ഹയര്‍ സെക്കന്‍ഡറി അദ്ധ്യാപകര്‍ നല്‍കിയ കേസ് നിലനില്‍ക്കുന്നതിനാല്‍ സ്ട്രീം മൂന്നിന്റെ പരീക്ഷാഫലം പ്രസിദ്ധീകരിച്ചിട്ടില്ല. അന്തിമ പരീക്ഷാ തീയതികളും പ്രഖ്യാപിച്ചിട്ടുണ്ട്. നവംബര്‍ 20,21 തീയതികളില്‍ അന്തിമ പരീക്ഷ നടക്കും.

നൂറ് മാര്‍ക്ക് വീതമുളള മുന്ന് പേപ്പറുകളാകും അന്തിമ പരീക്ഷയില്‍ ഉണ്ടാവുക. സംസ്ഥാന ചരിത്രത്തില്‍ ആദ്യമായി പി എസ് സി നടത്തിയ കെഎഎസ് പരീക്ഷയുടെ ഒന്നാംഘട്ടം കഴിഞ്ഞ ഫെബ്രുവരിയിലായിരുന്നു നടന്നത്.

കെ.എ.എസ് സ്പെഷ്യൽ റൂൾസ് പ്രകാരം ഉദ്യാഗാര്‍ത്ഥികളെ മൂന്ന് സ്ട്രീമുകളായി തിരിച്ച് ഒന്നാം സ്ട്രീമിൽ മാത്രം സംവരണം നടപ്പിലാക്കി 66% വരുന്ന മറ്റു രണ്ടു സ്ട്രീമുകൾക്കും സംവരണം നിഷേധിക്കുന്നത് ദളിത് ഈഴവ മുസ്ലിം ഉൾപ്പെടെയുള്ള പിന്നോക്ക വിഭാഗങ്ങളുടെ ഭരണ ഘടനാപരമായ അവകാശങ്ങളോടുള്ള വെല്ലുവിളിയാണ്.

സംവരണ വിരുദ്ധ ലോബികളുമായി ചേർന്ന് പിന്നോക്ക വിഭാഗങ്ങളുടെ സാമൂഹിക പുരോഗതിയെ തടയിടാനുള്ള പിണറായി സർക്കാരിന്റെ ശ്രമം പ്രതിഷേധാർഹമാണ്. പിന്നോക്ക വിഭാഗങ്ങളെ ഉന്നത തസ്തികയിൽ നിന്നും അകറ്റി നിർത്തി സവർണ്ണ മേധാവിത്തം തീർക്കാനാണ് സർക്കാർ ശ്രമമെങ്കിൽ യോജിച്ച പ്രതിഷേധങ്ങൾക്കു എം.എസ്എ.ഫ് നേതൃത്വം നൽകും. സമര സംഗമത്തിൽ വിവിധ സാമൂഹിക രാഷ്ട്രീയ സംഘടനകളുടെ പ്രതിനിധികൾ പങ്കെടുക്കും.