എല്‍ഡിഎഫിന്റെ സിറ്റിങ് സീറ്റാണിത്. കഴിഞ്ഞ തവണ എല്‍ഡിഎഫ് അഞ്ഞൂറോളം വോട്ടിന് ജയിച്ച വാര്‍ഡ് കൂടിയാണിത്.

നല്ല ഭൂരിപക്ഷത്തില്‍ ജയിക്കുമെന്ന പ്രതീക്ഷയാണ് ഉള്ളത് എന്ന് സുരേഷ് കീഴാറ്റൂര്‍ പ്രതികരിച്ചു. കീഴാറ്റൂര്‍ സമരത്തിന്റെ പേരില്‍ അറസ്റ്റു ചെയ്യപ്പെട്ട പ്രവര്‍ത്തകയാണ് പി ലത. കീഴാറ്റൂരില്‍ പൊതുശ്മശാനം നിര്‍മിക്കുന്നതിന് വേണ്ടി നാമമാത്രമായ തുകയ്ക്ക് സ്ഥലം വിട്ടുനല്‍കിയ എം ടി കണ്ണന്റെയും പടിഞ്ഞാറേക്കര ദേവിയുടെയും മകളാണ്.

അണ്ണാമലൈ യൂനിവേഴ്‌സിറ്റി ബിഎ വിദ്യാര്‍ഥിയും ഫുട്‌ബോള്‍ താരവുമായ സഫ്ദര്‍ സുരേഷ്, തളിപ്പറമ്പ മൂത്തേടത്ത് ഹൈസ്‌ക്കൂള്‍ പ്ലസ്ടു വിദ്യാര്‍ഥി സാഗര്‍ സുരേഷ് എന്നിവര്‍ മക്കളാണ്. പരമ്പരാഗതമായി കോണ്‍ഗ്രസ് മല്‍സരിക്കുന്ന വാര്‍ഡില്‍ വയല്‍ക്കിളി സ്ഥാനാര്‍ഥിക്ക് യുഡിഎഫ് പിന്തുണ പ്രഖ്യാപിച്ചിട്ടുണ്ട്. ബിജെപിയും ഇവിടെ സ്ഥാനാര്‍ഥിയെ നിര്‍ത്തിയിട്ടില്ല.

2018 മാര്‍ച്ച് 14 നാണ് കീഴാറ്റൂരിലെ കര്‍ഷകര്‍, വയല്‍ക്കിളികള്‍ എന്ന പേരില്‍ പ്രത്യക്ഷസമരം ആരംഭിച്ചത്. കീഴാറ്റൂരിലെ വയല്‍ അളക്കുന്നതിനായി ദേശീയപാതാ അധികൃതര്‍ എത്തിയപ്പോള്‍ പ്രവര്‍ത്തകര്‍ ദേഹത്ത് മണ്ണെണ്ണയൊഴിച്ച് ആത്മഹത്യാ ഭീഷണി മുഴക്കിയായിരുന്നു സമരം ആരംഭിച്ചത്. ഇത് ദേശീയ ശ്രദ്ധ നേടുകയും സമൂഹത്തിന്റെ വിവിധ തുറകളില്‍ നിന്നുള്ളവര്‍ ഐക്യദാര്‍ഢ്യം പ്രഖ്യാപിച്ച് സമരത്തിനെത്തുകയുമായിരുന്നു.

കണ്ണൂര്‍: വയല്‍കിളികളുടെ രണ്ടാം ഘട്ട സമരത്തിന് ഐക്യദാര്‍ഢ്യമറിയിച്ച് പരിസ്ഥിതി പ്രവര്‍ത്തകരും പൊതുപ്രവര്‍ത്തകരും കീഴാറ്റൂരില്‍ എത്തിതുടങ്ങി. കേരളം ഉറ്റുനോക്കുന്നു പോരാട്ട വഴിയിലെ അടുത്ത മണിക്കൂറുകള്‍ എന്ത് സംഭവിക്കുമെന്ന് അറിയാന്‍.
‘കേരളം കീഴാറ്റൂരിലേക്ക്’ എന്ന പേരില്‍ നടക്കുന്ന ഐക്യദാര്‍ഢ്യ മാര്‍ച്ചില്‍ പങ്കെടുക്കാന്‍ സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള പരിസ്ഥിതി പ്രവര്‍ത്തകരും പൊതുപ്രവര്‍ത്തകരുമാണ് കീഴാറ്റൂരില്‍ എത്തുന്നത്. രണ്ട് മണിയോടെയാണ് തളിപ്പറമ്പില്‍ നിന്ന് വയല്‍കിളികളുടെ നേതൃത്വത്തില്‍ കീഴാറ്റൂരിലേക്ക് മാര്‍ച്ച് നടത്തുക. സമര പന്തല്‍ പുന:സ്ഥാപിച്ച് കൊണ്ടാണ് നെല്‍വയല്‍ നികത്തി ബൈപ്പാസ് നിര്‍മ്മിക്കാനുള്ള നീക്കത്തിനെതിരെ രണ്ടാം ഘട്ട പോരാട്ടത്തിന് തുടക്കം കുറിക്കുന്നത്.
ദായാബായ്, വി.എം സുധീരന്‍, സുരേഷ്‌ഗോപി എം.പി, പി.സി ജോര്‍ജ് എ.എല്‍.എ, പ്രൊഫ.സാറാജോസഫ് തുടങ്ങി രാഷ്ട്രീയ സാമൂഹിക സാസംസ്‌കാരിക പരിസ്ഥിതി രംഗത്തെ പ്രമുഖര്‍ മാര്‍ച്ചില്‍ പങ്കെടുക്കും. മാര്‍ച്ചിന് വെള്ളിയാഴ്ച വൈകിയാണ് പൊലീസ് അനുമതി നല്‍കിയത്. അതേസമയം പാര്‍ട്ടി പ്രവര്‍ത്തകര്‍ ആരും മാര്‍ച്ച് കാണാന്‍ പോകരുതെന്ന് സി.പി.എം ജില്ലാ സെക്രട്ടറി പി.ജയരാജന്‍ അറിയിച്ചിട്ടുണ്ട്. ശനിയാഴ്ച നടന്ന സംരക്ഷണ സമിതി സമ്മേളനത്തിലാണ് ജയരാജന്‍ നിര്‍ദ്ദേശം നല്‍കിയത്. വയലിലൂടെ ആകാശപാത നിര്‍മ്മിക്കുകയെന്ന നിര്‍ദ്ദേശവും സ്വീകാര്യമല്ലെന്നാണ് വയല്‍കിളികളുടെ നിലപാട്.

തിരുവനന്തപുരം/തളിപ്പറമ്പ്: തളിപ്പറമ്പ് കീഴാറ്റൂര്‍ വയലിലൂടെ ദേശീയപാത വികസനത്തിന്റെ ഭാഗമായി ബൈപ്പാസ് നിര്‍മിക്കുന്നതിനെതിരെ പ്രതിഷേധം ശക്തമായ സാഹചര്യത്തില്‍ ബദല്‍ സംവിധാനങ്ങളെ കുറിച്ച് ആലോചിക്കുമെന്ന് പൊതുമരാമത്ത് മന്ത്രി ജി. സുധാകരന്‍. ഇക്കാര്യത്തില്‍ സമവായം ഉണ്ടാകുന്നതുവരെ വിജ്ഞാപനം പുറത്തിറക്കില്ലെന്നും മന്ത്രി പറഞ്ഞു. കീഴാറ്റൂരിലെ സമരസമിതി നേതാക്കളായ നോബിള്‍ എം.പൈകട, സുരേഷ് കീഴാറ്റൂര്‍ എന്നിവരും സിപിഎം ജില്ലാ സെക്രട്ടറി പി.ജയരാജന്‍, ജയിംസ്മാത്യു എംഎല്‍എ എന്നിവരും പൊതുമരാമത്ത് വകുപ്പ് മന്ത്രി ജി.സുധാകരനുമായി ഇന്നലെ നടത്തിയ ചര്‍ച്ചയിലാണ് തീരുമാനം. എന്നാല്‍ സമവായത്തിന്റെ പേരില്‍ പിന്നീട് ഇതുവഴി റോഡ് നിര്‍മ്മിക്കാനുള്ള നീക്കമുണ്ടായാല്‍ വീണ്ടും സമരരംഗത്തിറങ്ങുമെന്ന് സമരസമിതി നേതാക്കള്‍ അറിയിച്ചു. ഇന്ന് കീഴാറ്റൂരില്‍ ചേരുന്ന സമരസമിതി യോഗം മന്ത്രിയുമായി നടത്തിയ ചര്‍ച്ചകളിലെ തീരുമാനങ്ങള്‍ ചര്‍ച്ച ചെയ്തശേഷം സമരം നിര്‍ത്തിവെക്കുന്ന കാര്യം പരിഗണിക്കുമെന്ന് നേതാക്കള്‍ പറഞ്ഞു.
സിപിഎം പാര്‍ട്ടിഗ്രാമമായ കീഴാറ്റൂരില്‍ വലിയ വിഭാഗം പാര്‍ട്ടിപ്രവര്‍ത്തകരാണ് ബൈപ്പാസിനായി വയല്‍ നികത്തുന്നതിനെതിരെ വയല്‍കിളികള്‍ എന്ന കൂട്ടായ്മയുണ്ടാക്കി കഴിഞ്ഞ 10 മുതല്‍ നിരാഹാര സമരവുമായി രംഗത്തിറങ്ങിയത്. ആദ്യം നിരാഹാരമനുഷ്ഠിച്ച സുരേഷ് കീഴാറ്റൂരിനെ 13 ദിവസത്തിന് ശേഷമാണ് അറസ്റ്റ് ചെയ്ത് നീക്കിയത്. പിന്നീട് സത്യഗ്രഹം തുടങ്ങിയ നമ്പ്രാടത്ത് ജാനകിയെ ബുധനാഴ്ച്ചയാണ് മാറ്റിയത്. ഇപ്പോള്‍ സി.മനോഹരനാണ് സത്യാഗ്രഹം നടത്തുന്നത്.
പത്തൊന്‍പത് ദിവസം നീണ്ടുനിന്ന സമരം വിജയിച്ചതോടെ കീഴാറ്റൂര്‍ വയലില്‍ ആഹഌദം അലതല്ലി. വയല്‍കിളികള്‍ നടത്തിയ സമരം വിജയമായതോടെ അഞ്ചുനാള്‍ നിരാഹാര സമരം നടത്തിയ 69 കാരി നമ്പ്രാടത്ത് ജാനകിയുടെ നേതൃത്വത്തില്‍ വയല്‍ പരിസരത്ത് ആഹഌദ പ്രകടനം നടത്തി. സമരം നടത്തിയവര്‍ ഉന്നയിച്ച കാര്യങ്ങള്‍ സര്‍ക്കാര്‍ തത്വത്തില്‍ അംഗീകരിച്ചതോടെ കീഴാറ്റൂര്‍ ഗ്രാമം മുഴുവന്‍ സമരപ്പന്തലിന് സമീപത്തേക്ക് ഒഴുകിയെത്തി. സമരവിജയത്തില്‍ വയല്‍കിളികള്‍ക്ക് അഭിവാദ്യമര്‍പ്പിച്ച് വൈകിട്ട് തളിപ്പറമ്പ് നഗരത്തില്‍ അഞ്ഞൂറോളം പേര്‍ പങ്കെടുത്ത പ്രകടനവും നടന്നു.