This story is either incorrect or wishful thinking of the one who has planted it. Cabinet will be announced well before RG’s arrival. JDS and Congress leaders have almost finalised all names. Minor disagreement on ONE portfolio which should be resolved by this evening https://t.co/zZCLkp9PMd

— Mayur Shekhar Jha (@mayur_jha) May 29, 2018

Karnataka Cabinet Formation On Hold As Sonia Gandhi, Son Rahul Head Abroad https://t.co/jTlN3QAXo1 via @ndtv

— Gargi Rawat (@GargiRawat) May 29, 2018

കോണ്‍ഗ്രസ് – ജെ.ഡി.എസ് സംസ്ഥാന നേതാക്കള്‍ കഴിഞ്ഞ ദിവസം ബംഗളൂരുവില്‍ യോഗം ചേര്‍ന്ന് മന്ത്രിസഭാ വികസനം സംബന്ധിച്ച് ഏകദേശ ധാരണയുണ്ടാക്കിയിരുന്നു. തുടര്‍ന്ന് ഡല്‍ഹിയിലെത്തിയ കുമാരസ്വാമി ഗുലാം നബി ആസാദ് ഉള്‍പ്പെടെയുള്ള മുതിര്‍ന്ന കോണ്‍ഗ്രസ് നേതാക്കളുമായി നടത്തിയ ചര്‍ച്ചയിലാണ് വകുപ്പു വിഭജനത്തിലെ പ്രശ്‌നങ്ങള്‍ പരിഹരിച്ചത്. എന്നാല്‍ ഹൈക്കമാന്റിനു മുന്നില്‍ ഇത് അവതരിപ്പിച്ച് അനുമതി വാങ്ങേണ്ടതുണ്ട്. ആകെയുള്ള 34 മന്ത്രിപദവികളില്‍ 22 എണ്ണം കോണ്‍ഗ്രസിനും 12 എണ്ണം ജെ.ഡി.എസിനുമായി വീതിക്കാന്‍ നേരത്തെ തന്നെ ധാരണയായിരുന്നു. ധനവകുപ്പ് മുഖ്യമന്ത്രി കുമാരസ്വാമി തന്നെ കൈകാര്യം ചെയ്യുമെന്ന് വ്യക്തമാക്കിയ സാഹചര്യത്തില്‍ ആഭ്യന്തരം ഉപമുഖ്യമന്ത്രി കൂടിയായ പരമേശ്വരക്ക് നല്‍കിയേക്കും. കോണ്‍ഗ്രസില്‍നിന്ന് ആരെയെല്ലാം മന്ത്രിസഭയില്‍ ഉള്‍പ്പെടുത്തണം എന്നതു സംബന്ധിച്ച തീരുമാനങ്ങള്‍ക്കും ഹൈക്കമാന്റിന്റെ അംഗീകാരം ആവശ്യമാണ്.

പ്രോടെം സ്പീക്കർ കെ.ജി.ബൊപ്പയ്യയുടെ നിയന്ത്രണത്തിൽ ഇന്ന് ഉച്ചയ്ക്കു 12ന് ആരംഭിക്കുന്ന സമ്മേളനത്തിൽ ആദ്യം സ്പീക്കർ തെരഞ്ഞെടുപ്പു നടക്കും. തുടർന്നു പുതിയ സ്പീക്കറുടെ അധ്യക്ഷതയിലാകും വിശ്വാസവോട്ടെടുപ്പ്.

സ്പീക്കര്‍ തെരഞ്ഞെടുപ്പില്‍ കോണ്‍ഗ്രസും ബി.ജെ.പിയും തമ്മിലുള്ള മത്സരമാണ് നടക്കുന്നത്. മുതിര്‍ന്ന കോണ്‍ഗ്രസ് നേതാവ് കെ.ആര്‍ രമേശ് കുമാറാണ് കോണ്‍ഗ്രസ്-ജെ.ഡി.എസ് സഖ്യത്തിന്റെ സ്പീക്കര്‍ സ്ഥാനാര്‍ത്ഥി. ബി.ജെ.പിക്കായി എസ്.സുരേഷ് കുമാറും പത്രിക സമര്‍പ്പിച്ചിട്ടുണ്ട്. അതേസമയം ഡപ്യൂട്ടി സ്പീക്കര്‍ സ്ഥാനത്തേക്കു ബി.ജെ.പി മല്‍സരിക്കുന്നില്ല. ഡെപ്യൂട്ടി സ്പീക്കര്‍ സ്ഥാനം ജെ.ഡി.എസിനാണ് നിശ്ചയിച്ചിട്ടുള്ളത്. ദളിനു വേണ്ടി മാറ്റിവച്ച ഡപ്യൂട്ടി സ്പീക്കര്‍ സ്ഥാനത്തേക്കു കെ.ശ്രീനിവാസ ഗൗഡയും എ.ടി.രാമസ്വാമിയുമാണ് പരിഗണനയില്‍.

224 അംഗ സഭയില്‍ 221 അംഗങ്ങളാണ് ഇപ്പോഴുള്ളത്. കുമാരസ്വാമി രണ്ടിടത്ത് മത്സരിച്ചതിനാല്‍ ഒരു സീറ്റ് ഒഴിഞ്ഞുകിടക്കുകയാണ്. മറ്റു രണ്ടു മണ്ഡലങ്ങളില്‍ വോട്ടെടുപ്പ് നടന്നിട്ടുമില്ല. 117 എം.എല്‍.എമാരുടെ പിന്തുണയാണ് കോണ്‍ഗ്രസ്-ജെ.ഡി.എസ് സഖ്യത്തിനുള്ളത്.

യെദ്യൂരപ്പ രാജിവെച്ചതിനു പിന്നാലെയും കോണ്‍ഗ്രസ്-ജെ.ഡി.എസ് പാളയത്തില്‍ നിന്ന് എം.എല്‍.എമാരെ തട്ടിയെടുക്കാന്‍ ബി.ജെ.പി ശ്രമം നടത്തിയിരുന്നു. എന്നാല്‍ എം.എല്‍.എമാര്‍ ഇപ്പോഴും റിസോര്‍ട്ടില്‍ തന്നെയായതിനാല്‍ ബി.ജെ.പിക്ക് ഇവരെ സ്വാധീനിക്കാനായിട്ടില്ലെന്നാണ് വിവരം.

ബെംഗളൂരുവിലെ ഹോട്ടലുകളിൽ പാർപ്പിച്ചിരിക്കുന്ന കോൺഗ്രസ് എംഎൽഎമാരെ നിയമസഭാകക്ഷി നേതാവ് സിദ്ധരാമയ്യയും ദൾ എംഎൽഎമാരെ കുമാരസ്വാമിയും സന്ദർശിച്ചു. അതിനിടെ, ഇനി തിരഞ്ഞെടുപ്പ് നടക്കാനുള്ള മൂന്നു മണ്ഡലങ്ങളിൽ ഒന്നിച്ചു മൽസരിക്കാൻ കോൺഗ്രസും ദളും ധാരണയിലെത്തി.

ദേശീയതലത്തില്‍ രൂപപ്പെട്ട് വരാനിടയുള്ള മഹാസഖ്യത്തിന്റെ പ്രാഥമിക കൂടിച്ചേരലായി മാറാന്‍ എല്ലാ സാധ്യതയും കര്‍ണാടക സത്യപ്രതിജ്ഞ ചടങ്ങിന് രാഷ്ട്രീയ വൃത്തങ്ങള്‍ കല്‍പ്പിച്ചു നല്‍കുന്നുണ്ട്. കര്‍ണാടകയില്‍ ബി.ജെ.പി നടത്തിയ വഴിവിട്ട നീക്കങ്ങള്‍ മറ്റ് ബി.ജെ.പി ഇതര എന്നാല്‍ യുപിഎയുടെ ഭാഗമല്ലാത്ത പാര്‍ട്ടികളെ കൂടി പ്രകോപിപ്പിച്ചിട്ടുണ്ട്. വിവിധ ദേശീയ- സംസ്ഥാന പാര്‍ട്ടികള്‍ കര്‍ണാടകയിലെ കോണ്‍ഗ്രസ് ജെ.ഡി (എസ്) മുന്നണിയെ സ്വാഗതം ചെയ്തിട്ടുണ്ട്. ബി.ജെ.പിക്കെതിരെ ദേശീയതലത്തില്‍ പ്രതിപക്ഷ ഐക്യനിര കെട്ടിപ്പടുക്കേണ്ടതിന്റെ ആവശ്യകത പൂര്‍ണ്ണാര്‍ത്ഥത്തില്‍ വിളിച്ചോതി രാജ്യത്തിന് പുതിയ സന്ദേശം നല്‍കിയാവും വിവിധ രാഷ്ട്രീയപാര്‍ട്ടികളുടെ മുതിര്‍ന്ന നേതാക്കള്‍ ചടങ്ങില്‍ സംബന്ധിക്കുക.

മുസ്ലിംലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പിക്ക് ചടങ്ങിലേക്ക് കോണ്‍ഗ്രസ് – ജെഡി(എസ്) പാര്‍ട്ടികളുടെ ക്ഷണമുണ്ട്. കര്‍ണാടകയുടെ ചാര്‍ജ്ജുള്ള കോണ്‍ഗ്രസ് മുതിര്‍ന്ന നേതാവ് ഗുലാംനബി ആസാദ്, ജനതാദള്‍ (സെക്കുലര്‍) ദേശീയ ജനറല്‍സെക്രട്ടറി ഡാനിഷ് അലി എന്നിവരാണ് അവരവരുടെ പാര്‍ട്ടികളുടെ പേരില്‍ പി.കെ കുഞ്ഞാലിക്കുട്ടിയെ ചടങ്ങിലേക്ക് ക്ഷണിച്ചത്. പി.കെ കുഞ്ഞാലികുട്ടി ചടങ്ങില്‍ പങ്കെടുക്കും.

യു.പി.എ ചെയര്‍പേഴ്‌സണ്‍ സോണിയ ഗാന്ധി, കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി, സി.പി.എം ജനറല്‍സെക്രട്ടറി സീതാറാം യെച്ചൂരി, സമാജ്വാദി പാര്‍ട്ടി അധ്യക്ഷന്‍ മുന്‍ യു.പി മുഖ്യമന്ത്രി കൂടിയായ അഖിലേഷ് യാദവ്, ബി.എസ്പി അധ്യക്ഷ മുന്‍ യു.പി മുഖ്യമന്ത്രി മായാവതി, തൃണമൂല്‍ കോണ്‍ഗ്രസ് നേതാവ് ബംഗാള്‍ മുഖ്യമന്ത്രി മമതാബാനര്‍ജി, കേരള മുഖ്യമന്ത്രി പിണറായി വിജയന്‍, ആന്ധ്രപ്രദേശ് മുഖ്യമന്ത്രിയും തെലുഗുദേശം പാര്‍ട്ടി നേതാവുമായ ചന്ദ്രബാബു നായിഡു, തെലുങ്കാന മുഖ്യമന്ത്രിയും ടി.ആര്‍.എസ് നേതാവുമായ ചന്ദ്രശേഖരറാവു, ആം ആദ്മി പാര്‍ട്ടി നേതാവും ഡല്‍ഹി മുഖ്യമന്ത്രിയുമായ അരവിന്ദ് കെജ്രിവാള്‍, രാഷ്ട്രീയ ജനതാദള്‍ നേതാവ് തേജസ്വി യാദവ്, ഡി.എം.കെ നേതാവ് എം.കെ സ്റ്റാലിന്‍ എന്നിങ്ങനെ വന്‍ പ്രതിപക്ഷ നിരയാവും കര്‍ണ്ണാടക സത്യപ്രതിജ്ഞ ചടങ്ങിന് സാക്ഷിയാവുക.

കര്‍ണാടകയില്‍ ജനവിധി കോണ്‍ഗ്രസിന് എതിരായിരുന്നെ്ന്നും തെരഞ്ഞെടുപ്പിന് ശേഷമുള്ള സഖ്യത്തിന് കോണ്‍ഗ്രസും ജെഡിഎസും ശ്രമിച്ചിരുന്നില്ലെങ്കില്‍ കര്‍ണാടകത്തില്‍ ബിജെപി സര്‍ക്കാര്‍ രൂപീകരിക്കുമായിരുന്നെന്നും ഷാ പറഞ്ഞു.

ബി.ജെ.പി.യുടെ മുഖ്യമന്ത്രി സ്ഥാനാര്‍ഥി ബി എസ് യെദ്യൂരപ്പയ്ക്ക് ഭൂരിപക്ഷം തെളിയിക്കാന്‍ ഗവര്‍ണറില്‍ നിന്ന് ഏഴ് ദിവസം കിട്ടിയെന്ന് സുപ്രീം കോടതിയിലെ കോണ്‍ഗ്രസിന്റെ വാദം കള്ളമാണെന്നും അമിത് ഷാ ആരോപണമുയര്‍ത്തി.

അതേസമയം മെയ് 15ലെ തെരഞ്ഞെടുപ്പ് ഫലത്തിന് ശേഷം വളഞ്ഞ വഴികളിലൂടെ അധികാരത്തിലേറിയ കര്‍ണാടകയിലെ യദ്യൂരപ്പ സര്‍ക്കാറിന് വിശ്വാസ വോട്ടു തേടാനാവാതെ നാണംകെട്ട് രാജിവെക്കേണ്ടി വന്നതിനു ശേഷം ആദ്യമായാണ് ഷാ പ്രതികരിക്കുന്നത്. യെദ്യൂരപ്പ മുഖ്യമന്ത്രിസ്ഥാനം ഒഴിഞ്ഞ് രണ്ടു ദിവസം കഴിഞ്ഞാണ് ഷാ കോണ്‍ഗ്രസിനെതിരെ ആരോപണവുമായി രംഗത്തെത്തിയിരിക്കുന്നത്. നിങ്ങള്‍ എന്തിനാണ് ആഘോഷിക്കുന്നത് വോട്ടുകള്‍ നിങ്ങള്‍ക്ക് എതിരായിരുന്നു എന്നായിരുന്നു ഷായുടെ വാദം. എന്നാല്‍ സമീപ കാലത്ത് ബിജെപി അധികാരത്തില്‍ ഏറിയ സംസ്ഥാനങ്ങളില്‍ കോണ്‍ഗ്രസാണ് ഏറ്റവും കൂടുതല്‍ വോട്ടുകള്‍ നേടിയ പാര്‍ട്ടിയെന്ന് കാര്യം മറച്ചുവെച്ചായിരുന്നു ബിജെപി അധ്യക്ഷന്റെ ന്യായവാദങ്ങള്‍.

മറ്റു അയല്‍ രാജ്യങ്ങളുമായി താരതമ്യം ചെയ്യുമ്പോള്‍ ഇന്ത്യയിലെ പ്രെട്രോള്‍ വില

ഒരാഴ്ചക്കിടെ പെട്രോളിന് 1.98 രൂപയും ഡീസലിന് 1.92 പൈസയുമാണ് പൊതുമേഖല എണ്ണകമ്പനികള്‍ വര്‍ധിപ്പിച്ചത്. നിലവില്‍ മുംബൈയിലും ഭോപാലിലുമാണ് പെട്രോളിന് ഏറ്റവും കൂടിയ വില. മുംബൈയില്‍ ഇന്നലെ പെട്രോള്‍ ലിറ്ററിന് 84.07 രൂപയും, ഭോപാലില്‍ 81.83 രൂപയും, പറ്റ്‌നയില്‍ 81.73 രൂപയും ഹൈദരാബാദില്‍ 80.76 രൂപയുമാണ്.
കൊല്‍ക്കത്തയില്‍ 78.91 രൂപയും ചെന്നൈയില്‍ 79.13 രൂപയുമാണ് പെട്രോള്‍ വില. ഗോവയിലെ പനാജിയിലാണ് പെട്രോളിന് ഏറ്റവും കുറഞ്ഞ വില ഇവിടെ ലിറ്ററിന് 70.26 രൂപയാണ് വില. ഡീസലിന് ഹൈദരാബാദിലാണ് ഏറ്റവും കൂടിയ വില.
ലിറ്ററിന് 73.45 രൂപയാണ് ഹൈദരാബാദില്‍ രേഖപ്പെടുത്തിയത്.

തിരുവനന്തപുരത്താണ് രണ്ടാമത്തെ കൂടിയ വില. റായ്പൂര്‍ (72.96), ഗാന്ധിനഗര്‍ (72.63), ഭുവനേശ്വര്‍ (72.43), പറ്റ്‌ന (72.24) എന്നിങ്ങനെയാണ് ഡീസല്‍ വില. പോര്‍ട്ട് ബ്ലയറിലാണ് ഡീസലിന് ഏറ്റവും കുറഞ്ഞ വില 63.35. അതേ സമയം എണ്ണ വില കുതിച്ചുയരുന്ന സാഹചര്യത്തില്‍ എക്‌സൈസ് നികുതി കുറക്കുമെന്ന അഭ്യൂഹങ്ങള്‍ പുറത്തു വന്നിട്ടുണ്ടെങ്കിലും ഇതിനോട് പ്രതികരിക്കാന്‍ സാമ്പത്തിക കാര്യ സെക്രട്ടറി സുഭാഷ് ചന്ദ്ര ഗാര്‍ഗ് വിസമ്മതിച്ചു. നരേന്ദ്ര മോദി സര്‍ക്കാര്‍ അധികാരത്തില്‍ വന്നതിന് ശേഷം ഒമ്പത് തവണയാണ് ഡിസല്‍, പെട്രോള്‍ എന്നിവയുടെ എക്‌സൈസ് നികുതി വര്‍ധിപ്പിച്ചത്.
ഇതുവഴി പെട്രോളിന് 11.77 രൂപയും ഡീസലിന് 13.47 രൂപയുമാണ് കൂട്ടിയത്. അന്താരാഷ്ട്ര വിപണിയില്‍ ക്രൂഡ് ഓയില്‍ വിലയിലുണ്ടായ വര്‍ധനവും ഡോളറിനെതിരെ രൂപയുടെ മൂല്യ തകര്‍ച്ചയുമാണ് വില വര്‍ധനവിന് കാരണമായി എണ്ണക്കമ്പനികള്‍ പറയുന്നത്.

കേരളത്തില്‍ പെട്രോളിനും ഡീസലിനും ചരിത്രത്തിലെ തന്നെ റെക്കോര്‍ഡ് വിലയാണ് ഇപ്പോള്‍. സംസ്ഥാനത്ത് ആദ്യമായിട്ടാണ് പെട്രോള്‍ വില ലീറ്ററിന് 80 രൂപ കടക്കുന്നത്.

കര്‍ണാടക നിയമസഭാ തെരഞ്ഞെടുപ്പു കഴിഞ്ഞതോടെയാണ് രാജ്യമൊന്നടങ്കം ഇന്ധനവില കുതിച്ചുകയറുന്നത്. തെരഞ്ഞെടുപ്പിനു പ്രചരണ സമയത്ത് പൊതുമേഖലാ എണ്ണക്കമ്പനികള്‍ വില പിടിച്ചു നിര്‍ത്തിയതിന്റെ നഷ്ടം നികത്തുന്നതാണ് ഇപ്പോഴത്തെ കുതിച്ചുകയറ്റം. തെരഞ്ഞെടുപ്പിന് ശേഷം തുടര്‍ച്ചയായ ഏഴു ദിവസവും വില വര്‍ധനയുണ്ടായി. പെട്രോള്‍, ഡീസല്‍ വിലയില്‍ ലിറ്ററിന് നാലു രൂപയോളം വര്‍ധിപ്പിക്കണമെന്നാണ് പൊതുമേഖല എണ്ണകമ്പനികളുടെ ആവശ്യം. കഴിഞ്ഞ മൂന്ന് ആഴ്ചയായി എണ്ണവില വര്‍ധിപ്പിക്കാതെ നിലനിര്‍ത്തിയതിനാല്‍ നിലവിലെ സാഹചര്യത്തില്‍ എണ്ണകമ്പനികള്‍ക്ക് ഡീസല്‍ വിലയില്‍ 3.50-4 രൂപയും പെട്രോളിന് 4-4.50 രൂപയും വര്‍ധിപ്പിക്കേണ്ടതുണ്ടെന്നാണ് കമ്പനികള്‍ പറയുന്നത്.

PM @narendramodi never tires of lecturing the nation on corruption.

Does he have the moral courage to advice BJP Karnataka & BS Yeddyurappa to stop these attempts to bribe MLAs, and allow the formation of a stable coalition Government in the interest of Karnataka?

— Siddaramaiah (@siddaramaiah) May 19, 2018

ഇന്ന് മോഡിയുടെ രാഷ്ട്രീയം തുറന്നുകാട്ടപ്പെട്ടെന്നും ജനാധിപത്യം വില്‍പ്പനക്കുള്ളതല്ലെന്ന് കര്‍ണാടക കാണിച്ചുതന്നെന്നും സിദ്ധരാമയ്യ പറഞ്ഞു

Today, the politics of PM Modi stands exposed.

Without the blessings of India’s Hitler-Goebbels duo, Karnataka BJP could not have indulged in horse trading & such blatant subversion of the Constitution.

Karnataka has shown the BJP that Democracy is not for sale in India!

— Siddaramaiah (@siddaramaiah) May 19, 2018

കോണ്‍ഗ്രസ്സ് പാളയത്തില്‍ വിള്ളല്‍ വീഴ്ത്താന്‍ കോഴ വാഗ്ദാനം ചെയ്യുന്ന ബി.എസ് യെദ്യൂരപ്പയുടെ ശബ്ദരേഖ കോണ്‍ഗ്രസ്സ് പുറത്തു വിട്ടിരുന്നു. ഹയര്‍കെറൂറിലെ കോണ്‍ഗ്രസ് എം.എല്‍.എയായ ബി.സി പാട്ടീലിനെ സ്വാധീനിക്കാന്‍ യെദ്യൂരപ്പ ശ്രമിക്കുന്നതിന്റെ ഓഡിയോ ടേപ്പാണ്
കോണ്‍ഗ്രസ് പുറത്തുവിട്ടത്. സംഭാഷണത്തിനിടെ പാട്ടീലിന് യെദ്യൂരപ്പ ക്യാബിനറ്റ് പദവി വാഗ്ദാനം ചെയ്യുന്നുണ്ടായിരുന്നു. കൊച്ചിയിലേക്ക് പോകരുതെന്നും തിരിച്ചു വരണമെന്നും ടേപ്പില്‍ യെദിയൂരപ്പ പറയുന്നുണ്ട്. ഞങ്ങള്‍ക്കൊപ്പം വരൂ വേണ്ടത് ചെയ്യാം എന്നാണ് യെദ്യൂരപ്പ ആവര്‍ത്തിച്ചു പറയുന്നത്. കൊച്ചിയിലേക്ക് പോകരുതെന്ന് ഫോണ്‍ സന്ദേശത്തില്‍ നിര്‍ദ്ദേശിക്കുന്നുണ്ട്. എന്നാല്‍ താന്‍ ബസ്സിലാണ് പുറത്തിറങ്ങാന്‍ സാധിക്കില്ലെന്നും നിങ്ങള്‍ പറയുന്നതും വ്യക്തമല്ലെന്നും കോണ്‍ഗ്രസ്സ് എം.എല്‍.എ പ്രതികരിക്കുന്നു.

കോണ്‍ഗ്രസ് എം.എല്‍.എ എമാരെ ബി.ജെ.പി സ്വാധീനിക്കാന്‍ ശ്രമിക്കുന്ന തരത്തില്‍ നിരവധി ഓഡിയോ ടേപ്പുകള്‍ കോണ്‍ഗ്രസ് പുറത്തുവിട്ടിരുന്നു. നേരത്തെ ബസവന ഗൗഡ ദഡ്ഡലിനും ബി.ജെ.പി കോഴ വാഗ്ദാനം ചെയ്ത് വിവാദത്തിലായിരുന്നു.

കര്‍ണാടക നിയമസഭയില്‍ മുഖ്യമന്ത്രി യെദ്യൂരപ്പക്കും ബിജെപിക്കും നേരിട്ട തിരിച്ചടിയില്‍ പ്രതികരിച്ച് ഡല്‍ഹിയില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം.

കര്‍ണ്ണാടകയില്‍ എം.എല്‍.എമാരെ കൈക്കലാക്കാന്‍ പ്രധാനമന്ത്രി നരേന്ദ്രമോദി നേരിട്ടതും അധികാരപ്പെടുത്തിയതും എങ്ങനെയെന്ന് എല്ലാവരും വ്യക്തമായി കണ്ടുകഴിഞ്ഞു. രാജ്യത്ത് പടരുന്ന അഴിമതിക്കെതിരെ പോരാടുമെന്ന് പ്രധാനമന്ത്രി പ്രചരിപ്പിക്കുന്ന ആശയം തികച്ചും കള്ളമാണ്, രനാണെന്നും രാഹുല്‍ ഗാന്ധി പറഞ്ഞു.

സഭയിലേറ്റ പരാജയത്തിന് ശേഷം യെദ്യൂരപ്പയും ബിജെപി എംഎല്‍എമാരും ദേശീയഗാനത്തെ അപമാനിച്ചതിനെ വിമര്‍ശിച്ചും രാഹുല്‍ രംഗത്തെത്തി. കര്‍ണ്ണാടക നിയമസഭയിലെ നടന്ന ബിജെപിയുടെ കടുത്ത കളികള്‍ക്ക് ശേഷം ദേശീയഗാനത്തിനിടയില്‍ ബി.ജെ.പി എം.എല്‍.എമാരും സ്പീക്കറും സഭ വിടാന്‍ തീരുമാനിച്ചതിനെ സംബന്ധിച്ച് എന്താണ് അഭിപ്രായമെന്നും രാഹുല്‍ ചോദിച്ചു.കര്‍ണ്ണാടകയില്‍ നടന്നത് ബിജെപിക്കും ആര്‍എസ്എസിനും പാഠമായിരിക്കട്ടെയെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി പറഞ്ഞു.

Did you notice that after the entire exercise in Karnataka Vidhan Sabha, the BJP legislators & speaker chose to leave the house before the national anthem? It shows they can disrespect any institution if in power, both BJP & RSS have disrespected institutions: Rahul Gandhi pic.twitter.com/ZjUNzpFIeV

— ANI (@ANI) May 19, 2018

കര്‍ണ്ണാടക വിധാന്‍ സഭയില്‍ നടന്ന കാര്യങ്ങള്‍ക്കൊടുവില്‍ ദേശീയ ഗാനം തുടങ്ങുന്നതിന് മുന്‍പേ ബിജെപി എംഎല്‍എ മാരും സ്പീക്കറും ഏഴുന്നേറ്റ് പോവുന്നത് നിങ്ങളൊക്കെ കണ്ടോ എന്ന് ചോദിച്ചാണ് രാഹുല്‍ ഗാന്ധി പത്രസമ്മേളനം തുങ്ങിയത്. അധികാരത്തിന്റെ ബലത്തില്‍ സംവിധാനങ്ങളെ തകര്‍ക്കുന്ന, ആരെയും അപമാനിക്കാമെന്ന ഇത്തരം മനോഭാവങ്ങള്‍ക്കെതിരെയാണ് തങ്ങളുടെ പോരാട്ടമെന്നും അദ്ദേഹം പറഞ്ഞു.

പ്രധാനമന്ത്രിയാലും അമിത്ഷായാലും ആര്‍എസ്എസിനാലും അപമാനിക്കപ്പെടാത്ത ഒരു ഭരണഘടനാ സ്ഥാപനവും രാജ്യത്തില്ലന്ന് രാഹുല്‍ പറഞ്ഞു. പതിവ് രീതിയില്‍ നിന്ന് വിഭിന്നമായി ബിജെപിയെ കടന്നാക്രമിച്ചാണ് രാഹുല്‍ ഗാന്ധി സംസാരിച്ചത്. നിങ്ങളുടെ അഹങ്കാരത്തിന് ഒരു പരിധിയുണ്ടന്നന്നാണ് ബിജെപിയോടും ആര്‍എസ്എസിനോടും പറയാനുള്ളത്. കര്‍ണ്ണാടകയില്‍ നിന്ന് അവര്‍ ഒരു പാഠം പഠിക്കുമെന്നാണ് താന്‍ പ്രതീക്ഷിക്കുന്നതെന്നും അദ്ദേഹം പറഞ്ഞു.
അഴിമതിക്കെതിരെ പോരാടുന്നു എന്നവകാശപ്പെടുന്ന പ്രധാനമന്ത്രിയുടെ പാര്‍ട്ടിയാണ് കോണ്‍ഗ്രസിന്റെയും ജെഡിഎസിന്റെയും എംഎല്‍എമാരെ പണം കൊടുത്ത് സ്വന്തം പക്ഷത്താക്കാന്‍ നോക്കിയതന്ന് രാജ്യത്തെ യുവാക്കള്‍ മനസിലാക്കണം. പ്രധാനമന്ത്രി അഴിമതിക്കെതിരെ പോരാടുന്നു എന്നത് ശുദ്ധ കള്ളത്തരമാണ്. അദ്ദേഹം തന്നെയാണ് വലിയ അഴിമതിയെന്നും രാഹുല്‍ പറഞ്ഞു. ദില്ലിയില്‍ നിന്ന് കിട്ടിയ സമ്മതത്തോടെയാണ് എംഎല്‍ എ മാരെ വിലക്ക് വാങ്ങാന്‍ ശ്രമമുണ്ടായ തന്നും രാഹുല്‍ ആരോപിച്ചു.

നിയമസഭയില്‍ വിശ്വാസവോട്ടെടുപ്പ് തെളിയിക്കാനാവില്ലെന്ന ഭീതിയെ തുടര്‍ന്നാണ്
യെദ്യൂരപ്പ രാജിക്ക് തയാറെടുക്കുന്നതെന്നാണ് വിവരം. വിശ്വാസവോട്ടെടുപ്പിന് മുമ്പ് രാജി വെച്ചേക്കുമെന്നാണ് വിവരം.

യെദ്യൂരപ്പക്കായി രാജിക്കത്ത് ഒരുങ്ങുന്നതായും റിപ്പോര്‍ട്ടുകള്‍ പുറത്തുവരുന്നുണ്ട്. 13 പേജുള്ള രാജി പ്രസംഗമാണ് യെദ്യൂരപ്പക്കായി ഒരുങ്ങുന്നത്.