kavya madhavan – Chandrika Daily

നടി കാവ്യ മാധവന്റെ പിതാവ് അന്തരിച്ചു

webdesk17 — Tue, 17 Jun 2025 02:20:31 +0000

ചെന്നൈ: നടി കാവ്യ മാധവന്റെ പിതാവ് പി മാധവന്‍ ( P madhavan ) അന്തരിച്ചു. 75 വയസ്സായിരുന്നു. ചെന്നൈയില്‍ വെച്ചായിരുന്നു അന്ത്യം. കാസര്‍കോട് നീലേശ്വരം പള്ളിക്കര കുടുംബാംഗമാണ്. സുപ്രിയ ടെക്‌സ്‌റ്റൈല്‍സ് ഉടമയാണ്.

കാവ്യ മാധവന്റെ സിനിമയിലേക്കുള്ള പ്രവേശനം മുതല്‍ പൂര്‍ണപിന്തുണയുമായി പിതാവ് കൂടെയുണ്ടായിരുന്നു. അദേഹത്തിന്റെ പിന്തുണയെക്കുറിച്ച് കാവ്യ നിരവധി തവണ പറഞ്ഞിട്ടുണ്ട്.

സംസ്‌കാരം പിന്നീട് കൊച്ചിയില്‍ നടക്കും. ശ്യാമളയാണ് ഭാര്യ. മകന്‍: മിഥുന്‍ (ഓസ്‌ട്രേലിയ). റിയ (ഓസ്‌ട്രേലിയ), നടന്‍ ദിലീപ് എന്നിവര്‍ മരുമക്കളാണ്

‘വേട്ടയാടല്‍ ദിലീപിന്റെ ഭാര്യയാണെന്ന കാരണം കൊണ്ട്’; പ്രതികരണവുമായി കാവ്യാമാധവന്‍

chandrika — Sun, 17 Sep 2017 06:13:10 +0000

‘വേട്ടയാടല്‍ ദിലീപിന്റെ ഭാര്യയാണെന്ന കാരണം കൊണ്ട്’; പ്രതികരണവുമായി കാവ്യാമാധവന്‍
ആലുവ: കൊച്ചിയില്‍ നടി ആക്രമിക്കപ്പെട്ട ഗൂഢാലോചന കേസില്‍ പ്രതികരണവുമായി നടി കാവ്യാമാധവന്‍. കേസിലെ അന്വേഷണ ഉദ്യോഗസ്ഥര്‍ തന്നെ വേട്ടയാടുകയാണെന്ന് കാവ്യാമാധവന്‍ പറഞ്ഞു.

കേസില്‍ കുറ്റാരോപിതനായി റിമാന്റില്‍ കഴിയുന്ന നടന്‍ ദിലീപിന്റെ ഭാര്യയാണെന്ന കാരണം കൊണ്ടാണ് തന്നെ നിരന്തരം വേട്ടയാടുന്നതെന്നും കാവ്യ പറഞ്ഞു. ഹൈക്കോടതിയില്‍ നല്‍കിയ മുന്‍കൂര്‍ ജാമ്യഹര്‍ജിയിലാണ് ഇക്കാര്യം പറയുന്നത്.

ദിലീപ് കേസിലെ പ്രധാന പ്രതി പള്‍സര്‍ സുനിയെ കാണുകയോ സംസാരിക്കുകയോ ചെയ്തിട്ടില്ല. സുനിയെ ദിലീപിന് അറിയില്ല. സുനിയുമായി ചേര്‍ന്ന് ക്രിമിനല്‍ ഗൂഢാലോചന നടത്തിയെന്ന് വ്യാജ ആരോപണമുന്നയിച്ച് ദിലീപിനെ കുടുക്കുകയായിരുന്നു.

സുനിയും കൂട്ടാളികളും ദിലീപിനെ ബന്ധപ്പെടാന്‍ ശ്രമിച്ചത് ഭീഷണിപ്പെടുത്തുകയെന്ന ഉദ്ദേശത്തോടെയാണ്. ഇക്കാര്യം ഡി.ജി.പിയെ അറിയിച്ചിരുന്നു. എന്നാല്‍ ഇത് അന്വേഷിക്കാതെ വാസ്തവ വിരുദ്ധമായ ആരോപണങ്ങളാണ് ഉന്നയിക്കുന്നത്.

ദിലീപിനെയും കുടുംബത്തെയും തകര്‍ക്കാന്‍ ഉന്നത പൊലീസ് ഉദ്യോഗസ്ഥരും സിനിമ രംഗത്തെ ചിലരും ചില മാധ്യമങ്ങളും ഒത്തുകളിക്കുകയാണ്. ആരെല്ലാം ദിലീപിനെ ജയിലില്‍ സന്ദര്‍ശിച്ചു, സോഷ്യല്‍മീഡിയയില്‍ അദ്ദേഹത്തിന് അനുകൂലമായി ആരൊക്കെ പോസ്റ്റിടുന്നു തുടങ്ങിയ കാര്യങ്ങള്‍ മാത്രമാണ് അന്വേഷണ ഉദ്യോഗസ്ഥര്‍ ഇപ്പോള്‍ പരിശോധിക്കുന്നതെന്നും കാവ്യാമാധവന്‍ പറഞ്ഞു.

ദിലീപിനെ കാണാന്‍ കാവ്യയും മീനാക്ഷിയും ജയിലിലെത്തി

chandrika — Sat, 02 Sep 2017 11:49:41 +0000

ആലുവ: കൊച്ചിയില്‍ നടി ആക്രമിക്കപ്പെട്ട കേസില്‍ റിമാന്റില്‍ കഴിയുന്ന നടന്‍ ദിലീപിനെ കാണാന്‍ ഭാര്യയും നടിയുമായ കാവ്യമാധവന്‍ ആലുവ സബ്ജയിലിലെത്തി.
കേസുമായി ബന്ധപ്പെട്ട് ദിലീപിനെ അറസ്റ്റു ചെയ്ത ശേഷം ഇതാദ്യമായാണ് ഇരുവരും കൂടിക്കാഴ്ച നടത്തുന്നത്.
മകള്‍ മീനാക്ഷിക്കും പിതാവ് മാധവനുമൊപ്പമാണ് കാവ്യ ജയിലിലെത്തിയത്. മൂവരും ഇരുപത് മിനിറ്റോളം ജയിലില്‍ ദിലീപിനൊപ്പം സമയം ചെലവഴിച്ചതായാണ് വിവരം.
അച്ഛന്റെ ശ്രാദ്ധ ചടങ്ങുകളില്‍ പങ്കെടുക്കാന്‍ അങ്കമാലി മജിസ്‌ട്രേറ്റ് കോടതി ദിലീപിന് അനുമതി നല്‍കിയതിനു പിന്നാലെയാണ് കാവ്യയും മീനാക്ഷിയും ജയിലിലെത്തിയത്. കാവ്യ എത്തുന്നതിന് തൊട്ടു മുമ്പ് സുഹൃത്തും സംവിധായകനുമായ നാദിര്‍ഷായും ആലുവ സബ് ജയിലിലെത്തി ദിലീപിനെ കണ്ടിരുന്നു. എന്നാല്‍ പള്‍സര്‍ സുനിയുടെ ‘മാഡം’ വെളിപ്പെടുത്തലിനെക്കുറിച്ച് പ്രതികരിക്കാന്‍ കാവ്യ തയാറായില്ല. അതേസമയം, കാവ്യയുടെ വസ്ത്രവ്യാപാര സ്ഥാപനമായ ലക്ഷ്യയിലെ ജീവനക്കാരെ പൊലീസ് ചോദ്യം ചെയ്തു.

നടിയെ ആക്രമിച്ച കേസ്: ‘മാഡ’ത്തെ വെളിപ്പെടുത്തി പള്‍സര്‍ സുനി

chandrika — Wed, 30 Aug 2017 05:45:10 +0000

കൊച്ചി: കൊച്ചിയില്‍ നടിയെ ആക്രമിച്ച കേസില്‍ പൊലീസിനെ ഏറെ കുഴക്കിയ ‘മാഡ’ത്തെ ഒടുവില്‍ വെളിപ്പെടുത്തി പ്രധാന പ്രതി പള്‍സര്‍ സുനി. നടിയും ഗൂഢാലോചന കേസില്‍ റിമാന്റില്‍ നടന്‍ ദിലീപിന്റെ ഭാര്യയുമായ കാവ്യമാധവന്‍ തന്നെയാണ് ‘മാഡ’മെന്നാണ് സുനിലിന്റെ വെളിപ്പെടുത്തല്‍. എറണാകുളം സിജെഎം കോടതിയില്‍ ഹാജരാക്കാന്‍ എത്തിച്ചപ്പോഴായിരുന്നു നിര്‍ണായകമായ വെളിപ്പെടുത്തല്‍. കാവ്യയാണെന്നു താന്‍ നേരത്തെ പറഞ്ഞിരുന്നുവല്ലോയെന്നായിരുന്നു സുനി പറഞ്ഞത്.

ക്വട്ടേഷന്‍ പീഡനം: ആക്രമിക്കപ്പെട്ട നടിയുമായി അകന്നതിന് കാവ്യയുടെ മറുപടി

chandrika — Wed, 26 Jul 2017 06:10:16 +0000

കൊച്ചി: നടന്‍ ദിലീപിന്റെ ഭാര്യയും നടിയുമായ കാവ്യമാധവന്‍ കൊച്ചിയില്‍ ആക്രമിക്കപ്പെട്ട നടിയുമായി അകന്നതിന്റെ കാരണം അന്വേഷിച്ച് പൊലീസ്. ഇന്നലെ കാവ്യാമാധാവനെ ചോദ്യം ചെയ്തപ്പോള്‍ അന്വേഷണസംഘം ഇക്കാര്യം ആരായുകയും ചെയ്തു. യുവനടിയുമായി നല്ല ബന്ധം പുലര്‍ത്തിയിരുന്ന കാവ്യ എന്തുകൊണ്ട് പിന്നീട് അകന്നു എന്ന ചോദ്യമാണ് അന്വേഷണസംഘം ഉന്നയിച്ചത്. എന്നാല്‍ ഇതിന് കാവ്യ തൃപ്തികരമായ മറുപടി നല്‍കിയില്ലെന്നാണ് വിവരം. ഇരുവരും നടത്തിയ വിദേശ സ്റ്റേജ് ഷോകളെ ചൂണ്ടിക്കാണിച്ചായിരുന്നു ചോദ്യം. ആക്രമിക്കപ്പെട്ട നടിയുമായി സൗഹൃദം ഉണ്ടെന്നും എന്നാല്‍ സ്‌റ്റേജ് ഷോകള്‍ക്ക് പിന്നീട് അവസരം ലഭിച്ചില്ലെന്നുമായിരുന്നു കാവ്യയുടെ മറുപടി. മഞ്ജുവാര്യര്‍-ദിലീപ് വിവാഹം മോചനം സംബന്ധിച്ച കാരണങ്ങളെക്കുറിച്ച് ചോദിച്ചപ്പോഴും കാവ്യ മൗനം പാലിച്ചു. മഞ്ജുവുമായുള്ള കുടുംബബന്ധത്തിലെ തകര്‍ച്ചക്ക് നടി കാരണക്കാരിയായതിന്റെ വൈരാഗ്യത്തിലാണ് ആക്രമണം നടന്നതെന്നാണ് പൊലീസ് കരുതുന്നത്. സംഭവം നടന്നതിനു ശേഷം ദിലീപിന്റെ പെരുമാറ്റ രീതിയെക്കുറിച്ചും കാവ്യയോട് പൊലീസ് ആരാഞ്ഞതായാണ് വിവരം.

കാവ്യാ മാധവനെ ചോദ്യം ചെയ്തിട്ടില്ലെന്ന് എസ്.പി എ.വി ജോര്‍ജ്

chandrika — Fri, 14 Jul 2017 10:48:43 +0000

കൊച്ചി: നടിയെ ആക്രമിച്ച കേസുമായി ബന്ധപ്പെട്ട് പ്രതി ദിലീപിന്റെ ഭാര്യയും നടിയുമായ കാവ്യാ മാധവനെ ചോദ്യം ചെയ്തിട്ടില്ലെന്ന് ആലുവ എസ്.പി എ.വി ജോര്‍ജ്. കാവ്യാ മാധവനെ ചോദ്യം ചെയ്തെന്നും ഉദ്യോഗസ്ഥരുടെ മുന്നില്‍ നടി പൊട്ടികരഞ്ഞെന്നുമുള്ള വാര്‍ത്തകളെ പാടെ തള്ളിക്കളയുന്നതായിരുന്നു എസ യുടെ വാക്കുകള്‍. കാവ്യയെ ചോദ്യം ചെയ്തന്നും അറസ്റ്റ് ചെയ്തെന്നും വേരെയുള്ള വാര്‍ത്തകള്‍ കഴിഞ്ഞ ദിവസങ്ങളില്‍ പല മാധ്യമങ്ങളും പുറത്തുവിട്ടിരുന്നു.

അതേസമയം അന്വേഷണവുമായി ബന്ധപ്പെട്ട് കാവ്യയെ വിളിപ്പിച്ചേക്കാമെന്ന് എസ്.പി എ.വി ജോര്‍ജ് വ്യക്തമാക്കി. എന്നാല്‍ കേസിനെ സംബന്ധിച്ച് കൂടുതല്‍ സംസാരിക്കാന്‍ എസ്.പി തയാറായില്ല. അതേസമയം നടിയെ സംബന്ധിച്ച മാധ്യമ വാര്‍ത്തകളം വിമര്‍ശിക്കാനും റൂറല്‍ എസ്.പി എ.വി ജോര്‍ജ് ശ്രമിച്ചില്ല.

അന്വേഷണസംഘത്തിനു മുന്നില്‍ പൊട്ടിക്കരഞ്ഞ് കാവ്യാമാധവന്‍

chandrika — Fri, 14 Jul 2017 09:02:18 +0000

കൊച്ചി: നടി ആക്രമിക്കപ്പെട്ട കേസിലെ ഗൂഢാലോചനയുമായി ബന്ധപ്പെട്ട് അറസ്റ്റിലായ നടന്‍ ദിലീപിന്റെ ഭാര്യ കാവ്യാ മാധവനെ പൊലീസ് ചോദ്യം ചെയ്തു. പൊലീസിനു മുന്നില്‍ കാവ്യ നിരവധി തവണ കാവ്യ പൊട്ടിക്കരഞ്ഞതായാണ് വിവരം. ഇന്നു രാവിലെ അതീവ രഹസ്യമായാണ് കാവ്യയെ അന്വേഷണസംഘം ചോദ്യം ചെയ്തത്. രഹസ്യകേന്ദ്രത്തില്‍ നടന്ന ചോദ്യം ചെയ്യല്‍ മൂന്നര മണിക്കൂര്‍ നീണ്ടതായാണ് വിവരം.
ദിലീപ് നല്‍കിയ മൊഴിയിലെ വൈരുദ്ധ്യം പരിശോധിക്കുന്നതിനാണ് പൊലീസ് കാവ്യയെ ചോദ്യം ചെയ്തത്. ഗൂഢാലോചനയെക്കുറിച്ച് കാവ്യക്ക് അറിവുണ്ടായിരുന്നോ എന്നാണ് അന്വേഷണസംഘം പ്രധാനമായും അന്വേഷിച്ചത്. ഒരു മാഡം നല്‍കിയ ക്വട്ടേഷനാണെന്ന് കേസിലെ പ്രധാന പ്രതി പള്‍സര്‍ സുനി നേരത്തെ പൊലീസിനോട് വെളിപ്പെടുത്തിയിരുന്നു. എന്നാല്‍ ഇത് കെട്ടുക്കഥയാണെന്നാണ് പൊലീസ് നിഗമനം.

‘മാഡം’ കെട്ടുകഥയെന്ന് പൊലീസ്

chandrika — Thu, 13 Jul 2017 11:31:35 +0000

ആലുവ: കൊച്ചിയില്‍ യുവ നടി ആക്രമിക്കപ്പെട്ട കേസില്‍ ദിലീപിന് മാത്രമല്ല ഒരു മാഡത്തിനും ബന്ധമുണ്ടെന്നത് നിഷേധിച്ച് പൊലീസ്. മാഡം കെട്ടുകഥയാണെന്നും അന്വേഷണം വഴിതെറ്റിക്കാനുള്ള സുനിയുടെ ശ്രമമായിരുന്നു മാഡമെന്നും പൊലീസ് പറഞ്ഞതായി ഏഷ്യാനെറ്റ് ന്യൂസ് റിപ്പോര്‍ട്ട് ചെയ്തു.

ത്രില്ലര്‍ സിനിമകളിലെ പോലെ വാര്‍ത്തകളില്‍ സസ്‌പെന്‍സ് ആയി നിലനിന്ന വില്ലന്‍ ഒരു കഥാപാത്രമായിരുന്നു മാഡം.
നടിയെ ആക്രമിക്കാന്‍ ക്വട്ടേഷന്‍ കൊടുത്തത് ഒരു മാഡം ആണെന്നായിരുന്നു പ്രചാരണം. ദിലീപിന്റെ ഭാര്യയും നടിയുമായ കാവ്യാ മാധവനോ, അമ്മ ശ്യാമളയോ ആണ് ആ മാഡം എന്നുവരെ സോഷ്യല്‍ മീഡിയ വഴി പ്രതികരണങ്ങള്‍ വന്നിരുന്നു. ഇതിനിടെയാണ് മാഡത്തെ പൂര്‍ണമായും തള്ളി പൊലീസ് എത്തിയിരിക്കുന്നത്.

മാഡം എന്നത് പള്‍സര്‍ സുനിയുടെ ഭാവനാസൃഷ്ടി മാത്രമാണ് എന്നാണ് പൊലീസ് പറയുന്നു. അന്വേഷണം വഴിതെറ്റിക്കാനാണ് സുനി ഇത്തരമൊരു കെട്ടുകഥ ഉണ്ടാക്കിയത്. സുഹൃത്തുക്കളില്‍ അടക്കം ഈ മാഡത്തെക്കുറിച്ച് സുനി തെറ്റിദ്ധാരണ ഉണ്ടാക്കിയതായും സംശയിക്കുന്നതായി പൊലീസ് പറഞ്ഞു.

കാവ്യയെയും അമ്മയെയും ചോദ്യം ചെയ്യും

chandrika — Thu, 13 Jul 2017 04:47:05 +0000

കൊച്ചി: യുവനടിയെ കാറില്‍ ആക്രമിച്ച സംഭവത്തില്‍ നടി കാവ്യമാധവനെയും അമ്മ ശ്യാമളയെയും ചോദ്യം ചെയ്യും. സംഭവത്തിലെ ഗൂഢാലോചന സംബന്ധിച്ച് ഇരുവര്‍ക്കും അറിവുണ്ടായിരുന്നോ എന്നതു സംബന്ധിച്ച് കണ്ടെത്താനാണ് ചോദ്യം ചെയ്യല്‍. നടിയുടെ ദൃശ്യങ്ങളടങ്ങിയ മെമ്മറി കാര്‍ഡ് കാവ്യയുടെ വ്യാപാരസ്ഥാപനമായ ലക്ഷ്യയില്‍ ഏല്‍പിച്ചതായി കേസിലെ മുഖ്യപ്രതി പള്‍സര്‍ സുനി മൊഴി നല്‍കിയിരുന്നു. ഇതിന്റെ അടിസ്ഥാനത്തില്‍ പൊലീസ് ഇവിടെ പരിശോധന നടത്തിയെങ്കിലും മെമ്മറി കാര്‍ഡ് കണ്ടെത്താനായിട്ടില്ല. കടയിലെ സിസിടിവി ദൃശ്യങ്ങള്‍ നഷ്ടപ്പെട്ടതിലും പൊലീസ് വിശദീകരണം തേടും. ‘മാഡം’ നല്‍കിയ ക്വട്ടേഷന്റെ അടിസ്ഥാനത്തിലാണ് നടിയെ ആക്രമിച്ചതെന്നാണ് മുഖ്യപ്രതി പള്‍സര്‍ സുനി മൊഴി നല്‍കിയിരുന്നത്. ഇത് കാവ്യയോ അമ്മയോ ആണോയെന്നാണ് പൊലീസ് പരിശോധിക്കുന്നത്.

ദിലീപും കുടുംബവും അമേരിക്കയില്‍ അവധി ആഘോഷിക്കുന്നതിന്റെ വീഡിയോ വൈറല്‍

chandrika — Thu, 11 May 2017 04:36:59 +0000

നടന്‍ ദിലീപും കുടുംബവും അമേരിക്കയില്‍ അവധി ആഘോഷിക്കുന്നതിന്റെ വീഡിയോ വൈറല്‍. സംവിധായകനും ദിലീപിന്റെ സുഹൃത്തുമായി നാദിര്‍ഷയാണ് അവധി ആഘോഷത്തിന്റെ വീഡിയോ ഷെയര്‍ ചെയ്തത്. ഷോ ചെയ്യുന്നതിനാണ് ദിലീപും സംഘവും അമേരിക്കയിലെത്തിയത്.

റിമിടോമിയും ധര്‍മ്മജനുമുള്‍പ്പെടുന്ന സംഘത്തില്‍ നടി നമിത പ്രമോദും രമേഷ് പിഷാരടി തുടങ്ങിയവര്‍ ഒന്നിക്കുന്നുണ്ട്. ഷോയ്ക്കിടയിലുള്ള സമയം ആസ്വദിക്കുന്നതാണ് വീഡിയോ. ദിലീപുമായുള്ള വിവാഹത്തിന് ശേഷം നടി കാവ്യമാധവന്‍ ആദ്യമായി അവതരിപ്പിച്ച നൃത്തപരിപാടിയും അമേരിക്കന്‍ ഷോയിലുണ്ടായിരുന്നു.

watch video: