പഴയ ട്വീറ്റുകള്‍, ടിവി സംവാദങ്ങള്‍, പത്രസമ്മേളനങ്ങള്‍ എന്നിവയ്ക്കുള്ള കുത്തിപ്പൊക്കലുകള്‍ക്കായി സമയം കളയരുത്. നമ്മള്‍ക്ക് കൂടുതല്‍ മികച്ച കാര്യങ്ങള്‍ ചെയ്യാനുണ്ടെന്നായിരുന്നു, പാര്‍ട്ടി പ്രവര്‍ത്തകരോടായുള്ള കാര്‍ത്തിയുടെ നിര്‍ദ്ദേശം.

ആറ് വര്‍ഷത്തെ കോണ്‍ഗ്രസ് രാഷ്ട്രീയ പ്രവര്‍ത്തനത്തിനൊടുവിലാണ് നടി ഇന്ന് കോണ്‍ഗ്രസില്‍ നിന്ന് രാജിവെച്ച് ബിജെപിയില്‍ ചേര്‍ന്നത്. നേരത്തെ ബിജെപിക്കും സംഘ്പരിവാറിനുമെതിരെ രൂക്ഷമായി പ്രതികരിച്ചിരുന്ന ആള്‍ കൂടിയായിരുന്നു ഖുശ്ബു. ബിജെപിയിലേക്ക് ചാടുകയാണെന്ന ആഭ്യൂഹങ്ങള്‍ക്കിടെ നടിയുടെ പഴയ ട്വീറ്റുകള്‍ സാമൂഹ്യമാധ്യമങ്ങളില്‍ പ്രചരിച്ചിരുന്നു.

Dear @INCIndia and @INCTamilNadu IT/SM/Communications team, it's Monday morning, don't waste time rummaging through archives for old tweets, tv debates, press appearances etc. We have better things to do. 🙂 🙂

— Karti P Chidambaram (@KartiPC) October 12, 2020

ഇതിനിടെയാണ്, കാര്‍ത്തി ചിദംബരത്തിന്റെ പ്രതികരണം വന്നത്.
പ്രിയപ്പെട്ടവരെ ഇന്ന് തിങ്കളാഴ്ച, രാവിലെതന്നെ പഴയ ട്വീറ്റുകള്‍, ടിവി സംവാദങ്ങള്‍, പത്രസമ്മേളനങ്ങള്‍ എന്നിവയ്ക്കായി ആര്‍ക്കൈവുകള്‍ നോക്കി സമയം കളയരുത്. നമ്മള്‍ക്ക് കൂടുതല്‍ മികച്ച കാര്യങ്ങള്‍ ചെയ്യാനുണ്ട്, കാര്‍ത്തി ചിദംബരം ട്വീറ്റ് ചെയ്തു. കോണ്‍ഗ്രസ്, തമിഴ്‌നാട് കോണ്‍ഗ്രസ്, ഐടി സെല്‍ പ്രവര്‍ത്തകര്‍ എന്നിവരെ ടാഗ് ചെയ്താണ് ട്വീറ്റ്.

തെന്നിന്ത്യയിലെ സൂപ്പര്‍ താരമായ ഖുശ്ബു 2010ല്‍ ഡിഎംകെയിലൂടെയായിരുന്നു രാഷ്ട്രീയ പ്രവേശനം നടത്തുന്നത്. ഡിഎംകെ അധികാരത്തിലുള്ളപ്പോഴായിരുന്നു ഇത്. പിന്നീട് 2014ലാണ് ഇവര്‍ കോണ്‍ഗ്രസിലേക്ക് എത്തുന്നത്. സോണിയാ ഗാന്ധിയുമായി കൂടിക്കാഴ്ച നടത്തിയതിനു പിന്നാലെയായിരുന്നു കോണ്‍ഗ്രസ് പ്രവേശന പ്രഖ്യാപനം. തനിക്കിപ്പോഴാണ് വീട്ടിലേക്കെത്തിയതെന്ന് അനുഭവപ്പെടുന്നതെന്നും ജനങ്ങള്‍ക്ക് നല്ലത് ചെയ്യാനുള്ള ഏക പാര്‍ട്ടി കോണ്‍ഗ്രസാണെന്നുമായിരുന്നു അന്ന് അവര്‍ പറഞ്ഞത്. എന്നാല്‍ എന്‍ഡിഎ സര്‍ക്കാരിന്റെ ദേശീയ വിദ്യാഭ്യാസ നയത്തെ പിന്തുണച്ച് ട്വീറ്റ് ചെയ്തതോടെയായിരുന്നു ഖുശ്ബുവിന്റെ ബിജെപി പ്രവേശനം വീണ്ടും ചര്‍ച്ചയായത്.

ഡല്‍ഹിയില്‍ ബിജെപി ദേശീയ ആസ്ഥാനത്ത് നടന്ന ചടങ്ങില്‍ ഖുശ്ബു ബിജെപിയില്‍ ഔദ്യോഗികമായി അംഗത്വമെടുത്തു. സംസ്ഥാന ചുമതലയുള്ള ജനറല്‍ സെക്രട്ടറിയും കേന്ദ്ര മന്ത്രിയുമായ സി.ടി. രവിയില്‍നിന്നാണ് അവര്‍ അംഗത്വമെടുത്തത്.

ഐഎന്‍എക്‌സ് മീഡിയയുടെ മുന്‍പത്തെ ഉടമകളായ പീറ്റര്‍ മുഖര്‍ജിയേയും ഇന്ദ്രാണി മുഖര്‍ജിയേയും പ്രതി ചേര്‍ത്തിട്ടുണ്ട്. കുറ്റപത്രത്തിന്മേലുള്ള വാദം തിങ്കളാഴ്ച നടക്കും.

വ്യാഴാഴ്ച കേസില്‍ പി ചിദംബരത്തെ ഈ മാസം 24 വരെ എന്‍ഫോഴ്‌സ്‌മെന്റ് ഡയറക്ടറേറ്റിന്റെ കസ്റ്റഡിയില്‍ വിട്ടിരുന്നു. എന്‍ഫോഴ്‌സ്‌മെന്റ് ഡയറക്ടറേറ്റ് 15 ദിവസത്തെ കസ്റ്റഡിയാണ് ആവശ്യപ്പെട്ടതെങ്കിലും കോടതി ഏഴ് ദിവസം മാത്രം അനുവദിക്കുകയായിരുന്നു. ഡല്‍ഹി റോസ് അവന്യു കോടതിയുടേതായിരുന്നു നടപടി.

ഒന്നാം യുപിഎ സര്‍ക്കാരില്‍ ചിദംബരം ധനമന്ത്രിയായിരിക്കെ 2007ലാണ് ഐഎന്‍എക്‌സ് മീഡിയയ്ക്ക് വിദേശത്തുനിന്ന് മുതല്‍ മുടക്ക് കൊണ്ടുവരാന്‍ വിദേശനിക്ഷേപ പ്രോത്സാഹന ബോര്‍ഡിന്റെ (എഫ്‌ഐപിബി) അനുമതി ലഭിച്ചത്. അനുമതി ലഭ്യമാക്കുന്നതില്‍ അഴിമതി നടന്നെന്നാണ് സിബിഐയുടെ കേസ്. ഇടപാടുമായി ബന്ധപ്പെട്ട കള്ളപ്പണം വെളുപ്പിക്കലാണ് എന്‍ഫോഴ്‌സ്‌മെന്റ് ഡയറക്ടറേറ്റ് അന്വേഷിക്കുന്നത്. കേസില്‍ കാര്‍ത്തിയെ സിബിഐ അറസ്റ്റ് ചെയ്തിരുന്നെങ്കിലും ഇപ്പോള്‍ ജാമ്യത്തിലാണ്.

ഇന്ദിരാണി മുഖര്‍ജി, പീറ്റര്‍ മുഖര്‍ജി എന്നിവരുടെ ഉടമസ്ഥയിലുള്ള ഐ.എന്‍.എക്‌സ് മീഡിയ കമ്പനിക്ക് വിദേശ നിക്ഷേപം സ്വീകരിക്കുന്നതിന് പി.ചിദംബരം ധനമന്ത്രിയായിരിക്കെ കാര്‍ത്തി ചിദംബരം 10 ലക്ഷം രൂപ കോഴവാങ്ങി ഇടപെടല്‍ നടത്തിയെന്നാണ് സി.ബി.ഐയുടെ കണ്ടെത്തല്‍. ഈ കേസില്‍ കാര്‍ത്തിയെ സി.ബി.ഐ അറസ്റ്റ് ചെയ്തിരുന്നു. പിന്നീട് ഇയാള്‍ ജാമ്യത്തിലിറങ്ങുകയായിരുന്നു.

നേരത്തെ, ഈ കേസില്‍ പി.ചിദംബരത്തിന്റെയും കാര്‍ത്തി ചിദംബരത്തിന്‍രെയും വീടുകളില്‍ സി.ബി.ഐ റെയ്ഡ് നടത്തിയിരുന്നു. റെയ്ഡില്‍ കാര്‍ത്തി ചിദംബരം ഐ.എന്‍.എക്‌സ് മീഡിയയില്‍ നിന്ന് 10 ലക്ഷം രൂപ കൈപ്പറ്റിയതിനുള്ള വൗച്ചര്‍ സി.ബി.ഐക്ക് കിട്ടിയിരുന്നു.

2006ല്‍ ചിദംബരം കേന്ദ്രമന്ത്രിയായിരിക്കെ എയര്‍സെല്‍ മാക്‌സിന് ഇടപാടിനായി വിദേശ നിക്ഷേപ പ്രമോഷന്‍ ബോര്‍ഡിന്റെ അനുമതി വാങ്ങിനല്‍കിയതിന് കീര്‍ത്തി കോഴ വാങ്ങിയെന്നാണ് കേസ്. മുന്‍കൂര്‍ജാമ്യത്തിനായി കാര്‍ത്തി നല്‍കിയ അപേക്ഷയില്‍ വാദംകേള്‍ക്കാന്‍ എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) കൂടുതല്‍ സമയം ആവശ്യപ്പെട്ടെങ്കിലും കോടതി അനുവദിച്ചില്ല. സമാനമായ കേസ് ജൂലൈ രണ്ടിനാണ് സുപ്രീംകോടതി വിചാരണക്കെടുക്കുന്നതെന്നും അതിനാല്‍ അതുവരെ അപേക്ഷ പരിഗണിക്കരുതെന്നുമാണ് ഇ ഡിയുടെ ആവശ്യം.

കേസില്‍ കാര്‍ത്തി തെളിവ് നശിപ്പിച്ചെന്ന് ആരോപിച്ച് സി.ബി.െഎ ഹൈക്കോടതിയില്‍ ജാമ്യത്തെ എതിര്‍ത്തിരുന്നു. എന്നാല്‍ അഴിമതി വിരുദ്ധ നിയമപ്രകാരം കാര്‍ത്തിക്കെതിരെ കേസ് എടുത്തിട്ടില്ലെന്ന് കാര്‍ത്തിയുടെ അഭിഭാഷകന്‍ വാദിച്ചു. അദ്ദേഹം തെളിവ് നശിപ്പിച്ചിട്ടില്ലെന്നും കസ്റ്റഡിക്കായി സി.ബി.ഐ ആവശ്യപ്പെടാത്ത സാഹചര്യത്തില്‍ ജാമ്യം അനുവദിക്കണമെന്നും വാദമുയര്‍ന്നു. കേസുമായി ബന്ധപ്പെട്ട് ആരെയും അറസ്റ്റ് ചെയ്തില്ലെന്നും അഭിഭാഷകന്‍ വ്യക്തമാക്കി.

ഫെബ്രുവരി 28-നാണ് കാര്‍ത്തി ചിദംബരത്തെ ചെന്നൈ വിമാനത്താവളത്തില്‍നിന്നും സി.ബി.ഐ അറസ്റ്റു ചെയ്തത്. 2007ല്‍ ഐ.എന്‍.എക്‌സ് മീഡിയയിലേക്ക് 305 കോടിയുടെ വിദേശ നിക്ഷേപത്തിന് ചട്ടങ്ങള്‍ മറികടന്നെന്നാണ് കാര്‍ത്തിക്കെതിരായ ആരോപണം. പി. ചിദംബരം കേന്ദ്ര ധനമന്ത്രിയായിരുന്ന കാലത്താണ് കാര്‍ത്തിക്കെതിരായ ആരോപണം ഉയര്‍ന്നത്.

ഐ.എന്‍.എക്‌സ് മീഡിയ കേസില്‍ ബുധനാഴ്ച ചെന്നൈ വിമാനത്താവളത്തില്‍ വെച്ചാണ് കാര്‍ത്തി ചിദംബരം അറസ്റ്റിലായത്. ഇംഗ്ലണ്ടിൽ നിന്ന്  വിമാനമിറങ്ങിയ ഉടനാണ് കാർത്തിയെ സി.ബി.ഐ സംഘം അറസ്റ്റ് ചെയ്തത്. കേസിന്റെ അന്വേഷണവുമായി ബന്ധപ്പെട്ട് കാര്‍ത്തി സഹകരിക്കുന്നില്ലെന്ന് കാട്ടിയാണ് സി.ബി.ഐയുടെ അറസ്റ്റ്. തുടര്‍ന്ന് കോടതി ഒരു ദിവസത്തേക്ക് അന്വേഷണ സംഘത്തിന്റെ കസ്റ്റഡിയില്‍ വിടുകയായിരുന്നു. സമയപരിധി അവസാനിച്ചതിനെതുടര്‍ന്നാണ് ഇന്ന് വീണ്ടും ഡല്‍ഹി പ്രത്യേക കോടതി ജഡ്ജി സുനില്‍ റാണ മുമ്പാകെ ഹാജരാക്കിയത്.

ചോദ്യം ചെയ്യാൻ രണ്ടാഴ്ചത്തെ കാലാവധിയാണ് അന്വേഷണ സംഘം ആവശ്യപ്പെട്ടതെങ്കിലും ആറ് ദിവസം മാത്രമേ കോടതി അനുവദിച്ചൂളളൂ. കാർത്തി ചോദ്യം ചെയ്യലുമായി സഹകരിക്കുന്നില്ലെന്നാണ് ഇതിന് കാരണമായി സി.ബി.ഐ ഉന്നയിച്ചത്.

കാര്‍ത്തിക്കെതിരെ തെളിവുകള്‍ നിരവധിയുണ്ടെന്നും അവ തുറന്ന കോടതിയില്‍ ചര്‍ച്ച ചെയ്യാന്‍ സാധിക്കില്ലെന്നുമുല്ല നിലപാടിലാണ് സിബിഐ. തുടര്‍ന്നാണ് കാര്‍ത്തിയെ മാര്‍ച്ച് ആറ് വരെ
സി.ബി.ഐ കസ്റ്റഡിയില്‍ വിട്ടത്.

അമ്മയും സുപ്രീംകോടതിയിലെ മുതിര്‍ന്ന അഭിഭാഷകയുമായ നളിനി ചിദംബരം ഉള്‍പ്പെടെയുള്ളവര്‍ കോടതിയില്‍ എത്തിയിരുന്നു. മുതിര്‍ന്ന കോണ്‍ഗ്രസ് നേതാവ് മനു അഭിഷേക് സിങ്‌വിയുടെ നേതൃത്വത്തിലുള്ള അഭിഭാഷക സംഘമാണ് കാര്‍ത്തി ചിദംബരത്തിനു വേണ്ടി കോടതിയില്‍ ഹാജരായത്.

#WATCH #KartiChidambaram leaves from Patiala House Court, he has been sent to CBI custody till 6th March. #INXMediacase pic.twitter.com/GpStX0rx0C

— ANI (@ANI) March 1, 2018

Delhi: P Chidamabaram leaves from Patiala House court after hearing against his son #KartiChidambaram in #INXMediaCase ; Karti has been sent to CBI custody till 6th March pic.twitter.com/g8Wxrkh3si

— ANI (@ANI) March 1, 2018

കഴിഞ്ഞ ദിവസം കോടതിയില്‍ ഹാജരാക്കിയപ്പോള്‍ 15 ദിവസത്തേക്ക് കസ്റ്റഡിയില്‍ വിടണമെന്ന ആവശ്യമാണ് സി.ബി.ഐ ഉന്നയിച്ചിരുന്നത്. എന്നാല്‍ ഒരു ദിവസത്തേക്ക് മാത്രമാണ് കോടതി കസ്റ്റഡി അനുവദിച്ചത്. ഈ സാഹചര്യത്തിലാണ് ഇന്നലെ വീണ്ടും 14 ദിവസ കസ്റ്റഡി ആവശ്യപ്പെട്ടത്. പി ചിദംബരം കേന്ദ്ര ധനമന്ത്രിയായിരിക്കെ, 2007ല്‍ ഐ.എന്‍.എക്‌സ് മീഡിയക്ക് വിദേശ നിക്ഷേപ പ്രോത്സാഹന ബോര്‍ഡിന്റെ അനുമതി നേടിക്കൊടുക്കുന്നതിന് ഇടനിലക്കാരനായി പ്രവര്‍ത്തിച്ച് കൈക്കൂലി പറ്റിയൈന്നാണ് കേസ്. അതേസമയം മുതിര്‍ന്ന കോണ്‍ഗ്രസ് നേതാവ് പി ചിദംബരത്തെ വേട്ടയാടാന്‍ കാര്‍ത്തി ചിദംബരത്തെ മുന്‍നിര്‍ത്തി കേന്ദ്ര സര്‍ക്കാര്‍ കെണിയൊരുക്കുകയാണെന്നാണ് കോണ്‍ഗ്രസ് വൃത്തങ്ങള്‍ ആരോപിക്കുന്നത്.
ഇതിനിടെ കാര്‍ത്തി ചിദംബരത്തിന്റെ ചാര്‍ട്ടേഡ് അക്കൗണ്ടന്റ് എസ് ഭാസ്‌കരരാമന്‍ സമര്‍പ്പിച്ച ജാമ്യാപേക്ഷയില്‍ വിധി പറയുന്നത് കോടതി മാര്‍ച്ച് ഏഴിലേക്ക് മാറ്റി. ഫെബ്രുവരി 16നാണ് ഭാസ്‌കരരാമനെ അറസ്റ്റു ചെയ്തത്. എന്‍ഫോഴ്‌സ്‌മെന്റ് ഡയരക്ടറേറ്റ് വിശദമായ ചോദ്യം ചെയ്യലിന് വിധേയമാക്കിയ അദ്ദേഹത്തെ ഫെബ്രുവരി 26ന് ജുഡീഷ്യല്‍ കസ്റ്റഡിയില്‍ റിമാന്റ് ചെയ്യുകയായിരുന്നു. തന്നെ ഇനി കൂടുതല്‍ ചോദ്യം ചെയ്യാന്‍ ഇല്ലാത്തതിനാല്‍ കസ്റ്റഡിയില്‍ പാര്‍പ്പിക്കേണ്ട സാഹചര്യമില്ലെന്നും അതിനാല്‍ ജാമ്യം അനുവദിക്കണമെന്നുമായിരുന്നു ഭാസ്‌കരരാമന്റെ ആവശ്യം.

ചെന്നൈ: മുന്‍ കേന്ദ്ര ധനകാര്യമന്ത്രി പി.ചിദംബരത്തിന്റെ മകന്‍ കാര്‍ത്തി ചിദംബരം അറസ്റ്റില്‍. യു.കെ യില്‍ നിന്ന് മടങ്ങുന്ന വഴിയാണ് കാര്‍ത്തിയെ പോലീസ് അറ്‌സ്റ്റു ചെയ്തിരിക്കുന്നത്. പി. ചിദംബരം ധനമന്ത്രിയായിരിക്കെ INX മീഡിയ ഇടപാടില്‍ 3.5 കോടി കോഴ വാങ്ങിയെന്നാണ് കാര്‍ത്തിക്കെതിരിരെ ചുമത്തിയിരിക്കുന്ന കുറ്റം. നേരത്തെ അറസ്റ്റു വാറണ്ടുണ്ടായിരുന്നെങ്കിലും കോടതിയില്‍ നിന്ന് ജാമ്യം നേടി വിദേശത്ത് പോവുകയായിരുന്നു കാര്‍ത്തി. ഇന്ന് ജാമ്യ കാലാവധി തീരുന്ന ദിവസം കാര്‍ത്തി തിരിച്ചെത്തിയപ്പോള്‍ പോലീസ് അറസ്റ്റു ചെയ്യുകയായിരുന്നു.

ഐ.എന്‍.എക്‌സ് മീഡിയക്ക് അനധികൃതമായി വിദേശനിക്ഷേപം സ്വീകരിക്കാന്‍ കാര്‍ത്തി ഒത്താശ ചെയ്തുവെന്നാണ് സി.ബി.ഐ കേസ്. നേരത്തെ, ചിദംബരത്തിന്റെയും കാര്‍ത്തിയുടെയും നുങ്കപാക്കത്തെ വീട് ഉള്‍പ്പെടെ 16 ഇടങ്ങളില്‍ സി.ബി.ഐ പരിശോധന നടത്തിയിരുന്നു.