KEAM 2025 – Chandrika Daily

കീം പരീക്ഷാഫലം; വിദ്യാര്‍ഥികളുടെ ഹരജിയില്‍ അന്തിമ തീരുമാനം ഇന്ന്

webdesk18 — Wed, 16 Jul 2025 01:18:20 +0000

കീം പ്രവേശന പരീക്ഷാഫലവുമായി ബന്ധപ്പെട്ട ഹരജികള്‍ സുപ്രിംകോടതി ഇന്ന് വീണ്ടും പരിഗണിക്കും. വിഷയത്തില്‍ കഴിഞ്ഞ ദിവസം സര്‍ക്കാര്‍ ഹരജി നല്‍കുന്നുണ്ടോയെന്ന് കോടതി ചോദിച്ചിരുന്നു. ഹരജി നല്‍കിയാല്‍ അതനുസരിച്ച് തീരുമാനമെടുക്കാമെന്നും വ്യക്തമാക്കിയിരുന്നു. അതേസമയം, ഹരജിയില്‍ കോടതി ഇന്ന് അന്തിമ തീരുമാനമെടുക്കും. പി.എസ്.നരസിംഹ, എ.എസ്.ചന്ദൂര്‍ക്കര്‍ എന്നിവരുടെ ബെഞ്ച് ആണ് കേസ് പരിഗണിക്കുന്നത്.

കീം പ്രവേശനത്തിനുള്ള റാങ്ക് പട്ടിക റദ്ദാക്കിയ ഹൈക്കോടതി വിധിക്കെതിരായാണ് വിദ്യാര്‍ഥികള്‍ സുപ്രീംകോടതിയില്‍ ഹര്‍ജി നല്‍കിയത്. കേരള സിലബസ് വിദ്യാര്‍ഥികള്‍ നല്‍കിയ ഹരജിയും സിബിഎസ്ഇ വിദ്യാര്‍ഥികള്‍ നല്‍കിയ തടസ ഹര്‍ജിയുമാണ് പരിഗണിക്കുക.

സംസ്ഥാനത്തെ കീം പരീക്ഷാ ഫലം പ്രഖ്യാപിച്ചു

webdesk18 — Tue, 01 Jul 2025 13:04:10 +0000

സംസ്ഥാനത്തെ കീം പരീക്ഷാ ഫലം പ്രഖ്യാപിച്ചു. എഞ്ചിനീയറിങ്, ഫാര്‍മസി പ്രവേശന പരീക്ഷയുടെ ഫലമാണ് പ്രഖ്യാപിച്ചത്. ഫാര്‍മസി വിഭാഗത്തില്‍ ആലപ്പുഴ സ്വദേശ അനഘ അനില്‍ ഒന്നാം റാങ്ക് നേടി. കോട്ടയം സ്വദേശി ഋഷികേശ് രണ്ടാം റാങ്കും കരസ്ഥമാക്കി. ഫാര്‍മസി വിഭാഗത്തില്‍ 33,425 പേരാണ് പരീക്ഷ എഴുതിയത്. ഇതില്‍ 27,841 പേര്‍ റാങ്ക് ലിസ്റ്റില്‍ ഉള്‍പ്പെട്ടിട്ടുണ്ട്.

എഞ്ചിനീയറിംങ് വിഭാഗത്തില്‍ മൂവാറ്റുപുഴ സ്വദേശിയായ ജോണ്‍ ഷിനോജ് ഒന്നാം റാങ്ക് നേടി. ഹരികൃഷ്ണന്‍ ബൈജു രണ്ടാം റാങ്കും അക്ഷയ് ബിജു ബി.എന്‍ മൂന്നാം റാങ്കും നേടി. എഞ്ചിനീയറിംങ് വിഭാഗത്തില്‍ 86,549 പേര്‍ പരീക്ഷ എഴുതിയതില്‍ 76,230 പേര്‍ യോഗ്യത നേടിയിട്ടുണ്ട്. 67505 പേരാണ് റാങ്ക് ലിസ്റ്റില്‍ ഉള്‍പ്പെട്ടിട്ടുള്ളത്. എഞ്ചിനീയറിംങ് ആദ്യ പത്ത് റാങ്കുകാരില്‍ ഒരു പെണ്‍കുട്ടി മാത്രമാണ് ഇടം നേടിയിട്ടുള്ളത്.

കീം 2025 പരീക്ഷയുടെ രജിസ്‌ട്രേഷന്‍ ആരംഭിച്ചു

webdesk13 — Sat, 22 Feb 2025 03:27:43 +0000

കേരള എഞ്ചിനീയറിംഗ്, ആര്‍ക്കിടെക്ചര്‍, മെഡിക്കല്‍ പ്രവേശന പരീക്ഷയായ KEAM 2025 പരീക്ഷയുടെ ഔദ്യോഗിക വിജ്ഞാപനം കേരള പ്രവേശന പരീക്ഷാ കമ്മീഷണര്‍ പുറത്തിറക്കി. ഫെബ്രുവരി 20 മുതല്‍ പരീക്ഷയ്ക്കുള്ള രജിസ്‌ട്രേഷന്‍ തുടങ്ങി. ഇതു സംബന്ധിച്ച എല്ലാ വിശദാംശങ്ങളും cee.kerala.gov.in എന്ന വെബ്സൈറ്റില്‍ ലഭ്യമാണ്. KEAM പരീക്ഷയ്ക്ക് അപേക്ഷിക്കാനുള്ള അവസാന തീയതി 2025 മാര്‍ച്ച് 10 ആണ്.

2025 ഏപ്രില്‍ 22 മുതല്‍ ഏപ്രില്‍ 30 വരെ നടക്കാനിരിക്കുന്ന KEAM പരീക്ഷയുടെ തീയതികളും ഔദ്യോഗിക വെബ്സൈറ്റില്‍ പ്രസിദ്ധീകരിച്ചിട്ടുണ്ട്. KEAM യോഗ്യതാ മാനദണ്ഡങ്ങള്‍ പാലിക്കുന്ന ഉദ്യോഗാര്‍ത്ഥികള്‍ക്ക് പരീക്ഷയ്ക്ക് അപേക്ഷിക്കാം.

വിവിധ കോഴ്സുകള്‍ക്കായുള്ള KEAM യോഗ്യതാ മാനദണ്ഡങ്ങള്‍ ഉള്‍ക്കൊള്ളുന്ന KEAM 2025 പ്രോസ്പെക്ടസ് ഉദ്യോഗസ്ഥര്‍ പുറത്തിറക്കി. കൂടുതല്‍ റഫറന്‍സിനായി ഈ ഡോക്യുമെന്റ് ഔദ്യോഗിക വെബ്സൈറ്റില്‍ നിന്ന് ഡൗണ്‍ലോഡ് ചെയ്യാവുന്നതാണ്.