kearala blasters – Chandrika Daily https://www.chandrikadaily.com Fri, 24 Oct 2025 11:49:00 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg kearala blasters – Chandrika Daily https://www.chandrikadaily.com 32 32 എഐഎഫ്എഫ് സൂപ്പര്‍ കപ്പിന് നാളെ തുടക്കം; കേരളത്തിന്റെ പ്രതീക്ഷയുമായി ബ്ലാസ്റ്റേഴ്‌സും ഗോകുലവും https://www.chandrikadaily.com/aiff-super-cup-starts-tomorrow-blasters-and-gokulam-with-the-hope-of-kerala.html https://www.chandrikadaily.com/aiff-super-cup-starts-tomorrow-blasters-and-gokulam-with-the-hope-of-kerala.html#respond Fri, 24 Oct 2025 11:49:00 +0000 https://www.chandrikadaily.com/?p=360022 ഗോവ: ഇന്ത്യന്‍ ഫുട്‌ബോളിന്റെ പുതിയ സീസണിന് നാളെ തുടക്കം. ഗോവയില്‍ എഐഎഫ്എഫ് സൂപ്പര്‍ കപ്പ് നാളെ ആരംഭിക്കും. കേരളത്തിന്റെ പ്രതീക്ഷകളുമായി കേരള ബ്ലാസ്റ്റേഴ്‌സ് എഫ്‌സിയും ഗോകുലം കേരള എഫ്‌സിയും ടൂര്‍ണമെന്റില്‍ പങ്കെടുക്കുന്നു.

മഞ്ഞപ്പടയായ കേരള ബ്ലാസ്റ്റേഴ്‌സിന്റെ ആദ്യ മത്സരം ഒക്ടോബര്‍ 30-ന് നടക്കും. ഗോകുലം കേരള എഫ്‌സിയുടെ മത്സരം ഒക്ടോബര്‍ 27-നാണ്.

സൂപ്പര്‍ കപ്പില്‍ രാജ്യത്തെ 16 പ്രമുഖ ക്ലബ്ബുകളാണ് മാറ്റുരയ്ക്കുന്നത്. നാല് ടീമുകള്‍ വീതമുള്ള നാല് ഗ്രൂപ്പുകളിലായാണ് മത്സരം നടക്കുക. ഗ്രൂപ്പ്-സ്റ്റേജ് ഫോര്‍മാറ്റിലാണ് ടൂര്‍ണമെന്റ് സംഘടിപ്പിച്ചിരിക്കുന്നത്.

പുതിയ താരങ്ങളുമായാണ് ഈ സീസണില്‍ കേരള ബ്ലാസ്റ്റേഴ്‌സ് രംഗത്തേക്ക് എത്തുന്നത്. സൂപ്പര്‍ കപ്പില്‍ മികച്ച പ്രകടനമാണ് ലക്ഷ്യമെന്ന് ടീമിന്റെ മുഖ്യ പരിശീലകനായ സ്പാനിഷ് കോച്ച് ഡേവിഡ് കാറ്റാല അറിയിച്ചു. ജുവാന്‍ റോഡ്രിഗസ്, ടിയാഗോ ആല്‍വസ്, കോള്‍ഡോ ഒബിയേറ്റ, അമേ റണാവാഡെ, അര്‍ഷ് ഷെയ്ഖ് എന്നിവര്‍ അടങ്ങുന്ന വിദേശ താരനിരയാണ് ബ്ലാസ്റ്റേഴ്‌സിന്റെ പ്രധാന ആകര്‍ഷണം.

 

]]> https://www.chandrikadaily.com/aiff-super-cup-starts-tomorrow-blasters-and-gokulam-with-the-hope-of-kerala.html/feed 0 ഹാളിചരണ്‍ നര്‍സാരിയും കേരള ബ്ലാസ്റ്റേഴ്സില്‍ https://www.chandrikadaily.com/isl-2017-18-kerala-blasters-halicharan-narzary.html https://www.chandrikadaily.com/isl-2017-18-kerala-blasters-halicharan-narzary.html#respond Tue, 12 Jun 2018 12:49:04 +0000 http://www.chandrikadaily.com/?p=89683 കൊച്ചി: സന്ദേശ് ജിംഗാന്‍, അനസ് എടത്തൊടിക തുടങ്ങിയവര്‍ക്കൊപ്പം മറ്റൊരു ഇന്ത്യന്‍ താരം കൂടി ഐ.എസ്.എല്‍ അഞ്ചാം സീസണില്‍ കേരള ബ്ലാസ്റ്റേഴ്സിന് വേണ്ടി ബൂട്ടണിയും. കോണ്ടിനെന്റല്‍ കപ്പില്‍ ഇന്ത്യക്ക് വേണ്ടി മികച്ച പ്രകടനം നടത്തിയ അസം താരം ഹാളിചരണ്‍ നര്‍സാരിയെയാണ് ബ്ലാസ്റ്റേഴ്സ് ടീമിലെത്തിച്ചത്. കഴിഞ്ഞ മൂന്ന് സീസണിലും നോര്‍ത്ത് ഈസ്റ്റ് യുണൈറ്റഡിന്റെ ജഴ്സിയിലായിരുന്നു താരം. അറ്റാക്കിങ് മിഡ് ഫീല്‍ഡറാണ്. അണ്ടര്‍-19, അണ്ടര്‍-21 അന്താരാഷ്ട്ര ടൂര്‍ണമെന്റുകളില്‍ ഇന്ത്യയെ പ്രതിനീധികരിച്ചിട്ടുണ്ട്. എഫ്.സി ഗോവ, ഡംപോ, പെയ്ലിയന്‍ ആരോസ്, ഡി.എസ്.കെ ശിവാജിയന്‍സ് തുടങ്ങിയ ക്ലബ്ബുകള്‍ക്ക് വേണ്ടിയും കളിച്ചു.

]]> https://www.chandrikadaily.com/isl-2017-18-kerala-blasters-halicharan-narzary.html/feed 0 ജാംഷഡ്പ്പൂരിന് സമനില; ബ്ലാസ്‌റ്റേഴ്‌സിന് പ്രതീക്ഷ https://www.chandrikadaily.com/isl-jamshadpur-draw-chance-to-blasters.html https://www.chandrikadaily.com/isl-jamshadpur-draw-chance-to-blasters.html#respond Sun, 18 Feb 2018 18:56:47 +0000 http://www.chandrikadaily.com/?p=70675 മുംബൈ: കേരളാ ബ്ലാസ്‌റ്റേഴ്‌സിന്റെ മുന്‍താരം മുഹമ്മദ് റാഫിയുടെ തല ജാംഷഡ്പ്പൂരിന് വില്ലനായപ്പോള്‍ കേരളാ ക്യാമ്പില്‍ പ്രതീക്ഷകള്‍ സജീവം. സ്വന്തം മൈതാനിയില്‍ നടന്ന മത്സരത്തില്‍ ചെന്നൈയിന്‍ എഫ്.സി ജാംഷെഡ്പൂരിനെ സമനിലയില്‍ തളച്ചപ്പോള്‍ ആ നേട്ടം കേരളത്തിനാണ്. ജാംഷഡ്പ്പൂര്‍ അവരുടെ ശേഷിക്കുന്ന എല്ലാ മല്‍സരങ്ങളും ജയിച്ചാല്‍ കേരളത്തിന്റെ വാതിലുകള്‍ അടയുമെന്നിരിക്കെ ഈ സമനില ബ്ലാസ്‌റ്റേഴ്‌സ് ക്യാമ്പിന് ആശ്വാസമാണ്.

ഇരു ടീമുകളും ഇരു പകുതികളിലായി ഓരോ ഗോളടിച്ച് ഓരോ പോയിന്റ് പങ്കിടുകയായിരുന്നു. 32ാം മിനുട്ടില്‍ വില്ലിങ്ടണ്‍ പ്രിയോറിലൂടെ ജാംഷെഡ്പൂരാണ് മുന്നിലെത്തിയത്. കളിയവസാനിക്കാന്‍ രണ്ട് മിനുട്ട് ബാക്കി നില്‍ക്കെ മലയാളിയായ മുഹമ്മദ് റാഫിയിലൂടെ ചെന്നൈ ഗോള്‍ മടക്കി. പ്ലേ ഓഫിലേക്ക് കടക്കാന്‍ വിജയത്തില്‍ കുറഞ്ഞൊന്നും ചിന്തിക്കാന്‍ കഴിയാത്ത ജാംഷെഡ്പൂര്‍ തണുത്ത മട്ടിലാണ് തുടങ്ങിയത്. എന്നാല്‍ പിന്നീട് ചെന്നൈയുടെ പ്രതിരോധവും അവരും തമ്മിലുള്ള മത്സരമാണ് കണ്ടത്. സ്വന്തം മണ്ണില്‍ ഏറെ ആരാധകരുടെ പിന്തുണയുണ്ടായിട്ടും ചെന്നൈ ടീമിന് ഉത്സാഹം കുറവായിരുന്നു.

32ാം മിനുട്ടിലാണ് ജാംഷെഡ്പൂരിന്റെ മിന്നുന്ന ഗോള്‍ പിറന്നത്. ഫ്രീ കിക്കില്‍ നിന്നും ചെന്നൈ ബോക്‌സിലെത്തിയ പന്ത് ക്ലിയര്‍ ചെയ്യുന്നതില്‍ വരുത്തിയ പിഴവാണ്് ഗോള്‍ വഴങ്ങേണ്ടി വന്നത്. ബോക്‌സിന് പുറത്ത് വന്ന പന്ത് പിടിച്ചെടുത്ത ജാംഷെഡ്പൂരിന്റെ ബ്രസീലിയന്‍ താരം വില്ലിങ്ടണ്‍ പ്രിയോറിന്റെ വോളി ചെന്നൈയുടെ വല കുലുക്കി. ചെന്നൈ ഗോളി കരണ്‍ജിത് സിങ്ങിന് നോക്കി നില്‍ക്കാനേ കഴിഞ്ഞുള്ളൂ. കളിയുടെ അവസാനം വരെ ഈ ഗോളിന്റെ ബലത്തില്‍ വിജയമുറപ്പിക്കാമെന്ന കോച്ച് കോപ്പലിന്റെ സ്വപ്‌നമാണ് മുഹമ്മദ് റാഫി തകര്‍ത്തത്.

78ാം മിനുട്ടില്‍ ഫ്രാന്‍സിസ്‌കോ ഫെര്‍ണാണ്ടസിന് പകരക്കാരനായിറങ്ങിയ റാഫി തന്റെ തല അപകടമാണെന്ന് ഒരിക്കല്‍ കൂടി തെളിയിച്ചു. റെനെ മിഹലിക് എടുത്ത കോര്‍ണറാണ് റാഫിയുടെ തല ഗോളിലേക്ക് വഴികാട്ടിയത്. ഗോളി സുബ്രതാ പോള്‍ സ്ഥാനത്ത് നിന്ന് മാറിയ തക്കം നോക്കി പ്രതിരോധത്തിലെ രാജു യുമ്‌നാന്റെ മുകളിലൂടെ റാഫി പന്തിനെ വലയിലാക്കി. 25ാം മിനുട്ടില്‍ തന്നെ ജാംഷെഡ്പൂര്‍ നല്ലൊരവസരം കളഞ്ഞിരുന്നു. ജെറി മെഹ്മിതങ്ങാ നല്‍കിയ ക്രോസില്‍ ഫാറൂഖ് ചൗധരി തല വെച്ചത് നേരെ പുറത്തേക്കാണ് പോയത്. ചെന്നൈയിന്‍ എഫ്.സി. ചില ലോങ് റേഞ്ച് പരീക്ഷണങ്ങള്‍ നടത്തിയെങ്കിലും ഒന്നും ഫലം കണ്ടുമില്ല. ഒരു ഗോള്‍ കൂടി അടിച്ച് വിജയം സ്വന്തമാക്കാന്‍ അവസാന മിനുട്ടുകളില്‍ നല്ലപോലെ പൊരുതിയെങ്കിലും രണ്ട് ടീമുകള്‍ക്കും അതിന് കഴിഞ്ഞില്ല. 16 മത്സരങ്ങളില്‍ നിന്ന് 28 പോയിന്റുള്ള ചെന്നൈയിന്‍ എഫ്.സി. ഇപ്പോള്‍ പട്ടികയില്‍ മൂന്നാം സ്ഥാനത്താണ്. അത്രയും മത്സരങ്ങളില്‍ നിന്ന് 26 പോയിന്റുമായി തൊട്ടു താഴെയാണ് ജാംഷെഡ്പൂരിന്റെ സ്ഥാനം.

]]> https://www.chandrikadaily.com/isl-jamshadpur-draw-chance-to-blasters.html/feed 0 വിനീതിലൂടെ വിജയ ഗോള്‍; പുണെയ്‌ക്കെതിരെ ബ്ലാസ്‌റ്റേഴ്‌സിന് വിജയം https://www.chandrikadaily.com/kerala-blasters-vs-fc-pune-city-isl.html https://www.chandrikadaily.com/kerala-blasters-vs-fc-pune-city-isl.html#respond Fri, 02 Feb 2018 16:38:47 +0000 http://www.chandrikadaily.com/?p=67986 പുണെ: സെമി സാധ്യത നിലനിര്‍ത്താന്‍ വിജയം അനിവാര്യമായ മത്സരത്തില്‍ പുണെയ്‌ക്കെതിരെ ബ്ലാസ്‌റ്റേഴ്‌സിന് വിജയം. സി.കെ വിനീതാണ് കേരളത്തിന് വേണ്ടി വിജയ ഗോള്‍ നേടിയത്. ആവേശകരമായ മത്സരത്തില്‍ പുനെയുടെ തട്ടകത്തില്‍ ബ്ലാസ്റ്റേഴ്‌സിന്റെ ജയം ഒന്നിനെതിരെ രണ്ട് ഗോളുകള്‍ക്കായിരുന്നു. മത്സരത്തിന്റെ 59ാം മിനിറ്റില്‍ ജാക്കീചന്ദ് സിംങ്ങാണ് ബ്ലാസ്‌റ്റേഴ്‌സിനായി വല ചലിപ്പിച്ചത്.

 

78ാം മി്‌നിറ്റില്‍ ബ്ലാസ്‌റ്റേഴ്‌സ് ഗോളി സുബാസിഷ് റോയിയുടെ ഫൗളിന് റഫറി നല്‍കിയ പെനാല്‍റ്റിയിലാണ് പുണെയുടെ ഗോള്‍. കിക്കെടുത്ത എമിലിയാനോ അല്‍ഫാരോ പിഴവുകൂടാതെ പന്ത് ലക്ഷ്യത്തിലെത്തിക്കുകയായിരുന്നു

 

ആദ്യപകുതിയില്‍ പരിക്കേറ്റ് മടങ്ങിയ ഇയാന്‍ ഹ്യൂമിന് പകരക്കാരനായി ഇറങ്ങിയ ഗുഡ്യോണ്‍ ബാല്‍വിന്‍സണ്‍ നല്‍കിയ കൃത്യതയാര്‍ന്ന പാസിലാണ് ജാക്കീചന്ദ് പന്ത് വലയിലാക്കിയത്. ഗോള്‍ രഹിതമായ ആദ്യ പകുതിക്ക് ശേഷം കൂടുതല്‍ ഉണര്‍ന്നു കളിച്ചാണ് ബ്ലാസ്‌റ്റേഴ്‌സ് ലീഡ് സ്വന്തമാക്കിയത്.

ജയത്തോടെ 14 മത്സരങ്ങളില്‍ നിന്ന് 20 പോയന്റുമായി ബ്ലാസ്‌റ്റേഴ്‌സ് പോയന്റ് പട്ടികയില്‍ അഞ്ചാം സ്ഥാനത്തേക്ക് മുന്നേറി. ഇനിയുള്ള മത്സരങ്ങളിലും മികച്ച പ്രകടനം പുറത്തെടുത്താല്‍ ബ്ലാസ്‌റ്റേഴ്‌സിന് സെമി ഉറപ്പിക്കാം.

 

]]> https://www.chandrikadaily.com/kerala-blasters-vs-fc-pune-city-isl.html/feed 0 ഡല്‍ഹിയെ തോല്‍പ്പിച്ച് ബ്ലാസ്റ്റേഴ്‌സ്; താരമായി നേഗി https://www.chandrikadaily.com/kerala-blasters-vs-delhi-dynamos-match-result.html https://www.chandrikadaily.com/kerala-blasters-vs-delhi-dynamos-match-result.html#respond Sat, 27 Jan 2018 16:47:35 +0000 http://www.chandrikadaily.com/?p=67034 കൊച്ചി: ഐഎസ്എല്ലില്‍ ഡല്‍ഹി ഡൈനാമോസിനെ ഒന്നിനെതിരെ രണ്ട് ഗോളുകള്‍ക്ക് പരാജയപ്പെടുത്തി കേരള ബ്ലാസ്‌റ്റേഴ്‌സ്. ഇതോടെ കേരളം സീസണില്‍ അഞ്ചാം സ്ഥാനത്തെത്തി. ദല്‍ഹി ഒരു ഗോളിന് മുന്നിലായിരുന്നെങ്കിലും രണ്ടാം പകുതിയുടെ തുടക്കത്തില്‍ നേഗി കൊമ്പന്‍മാരുടെ സമനില ഗോള്‍ നേടുകയായിരുന്നു. കോര്‍ണര്‍ കിക്ക് പിടിച്ചെടുത്ത നേഗി ഡല്‍ഹിയുടെ വലയിലേക്ക് തട്ടിയിടുകയായിരുന്നു. ബെഞ്ചില്‍ നിന്നും രണ്ടാം പകുതിയില്‍ ഗ്രൗണ്ടിലെത്തിയ നേഗി ആദ്യ ടെച്ചില്‍ തന്നെ ഡല്‍ഹി വലയില്‍ പന്ത് എത്തിച്ച് സൂപ്പര്‍ സബായി. ഇതോടെ ജയം അനിവാര്യമായ മത്സരത്തില്‍ ബ്ലാസ്‌റ്റേഴ്്സിനെ കളിയില്‍ മടക്കിക്കൊണ്ടുവരാനും നേഗിക്കായി

75ആം മിനിറ്റില്‍ ഇയാം ഹ്യൂം നേടിയ പെനാല്‍റ്റി ഗോളാണ് കേരളത്തെ മുന്നിലെത്തിച്ചത്. നേഗിയെ ഫൗള്‍ ചെയ്തതിന് ലഭിച്ച പെനാല്‍റ്റിയാണ് ഹ്യൂം വലയിലെത്തിച്ചത്.

 

ആദ്യ ഗോളിന് വഴിയൊരുക്കിയ ദീപേന്ദ്ര നേഗി തന്നെ രണ്ടാം ഗോളിന്റെയും വിജയശില്‍പി. മികച്ചൊരു മുന്നേറ്റത്തിലൂടെ ഡല്‍ഹി ബോക്‌സിലേക്കു കയറിയ നേഗിയെ വീഴ്ത്തിയ പ്രതീക് ചൗധരിക്ക് മഞ്ഞക്കാര്‍ഡും ബ്ലാസ്റ്റേഴ്‌സിന് അനുകൂലമായി പെനാല്‍റ്റിയും ലഭിച്ചു.

ആദ്യ പകുതിയില്‍ കാലു ഉച്ചെയുടെ പെനാല്‍റ്റിയിലൂടെയാണ് ദല്‍ഹി ആദ്യ ഗോള്‍ നേടിയത്. മലയാളി താരം കെ. പ്രശാന്തിന്റെ പിഴവില്‍ ലഭിച്ച പെനല്‍റ്റിയിയാണ് കാലു ഗോളാക്കി മാറ്റിയത്.

13ാം മല്‍സരത്തില്‍ സീസണിലെ അഞ്ചാം വിജയം കുറിച്ച ബ്ലാസ്‌റ്റേഴ്‌സ് 17 പോയിന്റുമായി അഞ്ചാം സ്ഥാനത്തേക്ക് കയറി 12 മല്‍സരങ്ങളില്‍നിന്ന് ഒന്‍പതാം തോല്‍വി വഴങ്ങിയ ഡല്‍ഹി ഡെയര്‍ഡെവിള്‍സ് ഏഴു പോയിന്റുമായി അവസാന സ്ഥാനത്തു തുടരുന്നു.

 

]]> https://www.chandrikadaily.com/kerala-blasters-vs-delhi-dynamos-match-result.html/feed 0 ഗോവയ്‌ക്കെതിരെ ബ്ലാസ്‌റ്റേഴ്‌സിന് തോല്‍വി; പ്ലേ ഓഫ് സാധ്യത മങ്ങുന്നു https://www.chandrikadaily.com/kerala-blasters-vs-fc-goa.html https://www.chandrikadaily.com/kerala-blasters-vs-fc-goa.html#respond Sun, 21 Jan 2018 16:53:46 +0000 http://www.chandrikadaily.com/?p=66184 കൊച്ചി: സ്വന്തം തട്ടകത്തില്‍ ഗോവ എഫ്‌സിയ്‌ക്കെതിരെ കേരള ബ്‌ളാസ്‌റ്റേഴ്‌സിനു തോല്‍വി. ഒന്നിനെതിരെ രണ്ടു ഗോളുകള്‍ക്കാണ് കേരളം തോല്‍വി വഴങ്ങിയത്. 77ാം മിനിറ്റില്‍ ലഭിച്ച കോര്‍ണര്‍ കിക്കില്‍ എഡു ബേഡിയയുടെ എണ്ണം പറഞ്ഞ ഹെഡ്ഡറിലൂടെയായിരുന്നു ഗോവയുടെ വിജയഗോള്‍. മത്സരത്തിന്റെ തുടക്കത്തില്‍ തന്നെ ഗോവയാണ് ആദ്യം ലീഡ് നേടിയത്. ഇടത് വിങര്‍ മന്ദര്‍ ദേശായി കൊടുത്ത പാസില്‍ നിന്നായിരുന്നു കൊറാമിനസിന്റെ മനോഹര ഗോള്‍.

29ാം മിനിറ്റിലായിരുന്നു മഞ്ഞപ്പടയുടെ ഗോള്‍ പിറ്ന്നത്. കട്ടിമണിയുടെ ഷോട്ട് വെസ് ബ്രൗണ്‍ ഹെഡ് ചെയ്തു. പന്തു ലഭിച്ച സിയാം ഹംഗല്‍ ഹെഡ്ഡറിലൂടെ തന്നെ വിനീതിന് വഴിയൊരുക്കി. പന്തുമായി ഗോവന്‍ പ്രതിരോധത്തിന് സാധ്യതകള്‍ നല്‍കാതെ മുന്നേറിയ സി.കെ. വിനീത് ലക്ഷ്മികാന്ത് കട്ടിമണിയെ മറികടന്ന് പന്ത് പോസ്റ്റിലേക്ക് അടിച്ചിടുകയായിരുന്നു.

രണ്ടാംപകുതിയില്‍ ഇരു ടീമുകളും ആക്രമണത്തിനു മൂര്‍ച്ച കൂട്ടി. കോറോയുടെ ഒരു ഫ്രീകിക്ക് ഗോള്‍പോസ്റ്റിനരികിലൂടെ മൂളിപ്പറന്നു. സി.കെ. വിനീതും ഹ്യൂമും കൂടുതല്‍ ഒത്തിണക്കം കാട്ടിയെങ്കിലും ഗോവന്‍ ഗോളി കട്ടിമണി പലപ്പോഴും രക്ഷകനായി. എപ്പോള്‍ വേണമെങ്കിലും ഏതു ടീം വേണമെങ്കിലും ഗോള്‍ നേടാം എന്ന സ്ഥിതിയായിരുന്നു. 73ാം മിനിറ്റില്‍ ഗോവയുടെ അപകടകരമായൊരു നീക്കം ഗോളി ഏറെ കഷ്ടപ്പെട്ട് രക്ഷിച്ചു. എന്നാല്‍ ആശ്വാസം ഏറെ നീണ്ടു നിന്നില്ല. 77ാം മിനിറ്റില്‍ ലഭിച്ച കോര്‍ണര്‍ കിക്കില്‍ എഡു ബേഡിയയുടെ എണ്ണം പറഞ്ഞ ഹെഡ്ഡര്‍ ഗോവയെ മുന്നിലെത്തിക്കുകയായിരുന്നു.

]]> https://www.chandrikadaily.com/kerala-blasters-vs-fc-goa.html/feed 0 ഹ്യൂം സവാരി; ബ്ലാസ്റ്റേഴ്‌സിന് തുടര്‍ച്ചയായ രണ്ടാം ജയം https://www.chandrikadaily.com/iain-humes-strike-powers-kerala-blasters-to-1-0-win-over-mumbai-city-fc.html https://www.chandrikadaily.com/iain-humes-strike-powers-kerala-blasters-to-1-0-win-over-mumbai-city-fc.html#respond Sun, 14 Jan 2018 18:20:56 +0000 http://www.chandrikadaily.com/?p=65009 മുംബൈ: ഇയാന്‍ ഹ്യും മുംബൈയിലും ബ്ലാസ്റ്റ് ചെയ്തു. ഇരുപത്തി നാലാം മിനുട്ടില്‍ സ്വന്തമാക്കിയ ഹ്യൂമേട്ടന്‍ ഗോളില്‍ മുംബൈ എഫ്.സിയെ അവരുടെ മൈതാനത്ത് മുക്കി കേരളാ ബ്ലാസ്‌റ്റേഴ്‌സ് തുടര്‍ച്ചയായ രണ്ടാം വിജയം സ്വന്തമാക്കി. ആവേശകരമായ പോരാട്ടത്തില്‍ ബ്ലാസ്‌റ്റേഴ്‌സിന് അനുകൂലമായി ലഭിച്ച ഫ്രി കിക്കാണ് ഹ്യൂം ഉപയോഗപ്പെടുത്തിയത്. പെനാല്‍ട്ടി ബോക്‌സിന് അരികില്‍ നിന്നും ലഭിച്ച കിക്ക് വളരെ പെട്ടെന്ന് ജിങ്കാന്‍ ഹ്യൂമിന് കൈമാറി. മുംബൈ താരങ്ങള്‍ ഓഫ് സൈഡ് കെണിയാണെന്ന് കരുതിയെങ്കിലും ഹ്യും ഗോള്‍ക്കീപ്പറെ പരാജിതനാക്കി. മുംബൈക്കാര്‍ പ്രതികരിച്ചെങ്കിലും റഫറി വഴങ്ങിയില്ല.
ഇതോടെ കേരള ബ്ലാസ്‌റ്റേഴ്‌സിനു 10 മത്സരങ്ങളില്‍ നിന്നും 14 പോയിന്റായി പോയിന്റ് പട്ടികയില്‍ ആറാം സ്ഥാനത്തക്കു മുന്നേറാനും കഴിഞ്ഞു. മുംബൈ സിറ്റി എഫ്.സിയാണ് അഞ്ചാം സ്ഥാനത്ത്. ബോള്‍ പൊസിഷനില്‍ 51 ശതമാനത്തോടെ മുംബൈയാണ് മുന്നില്‍. മുംബൈ ആറ് ഷോട്ടുകള്‍ ഓണ്‍ ടാര്‍ജറ്റില്‍ കുറിച്ചു. ബ്ലാസറ്റേഴ്‌സ് നാലും. മുംബൈയ്ക്ക് എട്ട് കോര്‍ണറുകള്‍ ലഭിച്ചപ്പോല്‍ ബ്ലാസറ്റേഴ്‌സിനു ആകെ രണ്ട് കോര്‍ണറുകളാണ് ലഭിച്ചത്. കഴിഞ്ഞ മത്സരത്തില്‍ കളിച്ച ടീമില്‍ നിന്നും രണ്ട് മാറ്റങ്ങള്‍ കേരള ബ്ലാസ്‌റ്റേഴ്‌സ് വരുത്തി. ദിമിതാര്‍ ബെര്‍ബറ്റോവിനു പകരം മാര്‍ക്ക് സിഫിനിയോസും സിയാന്‍ ഹങ്കലിനു പകരം മിലന്‍ സിംഗും എത്തി. മുംൈബ സിറ്റി എഫ്.സി ഒരു മാറ്റം വരുത്തി.പരുക്ക് കാരണം രാജു ഗെയ്ക്ക്‌വാദിനു പകരം ദാവീന്ദര്‍ സിംഗ് എത്തി.


മാര്‍ക്ക് സിഫിനിയോസിന്റെ മിന്നല്‍ ആക്രമണത്തോടെ ബ്ലാസ്‌റ്റേഴ്‌സ് മത്സരത്തിനു തുടക്കം കുറിച്ചു. 12 ാം മിനിറ്റില്‍സിഫിനിയോസ് ബോക്‌സിനകത്തു ഒരുക്കികൊടുത്ത അവസരം സ്വീകരിച്ച ജാക്കി ചാന്ദിന്റെ ദുര്‍ബലമായ ഷോട്ട് മുംബൈ ഗോളി കരങ്ങളിലൊതുക്കി. 16 ാം മിനിറ്റില്‍ ബല്‍വന്തിന്റെ ഡൈവിങ് ഹെഡ്ഡര്‍ ബ്ലാസ്‌റ്റേഴ്‌സിന്റെ ഗോള്‍ മുഖത്ത് അപകടം ഒരുക്കി. അടുത്ത മിനിറ്റില്‍ ജേഴ്‌സണ്‍ വിയേരയിലൂടെ വന്ന അപകടമൂഹൂര്‍ത്തം ക്രോസ് ബാറിനു മുകളിലൂടെയും അകന്നു. ബ്ലാസറ്റേഴ്‌സ് കാത്തു നിന്ന ഗോള്‍ 24 ാം മിനിറ്റില്‍ വന്നു. മാര്‍ക്ക് സിഫിനിയോസിനെതിരെ ജേഴ്‌സണ്‍ വിയേര നടത്തിയ ഫൗളിനെ തുടര്‍ന്നു കിട്ടിയ ഫൗള്‍ കിക്ക് അതിവേഗം കറേജ് പെക്കൂസണ്‍ എടുത്തു. ത്രൂ ബോളില്‍ പന്തുമായി ഇയാന്‍ ഹ്യം മുംബൈ ബോക്‌സിലേക്കു കുതിച്ചെത്തുമ്പോള്‍ കളിക്കാര്‍ അന്തം വി്ട്ടു നില്‍ക്കുയായിരുന്നു. മുംബൈ ഗോളിയും സ്ഥാനം തെറ്റി നില്‍ക്കവെ ബോക്‌സിനകത്തു കയറിയ ഇയാന്‍ഹ്യൂം അനായാസമായി ഗോള്‍ വലയത്തിലേക്കു നിറയൊഴിച്ചു (10). ഗോളിനെതിരെ മുംബൈ കളിക്കാര്‍ വാദിച്ചുനോക്കിയെങ്കിലും റഫറി പ്രഞ്ജല്‍ ബാനര്‍ജി തള്ളിക്കളഞ്ഞു. കഴിഞ്ഞ മത്സരത്തില്‍ ഹാട്രിക് ഗോള്‍ വേട്ട നടത്തിയ ഹ്യൂമിന്റെ നാലാമത്തെ ഗോളാണിത്.
ആദ്യ പകുതി അവസാനിക്കുന്നതിനു മുന്‍പ് തന്നെ മുംബൈ സമനില ഗോളിനു സമ്മര്ദ്ദം ശക്തമാക്കി. 40-ാം മിനിറ്റില്‍ തിയാഗോ സാന്റോസിന്റെ ശ്രമത്തിനു ബ്ലാസറ്റേഴ്‌സ് ഗോളി സുഭാഷിഷ് റോയ് ചൗധരി വിലങ്ങ് തടിയായി. ഇഞ്ചുറി ടൈമില്‍ ഗോള്‍ കിക്ക് എടുക്കാന്‍ വൈകിയതിനു സുഭാഷിഷിനു മഞ്ഞക്കാര്‍ഡും കിട്ടി. ആദ്യപകുതി അവസാനിക്കുമ്പോള്‍ ബ്ലാസ്‌റ്റേഴ്‌സ് 51 ശതമാനം മുന്‍തൂക്കം നേടിയിരുന്നു.എന്നാല്‍ മുംബൈയ്ക്ക് നാല് കോര്‍ണറുകള്‍ ലഭിച്ചപ്പോള്‍ ബ്ലാസ്‌റ്റേഴ്‌സിനു ലഭിച്ചത് ഒരു കോര്‍ണര്‍ മാത്രം .
രണ്ടാം പകുതിയില്‍ സിഫിനിയോസിനു പകരം സി.കെ. വിനീതും റിനോ ആന്റോയ്ക്കു പകരം പെസിച്ചും വന്നു. നാല് മത്സരങ്ങള്‍ക്കുശേഷമാണ് വിനീത് കളിക്കാനിറങ്ങിയത്. മുംബൈ ഗോള്‍ മടക്കാന്‍ തിരമാലപോലെ ആഞ്ഞടിക്കുകയായിരുന്നു . ബ്ലാസറ്റേഴ്‌സിന്റെ സംഘടിത ആക്രമണം വന്നില്ല. 63ാം മിനിറ്റില്‍ കറേജ് പെക്കൂസന്റെ സോളോ അറ്റോക്ക് അലക്ഷ്യമായി ഗോള്‍ പോസ്റ്റിനു മുകളിലൂടെ അകന്നു. മിറാജുദ്ദീന്‍ വാഡുവിന്റെ മാര്‍്ക്കിങ്ങില്‍ വിനീതിനു മുന്നേറാന്‍ ഒരു അവസരവും ലഭിച്ചില്ല. 77ാം മിനിറ്റില്‍ മുംബൈയുടെ വലത്തെ പാര്‍ശ്വത്തില്‍ ബോക്‌സിനടുത്ത് ബ്ലാസറ്റേഴ്‌സിനു ലഭിച്ച ഫ്രീ കിക്ക് എടുത്ത പെസിച്ചിന്റെ ഗ്രൗണ്ട് ഷോട്ട് സൈഡ് നെറ്റില്‍ പതിച്ചു.
79ാം മിനിറ്റില്‍ മുംബൈയുടെ പെനാല്‍ട്ടി ബോക്‌സിനു തൊട്ടു മുന്നില്‍ വിനീതിനെ ഫൗള്‍ ചെയ്തതിനു ലഭിച്ച ഫ്രീ കിക്ക് എടുത്ത ഇയാന്‍ ഹ്യൂമിന്റെ ഗ്രൗണ്ട് ഷോട്ട് മുംബൈയുടെ മനുഷ്യ മതില്‍ തുളച്ചുഅകത്തുകയറി. എന്നാല്‍ ചാടി വീണ മുംബൈ ഗോളി അമരീന്ദര്‍ നിലത്തുവീണു രക്ഷപ്പെടുത്തി.
ത്രില്‍ നിറഞ്ഞ മത്സരം ഇഞ്ചുറി ടൈമിലേക്കു നീങ്ങിയതോടെ പിരിമുറുക്കം കൂടി. ഇഞ്ചുറി ടൈമിന്റെ മൂന്നാം മിനിറ്റില്‍ സഞ്ജു പ്രധാന്റെ ക്രോസില്‍ റാഫ ജോര്‍ഡയുടെ ആദ്യ ശ്രമം ബ്ലാസറ്റേഴ്‌സിന്റെ പ്രതിരോധത്തില്‍ തട്ടി മടങ്ങി. എന്നാല്‍ തുടര്‍ന്നു ലിയോ കോസ്റ്റയുടെ ഷോട്ട് പോസ്റ്റില്‍ തട്ടിയകന്നു. ഇതോടെ കേരള ബ്ലാസറ്റഴേ്‌സ്ിനു ശ്വസം കിട്ടി. വൈകാതെ ബ്ലാസ്‌റ്റേഴ്‌സിന്റെ ഏക ഗോള്‍ വിജയം അറിയിച്ചുകൊണ്ട് അവസാന വിസിലും മുുഴങ്ങി.
കേരള ബ്ലാസറ്റേഴ്‌സ് ഇനി 17നു അടുത്ത എവേ മത്സരത്തില്‍ ജാംഷെഡ്പൂരിനെയും മുംബൈ സിറ്റി എഫ്.സി 18 നു ഹോം മത്സരത്തില്‍ ബെംഗഌരുവിനെയും നേരിടും.

]]> https://www.chandrikadaily.com/iain-humes-strike-powers-kerala-blasters-to-1-0-win-over-mumbai-city-fc.html/feed 0 ഒടുവില്‍ വിനീത വിജയം https://www.chandrikadaily.com/blasters-victory.html https://www.chandrikadaily.com/blasters-victory.html#respond Fri, 15 Dec 2017 18:43:21 +0000 http://www.chandrikadaily.com/?p=59692  

ഒടുവില്‍ ബ്ലാസ്‌റ്റേഴ്‌സ് ജയിച്ചു, ഹോം ഗ്രൗണ്ടില്‍ മലയാളി താരം സി.കെ വിനീത് നേടിയ ഒറ്റ ഗോളിന് നോര്‍ത്ത് ഈസ്റ്റ് യുണൈറ്റഡിനെ തോല്‍പ്പിച്ചാണ് സൂപ്പര്‍ ലീഗില്‍ കേരള ബ്ലാസ്റ്റേഴ്‌സ് ആദ്യ ജയം കുറിച്ചത്. 25ാം മിനുറ്റിലായിരുന്നു വിനിതീന്റെ ഹെഡ്ഡറില്‍ മഞ്ഞപ്പടയുടെ വിജയ ഗോള്‍.
ഗോള്‍കീപ്പര്‍ ടി.പി രഹനേഷ് ചുവപ്പുകാര്‍ഡ് കണ്ട് പുറത്തായതിനെ തുടര്‍ന്ന് രണ്ടാം പകുതി മുഴുവനും നോര്‍ത്ത് ഈസ്റ്റ് പത്തു പേരുമായി ചുരുങ്ങിയെങ്കിലും ഇത് മുതലെടുക്കാനും ലീഡുയര്‍ത്താനും ബ്ലാസ്റ്റേഴ്‌സിനായില്ല. മികച്ച കളി പുറത്തെടുക്കുന്നതില്‍ ഇരു ടീമുകളും പരാജയപ്പെട്ടു. ആദ്യ ജയത്തോടെ ആറു പോയിന്റുമായി ബ്ലാസ്‌റ്റേഴ്‌സ് പോയിന്റ് പട്ടികയില്‍ ഏഴാം സ്ഥാനത്തെത്തി. 22ന് ചെന്നൈയിന്‍ എഫ്.സിക്കെതിരെ എവേ ഗ്രൗണ്ടിലാണ് അടുത്ത മത്സരം. വലതു വിങിലായിരുന്നു ബ്ലാസ്റ്റേഴ്‌സിന്റെ കളി. റിനോ ആന്റോയും ജാക്കിചന്ദ് സിങും അധ്വാനിച്ചു കളിച്ചു.
ഐ.എസ്.എല്‍ ആദ്യ മത്സരത്തിനിറങ്ങിയ വെസ് ബ്രൗണ്‍ ഡിഫന്‍സീവ് മീഡ്ഫീല്‍ഡറുടെ റോളില്‍ തിളങ്ങി. ദിമിതര്‍ ബെര്‍ബറ്റോവിന്് പരിക്കേറ്റതാണ് ബ്രൗണിനെ നേരത്തെ കളത്തിലിറക്കാന്‍ കോച്ചിനെ പ്രേരിപ്പിച്ചത്. നോര്‍ത്ത് ഈസ്റ്റിന്റെ പല മുന്നേറ്റങ്ങള്‍ക്കും ബ്രൗണ്‍ തടയിട്ടു. മുന്‍നിരയിലേക്ക് പലവട്ടം പന്തെത്തിക്കുകയും ചെയ്തു. ഗോവക്കെതിരെ പതറിപ്പോയ പ്രതിരോധം നോര്‍ത്തിനെതിരെ കരുത്തോടെ തിരിച്ചുവന്നു. ആദ്യ പകുതിയുടെ തുടക്കത്തില്‍ ഇരു ബോക്‌സുകളിലേക്കും മാറിമാറി പന്തെത്തി. ആറാം മിനുറ്റില്‍ ബ്ലാസ്റ്റേഴ്‌സിന്റെ പ്രത്യാക്രമണം. മധ്യനിരയില്‍ നിന്ന് വലത് വിങിലേക്ക് വെസ് ബ്രൗണിന്റെ ലോങ് പാസ്, ജാക്കിചന്ദ് സിങിന്റെ ഗോള്‍ശ്രമം. പിന്നാലെ പെക്കൂസണിന്റെ ലോങ്പാസില്‍ ലീഡെടുക്കാനുള്ള അവസരം, സിഫ്‌നിയോസിന്റെ ഷോട്ട് വലക്ക് മുകളിലൂടെ പറന്നു. 25ാം മിനുറ്റില്‍ ബ്ലാസ്റ്റേഴ്‌സ് മുന്നിലെത്തി. സന്ദേശ് ജിങ്കാനാണ് ഗോള്‍ നീക്കം തുടങ്ങിയത്. സ്വന്തം ബോക്‌സില്‍ നിന്ന് നോര്‍ത്ത് ഈസ്റ്റിന്റെ ബോക്‌സിലേക്ക് ജിങ്കാന്‍ തൊടുത്ത ലോങ് ക്രോസുമായി വലതു വിങിലൂടെ റിനോ ആന്റോയുടെ മുന്നേറ്റം. വടക്കു കിഴക്കുകാരുടെ ഗോള്‍മുഖത്തേക്ക് നല്‍കിയ ക്രോസില്‍ കൃത്യമായി വിനീത് പറന്നെത്തി. തല കൊണ്ട് ചെത്തിയിട്ട പന്ത് വലയില്‍ തന്നെ വീണു. ഒറ്റ ഗോളില്‍ ആത്മവിശ്വാസം വീണ്ടെടുത്ത ബ്ലാസ്‌റ്റേഴ്‌സ് കൂടുതല്‍ ആക്രമണങ്ങള്‍ മെനഞ്ഞു. 42ാം മിനുറ്റില്‍ സിഫ്‌നിയോസിനെ ഗോളി ഫൗള്‍ ചെയ്തതിന് വലിയ വില നല്‍കേണ്ടി വന്നു നോര്‍ത്ത് ഈസ്റ്റ്.
സിഫ്‌നിയോസിനെ തടയാന്‍ മലയാളി ഗോള്‍കീപ്പര്‍ ടി.പി രഹനേഷ് മുന്നില്‍ കയറി. ബോക്‌സിന് പുറത്ത് നിന്ന് പന്ത് തട്ടാനുള്ള ശ്രമത്തിനിടെ കേരള സ്‌ട്രൈക്കര്‍ കാല്‍ തട്ടി വീണു, റഫറിക്ക് ഒരു നിമിഷം പോലും ആലോചിക്കേണ്ടി വന്നില്ല. ചുവപ്പുകാര്‍ഡ് കണ്ട്് രഹനേഷ് പുറത്തായി. ലക്ഷ്യബോധമില്ലാത്ത ഷോട്ടുകളായിരുന്നു പെക്കൂസണിന്റേത്. രണ്ടാം പകുതിയുടെ തുടക്കത്തില്‍ രണ്ടു അവസരങ്ങള്‍ താരം പാഴാക്കി. 57ാം മിനുറ്റില്‍ ലീഡെടുക്കുമെന്ന് തോന്നിച്ച ബ്ലാസ്‌റ്റേഴ്‌സിനെ ഭാഗ്യം തുണച്ചില്ല. ലാല്‍റുവത്താര ബോക്‌സിന്റെ ഇടതുഭാഗത്ത് നിന്ന് തൊടുത്ത ഷോട്ട് പോസ്റ്റില്‍ തട്ടി പുറത്തായി. 88ാം മിനുറ്റില്‍ കോര്‍ണര്‍ കിക്കില്‍ നിന്ന് ലഭിച്ച തുറന്ന അവസരം നോര്‍ത്ത് ഈസ്റ്റും പാഴാക്കി.

]]> https://www.chandrikadaily.com/blasters-victory.html/feed 0