kashmir attack – Chandrika Daily https://www.chandrikadaily.com Fri, 30 Oct 2020 05:27:07 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg kashmir attack – Chandrika Daily https://www.chandrikadaily.com 32 32 കശ്മീരില്‍ വെടിവെപ്പ്; യുവമോര്‍ച്ച ജനറല്‍ സെക്രട്ടറിയുള്‍പ്പെടെ മൂന്ന് ബിജെപി പ്രവര്‍ത്തകര്‍ കൊല്ലപ്പെട്ടു https://www.chandrikadaily.com/3-bjp-workers-killed-in-terrorist-attack-in-jammu-and-kashmirs-kulgam.html https://www.chandrikadaily.com/3-bjp-workers-killed-in-terrorist-attack-in-jammu-and-kashmirs-kulgam.html#respond Fri, 30 Oct 2020 05:19:27 +0000 https://www.chandrikadaily.com/?p=165076 ശ്രീനഗര്‍: ജമ്മു കശ്മീരില്‍ തീവ്രവാദികള്‍ നടത്തിയ വെടിവെപ്പില്‍ മൂന്ന് ബിജെപി പ്രവര്‍ത്തകര്‍ കൊല്ലപ്പെട്ടു. വ്യഴാഴ്ച കശ്മീരിലെ വൈ.കെ പോറ പ്രദേശത്താണ് വെടിവെപ്പുണ്ടായത്. കുല്‍ഗാമിലെ യുവമോര്‍ച്ച ജനറല്‍ സെക്രട്ടറി ഫിദ ഹുസൈന്‍ ഉള്‍പ്പെടെ മൂന്ന് പ്രവര്‍ത്തകരാണ് തീവ്രവാദികളുടെ വെടിയേറ്റ് മരിച്ചത്.

കാറില്‍ സഞ്ചരിച്ച മൂന്ന് ബിജെപി പ്രവര്‍ത്തകര്‍ക്ക് നേരെ തീവ്രവാദികള്‍ വെടിയുതിര്‍ക്കുകയായിരുന്നെന്ന് പ്രാഥമിക അന്വേഷണത്തില്‍ വ്യക്തമായതായി പൊലീസ് പറഞ്ഞു. വെടിയേറ്റ ഹിദ ഹുസൈന്‍ സംഭവസ്ഥലത്തുവച്ച് തന്നെ മരിച്ചതായി പൊലീസ് അറിയിച്ചു. വൈ.കെ പോറ നിവാസിയായ ഗുലാം അഹ്മദ് യാറ്റൂവിന്റെ മകനാണ് ഫിദ ഹുസൈന്‍ യാറ്റൂ. ഇയാളെ കൂടാതെ ഉമര്‍ റാഷിദ് ബീഗ്, ഉമര്‍ റംസാന്‍ ഹജാം എന്നീ ബിജെപി പ്രവര്‍ത്തകര്‍ക്കാണ് വെടിയേറ്റത്. ഇവരെ സമീപത്തെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

ഭീകര്‍ക്കായി തിരച്ചില്‍ ശക്തമാക്കിയതായി പൊലീസ് അറിയിച്ചു. സംഭവത്തെ പ്രധാനമന്ത്രി അപലപിച്ചു. അടുത്തിടെ കശ്മീരില്‍ നിരവധി ബിജെപി പ്രവര്‍ത്തകര്‍ക്ക് നേരെയാണ് ആക്രമണം ഉണ്ടാകുന്നത്. ജൂലായില്‍ ബിജെപി നേതാവ് ഷെയ്ഖ് വസീം ബാരിയും കുടുംബക്കാരും വെടിയേറ്റ് മരിച്ചിരുന്നു. ബിജെപിയുടെ ജില്ലാ പ്രസിഡന്റായിരുന്നു ബാരി. അതേസമയം അക്രമണത്തിന് പിന്നില്‍ ആരെന്ന കാര്യം ഇതേവരെ വ്യക്തത വന്നിട്ടില്ല.

അതേസമയം, മോദി സര്‍ക്കാര്‍ ഇല്ലാതാക്കിയ കശ്മീരിന്റെ പ്രത്യേക അവകാശങ്ങള്‍ തിരിച്ചുകിട്ടാനായി ബിജെപി വിരുദ്ധ മുന്നണി രൂപംകൊണ്ട സാഹചര്യമാണ് നിലവില്‍ കേന്ദ്ര ഭരണ പ്രദേശത്തുള്ളത്. ഇതിനായി സംസ്ഥാനത്തെ മറ്റു പാര്‍ട്ടികളിലെ മുന്‍ മുഖ്യമന്ത്രിമാര്‍പോലും ഒന്നായ നിലയാണ്.

 

]]> https://www.chandrikadaily.com/3-bjp-workers-killed-in-terrorist-attack-in-jammu-and-kashmirs-kulgam.html/feed 0 കശ്മീരില്‍ പാകിസ്ഥാന്റെ ക്വാഡ്കോപ്റ്റര്‍ ഇന്ത്യന്‍ സൈന്യം വെടിവച്ചിട്ടു https://www.chandrikadaily.com/pakistan-uses-chinese-drone-to-drop-contraband-bsf-foils.html https://www.chandrikadaily.com/pakistan-uses-chinese-drone-to-drop-contraband-bsf-foils.html#respond Sat, 24 Oct 2020 14:00:22 +0000 https://www.chandrikadaily.com/?p=164006 ശ്രീനഗര്‍: പാകിസ്ഥാന്റെ ക്വാഡ്കോപ്റ്റര്‍ എന്ന് ഡ്രോണിന് സമാനമായ പൈലറ്റില്ലാ ഹെലിക്കോപ്റ്റര്‍ ഇന്ത്യന്‍ സൈന്യം വെടിവച്ചിട്ടു. ശനിയാഴ്ച ജമ്മു കശ്മീരിലെ കുപ്വാര ജില്ലയില്‍ നിയന്ത്രണ രേഖയ്ക്ക് സമീപത്തെ ഖേരന്‍ സെക്ടറിലാണ് പാക് സൈന്യത്തിന്റെ ക്വാഡ്‌കോപ്റ്റര്‍ ഇന്ത്യന്‍ സൈന്യം വെടിവച്ചിട്ടത്.

നിയന്ത്രണ രേഖ കടന്ന ക്വാഡ്കോപ്റ്റര്‍ രാവിലെ 8.30 ഓടെ ഇന്ത്യന്‍ സൈന്യം വെടിവെച്ചു വീഴ്ത്തുകയായിരുന്നു. ഇതിന്റെ ചിത്രങ്ങല്‍ വാര്‍ത്താ ഏജന്‍സികള്‍ പുറത്തുവിട്ടിട്ടുണ്ട്. ചൈനീസ് കമ്പനിയായ ഡിജെഐ നിര്‍മിച്ച മാവിക് 2 പ്രോ മോഡല്‍ ക്വാഡ്കോപ്റ്ററാണ് താഴ്ന്നു പറക്കുന്നതിനിടെ വെടിവച്ചിട്ടത്.

പാക് ഭീകരരും ബോര്‍ഡര്‍ ആക്ഷന്‍ ടീമും നുഴഞ്ഞു കയറാനുള്ള സാധ്യത മുന്നില്‍ക്കണ്ട് ഇന്ത്യന്‍ സൈന്യം അതീവ ജാഗ്രത പാലിക്കുന്നതിനിടെയാണിത് ക്വാഡ്കോപ്റ്റര്‍ എത്തിയത്. പാകിസ്താന്‍ അടുത്തിടെ ചൈനയില്‍ നിന്നും ധാരാളം ഡ്രോണുകള്‍ വാങ്ങിയതായി രഹസ്യാന്വേഷണ വിഭാഗം റിപ്പോര്‍ട്ട് ചെയ്തിരുന്നു. ആയുധങ്ങള്‍, വെടിക്കോപ്പുകള്‍, മയക്കുമരുന്ന് എന്നിവ ഇന്ത്യന്‍ ഭാഗത്തേക്ക് കടത്താനാണ് പ്രധാനമായും ഈ ഡ്രോണുകള്‍ ഉപയോഗിച്ചിരുന്നത്.

മഞ്ഞു വീഴ്ചയ്ക്ക് മുമ്പ് പരമാവധി നുഴഞ്ഞു കയറ്റം നടത്താനാണ് പാകിസ്ഥാന്റെ ഭാഗത്തു നിന്നുള്ള ശ്രമം. നിരന്തര ശ്രമങ്ങള്‍ ഇന്ത്യന്‍ സൈന്യം പരാജയപ്പെടുത്തുന്നുണ്ടെന്ന് കരസേനാ മേധാവി മനോജ് മുകുന്ദ് നരവാനെ അടുത്തിടെ പറഞ്ഞിരുന്നു.

 

]]> https://www.chandrikadaily.com/pakistan-uses-chinese-drone-to-drop-contraband-bsf-foils.html/feed 0 കാശ്മീരില്‍ മലയാളി ജവാന് വീരമൃത്യു; കൊല്ലം സ്വദേശി അനീഷ് തോമസാണ് കൊല്ലപ്പെട്ടത്‌ https://www.chandrikadaily.com/indian-soldier-killed-two-wounded-as-pakistan-violates-ceasefire-in-rajouri.html https://www.chandrikadaily.com/indian-soldier-killed-two-wounded-as-pakistan-violates-ceasefire-in-rajouri.html#respond Wed, 16 Sep 2020 02:51:17 +0000 https://www.chandrikadaily.com/?p=153579 ന്യൂഡല്‍ഹി: കാശ്മീരിലെ റജൗരിയില്‍ മലയാളി ജവാന് വീരമൃത്യു. കൊല്ലം കടയ്ക്കല്‍ ആലുമുക്ക് ആശാഭവനില്‍ അനീഷ് തോമസ് ആണ്‌ കൊല്ലപ്പെട്ടത്.

വെടിനിര്‍ത്തല്‍ കരാര്‍ ലംഘിച്ച് പാകിസ്ഥാന്‍ നടത്തിയ ഷെല്ലാക്രമണമാണ് ജീവഹാനിവരുത്തിയത്. ജമ്മു കശ്മീരിലെ രാജൗരി ജില്ലയിലെ നിയന്ത്രണ രേഖയില്‍ ചൊവ്വാഴ്ച പാകിസ്ഥാന്‍ സൈന്യം ഷെല്ലാക്രമണം നടത്തിയത്. അക്രമണത്തില്‍ ഒരു ഇന്ത്യന്‍ സൈനികന്‍ കൊല്ലപ്പെടുകയും, ഒരു മുതിര്‍ന്ന ഉദ്യോഗസ്ഥന്‍ ഉള്‍പ്പെടെ രണ്ട് പേര്‍ക്ക് പരിക്കേല്‍ക്കുകയും ചെയ്തു. പരിക്കേറ്റ സൈനികരെ സൈനിക ആശുപത്രിയില്‍ പ്രവേശിപ്പിച്ചു.

അതേസമയം, ഇന്ത്യ സൈന്യം നടത്തിയ തിരിച്ചടിയില്‍ പാകിസ്ഥാന്‍ സൈന്യത്തിനും പരിക്കേറ്റതായും വിശദാംശങ്ങള്‍ കാത്തിരിക്കുകയാണെന്ന് സൈനിക വൃത്തകള്‍ അറിയിച്ചു.

]]> https://www.chandrikadaily.com/indian-soldier-killed-two-wounded-as-pakistan-violates-ceasefire-in-rajouri.html/feed 0 ഡോക്ടറേറ്റ് നേടിയ ആള്‍ ഉള്‍പ്പെടെ രണ്ട് ഭീകരര്‍ കൊല്ലപ്പെട്ടു https://www.chandrikadaily.com/ph-d-scholar-among-2-militants-killed-in-jk.html https://www.chandrikadaily.com/ph-d-scholar-among-2-militants-killed-in-jk.html#respond Thu, 11 Oct 2018 16:05:18 +0000 http://www.chandrikadaily.com/?p=106610 ശ്രീനഗര്‍: ജമ്മു കശ്മീരില്‍ സൈന്യവുമായുണ്ടായ ഏറ്റുമുട്ടലില്‍ രണ്ട് ഹിസ്ബുല്‍ മുജാഹിദീന്‍ ഭീകരര്‍ കൊല്ലപ്പെട്ടു. അലിഗഡ് മുസ്‌ലിം സര്‍വകലാശാലയില്‍ നിന്ന് ഡോക്ടറേറ്റ് നേടിയ മനാന്‍ ബഷീര്‍ വാനിയാണ് കൊല്ലപ്പെട്ടവരില്‍ ഒരാള്‍. ഇയാള്‍ ഈ വര്‍ഷമാണ് തീവ്രവാദ സംഘടനയില്‍ ചേര്‍ന്നത്. വടക്കന്‍ കശ്മീരിലെ ഹന്ദ്വാരയിലായിരുന്നു ഏറ്റുമുട്ടല്‍. വാനിയും മറ്റ് രണ്ട് തീവ്രവാദികളും ഹന്ദ്വാരയിലെ ഒരു ഒളിസങ്കേതത്തില്‍ ഉണ്ടെന്ന വിവരം ലഭിച്ചതിനെ തുടര്‍ന്ന് സുരക്ഷാ സേന പുലര്‍ച്ചെ പരിശോധന നടത്തുകയായിരുന്നു.

തീവ്രവാദികള്‍ വെടിയുതിര്‍ത്തതിനെ തുടര്‍ന്ന് സൈന്യം തിരിച്ചടിക്കുകയായിരുന്നു. രാവിലെ 11 മണി വരെ ഏറ്റുമുട്ടല്‍ നീണ്ടുനിന്നു. കൂടുതല്‍ വിശദാംശങ്ങള്‍ സുരക്ഷാ ഉദ്യോഗസ്ഥര്‍ വെളിപ്പെടുത്തിയിട്ടില്ല. രണ്ടാംഘട്ട തദ്ദേശ സ്വയംഭരണ വോട്ടെടുപ്പ് കഴിഞ്ഞതിനു പിന്നാലെയായിരുന്നു ഏറ്റുമുട്ടല്‍. തെരഞ്ഞെടുപ്പില്‍ കശ്മീര്‍ താഴ്‌വരയില്‍ ജനപങ്കാളിത്തം കുറവായിരുന്നു. അതേസമയം ഉന്നത വിദ്യഭ്യാസം നേടിയവര്‍ തീവ്രവാദത്തിലേക്ക് തിരിയുന്നത് ദു:ഖകരമാണെന്ന് മുന്‍ മുഖ്യമന്ത്രി മെഹബൂബ മുഫ്തി പ്രതികരിച്ചു.

]]> https://www.chandrikadaily.com/ph-d-scholar-among-2-militants-killed-in-jk.html/feed 0 മോഷണത്തിനിടെ വീട്ടമ്മയെ മോഷ്ടാക്കള്‍ കഴുത്തറുത്തു കൊന്നു https://www.chandrikadaily.com/jammu-and-kashmir-bandipora-terrorists-pdp-worker-abdul-majid-dar-house-slit-his-wife-throat-pdp.html https://www.chandrikadaily.com/jammu-and-kashmir-bandipora-terrorists-pdp-worker-abdul-majid-dar-house-slit-his-wife-throat-pdp.html#respond Mon, 09 Jul 2018 15:09:54 +0000 http://www.chandrikadaily.com/?p=93819 ശ്രീനഗര്‍: വടക്കന്‍ കശ്മീരിലെ ബന്ദിപ്പോര ജില്ലയില്‍ മോഷണത്തിനെത്തിയ സംഘം വീട്ടമ്മയെ കഴുത്തറുത്തു കൊന്നു. പിഡിപി അനുഭാവിയായ അബ്ദുല്‍ മജീദിന്റെ വീട്ടില്‍ കയറിയാണ് അക്രമികള്‍ ഭാര്യ ഹാജിന്‍ സ്വദേശി ഷക്കീല ബീഗ(45)ത്തെ കഴുത്തറുത്തു കൊലപ്പെടുത്തിയത്.

കഴുത്തില്‍ ആഴത്തില്‍ മുറിവേറ്റ ഷക്കീല ബീഗം ആസ്പത്രിയില്‍ വെച്ചാണ് മരിച്ചത്. ഞായറാഴ്ച അര്‍ധരാത്രി സംഭവം. വീട്ടില്‍ അതിക്രമിച്ച് കടന്ന മൂന്നംഗ സംഘമാണ് കൃത്യം നടത്തിയതെന്ന് ജില്ലാ പൊലീസ് മേധാവി ഷെയ്ഖ് സുല്‍ഫീക്കര്‍ ആസാദ് പറഞ്ഞു.

വാതില്‍ തകര്‍ത്ത് അകത്ത് കടന്ന മുഖംമൂടി സംഘം അലമാര തുറക്കാന്‍ ശ്രമിക്കവെ വീട്ടുകാര്‍ ഉണര്‍ന്നു. രണ്ടുപേര്‍ ഭര്‍ത്താവ് അബ്ദുല്‍ മജീദിനെ തോക്കുചൂണ്ടി ഭയപ്പെടുത്തിയ ശേഷമായിരുന്നു മോഷണം. അക്രമികളെ ചെറുക്കുന്നതിനിടെ ഒരാള്‍ ഷക്കീല ബീഗത്തിന്റെ കഴുത്തറുക്കുകയായിരുന്നു.

തുടര്‍ന്ന് സംഘം പണവും സ്വര്‍ണവുമായി കടന്നു. മുത്തമകന്റെ മെഡിക്കല്‍ പഠനത്തിനായി അടുത്തിടെ കുടുംബം കുറച്ച് ഭൂമി വിറ്റിരുന്നു. ഇത് വീട്ടിലായിരുന്നു സൂക്ഷിച്ചിരുന്നത്. ഇതെല്ലാം മോഷ്ടാക്കള്‍ അപഹരിച്ചു.

സംഭവത്തെക്കുറിച്ച് അന്വേഷണം തുടങ്ങിയതായും പ്രതികളെ തിരിച്ചറിഞ്ഞിട്ടില്ലെന്നും ബന്ദിപ്പോര ജില്ലാ പൊലീസ് മേധാവി ഷെയ്ഖ് സുല്‍ഫീക്കര്‍ ആസാദ് പ്രതികരിച്ചു. അക്രമത്തിന് പിന്നില്‍ കശ്മീരി തീവ്രവാദികളാണെന്നാണ് നിഗമനം.

]]> https://www.chandrikadaily.com/jammu-and-kashmir-bandipora-terrorists-pdp-worker-abdul-majid-dar-house-slit-his-wife-throat-pdp.html/feed 0 ജമ്മുവിലെ പുല്‍വാമയില്‍ ഭീകരാക്രമണം; രണ്ട് പൊലീസുകാര്‍ മരിച്ചു https://www.chandrikadaily.com/jk-terror-attack-2-policemen-killed-in-pulwama.html https://www.chandrikadaily.com/jk-terror-attack-2-policemen-killed-in-pulwama.html#respond Tue, 12 Jun 2018 16:33:19 +0000 http://www.chandrikadaily.com/?p=89741 ശ്രീനഗര്‍: ജമ്മു കശ്മീരിലെ പുല്‍വാമയില്‍ ഭീകരാക്രമണത്തില്‍ രണ്ട് പൊലീസുകാര്‍ മരിച്ചു. ആക്രമണത്തില്‍ മൂന്ന് പൊലീസുകാര്‍ക്ക് ഗുരുതരമായി പരിക്കേറ്റിട്ടുണ്ട്. ചൊവ്വാഴ്ച പുലര്‍ച്ചെ പുല്‍വാമയിലെ കോടതി സമുച്ചയത്തില്‍ പൊലീസ് എയ്ഡ് പോസ്റ്റിന് നേരെയായിരുന്നു ആക്രമണം. നാല് പേരടങ്ങുന്ന ഭീകരര്‍ പൊലീസ് എയ്ഡ് പോസ്റ്റിനു നേരെ തുടര്‍ച്ചയായി വെടിയുതിര്‍ക്കുകയായിരുന്നു.

ഗുലാം റസൂല്‍, ഗുലാം ഹുസൈന്‍ എന്നിവരാണ് മരിച്ചത്. പൊലീസ് ശക്തമായി തിരിച്ചടിച്ചെങ്കിലും ഭീകരര്‍ രക്ഷപ്പെടുകയായിരുന്നു. അതേസമയം പൊലീസിന്റെ റൈഫിളുകലും വെടിക്കോപ്പുകളും ഭീകരര്‍ മോഷ്ടിച്ചതായും റിപ്പോര്‍ട്ടുണ്ട്.

]]> https://www.chandrikadaily.com/jk-terror-attack-2-policemen-killed-in-pulwama.html/feed 0 കശ്മീരില്‍ ഭീകരര്‍ തട്ടിക്കൊണ്ടുപോയ സൈനികന്‍; കൊല്ലപ്പെട്ട നിലയില്‍ https://www.chandrikadaily.com/army-jawan-irfan-ahmad-dar-found-in-shopian.html https://www.chandrikadaily.com/army-jawan-irfan-ahmad-dar-found-in-shopian.html#respond Sat, 25 Nov 2017 08:08:21 +0000 http://www.chandrikadaily.com/?p=56045 കശ്മീര്‍: ജമ്മുകശ്മീരില്‍ ഭീകരര്‍ തട്ടിക്കൊണ്ടുപോയ സൈനികനെ കൊല്ലപ്പെട്ട നിലയില്‍ കണ്ടെത്തി. ട്രെഡീഷണല്‍ ആര്‍മി ജവാന്‍ ഇര്‍ഫാന്‍ അഹമ്മദ് ദറി(23)നെയാണ് വെടിവച്ചു കൊലപ്പെടുത്തിയ നിലയില്‍ കണ്ടെത്തിയത്.

ദക്ഷിണ കശ്മീരിലെ ഷോപ്പിയാനില്‍ തെരുവിലെ പുല്‍കൂനയില്‍ ശരീരം മുഴുവനും വെടിയേറ്റ നിലയിലായിരുന്നു സൈനികന്റെ മൃതദേഹം. ഇര്‍ഫാന്റെ മൃതദേഹം കണ്ട പ്രദേശവാസികളാണ് പൊലീസില്‍ വിവരമറിയിച്ചത്.

ഗുറേസ് സെക്ടറില്‍ ജോലി ചെയ്തിരുന്ന ഇര്‍ഫാനെ കഴിഞ്ഞ ദിവസമാണ് കാണാതായത്. ഷോപ്പിയാനിലെ സെന്‍സെന്‍ സ്വദേശിയാണ് ഇര്‍ഫാന്‍. അതേസമയം ഇര്‍ഫാന്‍ സഞ്ചരിച്ച കാറും സംഭവ സ്ഥലത്തുനിന്ന് കണ്ടെത്തിയിട്ടുണ്ട്.

സൈനികന്റെ മരണത്തില്‍ മുഖ്യമന്ത്രി മെഹ്ബൂബ മുഫ്തിയും മുന്‍ മുഖ്യമന്ത്രി ഒമര്‍ അബ്ദുള്ളയും അനുശോചനം അറിയിച്ചു.

]]> https://www.chandrikadaily.com/army-jawan-irfan-ahmad-dar-found-in-shopian.html/feed 0 ജമ്മു കശ്മീരില്‍ സുരക്ഷാ സേനയുമുണ്ടായ ഏറ്റുമുട്ടല്‍; ഭീകരനും സ്ത്രീയും കൊല്ലപ്പെട്ടു https://www.chandrikadaily.com/terrorist-killed-in-jammu-and-kashmirs-handwara-pakistani-currency-recovered.html https://www.chandrikadaily.com/terrorist-killed-in-jammu-and-kashmirs-handwara-pakistani-currency-recovered.html#respond Sun, 22 Oct 2017 14:21:41 +0000 http://www.chandrikadaily.com/?p=49207 ശ്രീനഗര്‍: ജമ്മു കശ്മീരിലെ കുപ്‌വാരയില്‍ സുരക്ഷാ സേനയുമുണ്ടായ ഏറ്റുമുട്ടലില്‍ ഭീകരന്‍ കൊല്ലപ്പെട്ടു. കുപ്‌വാര ജില്ലയിലെ ലാങെറ്റ് മേഖലയില്‍ ഇന്നലെ രാവിലെയാണ് ഏറ്റമുട്ടലുണ്ടായത്. പ്രദേശത്ത് ഭീകരര്‍ ഒളിച്ചിരിക്കുന്നുണ്ടെന്ന രഹസ്യവിവരത്തെ തുടര്‍ന്ന് സൈന്യം തെരച്ചില്‍ നടത്തുന്നതിനിടെയാണ് വെടിവെപ്പുണ്ടായത്. തുടര്‍ന്ന് സൈന്യം തിരിച്ചടിച്ചു. കൊല്ലപ്പെട്ട ഭീകരനില്‍ നിന്ന് ഗ്രനേഡ്, തോക്ക്, പാകിസ്താന്‍ കറന്‍സി എന്നിവ കണ്ടെത്തി. മേഖലയില്‍ കൂടുതല്‍ ഭീകരരുണ്ടെന്ന വിവരത്തെ തുടര്‍ന്ന് സൈന്യം തെരച്ചില്‍ തുടരുകയാണ്. ഭീകരനെ തിരിച്ചറിഞ്ഞിട്ടില്ലെന്ന് സൈന്യം അറിയിച്ചു.


അതേസമയം പുല്‍വാമയില്‍ ഭീകരരുടെ വെടിയേറ്റ് ഒരു സ്ത്രീ കൊല്ലപ്പെടുകയും മറ്റൊരാള്‍ക്ക് പരിക്കേല്‍ക്കുകയും ചെയ്തു. ഖോന്‍മോഹ് സ്വദേശിനിയായ യാസ്മിന ആണ് മരിച്ചത്. ത്രാല്‍ നിവാസിയായ റൂബിക്ക് പരിക്കേറ്റു. വെടിവെപ്പിനെ തുടര്‍ന്ന് പ്രദേശത്ത് സൈന്യം സുരക്ഷ ശക്തമാക്കി. പുല്‍വാമയില്‍ നാഷണല്‍ കോണ്‍ഫറന്‍സ് നേതാവിന്റെ വീടിനു നേരെ ഭീകരര്‍ ഗ്രനേഡ് എറിഞ്ഞതായും റിപ്പോര്‍ട്ടുണ്ട്. ത്രാലിലെ മുഹമ്മദ് അഷറഫ് ഭട്ടിന്റെ വീടിനു നേരെയാണ് ആക്രമണമുണ്ടായത്. ഇതില്‍ ഒരു ജവാന് പരിക്കേല്‍ക്കുകയും ചെയ്തു. സംഭവവുമായി ബന്ധപ്പെട്ട് ആരെയും പിടികൂടിയിട്ടില്ല. ശനിയാഴ്ച ത്രാലിലെ ദാദ്‌സരയില്‍ പി.ഡി.പി നേതാവും മുന്‍ എം.എല്‍.എയുമായ പീര്‍ മുഹമ്മദ് അഷറഫിന്റെ വീട് തീവ്രവാദികള്‍ ആക്രമിച്ചിരുന്നു.

]]> https://www.chandrikadaily.com/terrorist-killed-in-jammu-and-kashmirs-handwara-pakistani-currency-recovered.html/feed 0 നിയന്ത്രണ രേഖക്കു സമീപം പാക് വെടിവെപ്പ്; സൈനികനും സിവിലിയനും കൊല്ലപ്പെട്ടു https://www.chandrikadaily.com/jawan-porter-killed-6-injured-as-pakistan-targets-loc-posts-in-poonch.html https://www.chandrikadaily.com/jawan-porter-killed-6-injured-as-pakistan-targets-loc-posts-in-poonch.html#respond Thu, 12 Oct 2017 15:15:40 +0000 http://www.chandrikadaily.com/?p=47507 ജമ്മു: ജമ്മുകശ്മീരില്‍ നിയന്ത്രണ രേഖക്കു സമീപം പാക് സൈന്യം നടത്തിയ ഷെല്ലാക്രമണത്തില്‍ ഒരു സൈനികനും ഒരു സിവിലിയനും കൊല്ലപ്പെട്ടു. അക്രമത്തില്‍ ആറു പേര്‍ക്ക് പരിക്കേറ്റു.

പൂഞ്ച് ജില്ലയില്‍ നിയന്ത്രണ രേഖയോടു ചേര്‍ന്ന് കൃഷ്ണഘാട്ടി, കര്‍മാറ മേഖലകളിലാണ് പാക് സൈന്യം ആക്രമണം നടത്തിയത്. കാലത്ത് 10.35നാണ് പ്രകോപനമൊന്നുമില്ലാതെ പാക് ആക്രമണമുണ്ടായത്. ചെറു തോക്കുകളും ഓട്ടോമാറ്റിക് വെപ്പണുകളും ഉപയോഗിച്ചായിരുന്നു ആക്രമണമെന്നും ഇതേതുടര്‍ന്ന് ഇന്ത്യന്‍ സൈന്യം ശക്തമായി തിരിച്ചടിച്ചതായും സൈനിക വക്താവ് പറഞ്ഞു. ഇതിനിടെ പൂഞ്ച് ജില്ലയിലെ കര്‍മാറയില്‍ പാക് സൈന്യത്തിന്റെ മോര്‍ട്ടാര്‍ ആക്രമണം നടന്നതായി തദ്ദേശവാസികളെ ഉദ്ധരിച്ചുള്ള റിപ്പോര്‍ട്ട് പറയുന്നു.
അക്രമത്തില്‍ ഗുരുതര പരിക്കേറ്റ ആര്‍.കെ റെഡ്ഡി (21), മുഹമ്മദ് സഹീര്‍ (22) എന്നിവരാണ് കൊല്ലപ്പെട്ടത്.

]]> https://www.chandrikadaily.com/jawan-porter-killed-6-injured-as-pakistan-targets-loc-posts-in-poonch.html/feed 0 ‘കെട്ടിയിടാന്‍ ഞാനെന്താ പോത്താണോ?’; കാശ്മീരില്‍ ജീപ്പിന് പിന്നില്‍ കെട്ടിയിട്ട ഫാറൂഖ് അഹമ്മദ് ധര്‍ https://www.chandrikadaily.com/farooq-ahmad-dar-the-man-used-as-a-human-shield-by-an-army-officer.html https://www.chandrikadaily.com/farooq-ahmad-dar-the-man-used-as-a-human-shield-by-an-army-officer.html#respond Tue, 23 May 2017 08:08:18 +0000 http://www.chandrikadaily.com/?p=29698 ശ്രീനഗര്‍: ജീപ്പിനു പിന്നില്‍ കെട്ടിയിട്ട് കല്ലേറു തടയാന്‍ താനെന്താ മൃഗമാണോ എന്ന് കാശ്മീരില്‍ സൈന്യം ജീപ്പിനു പിന്നില്‍ കെട്ടിയിട്ട യുവാവ് ഫാറൂഖ് അഹമ്മദ് ധര്‍. യുവാവിനെ കെട്ടിയിട്ട് സൈന്യത്തിനുനേരെയുള്ള കല്ലേറ് തടയാന്‍ മുന്നിട്ടിറങ്ങിയ മേജര്‍ നിതിന്‍ ഗൊഗോയെ ആദരിക്കാന്‍ കരസേനാ മേധാവി ഉത്തരവിട്ടിരിക്കുന്നതിന് പിന്നാലെയാണ് ഫാറൂഖിന്റെ പ്രതികരണം.

ജീപ്പിനു പിന്നില്‍ യുവാവിനെ കെട്ടിയിട്ടവരെ ആദരിക്കുന്നതാണ് ഇന്ത്യന്‍ നിയമമെങ്കില്‍ തനിക്കൊന്നും പറയാനില്ലെന്ന് ഫാറൂഖ് പറഞ്ഞു. ഇത് നിയമവിധേയമാക്കുന്ന ഏത് നിയമമാണ് ഇന്ത്യയിലുള്ളത്. തനിക്ക് കല്ലുപോലും പെറുക്കിയെടുക്കാനോ ആ മേജറിനോട് യുദ്ധം ചെയ്യാനോ കഴിയില്ലല്ലോ? ഇങ്ങനെ കെട്ടിയിടാനും ആളുകളുടെ മുന്നിലൂടെ പ്രദര്‍ശിപ്പിക്കാനും താനെന്താ വല്ല പോത്തോ കാളയോ മറ്റോ ആയിരുന്നോയെന്നും ഫാറുഖ് ചോദിക്കുന്നു. അന്നത്തെ സംഭവത്തിന് ശേഷം തന്റെ ദേഹം ഇപ്പോഴും വേദനിക്കുകയാണ്. ഒരിക്കലും താനിനി വോട്ടുചെയ്യില്ലെന്നും ഫാറൂഖ് കൂട്ടിച്ചേര്‍ത്തു.

എന്നാല്‍ സംഭവം വിവാദമായതിനെ തുടര്‍ന്ന് കരസേനാ മേധാവി രംഗത്തെത്തി.യുവാവിനെ കെട്ടിയിട്ടതിനല്ല നിതിന്‍ ഗൊഗോയെ ആദരിക്കുന്നതെന്ന് സൈന്യം വ്യക്തമാക്കി. ഇതിനെതിരെ കാശ്മീരിലെ പ്രതിപക്ഷമായ നാഷ്ണല്‍ കോണ്‍ഫറന്‍സും രംഗത്തെത്തിയിട്ടുണ്ട്. തെറ്റായ നടപടിയെ ആദരിക്കുന്നത് അതിനെ അംഗീകരിക്കലാണെന്ന് അവര്‍ പറഞ്ഞു. കുറ്റാരോപിതനായ ഒരാള്‍ക്ക് ക്ലീന്‍ചീറ്റ് നല്‍കുന്നുപോലെയാണിതെന്ന് അവര്‍ പറഞ്ഞു.

ഏപ്രില്‍ 9-നാണ് സംഭവം. കാശ്മീരിലെ ബഡ്ഗാമിലെ ഖാന്‍സാബിബ് നിവാസിയായ ഫാറൂഖിനെ സൈന്യം ജീപ്പിനുപിന്നില്‍ കെട്ടിയിടുകയായിരുന്നു. കല്ലേറ് തടയാനാണ് ഇങ്ങനെ ചെയ്തതെന്നായിരുന്നു സൈന്യത്തിന്റെ ന്യായം. പൊരിവെയിലത്ത് യുവാവിനെ കെട്ടിയിട്ട് നിര്‍ത്തിയ ദൃശ്യങ്ങള്‍ സാമൂഹ്യമാധ്യമങ്ങളിലുള്‍പ്പെടെ വ്യാപകമായി പ്രചരിച്ചിരുന്നു. നടപടി വിവാദമായതോടെ സൈനികനെതിരെ പോലീസ് കേസെടുത്തു. എന്നാല്‍ സൈനികന് പോലീസ് ക്ലീന്‍ ചീറ്റ് നല്‍കുകയായിരുന്നു.

]]> https://www.chandrikadaily.com/farooq-ahmad-dar-the-man-used-as-a-human-shield-by-an-army-officer.html/feed 0