അകലെയാണെന്ന് തോന്നുമെങ്കിലും നമ്മുടെ ആത്മാവിന്റെ ഉള്ളില്‍ നീറുന്ന വേദനയാവുകയാണ് പലസ്തീന്‍. അവിടുത്തെ കുഞ്ഞുങ്ങളുടെ നിലവിളി ഉയരുമ്പോള്‍ നിസ്സഹായതയുടെ കണ്ണീരണിയുവാനും നോക്കിനില്‍ക്കാനുമല്ലാതെ മറ്റൊന്നിനും കഴിയുന്നില്ലല്ലോയെന്നും മഹേഷ് ഫേസ്ബുക്കില്‍ കുറിച്ചു.

അവരുടെ വേദനയ്ക്ക് ഐക്യദാര്‍ഢ്യം പ്രകടിപ്പിക്കാനും അവര്‍ക്കു വേണ്ടി പ്രാര്‍ത്ഥിക്കാനുമാണ് മഹാത്മാവിന്റെ ജന്മദിനത്തില്‍ ഒരു ദിവസം മുഴുവന്‍ മൗനത്തില്‍ കഴിയുന്നതെന്ന് മഹേഷ് വ്യക്തമാക്കി.

മാര്‍ച്ച് 27നാണ് ഗുണ്ടാ നേതാവ് സന്തോഷ് കൊല്ലപ്പെട്ടത്. സന്തോഷിനെ കൊലപ്പെടുത്താന്‍ ക്വട്ടേഷന്‍ നല്‍കിയത് പങ്കജ് മേനോനാണെന്നാണ് പൊലീസ് കണ്ടെത്തിയിരിക്കുന്നത്. ഒളിവില്‍ പോയ പങകജിനെ കല്ലമ്പലത്ത് നിന്നാണ് പിടികൂടിയത്.

2024 നവംബര്‍ 13ന് സുഹൃത്തായ പങ്കജിനെ കുത്തിക്കൊലപ്പെടുത്താന്‍ ശ്രമിച്ച കേസില്‍ സന്തോഷിനെ പൊലീസ് അറസ്റ്റ് ചെയ്തിരുന്നു. ഈ വൈരാഗ്യത്തിലാണ് പങ്കജ് സന്തോഷിനെ കൊലപ്പെടുത്താന്‍ ക്വട്ടേഷന്‍ നല്‍കിയതെന്നാണ് പൊലീസ് കണ്ടെത്തല്‍.

കൊല്ലം കരുനാഗപ്പള്ളിയില്‍ സിപിഎമ്മിലെ വിഭാഗീയത തെരുവിലേക്ക്. സേവ് സിപിഎം പ്ലക്കാര്‍ടുമായി ഒരു വിഭാഗം പ്രവര്‍ത്തകര്‍ സിപിഎം ഏരിയ കമ്മിറ്റി ഓഫീസിലേക്ക് മാര്‍ച്ച് നടത്തി. കുലശേഖരപുരം നോര്‍ത്ത് സിപിഎം ലോക്കല്‍ സമ്മേളനം കഴിഞ്ഞദിവസം തല്ലി പിരിഞ്ഞതിന് പിന്നാലെയാണ് കരുനാഗപ്പള്ളിയില്‍ പോസ്റ്റര്‍ യുദ്ധവും തെരുവ് യുദ്ധവും ആരംഭിച്ചത്. നേതൃത്വത്തെ തുറന്ന് വിമര്‍ശിച്ചാണ് ഒരു വിഭാഗം സി പി എം പ്രവര്‍ത്തകര്‍ കൊല്ലം കരുനാഗപ്പള്ളി ഏരിയ കമ്മിറ്റി ഓഫീസിലേക്ക് മാര്‍ച്ച് നടത്തിയത്.

കടുത്ത വിഭാഗീയതയും ചേരിതിരിവും കരുനാഗപ്പള്ളിയില്‍ പാര്‍ട്ടിയെ പിടിച്ചുലയ്ക്കുന്നതിനിടയിലാണ് പ്രവര്‍ത്തകര്‍ പരസ്യപ്രതിഷേധവുമായി തെരുവിലേക്ക് ഇറങ്ങിയത്. കാപ്പ, ഗുണ്ടാ , ലൈംഗിക ആരോപണ കേസുകളില്‍പ്പെട്ടവരെ ഭാരവാഹികളാക്കുന്നു എന്നാരോപിച്ചാണ് കഴിഞ്ഞദിവസം ലോക്കല്‍ സമ്മേളനത്തില്‍ ഒരു വിഭാഗം പ്രതിഷേധം ഉയര്‍ത്തിയത്.

സമ്മേളനം തല്ലി പിരിഞ്ഞതിന് പിന്നാലെ കരുനാഗപ്പള്ളിയില്‍ നേതൃത്വത്തെ വിമര്‍ശിച്ചുകൊണ്ട് വ്യാപകമായി സേവ് സിപിഎം പോസ്റ്ററുകള്‍ പ്രത്യക്ഷപ്പെട്ടിരുന്നു.  ഇതിന് പിന്നാലെയാണ് പ്രവര്‍ത്തകര്‍ തെരുവിലിറങ്ങി പാര്‍ട്ടി ഓഫീസിലേക്ക് പ്രതിഷേധ മാര്‍ച്ച് നടത്തിയത്.

ലൈംഗിക ആരോപണത്തിനൊപ്പം സാമ്പത്തിക ആരോപണവും ഉയര്‍ന്ന സാഹചര്യത്തില്‍ ഇനിയും പ്രതിരോധം സാധ്യമല്ലെന്നാണ് നേതൃത്വത്തിന്റെ അഭിപ്രായം. എന്നാല്‍ പാര്‍ട്ടിയ്ക്ക് ഉള്ളിലെ വിഭാഗീയതയാണ് തനിക്ക് എതിരെയുള്ള നീക്കങ്ങള്‍ക്ക് പിന്നിലെന്നാണ് കോട്ടയില്‍ രാജുവിന്റെ വാദം.

ഉപതെരഞ്ഞെടുപ്പ് അടക്കം നടക്കുന്ന സാഹചര്യത്തില്‍ വേഗത്തില്‍ വിവാദം അവസാനിപ്പിക്കണമെന്ന നിര്‍ദ്ദേശവും സിപിഎം സംസ്ഥാന നേതൃത്വം ജില്ലാ നേതൃത്വത്തിന് നല്‍കിയിട്ടുണ്ട്. കരുനാഗപ്പള്ളി നഗരസഭ ചെയര്‍മാനെതിരായ സാമ്പത്തിക- ലൈംഗിക ആരോപണങ്ങള്‍ സംബന്ധിച്ച വാര്‍ത്ത പുറത്തായതോടെയാണ് സി.പി.എം നേതാവിനെ കുറിച്ച് പുറം ലോകം അറിയുന്നത്. കോട്ടയില്‍ രാജുവിന്റെ രാജി ആവശ്യപ്പെട്ട് പ്രതിപക്ഷ സംഘടനകളും പ്രതിഷേധം ശക്തമാക്കുന്നുണ്ട്.