ഗവര്‍ണറുടെ നടപടി ഭരണഘടനാവിരുദ്ധമാണ്. സര്‍ക്കാര്‍ രൂപീകരിക്കാന്‍ കോണ്‍ഗ്രസിനെയും ജെ.ഡി.എസിനെയും ക്ഷണിക്കണം. സുപ്രീംകോടതി ഗവര്‍ണറുടെ തീരുമാനം തിരുത്തണം. ഗവര്‍ണറുടെ നടപടി സംശയകരമാണ്. അതിനാല്‍ യെദ്യൂരപ്പയുടെ സത്യപ്രതിജ്ഞ മരവിപ്പിക്കണം. കോണ്‍ഗ്രസ് ജെഡിഎസ് സഖ്യത്തിന് ഭരിക്കാനുള്ള ഭൂരിപക്ഷമുണ്ട്. ഈ വാദത്തിന് പിന്നാലെ സര്‍ക്കാരിയ കമ്മീഷന്‍ റിപ്പോര്‍ട്ട് സിങ്‌വി കോടതിയില്‍ ഉദ്ധരിച്ചു.

സര്‍ക്കാര്‍ രൂപീകരിക്കാന്‍ ക്ഷണിക്കേണ്ടത് കേവലഭൂരിപക്ഷമുള്ള പാര്‍ട്ടിയേയോ, സഖ്യത്തേയോ. ഗവര്‍ണര്‍ക്ക് തോന്നുന്നവരെയല്ല വിളിക്കേണ്ടത്. അവസാനമേ ഏറ്റവും വലിയ പാര്‍ട്ടിക്ക് അവസരം നല്‍കാവൂ. ഏഴ് ദിവസം ചോദിച്ച യദ്യൂരപ്പയ്ക്ക് ഭൂരിപക്ഷം തെളിയിക്കാന്‍ എന്തിന് 15 ദിവസം നല്‍കി. 48 മണിക്കൂറാണ് മറ്റ് പല സംസ്ഥാനങ്ങള്‍ക്കും നല്‍കിയത്. ഗവര്‍ണര്‍ക്ക് തോന്നിയവരെയല്ല, സര്‍ക്കാര്‍ ഉണ്ടാക്കാന്‍ ക്ഷണിക്കേണ്ടതെന്നും സിങ്‌വി കോടതിയില്‍ വാദിച്ചു.

ഗോവ കേസിലെ വിധി അദ്ദേഹം കോടതിയില്‍ പരാമര്‍ശിക്കുകയും ചെയ്തു. ഗോവയിലെ വലിയ കക്ഷിയായിട്ടും ഗവര്‍ണര്‍ കോണ്‍ഗ്രസിനെ സര്‍ക്കാരുണ്ടാക്കാന്‍ ക്ഷണിച്ചില്ല. എന്നാല്‍ വാദത്തില്‍ കോടതി കൂടുതല്‍ ചോദ്യങ്ങള്‍ ഉന്നയിച്ചതോടെ സിങ്‌വി മറ്റൊരു വാദം ഉന്നയിച്ചു. ഗവര്‍ണറുടെ തീരുമാനത്തില്‍ ഇടപെടാന്‍ കോടതിക്ക് സാധിക്കും. എന്നാല്‍ അങ്ങനെ ഇടപെടാനുള്ള തെളിവുകളെവിടെ എന്നായിരുന്നു കോടതിക്ക് അറിയേണ്ടിയിരുന്നത്.

യെദ്യൂരപ്പയുടെ കത്ത് കാണാതെ ഭൂരിപക്ഷത്തിനുള്ള പിന്തുണയില്ലെന്ന് എങ്ങനെ പറയും. അതിനാല്‍ ഗവര്‍ണറെ തടയാന്‍ എങ്ങനെ കഴിയുമെന്നും കോടതി ചോദിച്ചു.

എന്നാല്‍ രാഷ്ട്രപതിയുടെ ഉത്തരവ് പോലും സ്‌റ്റേ ചെയ്യാന്‍ കഴിയുന്ന കോടതിക്ക് ഗവര്‍ണറുടെ ഉത്തരവ് എന്തുകൊണ്ട് വിലക്കിക്കൂടെയെന്ന് സിങ്‌വി കോടതിയോട് ആരാഞ്ഞു. ഇതിലൂടെ ഗവര്‍ണറുടെ തീരുമാനത്തില്‍ ഇടപെടാന്‍ കോടതിക്ക് കഴിയുമെന്ന് ഉറച്ചുപറയുകയായിരുന്നു സിങ്‌വി. പിന്നാലെ യദ്യൂരപ്പയുടെ കത്തിന്റെ കോപ്പി കോടതിയില്‍ സിങ്‌വി ഹാജരാക്കി.

എന്നാല്‍ ഈ രാത്രി പോലെ ഇരുണ്ടതാണല്ലോ കത്തിന്റെ പകര്‍പ്പ് എന്നായിരുന്നു കത്തില്‍ കോടതിയുടെ പരാമര്‍ശം. കത്ത് ഹാജരാക്കിയെങ്കിലും കോടതിയെ വിശ്വാത്തിലേടുക്കാന്‍ സിങ്‌വിക്കായില്ല. ഇതോടെ ഗവര്‍ണറുടെ തീരുമാനം റദ്ദ് ചെയ്യണ്ട, സത്യപ്രതിജ്ഞ മാറ്റിവെക്കാന്‍ ഉത്തരവിറക്കണമെന്ന് ആവശ്യപ്പെട്ട് സിങ്‌വി വാദം അവസാനിപ്പിക്കുകയായിരുന്നു.

ഗവര്‍ണറുടെ തീരുമാനത്തെ അര്‍ദ്ധരാത്രി കോടതി ഇഴകീറി പരിശോധിക്കുന്നത് ശരിയല്ലെന്ന് ബിജെപി അഭിഭാഷകന്‍..
ഗവര്‍ണറുടെ തീരുമാനം വിവേചനപരമല്ല, റദ്ദ് ചെയ്യാനുള്ള അധികാരം കോടതിക്കില്ലെന്നായിരുന്നു ബി.ജെ.പിക്കു വേണ്ടി ഹാജരായ മുകുള്‍ റോഹത്കിന്റെ വാദം. ഗവര്‍ണറുടെ തീരുമാനത്തെ അര്‍ധരാത്രി കോടതി കൂടി ഇഴകീറി പരിശോധിക്കുന്നത് ശരിയല്ലെന്ന് റോത്തകി വാദിച്ചു.

വലിയ പ്രധാന്യം ഈ ഹര്‍ജിക്കില്ല. യാക്കൂബ് മേമന്റെ കേസുമായി ഇതിനെ താരതമ്യം ചെയ്യാനാവില്ല എന്നും റോഹത്കി സുപ്രീംകോടതിയില്‍ പറഞ്ഞു. എന്നാലിത് തങ്ങളുടെ അധികാരത്തിന് മുകളിലുള്ള കടന്നുകയറ്റമായാണ് കോടതി വിലയിരുത്തിയത്. രണ്ട് എംഎല്‍എമാരാണ് തന്നെ വിളിച്ച് ഹാജരാകാന്‍ ആവശ്യപ്പെട്ടതെന്ന് റോഹത്കി പറഞ്ഞു.

എന്നാല്‍ ഇതിനെ എതിര്‍ത്ത് കോണ്‍ഗ്രസിന് വേണ്ടി ഹാജരായ മനു അഭിഷേക് സിങ്‌വി വീണ്ടും എഴുന്നേറ്റു. യദ്യൂരപ്പയാണ് എതിര്‍ കക്ഷി. എങ്ങനെയാണ് ഏതോ രണ്ട് ബിജെപി എംഎല്‍എമാര്‍ക്കായി ഹാജരാകുകയെന്ന് സിങ്‌വി റോഹത്കിനോട് ആരാഞ്ഞു. യദ്യൂരപ്പയ്ക്ക് ഭൂരിപക്ഷമുണ്ടോ എന്ന കോടതിയുടെ ചോദ്യത്തിന് റോഹത്കിയും അറ്റോര്‍ണി ജനറലും വ്യക്തമായ ഉത്തരം നല്‍കിയുമില്ല.

ഇതോടെ കോണ്‍ഗ്രസിന് അനുകൂലമായ വിധിയുണ്ടാകും എന്ന് തോന്നിച്ചു. എന്നാല്‍ ഗവര്‍ണറുടെ വിവേചനാധികാരത്തില്‍ കോടതി ഇടപെടരുത് എന്ന് റോഹത്കി വാദിച്ചതോടെ കാര്യങ്ങള്‍ മാറിമറിഞ്ഞു. ഭരണഘടന സ്ഥാപനത്തെ നിയന്ത്രിക്കുന്ന ഹര്‍ജി തന്നെ റദ്ദ് ചെയ്യണമെന്നായിരുന്നു റോഹത്കിയുടെ വാദം. ഊഹാപോഹങ്ങള്‍ മാത്രമുള്ള ഹര്‍ജിയാണിതെന്ന് അറ്റോര്‍ണി ജനറലും വാദിച്ചതോടെ മനു അഭിഷേക് സിങ്‌വിയുടെ വാദങ്ങള്‍ അപ്രസക്തമായി.

അതേസമയം ഗവര്‍ണറുടെ തീരുമാനത്തില്‍ ഇടപെടുന്നത് ശരിയല്ലെന്ന വാദത്തില്‍ റോഹത്കി ഉറച്ചുനിന്നു. ഭൂരിപക്ഷം തെളിയിക്കാനുള്ള സമയപരിധി വെട്ടിച്ചുരുക്കാമെന്ന് അറ്റോര്‍ണി ജനറല്‍ കോടതിയെ അറിയിച്ചു. ഗവര്‍ണറുടെ തീരുമാനത്തില്‍ കോടതി ഇടപെടരുതെന്നാണ് കേന്ദ്ര സര്‍ക്കാര്‍ സുപ്രീംകോടതിയില്‍ വാദിച്ചത്. ഈ വാദങ്ങള്‍ക്കൊടുവിലാണ് യെദ്യൂരപ്പയെ കക്ഷി ചേര്‍ത്ത് ഗവര്‍ണര്‍ക്കു മുന്നില്‍ ഹാജരാക്കിയ രണ്ട് കത്തുകളും ഇന്ന് 10 മണിക്ക് കോടതിയില്‍ ഹാജരാക്കാന്‍ സുപ്രീം കോടതിയുടെ മൂന്നംഗ ബെഞ്ച് നിര്‍ദേശിച്ചത്.

അതേസമയം കേസില്‍ സുപ്രീം കോടതില്‍ കേസിലെ നടപടികള്‍ ഇന്ന് വീണ്ടും പുനരാരംഭിച്ചു. കോണ്‍ഗ്രസിന് വേണ്ടി മുതിര്‍ന്ന അഭിഭാഷകന്‍ കബില്‍ സിബല്‍ അടക്കം പല പ്രമുഖരും സുപ്രീംകോടതിയില്‍ എത്തി. അഭിഭാഷക ചരിത്രത്തിലെ എറ്റവും വലിയ ഏറ്റുമുട്ടലാണ് പരമോന്നത നീതിപീഠത്തില്‍ രാജ്യം കാണാന്‍ പോകുന്നത്

കര്‍ണാടകയില്‍ ബി.ജെപി യെദ്യൂരപ്പയുടെ കീഴില്‍ സര്‍ക്കാര്‍ രൂപീകരിക്കാന്‍ തുടങ്ങിയത് മുതല്‍ അതേ നാണയത്തില്‍ തിരിച്ചടിച്ച് കോണ്‍ഗ്രസും പോരാട്ടം തുടരുകയാണ്. യെദ്യൂരപ്പ അധികാരമേറ്റതിനു പിന്നാലെ വിധാന്‍ സൗധയിലെ ഗാന്ധി പ്രതിമയ്ക്കു മുമ്പില്‍ പ്രതിഷേധവുമായി കോണ്‍ഗ്രസും ജെഡിഎസും രംഗത്തത്തിയിരുന്നു. എം.എല്‍.എംമാരെ പുറത്തിറക്കി നേതാക്കള്‍ ശക്തി പ്രകടവും പ്രതിഷേധ ധര്‍ണയും നടത്തി.
കോണ്‍ഗ്രസിന്റെയും ജെഡിഎസിന്റെയും എംഎല്‍എമാര്‍ ധര്‍ണയില്‍ പങ്കെടുത്തിരുന്നു. ഇതോടെയാണ് ബി.ജെ.പി ക്യാമ്പിലെ അത്മവിശ്വാസം നഷ്ടപ്പെടുന്നത്.

തങ്ങള്‍ തെരഞ്ഞെടുത്ത എം.എല്‍.എംമാരെ പുറത്തിറക്കി ശക്തി കാണിച്ചതോടെ കര്‍ണാടകയിലെ വോട്ടര്‍മാര്‍ക്ക് കൃത്യമായ ഒരു സന്ദേശം കൂടി നല്‍കുന്നതായി. ജെഡിഎസ്സും കോണ്‍ഗ്രസ്സും ചേര്‍ന്നുള്ള സംയുക്ത പ്രതിഷേധത്തിലൂടെ പൊതുജനവികാരം ഇളക്കിവിടാനാണ് കോണ്‍ഗ്രസ്സ് ലക്ഷ്യമിടുന്നത്. നാളെ 10.30 ന് കോടതി കേസ് വീണ്ടും പരിഗണിക്കാനിരിക്കെ കോണ്‍്ഗ്രസ് ശക്തമായ നീക്കങ്ങളാണ് നടത്തുന്നത്. വിവിധ സംസ്ഥാനങ്ങളിലേക്ക് എം.എല്‍.എമാരെ സുരക്ഷിതമായി മാറ്റാന്‍ നീക്കമുണ്ടായെങ്കിലും അത്തരം നീക്കം വേണ്ടന്ന തീരുമാനമാണ് ഇപ്പോള്‍ കോ്#്ഗ്രസ് നേതൃത്വം എടുത്തിരിക്കുന്നത്. കോടതി അനുവദിച്ച സമയം അവസാനിക്കുന്തോറും ബിജെപി ക്യാമ്പില്‍ ആശങ്ക വര്‍ദ്ധിക്കുകയാണ്.

National President of JD(S) HD Deve Gowda had a telephonic conversation with Congress President Rahul Gandhi over the current political situation in the state of Karnataka. (file pics) pic.twitter.com/EjeknKF0N9

— ANI (@ANI) May 17, 2018

ഇതിനിടെ ജെഡിഎസിന്റെ ദേശീയ പ്രസിഡന്റ് എച്ച്.ഡി. ദേവഗൗഡയുടെ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ചര്‍ച്ച നടത്തി. കര്‍ണാടകത്തിലെ നിലവിലെ രാഷ്ട്രീയ സാഹചര്യത്തെ സംബന്ധിച്ച ടെലിഫോണ്‍ സംഭാഷണമാണ് നടത്തിയത്.

#CORRECTION in #VISUALS: Bus carrying Congress MLAs seen leaving Eagleton Resort in Bengaluru where the MLAs were staying. Congress’ Ramalinga Reddy claimed that after the police was withdrawn from outside the resort,BJP came inside & offered money to the MLAs #KarnatakaElections pic.twitter.com/QsknkWvTMM

— ANI (@ANI) May 17, 2018

എം.എല്‍.എമാരെ തല്‍ക്കാലം കര്‍ണാടകയില്‍ നിന്നു മാറ്റേണ്ടതില്ലന്നാണ് പുതിയ തീരുമാനം. നാളെ രാവിലെ കേസ് വീണ്ടും കോടതി പരിഗണിക്കുന്ന സാഹചര്യത്തിലാണ് പുതിയ തീരുമാനം. കേസ് വിധി ബിജെപിക്ക് പ്രതികൂലമാണെങ്കില്‍ എം.എല്‍.എമാരെ ഗവര്‍ണര്‍ക്കു മുന്നില്‍ ഉടനെ എത്തിക്കാന്‍ സാധിക്കുമെന്നതാണ് കാരണം. എന്നാല്‍ വിധി കോണ്‍ഗ്രസിന് എതിരായാല്‍ ഇവരെ നാളെ കൊച്ചിയില്‍ എത്തിച്ചേക്കും.

അതേസമയം ബെംഗളുരുവില്‍ എംഎല്‍എമാരെ നിര്‍ത്തുന്നത് സുരക്ഷിതമല്ലെന്ന വിലയിരുത്തലിലാണ് കോണ്‍ഗ്രസ്‌-ജെഡിഎസ് നേതൃത്വം.

അതിനിടെ കര്‍ണാടകത്തിലെ കോണ്‍ഗ്രസ്-ജെഡിഎസ് എം.എല്‍.എമാരെ ബെംഗളൂരുവിലെ റിസോര്‍ട്ടില്‍നിന്ന് മാറ്റി. റിസോര്‍ട്ടുകളില്‍ നിന്ന് രാത്രി വൈകി അതീവസുരക്ഷയിലാണ് ബസുകളില്‍ എം.എല്‍.എമാരെ പുറത്തേക്കു കൊണ്ടുപോയി. എന്നാല്‍ എങ്ങോട്ടാണ് അവര്‍ പോകുന്നത് എന്നകാര്യത്തില്‍ ഇതുവരെ വ്യക്തതയുണ്ടായിട്ടില്ല.

എം.എല്‍.എമാരെ പുതുച്ചേരിയിലേക്കോ, ഹൈദരാബാദിലേക്കോ, കൊച്ചിയിലേക്കോ കൊണ്ടുപോകുമെന്നാണ് അഭ്യൂഹങ്ങള്‍. കൊച്ചിയിലേക്കാണ് ബസുകള്‍ പോകുന്നതെന്ന് ജെ.ഡി (എസ്) പ്രവര്‍ത്തകര്‍ മാധ്യമങ്ങളോട് പറഞ്ഞു. എന്നാല്‍ ഇക്കാര്യം മാധ്യമങ്ങളോട് സ്ഥിരീകരിക്കാന്‍ എച്ച്.ഡി കുമാരസ്വാമി തയ്യാറായില്ല. കേരളം സഹോദര സംസ്ഥാനമാണെന്നായിരുന്നു അദ്ദേഹത്തിന്റെ മറുപടി.

ആന്ധ്ര, പഞ്ചാബ് സംസ്ഥാനങ്ങളിലെ ചില നഗരങ്ങള്‍ ഇതിനായി പരിഗണിച്ചെങ്കിലും ഒടുവില്‍ കൊച്ചി തെരഞ്ഞെടുക്കുകയാണ്.
അതേസമയം എതിര്‍ ചേരിയിലെ നീക്കങ്ങളില്‍ വരുന്ന നിര്‍ണായക മാറ്റങ്ങള്‍ ബിജെപി നേതൃത്വത്തെ അങ്കലാപ്പിലാക്കിയിരിക്കുകയാണ്.

22 വര്‍ഷം മുമ്പത്തെ സംഭവം ഇങ്ങനെ:

ദേവഗൗഡ പ്രധാനമന്ത്രിയായിരുന്ന കാലത്ത് വാജുഭായ് വാല ഗുജറാത്തിലെ ബി.ജെ.പി അധ്യക്ഷനായിരുന്നു. ഈ സമയത്ത് ബി.ജെ.പി നേതാവ് സുരേഷ് മെഹ്തയായിരുന്നു ഗുജറാത്ത് മുഖ്യമന്ത്രി.

ബി.ജെ.പി നേതാവായിരുന്ന ശങ്കര്‍ സിങ് വഗേല പാര്‍ട്ടി വിമതനായി തനിക്ക് 40 എം.എല്‍.എമാരുടെ പിന്തുണ ഉണ്ടെന്ന് അറിയിച്ചു. ഇതേത്തുടര്‍ന്ന് മുഖ്യമന്ത്രി സുരേഷ് മെഹ്തയോട് ഗുജറാത്ത് ഗവര്‍ണര്‍ ഭൂരിപക്ഷം തെളിയിക്കാന്‍ ആവശ്യപ്പെട്ടു. പിന്നില്‍ പ്രവര്‍ത്തിച്ചത് പ്രധാനമന്ത്രിയായിരുന്ന ദേവഗൗഡയായിരുന്നു.

ഭൂരിപക്ഷം തെളിയിക്കാന്‍ സഭ സമ്മേളിച്ചപ്പോള്‍ പ്രക്ഷുബ്ധമായിരുന്നു. തുടര്‍ന്ന് രാഷ്ട്രപതി സര്‍ക്കാറിനെ പിരിച്ചുവിട്ട് ഉത്തരവിറക്കി. ഇതിനെല്ലാം പിന്നില്‍ പ്രവര്‍ത്തിച്ചത് ദേവഗൗഡയായിരുന്നു.

ബി.ജെ.പി സംസ്ഥാന അധ്യക്ഷന്‍ എന്ന നിലക്ക് വാജുഭായ്‌ക്കേറ്റ കനത്ത പ്രഹരമായിരുന്നു സര്‍ക്കാറിന്റെ പിരിച്ചുവിടല്‍. ഇതാണ് നിലവില്‍ കര്‍ണാടകയില്‍ കേവല ഭൂരിപക്ഷമില്ലാതിരുന്നിട്ടും സര്‍ക്കാര്‍ രൂപീകരണത്തിന് ബി.ജെ.പിയെ ഗവര്‍ണര്‍ ക്ഷണിച്ചതിന്റെ കാരണമായി പരക്കെ ചൂണ്ടിക്കാട്ടുന്നത്.