ബാങ്കിൽ ഇ.ഡി കണ്ടെത്തിയ സിപിഎമ്മിന്റെ അഞ്ച് രഹസ്യ അക്കൗണ്ടുകളുടെ വിവരങ്ങൾ തെരഞ്ഞെടുപ്പ് കമ്മീഷന് കൈമാറിയിട്ടുണ്ട്. സഹകരണ നിയമങ്ങൾ ലംഘിച്ചും, ബാങ്ക് ബൈലോ അട്ടിമറിച്ചുമാണ് അക്കൗണ്ടുകൾ തുടങ്ങിയതെന്നാണ് ഇ.ഡി ആരോപണം.

അതേസമയം കരുവന്നൂര്‍ സഹകരണ ബാങ്കിലെ ക്രമക്കേട്, സഹകരണ ബാങ്കുകളില്‍ കണ്ടുവരുന്ന കുഴപ്പങ്ങളുടെ പാഠപുസ്തമാണെന്ന് പ്രഥമദ്യഷ്ടാ വ്യക്തമെന്ന് ഹൈക്കോടതി നേരത്തെ വ്യക്തമാക്കി. സഹകരണ ബാങ്കുകള്‍ സാധാരണക്കാരുടെ ഉന്നമനം ലക്ഷ്യമിട്ടുള്ളതാണ്. കോടീശ്വന്മാര്‍ക്ക് വേണ്ടിയല്ല അവയെന്നും ജസ്റ്റിസ് ദേവന്‍ രാമചന്ദ്രന്‍ വ്യക്തമാക്കി.

സിപിഎം നേതാവ് അരവിന്ദാക്ഷന്റെ ജാമ്യാപേക്ഷ പരിഗണിക്കുമ്പോഴാണ് കോടതി പരാമര്‍ശം. എന്തുകൊണ്ടാണ് മറ്റു പ്രതികളുടെ അറസ്റ്റ് ഉണ്ടാവാത്തത് എന്നാണ് കോടതി മുഖ്യമായി പ്രോസിക്യൂഷനോട് ചോദിച്ചത്. ഗുരുതരമായ കുറ്റകൃത്യങ്ങള്‍ ചെയ്തവര്‍ പോലും പുറത്ത് സ്വതന്ത്രമായി നടക്കുന്നതായും കോടതി വിമര്‍ശിച്ചു. പ്രതിഭാഗം മുഖ്യമായി ഉന്നയിക്കുന്ന ആരോപണങ്ങളാണിവ. അന്വേഷണത്തോട് സഹകരിക്കാത്തതിനാലാണ് അരവിന്ദാക്ഷന്റെ അറസ്റ്റ് ഉണ്ടായതെന്നാണ് ഇഡിയുടെ വിശദീകരണം. മറ്റു പ്രതികള്‍ അന്വേഷണവുമായി സഹകരിച്ചതിനാലാണ് അറസ്റ്റ് ഉണ്ടാവാതിരുന്നതെന്നും ഇഡി കോടതിയെ അറിയിച്ചു.

സിപിഎം സംസ്ഥാന സമിതി അംഗം എം.കെ കണ്ണനും മുന്‍ ഡിഐജി എസ്.സുരേന്ദ്രനുമെതിരെയും ജിജോര്‍ മൊഴി നല്‍കിയിട്ടുണ്ട്. ഇതിന്റെ പ്രധാന ഭാഗങ്ങള്‍ ഇ.ഡി കോടതിയില്‍ വായിച്ചു. സതീഷ് കുമാറിന്റെ ജാമ്യഹര്‍ജി ഇന്ന് കൊച്ചിയിലെ പ്രത്യേക കോടതി പരിഗണിച്ചിരുന്നു. ഇതിനിടെ ഇ.ഡി കോടതിയില്‍ മൊഴിയുടെ പ്രധാന ഭാഗങ്ങള്‍ വായിച്ചു.

വടക്കാഞ്ചേരി നഗരസഭാ സ്റ്റാന്റിങ് കമ്മിറ്റി ചെയര്‍മാന്‍ പി ആര്‍ അരവിന്ദാക്ഷന്‍ പതിനഞ്ചാം പ്രതിയും പി സതീഷ് കുമാര്‍ പതിനാലാം പ്രതിയുമാണ്. കരുവന്നൂര്‍ കള്ളപ്പണകേസില്‍ കമ്മീഷന്‍ ഏജന്റായിരുന്നു ബിജോയി. ബാങ്കിന്റെ ഏജന്റായി പ്രവര്‍ത്തിച്ച ബിജോയ് കോടികള്‍ തട്ടിയെടുത്തുവെന്നായിരുന്നു നേരത്തെ വിജിലന്‍സിന്റെയും കണ്ടെത്തല്‍.

90 കോടിയുടെ കള്ളപ്പണ ഇടപാട് നടന്നെന്നാണ് കുറ്റപത്രത്തില്‍ പറയുന്നത്. ബിജോയുടെ നേതൃത്വത്തില്‍ വലിയ തട്ടിപ്പ് നടന്നുവെന്നാണ് ഇ.ഡിയുടെ കണ്ടെത്തല്‍.

കൊള്ളക്കാരെ സംരക്ഷിക്കാനും ന്യായീകരിക്കാനും സി.പി.എം ഇപ്പോഴും ശ്രമിക്കുന്നത് അപഹാസ്യമാണ്. ഇരകളായ സാധാരണ മനുഷ്യരുടെ കൂടെയല്ല സി.പി.എമ്മും സര്‍ക്കാരും. നിക്ഷേപകരെ കവര്‍ച്ച ചെയ്ത കൊള്ളക്കാര്‍ക്കൊപ്പമാണവര്‍. നിക്ഷേപകരുടെ ഒരു രൂപ പോലും നഷ്ടപ്പെടില്ലെന്ന് മുഖ്യമന്ത്രി പറയുന്നത് കാപട്യമാണ്. പ്രതിപക്ഷം നിരന്തരം ആവശ്യപ്പെട്ടിട്ടും നിക്ഷേപക ഗ്യാരണ്ടിയുടെ കാര്യത്തില്‍ സര്‍ക്കാര്‍ അനങ്ങിയിട്ടില്ല. കൊള്ളക്കാരെ സംരക്ഷിച്ച് ഇ.ഡിയുടെ വരവിന് അവസരം ഒരുക്കിക്കൊടുത്ത സി.പി.എമ്മും സര്‍ക്കാരും കേരളത്തിന്റെ ജീവനാഡിയായ സഹകരണ പ്രസ്ഥാനങ്ങളുടെ വിശ്വാസ്യതയാണ് തകര്‍ക്കുന്നതെന്ന് അദ്ദേഹം ചൂണ്ടിക്കാട്ടി.

ഭരണത്തുടര്‍ച്ചയുടെ ഹുങ്കില്‍ നിയമവിരുദ്ധമായതൊക്കെയും ചെയ്തു കൂട്ടിയതിന്റെ പരിണിത ഫലമാണ് സി.പി.എം ഇപ്പോള്‍ നേരിട്ടു കൊണ്ടിരിക്കുന്നത്. നേതാക്കള്‍ ബാങ്ക് കൊള്ളയടിച്ചപ്പോള്‍ പാര്‍ട്ടി പ്രവര്‍ത്തകര്‍ ഉള്‍പ്പെടെ ആയിരക്കണക്കിന് നിക്ഷേപകരെയാണ് നിങ്ങള്‍ ദുരിതത്തിലാക്കിയതെന്ന് ഇനിയെങ്കിലും തിരിച്ചറിയണം. കരുവന്നൂരിലും കണ്ടലയിലും ഉള്‍പ്പെടെയുള്ള സഹകരണ ബാങ്കുകളില്‍ നിക്ഷേപകര്‍ക്ക് പണം മടക്കി നല്‍കാനുള്ള അടിയന്തിര നടപടി സ്വീകരിക്കാന്‍ സര്‍ക്കാര്‍തയാറാകണമെന്നും പ്രതിപക്ഷ നേതാവ് ആവശ്യപ്പെട്ടു.

മന്ത്രിയുമായി സതീഷിന് ബന്ധം ഉണ്ടാക്കുന്നത് അരവിന്ദാക്ഷൻ മുഖേനയാണ്. വടക്കാഞ്ചേരി നിയോജകമണ്ഡലത്തിൽ എസി മൊയ്തീൻ സ്ഥാനാർത്ഥിയായപ്പോൾ പ്രചാരണത്തിന്റെ ചുമതല വഹിച്ചത് അന്ന് പഞ്ചായത്ത് നേതാവായിരുന്ന അരവിന്ദ ക്ഷ നാണ് .സതീഷുമായി നിരന്തരം ഇടപെടൽ നടത്തിയതിന്റെ തെളിവുകൾ ഇ.ഡി ശേഖരിച്ചിട്ടുണ്ട് .അരവിന്ദാക്ഷന്റെ അറസ്റ്റ് മൊയ്തീനിലേക്ക് നീളുമോ എന്നാണ് ഇനി എല്ലാവരും ഉറ്റുനോക്കുന്നത്.

മൊയ്തീനെ ഇ.ഡി രണ്ടുതവണ ചോദ്യം ചെയ്തിരുന്നു .വടക്കാഞ്ചേരി നിയോജകമണ്ഡലത്തിൽ കാര്യമായ സ്വാധീനമൊന്നുമില്ലാതിരുന്ന അരവിന്ദാക്ഷൻ വളർന്നത് മൊയ്തീന്റെ സ്വാധീനം കൊണ്ടായിരുന്നു എന്നാണ് വ്യക്തമാകുന്നത്. പാർട്ടിയിൽ ഇതിനെതിരെ മുറുമുറുപ്പ് ഉയർന്നിട്ടുണ്ട് .2000ലെ തദ്ദേശ തെരഞ്ഞെടുപ്പിൽ സ്വതന്ത്രനായി മത്സരിച്ചാണ് അരവിന്ദാക്ഷൻ രാഷ്ട്രീയത്തിൽ എത്തുന്നത് .പിന്നീട് സിപിഎമ്മിന്റെ ചിഹ്നത്തിൽ മത്സരിച്ചു പഞ്ചായത്ത് വൈസ് പ്രസിഡൻ്റായി. കരുവന്നൂർ തട്ടിപ്പിൽ വായ്പ എടുത്തവർ തിരിച്ചടവ് നടത്തുന്നില്ല .കാരണം വായ്പാരേഖകൾ ഇ.ഡി. കസ്റ്റഡിയിൽ എടുത്തതാണ്. മൊത്തം 483 കോടി രൂപയുടെ തട്ടിപ്പാണ് കണ്ടെത്തിയിട്ടുള്ളത്. പലരും തിരിച്ചടവ് നിർത്തിയത് അടച്ചതിന് തെളിവില്ലാതെ ആകുമോ എന്ന ഭയം കൊണ്ടാണ്.

മുമ്പ് ഇഎംഎസിനും എം എൻ ഗോവിന്ദൻ നായർക്കും ഒളിത്താവളം നൽകിയ കുടുംബം കൂടിയാണ് വായ്പാതട്ടിപ്പിനിരയായിരിക്കുന്നത്. ഇരിങ്ങാലക്കുട ഠാക്ക സ്വദേശി ഔസേപ്പിന്റെ മകൻ ജോഷിയാണ് 90 ലക്ഷം രൂപ കരുവന്നൂർ ബാങ്കിൽ നിക്ഷേപിച്ച് ഇപ്പോൾ ക്യാൻസർ ബാധിതനായി വീട്ടിൽ കഴിയുന്നത്. പാർട്ടിയിലെ അണികൾക്കും പ്രവർത്തകർക്കും ഇതിൽ വലിയ നിരാശയുണ്ട്. നിരവധി പാർട്ടി പ്രവർത്തകരാണ് തട്ടിപ്പിന് എരിയായിരിക്കുന്നത് .പെൻഷൻ ഫണ്ടിൽ 28 ലക്ഷം രൂപ ലഭിച്ചത് അടക്കം ബാങ്കിൽ നിക്ഷേപിച്ചത് അടക്കം തിരിച്ചുകിട്ടാതെ പലരും നിരാശയിലാണ് .തുക തിരിച്ചു കിട്ടണമെങ്കിൽ ഇനിയെന്താണ് പോംവഴി എന്നാണ് പലരും ചോദിക്കുന്നത്. സർക്കാർ സഹായിക്കുക എന്നാൽ പൊതുജനങ്ങളുടെ നികുതിപ്പണം എടുത്ത് കൊടുക്കുന്നത് ശരിയല്ലെന്നാണ് പ്രതിപക്ഷം പറയുന്നത്. തട്ടിപ്പ് നടത്തിയവരിൽ നിന്ന് തുക ഈടാക്കണമെന്നാണ് ജനം ആവശ്യപ്പെടുന്നത്.

കരുവന്നൂർ കൂടാതെ അയ്യന്തോൾ തുടങ്ങിയ സിപിഎം ഭരിക്കുന്ന സഹകരണ ബാങ്കുകളിലും കോടികളുടെ തട്ടിപ്പ് കണ്ടെത്തിയിട്ടുണ്ട് .ഇ.ഡിയുടെ അന്വേഷണം ഉന്നതരിലേക്ക് നീങ്ങുമെന്നാണ് പലരും കരുതുന്നത് .തൃശ്ശൂർ ജില്ലാ സിപിഎം നേതൃത്വത്തിൽ ഇതിനെക്കുറിച്ച് വലിയ വടംവലി തുടരുകയാണ് .നിക്ഷേപകർക്ക് ഏതുവിധേനയും തുക തിരിച്ചു നൽകണമെന്നാണ് ഒരു വിഭാഗം ആവശ്യപ്പെടുന്നത് .കുറ്റക്കാർക്കെതിരെ കർശന നടപടിയെടുക്കുകയും പാർട്ടിയിൽ നിന്ന് പുറത്താക്കുകയും വേണമെന്ന് ഒരു വിഭാഗം ആവശ്യപ്പെടുന്നു .എന്നാൽ എസി മൊയ്തീനെ അനുകൂലിക്കുന്ന സിപിഎം നേതൃത്വം ഏതു വിധേനയും പാർട്ടിക്ക് പരിക്കില്ലാതെ പ്രശ്നം ഒത്തുതീർപ്പാക്കാൻ ആണ് ശ്രമിക്കുന്നത്

അ​ര​വി​ന്ദാ​ക്ഷ​ന്​ 50 ല​ക്ഷം രൂ​പ​യു​ടെ സ്ഥി​ര​നി​ക്ഷേ​പ​മു​ള്ള​തി​​ന്‍റെ രേ​ഖ​ക​ൾ ല​ഭി​ച്ചെ​ന്നും സ​തീ​ഷി​​ന്‍റെ​യും സ​ഹോ​ദ​ര​​ൻ ​ശ്രീ​ജി​ത്തി​ന്‍റെ​യും അ​ക്കൗ​ണ്ടി​ൽ​നി​ന്നാ​ണ്​​ ഇ​യാ​ൾ​ക്ക്​ പ​ണം ല​ഭി​ച്ച​തെ​ന്നും കോ​ട​തി​യി​ൽ സ​മ​ർ​പ്പി​ച്ച റി​മാ​ൻ​ഡ്​​ റി​പ്പോ​ർ​ട്ടി​ൽ പ​റ​യു​ന്നു. ഇ​ത​ട​ക്കം അ​ര​വി​ന്ദാ​ക്ഷ​നെ​തി​രെ ഗു​രു​ത​ര ആ​​രോ​പ​ണ​ങ്ങ​ളാ​ണ്​ റി​പ്പോ​ർ​ട്ടി​ലു​ള്ള​ത്.

മൊയ്തീന് മൂന്നാംതവണയാണ് ഇഡി നോട്ടീസ് നല്‍കുന്നത്. നേരത്തെ ചോദ്യം ചെയ്യലിന് ഹാജരാകാന്‍ ആവശ്യപ്പെട്ട് രണ്ടു തവണ നോട്ടീസ് നല്‍കിയപ്പോഴും മൊയ്തീന്‍ ഹാജരായിരുന്നില്ല.
ഇഡി കൊച്ചി ഓഫിസില്‍ ചോദ്യം ചെയ്യലിനു ഹാജരാകാന്‍ ആവശ്യപ്പെട്ട് കഴിഞ്ഞ മാസം 31നും ഈ മാസം നാലിനും നോട്ടീസ് നല്‍കിയപ്പോഴാണ് അസൗകര്യം അറിയിച്ച് മൊയ്തീന്‍ ഹാജരാകാതിരുന്നത്.

ഇഡി ആവശ്യപ്പെട്ട ആദായനികുതി രേഖകള്‍ ഹാജരാക്കാന്‍ കൂടുതല്‍ സാവകാശം വേണമെന്നാണ് മൊയ്തീന്‍ ആവശ്യപ്പെട്ടിരുന്നത്.

കേസുമായി ബന്ധപ്പെട്ട ആദ്യ അറസ്റ്റാണിത്. പി.പി.കിരണ്‍ 14 കോടി രൂപ തട്ടിയെടുക്കുകയും ഇതില്‍ ഒരു പങ്ക് സതീഷ് കുമാറിന് നല്‍കുകയും ചെയ്‌തെന്നാണ് ഇ.ഡിയുടെ കണ്ടെത്തല്‍. എന്‍ഫോഴ്‌സ്‌മെന്റ് ഡയറക്ട്രേറ്റ് പറയുന്ന ദിവസം ഹാജരാകുമെന്ന് മുന്‍ മന്ത്രി എ.സി മൊയ്തീന്‍ നേരത്തെ അറിയിച്ചിരുന്നു.