും 50 ശതമാനം.അമിതഷായ്ക്കും ഇക്കുറി കന്ന‍ഡമണ്ണിൽ കാര്യമായ സ്വാധീനമുണ്ടാക്കാനായില്ല. 36 റാലികൾ നടത്തിയെങ്കിലും ജയം 11 ഇടത്ത് മാത്രമാണ് ഉണ്ടായത്. സ്ട്രൈക്ക് റേറ്റ് 36.7 ശതമാനം.

അതെ സമയം രാഹുലിന്റെ റാലികൾ നടന്ന 22 മണ്ഡലങ്ങളിൽ 16 ഇടങ്ങളിലും കോൺഗ്രസ് ജയിച്ചു.സ്ട്രൈക്ക് റേറ്റ് 72.7 ശതമാനം. പ്രചാരകരിൽ ഏറ്റവും കൂടുതൽ സ്‌ട്രൈക് റേറ്റും രാഹുൽ ഗാന്ധിക്കാണ്.ഇതോടൊപ്പം രാഹുലിന്റെ ഭാരത് ജോഡോ യാത്ര കടന്നുപോയ ഇടങ്ങളിലെല്ലാം ബിജെപി പരാജയപ്പെടുകയും ചെയ്തു.പ്രിയങ്കാ ഗാന്ധി റാലിക്കെത്തിയ 27 ഇടങ്ങളിൽ 17 മണ്ഡലങ്ങളിലും കോൺഗ്രസ് വിജയം ഉറപ്പിച്ചു. 63 ശതമാനമാണ് സ്‌ട്രൈക്കിങ് റേറ്റ്

സോണിയാ ഗാന്ധിക്ക് നൽകിയ ഉറപ്പ് പാലിച്ചു ; വിജയത്തിന് പിന്നാലെ വികാരാധീനനായി ഡി.കെ.ശിവകുമാർ

webdesk15 — Sat, 13 May 2023 10:11:42 +0000

കര്‍ണാടക നിയമസഭാ തിരഞ്ഞെടുപ്പില്‍ പാർട്ടി ഉജ്ജ്വലമായ വിജയം കൈവരിച്ചതിനു പിന്നാലെ വികാരാധീനനായി സംസ്ഥാന കോണ്‍ഗ്രസ് അധ്യക്ഷന്‍ ഡി.കെ. ശിവകുമാര്‍. മുഴുവൻ പ്രവർത്തകരുടെയും നേതാക്കളുടെയും കൂട്ടായ പ്രവർത്തനത്തിന്റെ ഫലമാണ് കന്നഡ മണ്ണിലെ ഈ വിജയമെന്ന് ഡി കെ ശിവകുമാർ പറഞ്ഞു.കർണാടക പിടിക്കുമെന്ന് സോണിയാ ഗാന്ധിക്ക് നൽകിയ ഉറപ്പ് പാലിച്ചു.ജയിലില്‍ തന്നെ കാണാന്‍ വന്ന സോണിയയെ മറക്കാന്‍ കഴിയില്ല. നിറകണ്ണുകളോടെ കണ്ഠമിടറി ശിവകുമാർ പറഞ്ഞു.ബൂത്ത് ലെവൽ മുതലുള്ള പ്രവർത്തകർ എംഎൽഎമാർ, എഐസിസി, മറ്റ് ജനറൽ സെക്രട്ടറി എന്നിവരുടെയടക്കം പ്രവർത്തനഫലമാണ് ഈ വിജയമെന്നും അവർക്കെല്ലാം നന്ദി രേഖപെടുത്തുന്നുവെന്നും അദ്ദേഹം പറഞ്ഞു.

#WATCH | Karnataka Congress President DK Shivakumar gets emotional on his party's comfortable victory in state Assembly elections pic.twitter.com/ANaqVMXgFr

— ANI (@ANI) May 13, 2023

വെറുപ്പിന്റെ കമ്പോളം പൂട്ടി സ്നേഹത്തിന്റെ കട തുറന്നു’ കർണാടകയിലെ ജനങ്ങള്‍ക്കും പ്രവര്‍ത്തകര്‍ക്കും നന്ദി പറഞ്ഞ് രാഹുൽ ഗാന്ധി

webdesk15 — Sat, 13 May 2023 09:52:12 +0000

കർണാടകയിൽ സാധാരണക്കാരുടെ ശക്തി വിജയിച്ചുവെന്നും പോരാട്ടം നടത്തിയത് സ്നേഹത്തിന്റെ ഭാഷയിലെന്നും രാഹുൽ ഗാന്ധി പറഞ്ഞു. വെറുപ്പിന്റെ ചന്തയിൽ സ്നേഹത്തിന്റെ കട തുറന്നു.ജനങ്ങൾക്ക് നൽകിയ വാക്ക് പാലിക്കും. സാധാരണക്കാരനൊപ്പം പാർട്ടിയുണ്ടാകുമെന്ന് രാഹുൽ വ്യക്തമാക്കി. എഐസിസി ആസ്ഥാനത്ത് നേരിട്ടെത്തിയാണ് രാഹുൽ പ്രതികരണമറിയിച്ചത്.

LIVE: Media Interaction | New Delhi https://t.co/mflXxURASX

— Rahul Gandhi (@RahulGandhi) May 13, 2023

കർണാടകയിൽ 136 സീറ്റുകളിൽ കോൺഗ്രസ് ലീ‍ഡ് ; അധികം പിടിച്ചത് 55 സീറ്റുകൾ

webdesk15 — Sat, 13 May 2023 08:49:58 +0000

കർണാടകയിൽ വോട്ടെണ്ണൽ അന്തിമഘട്ടത്തിലേക്ക് കടക്കുമ്പോൾ കോൺഗ്രസ് ലീഡ് നില ഉയർത്തി 136 സീറ്റുകളിലാണ് നിലവിൽ കോൺഗ്രസ് ലീഡ് ചെയ്യുന്നത്.‍ ബിജെപി 65 സീറ്റുകളിലും ജെഡി (എസ്) 20 സീറ്റുകളിലും മറ്റുള്ളവർ 3 സീറ്റുകളിലും ലീഡ് ചെയ്യുന്നു. ലീഡ് ചെയ്യുന്ന പാർട്ടി സ്ഥാനാർത്ഥികളോട് ബെംഗളൂരുവിലെത്താൻ ഡി കെ ശിവകുമാർ ആവശ്യപ്പെട്ടു. കനകപുരം മണ്ഡലത്തിൽ പാർട്ടി സംസ്ഥാന അധ്യക്ഷൻ ഡി.കെ.ശിവകുമാർ അരലക്ഷത്തിലധികം വോട്ടിന്റെ ഭൂരിപക്ഷത്തിൽ വിജയിച്ചു.എംഎൽഎമാരുടെ നിലപാട് കൂടി അറിഞ്ഞ് മുഖ്യമന്ത്രിയെ നിശ്ചയിക്കുമെന്ന് കെ.സി.വേണുഗോപാൽ

മംഗളൂരുവിൽ അഞ്ചാംതവണയും കോൺഗ്രസിന്റെ യു.ടി. ഖാദർ; ഇത്തവണ ജയം 17,745 വോട്ടുകൾക്ക്

webdesk15 — Sat, 13 May 2023 07:16:59 +0000

മംഗളൂരു മണ്ഡലത്തിൽ അഞ്ചാം തവണയും മലയാളിയായ കോൺഗ്രസിന്റെ യു ടി ഖാദർ ഫരീദിന് വിജയം. 40361 വോട്ടുകളാണ് ഖാദർ നേടിയത്. 17,745 ആണ് ഖാദറിന്റെ ഭൂരിപക്ഷം. എതിർ സ്ഥാനാർത്ഥിയായ ബിജെപിയിലെ സതീഷ് കുമ്പളയ്ക്ക് 24,433 വോട്ടുകൾ മാത്രമാണ് നേടാനായത്.

കർണാടക ഫലം; ലീഡ് 120 കടന്ന് കോൺഗ്രസ്

webdesk15 — Sat, 13 May 2023 05:54:50 +0000

തെരഞ്ഞെടുഫലം പുറത്തുവന്ന് മൂന്ന് മണിക്കൂർ കഴിയുമ്പോൾ കോൺഗ്രസ് 121 സീറ്റിൽ ലീഡ് ചെയ്യുന്നു. ബി.ജെ.പി 69 സീറ്റിലും ജെ.ഡി.എസ് 26 സീറ്റിലുമാണ് ലീഡ് ചെയ്യുന്നത്. മറ്റുള്ളവർ 8 സീറ്റിലും ലീഡ് ചെയ്യുന്നുണ്ട്.

വരും തെരഞ്ഞെടുപ്പുകൾക്കുള്ള ബൂസ്റ്റർ ഡോസാണ് കര്‍ണാടകയിലെ ഫലമെന്ന് കോൺഗ്രസ് വക്താവ് പവൻ ഖേര

webdesk15 — Sat, 13 May 2023 05:21:33 +0000

കര്‍ണാടകയില്‍ ഒറ്റക്ക് സർക്കാർ ഉണ്ടാക്കുമെന്ന് കോൺഗ്രസ് വക്താവ് പവൻ ഖേര പറഞ്ഞു. ഇത് കൂട്ടായ്മയുടെ വിജയമാണ് .സംസ്ഥാന നേതൃത്വത്തിനും തുല്യ പങ്കുണ്ട്..പ്രചാരണ സമയത്ത് ബിജെപിയുടെ മുഖം മോദിയുടേതായിരുന്നു.കോൺഗ്രസിന് വരും തെരഞ്ഞെടുപ്പുകൾക്കുള്ള ബൂസ്റ്റർ ഡോസാണ് കര്‍ണാടകയിലെ ഫലമെന്നും പവൻ ഖേര പറഞ്ഞു.ജെഡിഎസുമായി സംസാരിക്കാൻ തയ്യാറെന്നും കോൺഗ്രസ് വ്യക്തമാക്കി.

ക‍‍ർണാടകയിൽ വോട്ടെടുപ്പ് പുരോഗമിക്കുന്നു, പോളിംഗ് 50 ശതമാനത്തിലേക്ക്

webdesk15 — Wed, 10 May 2023 10:08:09 +0000

കർണാടക നിയമസഭയിലേക്കുള്ള വോട്ടെടുപ്പ് പുരോഗമിക്കുന്നു.ഉച്ചവരെ 40 ശതമാനം പോളിംഗ് രേഖപ്പെടുത്തി.പിന്നിട്ടു.ക‍ർണാടക പിസിസി അധ്യക്ഷൻ ഡി കെ ശിവകുമാർ മത്സരിക്കുന്ന കനകപുരയിലാണ് ഉച്ച വരെ ഏറ്റവും കൂടുതൽ പോളിംഗ് രേഖപ്പെടുത്തിയത്. വാശിയേറിയ പോരാട്ടം നടക്കുന്ന ഉത്തര കർണാടകയിലെ പല മണ്ഡലങ്ങളിലും ദക്ഷിണ കന്നഡ ജില്ലയിലും മികച്ച പോളിംഗാണ് രേഖപ്പെടുത്തുന്നത്. കർണാടകയിലെ 224 നിയമസഭ മണ്ഡലങ്ങളിലേക്കുള്ള തെരഞ്ഞെടുപ്പ് ഒറ്റഘട്ടമായാണ് ഇന്ന് നടക്കുന്നത് . അഞ്ചരക്കോടിയോളം വോട്ടർമാരാണ് ഇന്ന് വോട്ട് രേഖപ്പെടുത്തുക.അരലക്ഷത്തോളം പോളിംഗ് ബൂത്തുകളാണ് കർണാടകയില്‍ സജ്ജീകരിച്ചിരിക്കുന്നത്. മേയ് 13 നാണ് വോട്ടെണ്ണൽ .

കർണാടകയിൽ വിധിയെഴുത്ത് : പോളിംഗ് പുരോഗമിക്കുന്നു

webdesk15 — Wed, 10 May 2023 07:49:35 +0000

കർണാടക നിയമസഭയിലേക്കുള്ള തെരഞ്ഞെടുപ്പിൽ വോട്ടെടുപ്പ് പുരോഗമിക്കുന്നു. രാവിലെ ഏഴ് മണിക്ക് ആരംഭിച്ച വോട്ടെടുപ്പിൽ ആദ്യ മണിക്കൂറുകളിൽ നഗര മേഖലകളിലടക്കം ഭേദപ്പെട്ട പോളിംഗാണ് രേഖപ്പെടുത്തിയത്. 12 മണിക്ക് മുൻപായി 22 ശതമാനം പോളിംഗ് രേഖപ്പെടുത്തിയതായാണ് ഔദ്യോഗിക വിവരം. കർണാടകയിലെ 224 നിയമസഭ മണ്ഡലങ്ങളിലേക്കുള്ള തെരഞ്ഞെടുപ്പ് ഒറ്റഘട്ടമായാണ് ഇന്ന് നടക്കുന്നത് . അഞ്ചരക്കോടിയോളം വോട്ടർമാരാണ് ഇന്ന് വോട്ട് രേഖപ്പെടുത്തുക.അരലക്ഷത്തോളം പോളിംഗ് ബൂത്തുകളാണ് കർണാടകയില്‍ സജ്ജീകരിച്ചിരിക്കുന്നത്. മേയ് 13 നാണ് വോട്ടെണ്ണൽ .

കര്‍ണാടകയില്‍ ഏകീകൃത സിവിൽ കോഡ് നടപ്പാക്കുമെന്ന് ബി.ജെ.പി പ്രകടനപത്രിക

webdesk15 — Mon, 01 May 2023 07:19:53 +0000

കർണാടകയിൽ ഏകീകൃത സിവിൽ കോഡ് നടപ്പാക്കുമെന്ന പ്രധാന പ്രഖ്യാപനവുമായി ബിജെപി തെരഞ്ഞെടുപ്പ് പ്രകടന പത്രിക പുറത്തിറക്കി.ഇതടക്കം 15 ഇന വാഗ്ദാനങ്ങളുമായാണ് ബിജെപി തെരഞ്ഞെടുപ്പ് പ്രകടന പത്രിക പുറത്തിറക്കിയിരിക്കുന്നത്. എല്ലാ ബിപിഎൽ വീടുകൾക്കും ദിവസവും അര ലിറ്റർ നന്ദിനി പാലും വർഷം തോറും ബിപിഎൽ കുടുംബങ്ങൾക്ക് 3 പാചകവാതക സിലിണ്ടറും സൗജന്യമായി നല്‍കുമെന്നാണ് മറ്റൊരു വാഗ്ദാനം. പോഷണ എന്ന പേരില്‍ മാസം തോറും 5 കിലോ ധാന്യവും സൗജന്യമായി നൽകുമെന്നും ബി.ജെ.പി വാഗ്‌ദഗാനം ചെയ്യുന്നു.