ഏത്രയും വേഗം മന്ത്രിസഭാ വികസനത്തിനുള്ള രൂപരേഖ തയ്യാറാക്കാനാണ് നീക്കം. ബുധനാഴ്ച വൈകീട്ടാണ് ശിവകുമാര്‍ ചര്‍ച്ചക്കായി ഡല്‍ഹിയിലെത്തിയത്. ഇന്നലെ കാലത്ത് സിദ്ധരാമയ്യ കൂടി എത്തിയതോടെ ചര്‍ച്ചകള്‍ക്ക് വേഗം കൂടി. മുഖ്യന്ത്രി അടക്കം 34 പേരാണ് മന്ത്രിസഭയില്‍ ഉണ്ടാകുക. ഇതില്‍ മുഖ്യമന്ത്രിയും ഉപമുഖ്യമന്ത്രിയും അടക്കം 10 പേര്‍ പുതിയ സര്‍ക്കാറിന്റെ സ്ഥാനാരോഹണ വേളയില്‍ തന്നെ സത്യപ്രതിജ്ഞ ചെയ്തിരുന്നു.

അതുകൊണ്ട് തന്നെ സംസ്ഥാനത്തിന്റെ വിവിധ ഭാഗങ്ങളില്‍ നിന്നും അയല്‍ സംസ്ഥാനങ്ങളില്‍ നിന്നും പതിനായിരങ്ങള്‍ സ്‌റ്റേഡിയത്തില്‍ എത്തുമെന്നുറപ്പാണ്. ഇത് കണക്കിലെടുത്തു കൊണ്ടുള്ള ക്രമീകരണങ്ങള്‍ അധികൃതര്‍ ഒരുക്കിയിട്ടുണ്ട്. ശിവകുമാര്‍ സ്‌റ്റേഡിയം സന്ദര്‍ശിച്ചു ക്രമീകരണങ്ങള്‍ വിലയിരുത്തി. 2003 ല്‍ സിദ്ധരാമയ്യ മുഖ്യമന്ത്രിയായി ചുമതലയേറ്റതും ഇതേ സ്‌റ്റേഡിയതില്‍ തന്നെയായിരുന്നു. 5 വര്‍ഷം തുടര്‍ച്ചയായി കാലാവവധി പൂര്‍ത്തിയാക്കിയ മുഖ്യമന്ത്രി എന്ന ഖ്യാതിയോടെയാണ് സിദ്ധരാമയ്യ ഇക്കുറി ഭരണമേല്‍ക്കുന്നത്. എസ്. നിജലിങ്കപ്പയും ദേവരാജ് അരസും മാത്രമേ സിദ്ധരാമയ്യക്ക് മുന്‍പ് കാലാവധി അവസാനിക്കും വരെ ഭരിച്ചിട്ടുള്ളു. ചടങ്ങിന് സാക്ഷിയാകാന്‍ ഒന്നരലക്ഷം പേര്‍ എത്തുമെന്നാണ് പ്രതീക്ഷ. പ്രതിപക്ഷ മുഖ്യമന്ത്രിമാര്‍, മുസ്‌ലിം ലീഗ് അടക്കുള്ള കക്ഷികളുടെ നേതാക്കള്‍ തുടങ്ങി വലിയ നേതൃനിര തന്നെ ബെംഗളൂരുവില്‍ എത്തുന്നുണ്ട്. അതിഥികളെ വരവേറ്റും പുതിയ മന്ത്രിസഭക്ക് സ്വാഗതമോതിയും നഗരത്തിലുടനീളം കൊടിതോരണങ്ങളും കാമനങ്ങളും അലങ്കരിച്ചു. ബി.ജെ.പി ഭരണത്തില്‍ നിന്നും മോചനം ലഭിക്കുന്ന മുഹൂര്‍ത്തം ആഘോഷമാക്കാന്‍ സംസ്ഥാനത്തെ എല്ലാ പ്രദേശങ്ങളിലും കോണ്‍ഗ്രസ് പ്രവര്‍ത്തകര്‍ വന്‍ സ ജ്ജീകരണങ്ങളാണ് നടത്തിയിട്ടുള്ളത്.

പ്രതിപക്ഷ ഐക്യത്തിന്റെ വേദിയാവുന്ന ചടങ്ങില്‍ സോണിയാ ഗാന്ധി,രാഹുല്‍ ഗാന്ധി, പ്രിയങ്കാ ഗാന്ധി, തമിഴ്‌നാട് മുഖ്യമന്ത്രി എം.കെ സ്റ്റാലിന്‍, രാജസ്ഥാന്‍ മുഖ്യമന്ത്രി അശോക് ഗെലോട്ട്, ബിഹാര്‍ മുഖ്യമന്ത്രി നിതീഷ് കുമാര്‍, ചത്തീസഗഡ് മുഖ്യമന്ത്രി ഭൂപേഷ് ബാഗേല്‍, ഹിമാചല്‍ മുഖ്യമന്ത്രി സുക് വീന്ദര്‍ സിങ് സുഖു, പുതുച്ചേരി മുഖ്യമന്ത്രി എന്‍. രംഗസ്വാമി, ജാര്‍ഖണ്ഡ് മുഖ്യമന്ത്രി ഹേമന്ദ് സോറന്‍ പങ്കെടുക്കും. എന്‍.സി.പി അധ്യക്ഷന്‍ ശരത് പവാര്‍, നാഷണല്‍ കോണ്‍ഫറന്‍സ് നേതാവ് ഫാറൂഖ് അബ്ദുള്ള, സി.പി.ഐ ദേശീയ സെക്രട്ടറി എ രാജ, സി.പി.എം ജനറല്‍ സെക്രട്ടറി സീതാറാം യെച്ചൂരി, ബിഹാര്‍ ഉപമുഖ്യമന്ത്രി തേജസ്വി യാദവ്, ശിവസേന ഉദ്ധവ് വിഭാഗം നേതാവ് ഉദ്ധവ് താക്കറെ, എസ്പി നേതാവ് അഖിലേഷ് യാദവ്, പിഡിപി നേതാവ് മെഹബൂബ മുഫ്തി, കേരള കോണ്‍ഗ്രസ് മാണി വിഭാഗം നേതാവ് ജോസ് കെ മാണി, ആര്‍എസ്പി നേതാവ് എന്‍കെ പ്രേമചന്ദ്രന്‍, , എംഡിഎംകെ നേതാവ് വൈകോ, സിപിഐ (എംഎല്‍) ജനറല്‍ സെക്രട്ടറി ദീപാങ്കര്‍ ഭട്ടാചാര്യ, വിസികെ നേതാവ് തോല്‍ തിരുമാവളന്‍, ആര്‍എല്‍ഡി നേതാവ് ജയന്ത് ചൗധരി തുടങ്ങിയവരും പങ്കെടുക്കും.

സംസ്ഥാനത്തെ കോണ്‍ഗ്രസിന്റെ തിരഞ്ഞെടുപ്പ് വിജയത്തില്‍ നെടുംതൂണായി നിന്ന സിദ്ധരാമയ്യയുമായും ഡി.കെ ശിവകുമാറുമായും വെവ്വേറെ കൂടിക്കാഴ്ച നടത്തിയാണ് സര്‍ക്കാര്‍ രൂപീകരണ കാര്യത്തില്‍ ഖാര്‍ഗെ ധാരണയിലെത്തിയത്. പുതിയ മുഖ്യമന്ത്രിയെ സംബന്ധിച്ച് നിയുക്ത എം.എല്‍.എമാരുടെ നിര്‍ദേശം നിരീക്ഷക സംഘം കഴിഞ്ഞ ദിവസം തന്നെ റിപ്പോര്‍ട്ട് ആയി ഹൈക്കമാന്‍ഡിനു കൈമാറിയിരുന്നു. ഇതിന്റെ അടിസ്ഥാനത്തിലാണ് ചര്‍ച്ചകള്‍ പുരോഗമിച്ചത്. സിദ്ധരാമയ്യയുമായി കഴിഞ്ഞ ദിവസം തന്നെ ഖാര്‍ഗെ ചര്‍ച്ച നടത്തിയിരുന്നു. തുടര്‍ന്ന് ഇന്നലെ ഡല്‍ഹിയിലെത്തിയ പി.സി.സി അധ്യക്ഷന്‍ ഡി.കെ ശിവകുമാറുമായും ചര്‍ച്ച നടത്തി. മുഖ്യമന്ത്രി സ്ഥാനത്തേക്ക് പരിഗണിക്കുന്നില്ലെങ്കില്‍ ഉപമുഖ്യമന്ത്രി പദവും പി.സി.സി അധ്യക്ഷ സ്ഥാനവും എന്ന നിര്‍ദേശമാണ് ശിവകുമാര്‍ ഖാര്‍ഗെക്ക് മുന്നില്‍ വച്ച നിര്‍ദേശം എന്നാണ് വിവരം. ഇത് ഖാര്‍ഗെ അംഗീകരിക്കുകയും സിദ്ധരാമയ്യയെ നേരിട്ട് തീരുമാനം അറിയിക്കുകയും ആയിരുന്നു. കൂടാതെ ആഭ്യന്തര വകുപ്പും ശിവകുമാറിന് നല്‍കിയേക്കുമെന്ന് സൂചനയുണ്ട്. പൊതുഭരണം ഉള്‍പ്പെടെയുള്ള വകുപ്പുകളായിരിക്കും സിദ്ധരാമയ്യക്ക് ലഭിക്കുക.

മന്ത്രിസഭയില്‍ ഡി.കെ ശിവകുമാര്‍ നിര്‍ദേശിക്കുന്ന പേരുകള്‍ക്ക് പ്രത്യേക പരിഗണന നല്‍കിയേക്കുമെന്നും സൂചനയുണ്ട്. ഇക്കാര്യത്തില്‍ ചര്‍ച്ചകള്‍ തുടരുമെന്നാണ് കോണ്‍ഗ്രസ് വൃത്തങ്ങള്‍ നല്‍കുന്ന വിവരം. സോണിയാ ഗാന്ധി, രാഹുല്‍ എന്നിവരുമായി കൂടി ആലോചിച്ച ശേഷമായിരിക്കും ഇന്ന് ഔദ്യോഗിക പ്രഖ്യാപനം ഉണ്ടാകുക എന്നാണ് വിവരം. ഹൈക്കമാന്‍ഡ് എന്ത് തീരുമാനമെടുത്താലും അംഗീകരിക്കുമെന്നും പാര്‍ട്ടിയാണ് തനിക്ക് അമ്മയെന്നുമായിരുന്നു ഖാര്‍ഗെയുമായുള്ള കൂടിക്കാഴ്ചക്കു തൊട്ടു മുമ്പ് മാധ്യമങ്ങളെ കണ്ട ഡി.കെ ശിവകുമാറിന്റെ പ്രതികരണം. മുഖ്യമന്ത്രി പദം ലഭിച്ചില്ലെങ്കില്‍ രാജി വെക്കുമെന്ന് ഹൈക്കമാന്‍ഡിനെ അറിയിച്ചെന്ന വാര്‍ത്ത തള്ളിക്കളഞ്ഞ ഡി.കെ ശിവകുമാര്‍, വാര്‍ത്ത നല്‍കിയ മാധ്യമത്തിനെതിരെ നിയമ നടപടി സ്വീകരിക്കുമെന്നും വ്യക്തമാക്കി.

അതേസമയം കര്‍ണാടക നിയമസഭാ തിരഞ്ഞെടുപ്പില്‍ ദയനീയ പരാജയമാണ് സിപിഎം നേരിട്ടിരിക്കുന്നത്. മത്സരിച്ച നാല് മണ്ഡലങ്ങളിലും സി.പി.എം പരാജയപ്പെട്ടു. മൂന്നിടങ്ങളില്‍ നോട്ടക്കും പിന്നിലായി. രണ്ടിടത്ത് ആയിരത്തോളം വോട്ടുകളും ഒരിടത്ത് ആയിരത്തില്‍ താഴെ വോട്ടുകളുമാണ് സി.പി.എമ്മിന് നേടാനായത്. ബാഗേപ്പള്ളിയില്‍ സി.പി.എം സ്ഥാനാര്‍ത്ഥി ഡോ. അനില്‍കുമാര്‍ ജയിക്കുമെന്ന് സി.പി.എം വലിയ പ്രതീക്ഷ പുലര്‍ത്തിയിരുന്നെങ്കിലും മൂന്നാം സ്ഥാനത്ത് എത്താനേ സി.പി.എമ്മിന് സാധിച്ചുള്ളൂ. 82,128 വോട്ടുകള്‍ നേടിയ കോണ്‍ഗ്രസ് സ്ഥാനാര്‍ത്ഥി എസ്.എന്‍ സുബ്ബറെഡിയാണ് ബാഗേപ്പള്ളിയില്‍ വിജയിച്ചത്. ജെ.ഡി.എസും സി.പി.ഐയും ബാഗേപ്പള്ളിയില്‍ സി.പി.എമ്മിന് പിന്തുണ പ്രഖ്യാപിച്ചെങ്കിലും ഫലം കണ്ടില്ല.

കെജിഎഫില്‍ 1008 വോട്ടുകളാണ് സി.പി.എം സ്ഥാനാര്‍ത്ഥി തങ്കരാജ് നേടിയത്. കോണ്‍ഗ്രസ് സ്ഥാനാര്‍ത്ഥി എം.രൂപകലയാണ് കെ.ജി.എഫില്‍ വിജയിച്ചത്. മറ്റൊരു മണ്ഡലമായ കെ.ആര്‍ പുരയില്‍ സി.പി.എം സ്ഥാനാര്‍ത്ഥി എം. മഞ്ചേഗൗഡ 1220 വോട്ടുകളും സി.പി.ഐ സ്ഥാനാര്‍ത്ഥി പി.പി അപ്പണ്ണ 227 വേട്ടുകളുമാണ് നേടിയത്. ഗുല്‍ബര്‍ഗ റൂറലില്‍ 822 വോട്ടുകള്‍ മാത്രമാണ് സി.പി.എമ്മിന് നേടാനായത്. സി.പി.എം മത്സരിച്ച ഗുല്‍ബര്‍ഗ റൂറലില്‍ നോട്ടക്കും (839)പിന്നില്‍ 822 വോട്ടാണ് ലഭിച്ചത് ഇവിടെ കോണ്‍ഗ്രസ് സ്ഥാനാര്‍ത്ഥി 71839 വോട്ട് നേടിയാണ് വിജയിച്ചത്. കോലാര്‍ഫീല്‍ഡില്‍ നോട്ട 1383 വോട്ട് നേടിയപ്പോള്‍ സി.പി.എമ്മിന് 1008 വോട്ട് ലഭിച്ചു.

കോണ്‍ഗ്രസ് സ്ഥാനാര്‍ത്ഥി 81569 വോട്ടാണ് മണ്ഡലത്തില്‍ നേടിയത്. കെ.ആര്‍ പുരത്ത് നോട്ടക്ക് 4396 വോട്ട് ലഭിച്ചപ്പോള്‍ സി.പി.എമ്മിന് 1220 വോട്ടാണ് ലഭിച്ചത്. കോണ്‍ഗ്രസ് സ്ഥാനാര്‍ത്ഥിക്ക് 115624 വോട്ടും ലഭിച്ചു. സി.പി.എം വിജയിക്കുമെന്ന് അവകാശപ്പെട്ടിരുന്ന ബാഗേപള്ളിയില്‍ 19621 വോട്ടാണ് പാര്‍ട്ടി സ്ഥാനാര്‍ത്ഥിക്ക് കിട്ടിയത്. കോണ്‍ഗ്രസ് സ്ഥാനാര്‍ത്ഥിക്ക് 82128 വോട്ടും രണ്ടാമതെത്തിയ ബി.ജെ.പിക്ക് 62949 വോട്ടും ലഭിച്ചു.

കുറിപ്പിന്റെ പൂര്‍ണ്ണരൂപം

ഞാനൊരു കോണ്‍ഗ്രസ്സ്‌കാരനല്ല.എങ്കിലും കര്‍ണാടകയിലെ കോണ്‍ഗ്രസ്സിന്റെ വിജയം അത് മതനിരപേക്ഷയില്‍ വിശ്വസിക്കുന്ന ജനാധിപത്യ വിശ്വാസികള്‍ക്ക് ഏറെ പ്രതീക്ഷകള്‍ നല്‍കുന്നു എന്നതാണ്.വ്യക്തിപരമായി എനിക്ക് ഏറെ ഹരം കിട്ടിയത് വ്യാജ കമ്മ്യൂണിസ്റ്റുകളുടെ
കര്‍ണ്ണാടക ബലിയാണ്.

സിനിമാ എഴുത്തുകാരുടെ സംഘടനയുടെ ജനാധിപത്യ യുദ്ധത്തില്‍ പൊരുതി തോറ്റെങ്കിലും നാല്‍പ്പത് ശതമാനം വോട്ട് എനിക്ക് നേടാനായി . അതിന് ഊച്ചാളി ഷാജിമാരുടെയും വാഴക്കുല മോഷ്ടാക്കളുടെയും പാര്‍ട്ടി
എന്നെ കൂക്കിവിളിച്ചു ;കുരിശേറ്റി .എന്നാല്‍ കര്‍ണാടകത്തില്‍ നോട്ടക്ക് -അതായത് ആരെയും വേണ്ടാത്തവര്‍ക്ക്- കിട്ടിയതിനേക്കാള്‍ കുറവാണ് കമ്മികള്‍ക്ക് കിട്ടിയത് എന്നറിഞ്ഞപ്പോഴാണ് എന്റെ ഉള്ളം ഒന്ന് തണുത്തത്.

അതായത് കന്നഡക്കാരനും വ്യാജനെ വേണ്ടത്രേ.കോണ്‍ഗ്രസ്സ് തറപറ്റിച്ചത് രണ്ട് ഫാസിസ്റ്റു പാര്‍ട്ടികളെയാണ് .ഒന്ന് കഷ്ടിച്ചു പിടിച്ചു നില്‍ക്കുന്നുണ്ട്.മറ്റവന്‍ അടിപടലം ഇല്ലാതായി.ആനന്ദലബ്ധിക്കിനിയെന്തുവേണ്ടൂ?

കഴിഞ്ഞ തവണ ഏഴ് എം.എല്‍.എമാരാണുണ്ടായിരുന്നത്. ജെ.ഡി.എസ് ഇത്തവണ 23 മുസ്‌ലിം സ്ഥാനാര്‍ഥികളെ നിര്‍ത്തിയെങ്കിലും ആരും വിജയിച്ചില്ല. 2008ല്‍ ഒമ്പത് മുസ്‌ലിം എം.എല്‍.എമാരാണുണ്ടായിരുന്നത്. 2013ല്‍ ഇത് പതിനൊന്നായി ഉയര്‍ന്നു. രണ്ടു എം.എല്‍.എമാര്‍ ജെ.ഡി.എസ്സില്‍ നിന്നായിരുന്നു. സംസ്ഥാനത്തെ മൊത്തം മണ്ഡലങ്ങളില്‍ പത്തൊമ്പത് ഇടത്തെങ്കിലും മുപ്പത് ശതമാനത്തിനും മുകളില്‍ മുസ്‌ലിം വോട്ടര്‍മാരാണുള്ളത്. 16 എം.എല്‍.എമാരുണ്ടായിരുന്ന 1978ലാണ് ഏറ്റവുമധികം മുസ്‌ലിം എം.എല്‍.എമാര്‍ വിധാന്‍ സഭയിലുണ്ടായിരുന്നത്. ഏറ്റവും കുറവ് രാമകൃഷ്ണ ഹെഗഡെയുടെ മുഖ്യമന്ത്രി കാലത്തും. രണ്ടു എം.എല്‍.എമാരായിരുന്നു 1983ലുണ്ടായിരുന്നത്.

ബജ്‌റംഗ് ദള്‍ വിവാദം അവാസന നിമിഷത്തിലും വോട്ടാക്കാന്‍ ബി.ജെ.പി ആവതു ശ്രമിച്ചിരുന്നു. എന്നാല്‍ ആ ശ്രമങ്ങളെല്ലാം പാഴായി. മാത്രവുമല്ല പഴയ മൈസൂരു പ്രദേശങ്ങളിലടക്കം മുസ്‌ലിം വോട്ടുകള്‍ കോണ്‍ഗ്രസിനു പിന്നില്‍ ഏകീകരിക്കാന്‍ ഈ വിവാദം കാരണവുമായി. ഓള്‍ഡ് മൈസൂരില്‍ വോക്കലിംഗ വോട്ടുകള്‍ ജെ.ഡി.എസ്സിനും മുസ്‌ലിം വോട്ടുകള്‍ കോണ്‍ഗ്രസിനും ജെ.ഡി.എസ്സിനുമായി വിഭജിക്കപ്പെടാറാണ് പതിവ്. എന്നാല്‍ ഇത്തവണ വോക്കലിംഗ വോട്ടുകള്‍ കോണ്‍ഗ്രസിന് മാത്രമായി ഏകീകരിക്കപ്പെട്ടു. എസ്.ഡി.പി.ഐ പതിനാറ് സീറ്റുകളിലും എ.ഐ.എം.ഐ.എം രണ്ട് സീറ്റുകളിലും സ്ഥാനാര്‍ഥികളെ നിര്‍ത്തി. ഉവൈസിയുടെ എ.ഐ.എം.ഐ.എം ജെ.ഡി.എസ്സിനോട് സംഖ്യസാധ്യത തേടിയെങ്കിലും അവസാന നിമിഷം അവര്‍ പിന്മാറുകയാണുണ്ടാത്.

ബെല്ലാരി-93ല്‍ ഗതാഗത മന്ത്രിയും സിറ്റിങ് എം.എല്‍.എയുമായ ശ്രീരാമലു പരാജയപ്പെട്ടു. കോണ്‍ഗ്രസ് സ്ഥാനാര്‍ത്ഥി ബി.നാഗേന്ദ്രയാണ് ഇവിടെ വിജയിച്ചത്. ഖനന വ്യവസായിയും മുന്‍ മന്ത്രിയുമായ ജനാര്‍ദ്ദന റെഡ്ഡി ഗംഗാവതി മണ്ഡലത്തില്‍ വിജയിച്ചപ്പോള്‍ അദ്ദേഹത്തിന്റെ ഭാര്യയും ബി.ജെ.പി ടിക്കറ്റില്‍ മത്സരിച്ച സഹോദരങ്ങളും പരാജയപ്പെട്ടു. മുന്‍ മുഖ്യമന്ത്രിയും ജെ.ഡി.എസ് നേതാവുമായ എച്ച്.ഡി കുമാരസ്വാമിയുടെ മകന്‍ നിഖില്‍ കുമാര സ്വാമിയുടെ തോല്‍വിയാണ് ശ്രദ്ധേമായ മറ്റൊരു പരാജയം. രണ്ട് പതിറ്റാണ്ടിലേറെയായി ജെ.ഡി.എസ് കുത്തകയാക്കിവെച്ചിരുന്ന രാമനഗര മണ്ഡലത്തില്‍ കോണ്‍ഗ്രസിന്റെ എച്ച.എ ഇഖ്ബാല്‍ ഹുസൈനോടാണ് അദ്ദേഹം പരാജയപ്പെട്ടത്.

നിഖില്‍ കുമാരസ്വാമിയുടെ നിയമസഭയിലേക്കുള്ള കന്നിയങ്കം കൂടിയായിരുന്നു ഇത്. ചാംരാജ്‌പേട്ട് മണ്ഡലത്തില്‍ ബി.ജെ.പി സ്ഥാനാര്‍ഥിയായി മത്സരിച്ച ബെംഗളൂരു മുന്‍ പൊലീസ് കമ്മീഷണര്‍ ഭാസ്‌കര്‍ റാവു പരാജയപ്പെട്ടു. കോണ്‍ഗ്രസിന്റെ സമീര്‍ അഹ്മദ് ഖാനാണ് വിജയിച്ചത്. തിരഞ്ഞെടുപ്പിന് തൊട്ടുമുമ്പാണ് ഭാസ്‌കര്‍ റാവു ആം ആദ്മി പാര്‍ട്ടി വിട്ട് ബി.ജെ.പില്‍ ചേര്‍ന്നത്. ബി.ജെ.പി വിട്ട് കോണ്‍ഗ്രസില്‍ ചേര്‍ന്ന മുന്‍ മുഖ്യമന്ത്രി ജഗദീഷ് ഷെട്ടാര്‍ ഹൂബ്ലി ധര്‍വാദ് സെന്‍ട്രല്‍ മണ്ഡലത്തില്‍ പരാജയപ്പെട്ടു. ബി.ജെ.പി സ്ഥാനാര്‍ഥി മഹേഷ് തെങ്കിനകായി ആണ് ഇവിടെ വിജയിച്ചത്.

42.9 ശതമാനം വോട്ട് ഷെയറില്‍ 2018 നേക്കാള്‍ 57 സീറ്റ് കൂടുതല്‍ കോണ്‍ഗ്രസിന് ലഭിച്ചു.1999ല്‍ 132 സീറ്റുകള്‍ നേടി 40.84 ശതമാനം വോട്ട് വിഹിതം നേടിയാണ് കോണ്‍ഗ്രസ് ഈ സ്‌കോറിനോട് ഏറ്റവും അടുത്തെത്തിയത്.1989ല്‍ 43.76 ശതമാനം വോട്ടോടെ 178 സീറ്റുകള്‍ കോണ്‍ഗ്രസ് നേടിയിരുന്നു.

ശാന്തിനഗറില്‍ നിന്നാണ് കോണ്‍ഗ്രസിന്റെ എന്‍.എ ഹാരിസ് ജനവിധി തേടിയത്. 7125 വോട്ടുകളുടെ ഭൂരിപക്ഷത്തിലാണ് ഹാരിസ് വിജയിച്ചത്. 60,787 വോട്ടുകള്‍ ഹാരിസ് നേടിയപ്പോള്‍, ബിജെപിയുടെ കെ. ശിവകുമാറിന് 53,717 വോട്ടുകളാണ് നേടിയത്. കാസര്‍ഗോഡ് നിന്നും ശിവമോഗയിലെ ദ്രാവതിയിലേക്ക് വ്യാപാര ആവശ്യാര്‍ഥം കുടിയേറിയ കുടുംബമാണ് എന്‍.എ ഹാരിസിന്റേത്. 2008 മുതല്‍ ശാന്തിനഗര്‍ അദ്ദേഹത്തെ പിന്തുണച്ച മണ്ഡലം കൂടിയാണ്. മുന്‍ മന്ത്രിയും സിറ്റിങ് എം.എല്‍.എയുമായ യു.ടി ഖാദര്‍ മംഗളൂരുവില്‍ നിന്നും അഞ്ചാം വിജയം നേടി. ബി.ജെ.പിയുടെ സതീഷ് കംപളെയെ 22,790 വോട്ടുകള്‍ക്കാണ് ഖാദര്‍ തോല്‍പിച്ചത്. യു.ടി ഖാദറിന് 83219 വോട്ടും കംപളെയ്ക്ക് 60429 വോട്ടും ലഭിച്ചു.