അപേക്ഷാഫോറങ്ങളില്‍ രക്ഷിതാക്കളുടെ വിശദാംശങ്ങള്‍ ആവശ്യമായി വരുമ്പോള്‍ ഒരു രക്ഷിതാവിന്റെയും രണ്ട് രക്ഷിതാവിന്റെയും പേര് ഉള്‍പ്പെടുത്താനുള്ള ഓപ്ഷന്‍ അനുവദിക്കണം, അപേക്ഷകളില്‍ ഇനി മുതല്‍ ഭാര്യ എന്ന ഉപയോഗം മാറ്റി പങ്കാളി എന്ന് പ്രയോഗിക്കണം തുടങ്ങിയ നിര്‍ദേശങ്ങളാണ് സര്‍ക്കുലറില്‍ പറയുന്നത്.

ടിന്‍/അലുമിനിയം/ഷീറ്റ് മേഞ്ഞ സ്‌കൂള്‍/അംഗണ്‍വാടി കെട്ടിടങ്ങള്‍ക്ക് അടുത്ത അധ്യയന വര്‍ഷത്തിനുള്ളില്‍ ഫാള്‍സ് സീലിംഗ് ചെയ്യണം. ഇതിനൊപ്പം ഫാനും ഘടിപ്പിക്കണം. ഈ നിബന്ധനകളുടെ അടിസ്ഥാനത്തില്‍ ഫിറ്റ്നസ് നല്‍കും. 2019ലെ കെട്ടിട നിര്‍മ്മാണ ചട്ടങ്ങള്‍ നിലവില്‍ വരുന്നതിന് മുന്‍പ് നിര്‍മ്മാണം ആരംഭിച്ചതും, 2019ന് ശേഷം പൂര്‍ത്തിയായതുമായ കെട്ടിടങ്ങള്‍ക്ക് ഫയര്‍ ആന്‍ഡ് സേഫ്റ്റി സൗകര്യം ഒരുക്കുന്നതില്‍ ഇളവ് നല്‍കി ഫിറ്റ്നസ് സര്‍ട്ടിഫിക്കറ്റ് നല്‍കും.സാങ്കേതിക വിഭാഗത്തിലെ ജീവനക്കാരെ പങ്കെടുപ്പിച്ച് നടത്തിയ ഉന്നതയോഗം സ്ഥിതിഗതികള്‍ വിലയിരുത്തിയിരുന്നു.

2019ലെ കേരള കെട്ടിട നിര്‍മ്മാണ ഭേദഗതി പ്രകാരം 1000 ചതുരശ്ര മീറ്ററിന് മുകളിലുള്ള കെട്ടിടങ്ങള്‍ക്ക് ഫയര്‍ ആന്‍ഡ് സേഫ്റ്റി അനുമതി നിഷ്‌കര്‍ഷിച്ചിട്ടുണ്ട്. 2019ന് മുന്‍പ് ഇത്തരമൊരു അനുമതി ആവശ്യം ഇല്ലാത്തതിനാല്‍ സ്‌കൂളുകളില്‍ അതിനുള്ള സൗകര്യം ഒരുക്കിയിരുന്നില്ല. ഈ പ്രശ്നത്തിനാണ് പുതിയ ഉത്തരവ് വഴി പരിഹാരം കാണുന്നത്. കുട്ടികളുടെ സുരക്ഷ ഉറപ്പുവരുത്താന്‍ തദ്ദേശ സ്ഥാപനങ്ങള്‍ പ്രത്യേക ശ്രദ്ധ പുലര്‍ത്തണമെന്ന് മന്ത്രി നിര്‍ദേശിച്ചു. സ്‌കൂള്‍ വികസന പ്രവര്‍ത്തനത്തിലും ശുചീകരണത്തിലും പ്രവേശനോത്സവത്തിലും തദ്ദേശ സ്ഥാപനങ്ങള്‍ ക്രിയാത്മകമായി ഇടപെടണമെന്നും മന്ത്രി അവശ്യപ്പെട്ടു.

ഗാന്ധി സ്മരണ ദിനം ആചരിക്കാന്‍ പുറത്തിറക്കിയ സര്‍ക്കുലറില്‍ നിന്ന് ഗാന്ധിജിയെ തന്നെ പുറത്താക്കിയത് മനപൂര്‍വമാണെന്ന് കെപിസിസി പ്രസിഡന്റ് വി.എം സുധീരന്‍ ആരോപിച്ചു. ഗാന്ധിജിയെ അപമാനിക്കുന്നതിന് എല്‍ഡിഎഫ് സര്‍ക്കാര്‍ മനപൂര്‍വമാണ് ഇത്തരമൊരു നീക്കം നടത്തിയതെന്ന് സുധീരന്‍ കുറ്റപ്പെടുത്തി. മുഖ്യമന്ത്രി തെറ്റു തിരുത്താന്‍ തയാറാവണമെന്നും അദ്ദേഹം പറഞ്ഞു. ഗാന്ധിജിയുടെ പേര് ഒഴിവാക്കിയ നടപടി കടുത്ത ഗാന്ധിനിദയാണെന്നും സുധീരന്‍ പറഞ്ഞു. ഖാദി വകുപ്പിന്റെ കലണ്ടറില്‍ നിന്ന് ഗാന്ധിജിയുടെ ചിത്രം ബിജെപി കഴിഞ്ഞ ദിവസം ഒഴിവാക്കിയിരുന്നു. ഇതിനു പിന്നാലെയാണ് എല്‍ഡിഎഫ് സര്‍ക്കാറും ഗാന്ധിജിക്കെതിരെ തിരിഞ്ഞത്.