നോര്‍ത്ത് കര്‍ണാടകയില്‍ നിന്നുള്ള ലിംഗായത്ത് എംഎല്‍എമാരുടെ നിലപാടില്‍ ഇവര്‍ നീരസം പ്രകടിപ്പിച്ചു. എതിര്‍ പാളയത്തില്‍ നിന്നും 14 പേരുടെ പിന്തുണയുണ്ടെങ്കില്‍ മാത്രമേ സര്‍ക്കാരിനെ താഴെയിറക്കാന്‍ കഴിയു എന്നു ചിലര്‍ വാദിച്ചു. ഭരണത്തിലേറാന്‍ ശ്രമം നടത്തേണ്ടതുണ്ടെന്നും ചിലര്‍ യോഗത്തില്‍ വ്യക്തമാക്കി.

എന്നാല്‍, സര്‍ക്കാരിനെ താഴെയിറക്കാന്‍ ശ്രമിക്കേണ്ടതില്ലെന്ന് ഒരു വിഭാഗം ചൂണ്ടിക്കാട്ടി. ഏറ്റവും കൂടുതല്‍ വോട്ടു ലഭിച്ച ഒറ്റകക്ഷി ബിജെപിയാണ്. വരുന്ന ലോക്‌സഭാ തെരഞ്ഞെടുപ്പ് ലക്ഷ്യമിട്ട് വേണം മുന്നോട്ടു പോകാന്‍. ഭരണത്തിനെതിരെ വികാരം ഉയര്‍ത്തിവിട്ട് പാര്‍ട്ടിയുടെ മുഖം വികൃതമാക്കരുതെന്നും ചിലര്‍ ആവശ്യപ്പെട്ടു. കലഹമുള്ള ഒരു സര്‍ക്കാരിനും അധികം പിടിച്ചു നില്‍ക്കാനാവില്ലെന്നും ചിലര്‍ ചൂണ്ടിക്കാട്ടി. അതേസമയം, യെദ്യൂരപ്പയുടെ സര്‍ക്കാര്‍ രൂപീകരണ പ്രവര്‍ത്തനങ്ങള്‍ക്ക് ഒരു വിഭാഗം പിന്തുണ അറിയിച്ചു.

കുമാരസ്വാമി സര്‍ക്കാര്‍ പൂര്‍ണ പരാജയമാണെന്ന് എംഎല്‍എമാര്‍ ചൂണ്ടിക്കാട്ടി. ജലവിഭവ വകുപ്പ് മന്ത്രിയും പൊതുമരാമത്ത് വകുപ്പു മന്ത്രിയും കമ്മീഷന്‍ ഏജന്റുമാരെ പോലെയാണ് പ്രവര്‍ത്തിക്കുന്നത്. സംസ്ഥാനത്തിന്റെ വിവിധ ഭാഗങ്ങളില്‍ ബിജെപി യോഗങ്ങള്‍ വിളിച്ചു ചേര്‍ത്തിട്ടുണ്ട്. യാതൊരു നയവുമില്ലാതെയാണ് സര്‍ക്കാര്‍ ഉദ്യോഗസ്ഥരെ മുഖ്യമന്ത്രിയും മന്ത്രിമാരും തല്‍സ്ഥാനത്തു നിന്നും സ്ഥലം മാറ്റുന്നതെന്നും യെദ്യൂരപ്പ ആരോപിച്ചു. സര്‍ക്കാരിന്റെ കാര്‍ഷിക വായ്പ തട്ടിപ്പാണെന്നും ബിജെപി ആരോപിച്ചു.

കോണ്‍ഗ്രസ്, ജനതാദള്‍ (എസ്) എം.എല്‍.എമാരെ വിലക്കെടുക്കാന്‍ ശ്രമം നടക്കുന്നുവെന്ന റിപ്പോര്‍ട്ടുകളെ സംബന്ധിച്ച മാധ്യമങ്ങളുടെ ചോദ്യത്തോടു പ്രതികരിക്കുകയായിരുന്നു അദ്ദേഹം.

ഞങ്ങളുടെ എം.എല്‍.എ.മാരെ ആകര്‍ഷിക്കാന്‍ ശ്രമിക്കുന്നത് ആരുടെ സഹായത്തോടെയാണെന്നും ഏതു പണം ഉപയോഗിച്ചാണെന്നും എനിക്കറിയാണ്. നിങ്ങള്‍ കരുതുന്നുണ്ടെ ഒന്നും ഞാന്‍ അറിയുന്നില്ലെന്ന്. അതില്‍ ആരോക്കെ ഉള്‍പ്പെട്ടിട്ടുണ്ടെന്നും അഡ്വാന്‍സ് പേയ്‌മെന്റുകള്‍ നടക്കുന്നതും അടക്കം എല്ലാ കാര്യങ്ങളും എനിക്കറിയാം. എന്റെ ഗവണ്‍മെന്റിനെ സംരക്ഷിക്കുന്നതിനുള്ള ആവശ്യമായ എല്ലാ നടപടികളും ഞാന്‍ സ്വീകരിച്ചിട്ടുണ്ട്. എല്ലാം വഴിയെ കാണാം, കുമാര സ്വാമി പറഞ്ഞു.

സര്‍ക്കാരിനായി ഏതു വെല്ലുവിളിയും അഭിമുഖീകരിക്കാന്‍ ഒരുക്കമാണ്. റിസോര്‍ട്ടുകളോ കുടിലുകളോ എന്തു വേണമെങ്കിലും അവര്‍ ഒരുക്കട്ടെ, നേരിടാന്‍ ഞങ്ങള്‍ ഒരുക്കമാണെന്നും കുമാരസ്വാമി പറഞ്ഞു.

അട്ടിമറിക്കു ശ്രമിക്കുന്നവരില്‍ ഭാര്യയെയും മകനെയും കൊല്ലാന്‍ ഒരു കോഫി പ്ലാന്ററെ സഹായിച്ചവരും ഒന്‍പതു വര്‍ഷങ്ങള്‍ക്കു മുമ്പ് ബെംഗളൂരു മുനിസിപ്പല്‍ ഓഫിസിന് തീവച്ചവരുമുണ്ടെന്നു മുഖ്യമന്ത്രി കുറ്റപ്പെടുത്തി. എന്തുകൊണ്ടാണ് ഇവര്‍ക്കെതിരെ നടപടിയുണ്ടാകാത്തതെന്ന ചോദ്യത്തിന് ഒരിക്കലും വിജയ സാധ്യതയില്ലാത്ത നീക്കങ്ങള്‍ ആസ്വദിക്കുകയാണെന്നായിരുന്നു കുമാരസ്വാമിയുടെ മറുപടി.

അതേസമയം, സര്‍ക്കാരിനെ മറിച്ചിടാന്‍ ശ്രമിക്കുന്നതായുള്ള ആരോപണങ്ങള്‍ ബിജെപി നിഷേധിച്ചു.

ഒരു പ്രമുഖ ബി.ജെ.പി ലീഡര്‍ ഫോണില്‍ വിളിച്ച്, കോണ്‍ഗ്രസ് ഉപേക്ഷിച്ചു വന്നാല്‍ താങ്ങളെ ഞങ്ങള്‍ മന്ത്രിയാക്കാം. താങ്ങള്‍ വേണ്ടതെല്ലാം ഞങ്ങള്‍ തരാം എന്നു വാഗ്ദാനം ചെയ്തു. പക്ഷെ ഇവരുടെ പ്രലോഭനങ്ങളില്‍ വീണുപോകുന്നവനല്ല ഞാന്‍. ഞാന്‍ കോണ്‍ഗ്രസില്‍ തന്നെ തുടരും. കുമാരസ്വാമിയെയാണ് കോണ്‍ഗ്രസ് മുഖ്യമന്ത്രിയായി പ്രഖ്യാപിക്കുന്നതെങ്കില്‍ അതിനൊപ്പം നിലക്കൊള്ളും- അമരഗൗഡ പറഞ്ഞു.

ലിങ്കായത്ത് സമുദായത്തില്‍ നിന്നുള്ള എം.എല്‍.എയാണ് അമരഗൗഡ. കുഷത്യാഗി മണ്ഡലത്തില്‍ ബി.ജെ.പിയുടെ ഡി.എച്ച് പട്ടീലിനെ 18000ത്തില്‍ പരം വോട്ടുകള്‍ക്കാണ് അമരഗൗഡ പരാജയപ്പെടുത്തിയത്

നേരത്തെ, തന്റെ പാര്‍ട്ടിയിലെ എം.എല്‍.എമാര്‍ക്ക് ബി.ജെ.പി നൂറു കോടിയും കാബിനറ്റ് മന്ത്രിപദവിയും വാഗ്ദാനം ചെയ്തതായി ജനതാദള്‍ സെക്യുലര്‍ നേതാവ് എച്ച്.ഡി കുമാരസ്വാമി ആരോപിച്ചിരുന്നു. കുമാരസ്വാമിയെ മുഖ്യമന്ത്രിയാക്കാമെന്ന് വാഗ്ദാനം ചെയ്ത് കോണ്‍ഗ്രസ് ജെ.ഡി.എസ്സിന് നിരുപാധിക പിന്തുണ പ്രഖ്യാപിച്ചിട്ടുണ്ട്.

Here is the second list of 82 BJP candidates for the upcoming assembly elections.

We wish candidates the very best!
ಈ ಸಲಾ ಸರ್ಕಾರ ನಮ್ದೆ ! pic.twitter.com/rg7pToNuLL

— BJP Karnataka (@BJP4Karnataka) April 16, 2018

അഴിമതിക്കേസില്‍ ജയിലില്‍ കഴിയുന്ന നാലു പേര്‍ പട്ടികയിലുണ്ട്. ഖനി അഴിമതിയില്‍ ശിക്ഷിക്കപ്പെട്ട ജി സോമശേഖര റെഡ്ഡി ബെല്ലാരി സിറ്റിയില്‍ നിന്ന് മല്‍സരിക്കും. ജയിലിലായിരുന്ന കട്ട സുബ്രമണ്യ നായിഡു, കൃഷ്ണയ്യ ഷെട്ടി, ഹരതലു ഹാലപ്പ എന്നിവരും ജനവിധി തേടും. സോമശേഖര റെഡ്ഡി ബന്ധു സന്ന ഫാക്കിരപ്പയും പട്ടികയില്‍ ഇടംനേടി. ആദ്യഘട്ടത്തില്‍ 72 സ്ഥാനാര്‍ത്ഥികളുടെ പട്ടിക ബി.ജെ.പി പുറത്തിറക്കിയിരുന്നു. ഇതിലും മുസ് ലിം-ക്രിസ്ത്യന്‍ പ്രാതിനിധ്യമുണ്ടായിരുന്നില്ല.

ദീര്‍ഘനാളായി ഞാന്‍ ബി.ജെ.പിയില്‍ പ്രവര്‍ത്തിക്കുന്ന നേതാവാണ് ഷാഷില്‍ നമോഷി. എന്നാല്‍ സ്ഥാനാര്‍ഥി പട്ടികയില്‍ തന്റെ പേരില്ലാത്തതാണ് നമോഷിയെ വികാരഭരിതനാക്കിയത്. പട്ടികയില്‍ പേരില്ലെന്നത് ഞെട്ടലോടെയാണ് താന്‍ കേട്ടത് നമോഷി പറഞ്ഞു. എന്താണ് സംഭവിച്ചതെന്ന് അറിയില്ല. സീറ്റ് നിഷേധിച്ചത് ഏറെ മനോവേദന സൃഷ്ടിച്ചെന്നും ഷാഷില്‍ നമോഷി ഗുല്‍ബറഗയില്‍ നടത്തിയ വാര്‍ത്താസമ്മേളനത്തിനിടെ പറഞ്ഞു.

#WATCH: BJP’s Shashil Namoshi breaks down, while addressing the media in Kalaburgi, over not being given an election ticket. #KarnatakaElection2018 pic.twitter.com/tXWYctR46S

— ANI (@ANI) April 16, 2018

ദേശീയ അധ്യക്ഷന്‍ അമിത് ഷാ, സംസ്ഥാന അധ്യക്ഷനും മുഖ്യമന്ത്രി സ്ഥാനാര്‍ത്ഥിയുമായ ബി.എസ് യെദ്യൂരപ്പ എന്നിവര്‍ സംസ്ഥാനത്ത് നടത്തിയ പ്രചാരണങ്ങള്‍ക്ക് ജനശ്രദ്ധയാകര്‍ഷിക്കാന്‍ കഴിഞ്ഞില്ലെന്നും പ്രധാനമന്ത്രി മോദിയെ ഇറക്കി തരംഗം സൃഷ്ടിക്കണമെന്നുമാണ് കേന്ദ്ര നേതൃത്വത്തിന് രാംമാധവ് നല്‍കിയ റിപ്പോര്‍ട്ട്. കഴിഞ്ഞ നാലു മാസമായി കോണ്‍ഗ്രസിന്റെ നേതൃത്വത്തില്‍ നടത്തുന്ന കാമ്പയ്ന്‍ വേണ്ട രീതിയില്‍ വിജയിച്ചതായാണ് പാര്‍ട്ടി വിലയിരുത്തുന്നത്. ഇതിനു പിന്നാലെ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി സംസ്ഥാനത്തെ 28 ജില്ലകളില്‍ നടത്തിയ പര്യടനത്തിന് വന്‍ ജനാവലി തടിച്ചു കൂടിയതും ബി.ജെ.പി നേതൃത്വം ഗൗരവത്തോടെയാണ് നോക്കിക്കാണുന്നത്. മുഖ്യമന്ത്രി സിദ്ധരാമയ്യ ദിനേന എന്നോണം യെദ്യൂരപ്പക്കും ഷായ്ക്കുമെതിരെ നടത്തുന്ന ആക്രമണങ്ങളെ പ്രതിരോധിക്കാന്‍ പാര്‍ട്ടിക്കാവാത്തതും ലിംഗായത്ത് വിഭാഗം പരസ്യമായി കോണ്‍ഗ്രസിന് പിന്തുണ പ്രഖ്യാപിച്ചതും ബി.ജെ.പിക്ക് ആശങ്ക വര്‍ധിപ്പിച്ചിട്ടുണ്ട്. നിലവില്‍ ബി.ജെ.പിയുടെ പ്രചാരണം തകര്‍ന്നടിഞ്ഞ അവസ്ഥയിലാണ്. കോണ്‍ഗ്രസ് ഉണ്ടാക്കുന്ന അജണ്ടകള്‍ക്കു പിന്നാലെ പോവുകയാണ് സംസ്ഥാനത്ത് ബി.ജെ.പിയെന്ന് പ്രചാരണത്തിന്റെ ചുമതലയുള്ള ബി.ജെ.പി നേതാവ് വ്യക്തമാക്കി. മോദിയെ പങ്കെടുപ്പിച്ച് ചുരുങ്ങിയത് 15 പൊതുയോഗങ്ങളെങ്കിലും നടത്തണമെന്നാണ് സംസ്ഥാന ബി.ജെ.പി നേതൃത്വം ആവശ്യപ്പെടുന്നത്. ഗുജറാത്തില്‍ ഉറപ്പായ പരാജയം മോദിയിലൂടെയാണ് ഒഴിവാക്കാനായത്. മോദി തരംഗത്തിലൂടെ കോണ്‍ഗ്രസിനൊപ്പമെത്താനാവുമെന്നും സംസ്ഥാന നേതാക്കള്‍ പറയുന്നു. അഴിമതി, മഹാദായി നദീജല തര്‍ക്കം, ലിംഗായത്തുകളുടെ ന്യൂനപക്ഷ പദവി തുടങ്ങിയ വിഷയങ്ങള്‍ യെദ്യൂരപ്പക്കു മേല്‍ സമ്മര്‍ദ്ദമുണ്ടാക്കിയിട്ടുണ്ടെന്നും അദ്ദേഹമല്ലാതെ ജനങ്ങളെ ഇളക്കാന്‍ കഴിയുന്ന മറ്റു നേതാക്കളില്ലെന്നത് ബി.ജെ.പി നേരിടുന്ന വലിയ വെല്ലുവിളിയാണെന്നും പാര്‍ട്ടി നേതാക്കള്‍ തന്നെ പറയുന്നു.

ബംഗളൂരു: വൈകാരിക വിഷയങ്ങള്‍ കര്‍ണാടക നിയമസഭാ തെരഞ്ഞെടുപ്പില്‍ കാര്യമായ സ്വാധീനമുണ്ടാക്കാറില്ല. എന്നാല്‍ ഇത്തവണ കന്നഡ അഭിമാനം (കന്നഡ സ്വാഭിമാന) എന്നതായിരിക്കും മെയ് 12ന് നടക്കുന്ന തെരഞ്ഞെടുപ്പിലെ നിര്‍ണായക ഘടകം എന്നു ഉറപ്പാണ്. കന്നഡക്കു പ്രാമുഖ്യം എന്നത് പുതിയ വിഷയമല്ലെങ്കിലും ഇത്തവണ ഈ നീക്കത്തിന് പിന്നില്‍ ഏതെങ്കിലും ഗ്രൂപ്പുകളല്ല ചിന്തിക്കുന്ന യുവ ജനതയാണെന്നതാണ് പ്രധാന മാറ്റം. ഇവരില്‍ ഏറിയ പങ്കും സോഫ്റ്റ് വെയര്‍ പ്രൊഫഷണലുകളാണ്. തുടക്കത്തില്‍ അധികമാരും ശ്രദ്ധ കൊടുത്തില്ലെങ്കിലും പതിയെ ഇത് മുഖ്യധാരയിലെത്തിക്കഴിഞ്ഞു. കെംപഗൗഡ രാജ്യാന്തര വിമാനത്താവളത്തില്‍ വിമാനങ്ങളുടെ വിവരങ്ങള്‍ കന്നഡയില്‍ പ്രദര്‍ശിപ്പിക്കാന്‍ തുടങ്ങിയതും റെയില്‍വേ സ്റ്റേഷനുകളില്‍ കന്നഡ ബോര്‍ഡുകള്‍ വന്നതും, ടിക്കറ്റുകളില്‍ കന്നഡ ഭാഷ ഉപയോഗിക്കാന്‍ തുടങ്ങിയതുമെല്ലാം ഇതിന്റെ ഭാഗം തന്നെ.

ബെംഗളൂരുവിലേക്കുള്ള ബ്രിട്ടീഷ് എയര്‍വേസ്, ലുഫ്താന്‍സ, ഡ്രാഗന്‍ എയര്‍ തുടങ്ങിയ വിമാനങ്ങള്‍ കന്നഡയില്‍ അനൗണ്‍സ്‌മെന്റ് ആരംഭിച്ചിട്ടുണ്ട്. കന്നഡയിലുള്ള ലിസ്റ്റ് നാള്‍ക്കു നാള്‍ വര്‍ധിക്കുകയാണ്. കന്നഡ വല്‍ക്കരണത്തിന്റെ ആദ്യ ഇര നിലവിലെ ഉപരാഷ്ട്രപതിയായിരുന്ന വെങ്കയ്യ നായിഡുവായിരുന്നു. രാജ്യസഭയില്‍ കര്‍ണാടകയില്‍ നിന്നും മൂന്നാം തവണ ജനവിധി തേടാനിരുന്ന വെങ്കയ്യക്ക് സംസ്ഥാന താല്‍പര്യത്തിന് വിരുദ്ധമായി പ്രവര്‍ത്തിച്ചുവെന്നാരോപിച്ച് കന്നഡ ട്വിറ്ററാറ്റികള്‍ ആരംഭിച്ച ഹാഷ് ടാഗ് വിനയാവുകയായിരുന്നു. പിന്നീട് ബി.ജെ.പി അദ്ദേഹത്തെ രാജസ്ഥാനിലേക്ക് മാറ്റിയിരുന്നു. കന്നഡ വാദത്തിന്റെ അവസരം ആദ്യം തിരിച്ചറിഞ്ഞ് ഗോദയിലേക്ക് എടുത്ത് ചാടിയത് ഭരണ കക്ഷിയായ കോണ്‍ഗ്രസും സിദ്ധരാമയ്യയും തന്നെയായിരുന്നു. മെട്രോ സ്‌റ്റേഷനുകളിലെ ഹിന്ദി ബോര്‍ഡുകള്‍ക്കെതിരെ കന്നഡ വാദികള്‍ രംഗത്തു വന്നതോടെ സര്‍ക്കാര്‍ ഇവ എടുത്തുമാറ്റാന്‍ മുന്നില്‍ നിന്നു.

സ്വകാര്യ ഐ.ടി, ബി.ടി കമ്പനികളില്‍ കന്നഡികര്‍ക്ക് സംവരണം ഏര്‍പ്പെടുത്തി സിദ്ധരാമയ്യ സര്‍ക്കാര്‍ ഒരു പടികൂടി കടന്നു പ്രവര്‍ത്തിക്കുകയും ചെയ്തു. കര്‍ണാടകയില്‍ നിന്നും ഇഷ്യൂ ചെയ്യുന്ന പാസ്‌പോര്‍ട്ടുകളില്‍ കന്നഡ വേണമെന്നാണ് സര്‍ക്കാര്‍ ഇപ്പോള്‍ ആവശ്യപ്പെടുന്നത്. അമിത് ഷായും കേന്ദ്ര മന്ത്രിമാരും നടത്തുന്ന പ്രചാര വേലകളെ കന്നഡ സ്വാഭിമാന്‍ എന്ന തുരുപ്പ് ചീട്ടിലൂടെ മറികടക്കാന്‍ സിദ്ധരാമയ്യക്കു ഫലപ്രദമായി കഴിയുന്നുണ്ടെന്നാണ് രാഷ്ട്രീയ നിരീക്ഷകര്‍ പറയുന്നത്.

ഉത്തര്‍ പ്രദേശ് മുഖ്യമന്ത്രി യോഗി ആദിത്യ നാഥ് കര്‍ണാടകയിലെ ക്രമസമാധാന നിലയെ കുറ്റപ്പെടുത്തി രംഗത്തു വന്നപ്പോള്‍ കന്നഡിഗ സ്വാഭിമാന്‍ എന്ന മണ്ണിന്റെ മക്കള്‍ സിദ്ധാന്തം ഉപയോഗപ്പെടുത്തി യോഗിയെ നേരിടാന്‍ സിദ്ധുവിന് സാധിച്ചത് ഇതിന് ഉദാഹരണമായി നിരീക്ഷകര്‍ ചൂണ്ടിക്കാണിക്കുന്നു. കന്നഡക്കു വേണ്ടി പൂര്‍ണമായും നില കൊള്ളാനാണ് കോണ്‍ഗ്രസിന്റെ തീരുമാനം. ബി.ജെ.പിയുടെ ഒറ്റ രാജ്യ സിദ്ധാന്തം ഈ ഘട്ടത്തില്‍ പിന്നാക്കം പോകുമെന്ന് ഉറപ്പാണ്. ഹിന്ദി അടിച്ചേല്‍പിക്കാന്‍ ബി.ജെ.പി ശ്രമിക്കുന്നുവെന്ന ആരോപണം ബി.ജെ.പിയെ വലിയ രൂപത്തില്‍ പിന്നോട്ടു വലിക്കുന്നുണ്ട്, ഇത്രയും നാള്‍ കന്നഡ സ്വാഭിമാന്റെ നേട്ടം കൊയ്തിരുന്ന ജെ.ഡി.എസ് സിദ്ധരാമയ്യയുടെ ചാട്ടുളി പ്രയോഗം കാരണം ബി.ജെ.പിക്കു പിന്നിലേക്കു ചൂളിയിരിക്കയാണ്. കന്നഡ സ്വാഭിമാന്‍ കാര്‍ഡ് എത്രത്തോളം സിദ്ധരാമയ്യയെ തുണക്കുമെന്ന് പ്രവചിക്കാന്‍ ആര്‍ക്കും സാധിക്കാത്തതിന് കാരണം ഇതാദ്യമായാണ് വൈകാരിക വിഷയം തെരഞ്ഞെടുപ്പ് പ്രചാരണ രംഗത്ത് കര്‍ണാടകയില്‍ സജീവമാകുന്നതെന്നത് തന്നെയാണ് കാരണം. സിദ്ധരാമയ്യയും കന്നഡ വാദവുമായി എത്തിയ യുവ കൂട്ടായ്മയും ഗ്രാമീണ മേഖലയില്‍ കാര്യമായ സ്വാധീനം ചെലുത്തിയിട്ടുണ്ട്. ഇത് വോട്ടാകുമോ എന്നത് കാത്തിരുന്നു കാണേണ്ട കാര്യം തന്നെയാണ്.