സര്‍വകലാശാല അധികൃതര്‍ പരാതി ചെറുതുരുത്തി പൊലീസിന് കൈമാറിയതിനെ തുടര്‍ന്ന് പൊലീസ് കുട്ടികളുടെ മൊഴി രേഖപ്പെടുത്തി കേസ് രജിസ്റ്റര്‍ ചെയ്തു. കേസിനെക്കുറിച്ച് കുന്നംകുളം എസിപി സന്തോഷ് അറിയിച്ചു. വിദ്യാര്‍ത്ഥിനികളുടെ മൊഴിയെ അടിസ്ഥാനമാക്കിയാണ് രണ്ട് കേസും എടുത്തിട്ടുള്ളത്. പരാതി ലഭിച്ചതിനെ തുടര്‍ന്ന് കനകകുമാര്‍ ഒളിവില്‍ പോയതായും ഇയാളെ പിടികൂടാനുള്ള ശ്രമം തുടരുകയാണെന്നും പൊലീസ് വ്യക്തമാക്കി. വൈസ് ചാന്‍സലര്‍ ബി. അനന്തകൃഷ്ണന്‍ പറഞ്ഞു. അന്വേഷണത്തില്‍ പ്രാഥമികമായി ആരോപണങ്ങളില്‍ കഴമ്പുണ്ടെന്ന് കണ്ടെത്തിയതിനാല്‍ കനകകുമാറിനെ ജോലിയില്‍ നിന്ന് സസ്‌പെന്‍ഡ് ചെയ്തു.

ഒരു സംഘം വിദ്യാര്‍ത്ഥികള്‍ വൈസ് ചാന്‍സലര്‍ക്ക് രേഖാമൂലം നല്‍കിയ പരാതിയിലാണ് നടപടി. തുടര്‍ന്ന് കേസ് പൊലീസിന് കൈമാറി. ചെറുതുരുത്തി പൊലീസ് കുട്ടികളുടെ മൊഴി രേഖപ്പെടുത്തി പോക്സോ നിയമപ്രകാരം കേസ് രജിസ്റ്റര്‍ ചെയ്തു. സംഭവത്തിനുശേഷം അധ്യാപകന്‍ ഒളിവിലാണ്. പൊലീസ് അന്വേഷണം പുരോഗമിക്കുകയാണ്.

കലാമണ്ഡലത്തിന്റെ അഭിമുഖത്തിലും മികച്ച പ്രകടനം കാഴ്ച വെക്കാന്‍ ആര്‍ എല്‍ വി രാമകൃഷ്ണന് കഴിയുകയും ഇതോടെ ജോലി നേടാനും കഴിഞ്ഞു. നേരത്തെ പുരുഷന്‍മാര്‍ മോഹിനിയാട്ടം അവതരിപ്പിക്കുന്നതുമായി ബന്ധപ്പെട്ട് ആര്‍ എല്‍ വി രാമകൃഷ്ണനെതിരെ നര്‍ത്തകി സത്യഭാമ രംഗത്തുവന്നിരുന്നു. എന്നാല്‍ വിഷയം വന്‍ വിവാദമാവുകയാണ് ഉണ്ടായത്. ആര്‍ എല്‍ വി രാമകൃഷ്ണനെ പിന്തുണ നല്‍കി നിരവധി പേര്‍ രംഗത്തെത്തിയിരുന്നു.

കടുത്ത സാമ്പത്തിക പ്രതിസന്ധിയെ തുടര്‍ന്നാണ് കൂട്ടപിരിച്ചുവിടല്‍ നടപടിയെന്ന് രജിസ്ട്രാറുടെ ഉത്തരവില്‍ പറയുന്നു.

സ്ഥിരം തസ്തികകളില്‍ നിയമനം ഇല്ലാതിരുന്നതോടെയാണ് താല്‍ക്കാലിക ജീവനക്കാരെ നിയമിച്ച് പ്രവര്‍ത്തിച്ചിരുന്നത്. ഇവരുടെ ശമ്പളം ഉള്‍പ്പടെ മുടങ്ങുന്നത് പതിവായിരിക്കയാണ് സാമ്പത്തിക പ്രതിസന്ധി ചൂണ്ടിക്കാട്ടി മുഴുവന്‍ താല്‍ക്കാലിക ജീവനക്കാരെയും പിരിച്ചുവിട്ടത്.

അതേസമയം കൂട്ടപ്പിരിച്ചുവിടലില്‍ പ്രതിഷേധം ശക്തമായിരുന്നു.

കലാണ്ഡലത്തിന്റെ ഉന്നതമായ കലാപാരമ്പര്യത്തെയും കലാപഠനത്തെയും നിഷേധിക്കുന്ന നടപടികള്‍ സര്‍ക്കാരിന്റെ ഭാഗത്തു നിന്നുണ്ടാകരുത് രമേശ് ചെന്നിത്തല വ്യക്തമാക്കി. അധ്യാപകരെ പിരിച്ചു വിടാനുള്ള കലാണ്ഡലത്തിന്റെ തീരുമാനം ഉടന്‍ പിന്‍വലിക്കണമെന്നും കലാമണ്ഡലത്തിന്റെ അക്കാഡമിക പ്രവര്‍ത്തനങ്ങള്‍ തടസമില്ലാതെ മുന്നോട്ടു കൊണ്ടുപോകാനുള്ള നടപടികള്‍ സ്വീകരിക്കണമെന്നും അദ്ദേഹം വ്യക്തമാക്കി.

രജിസ്ട്രാറുടെ പുതിയ ഉത്തരവു പ്രകാരം 120 താത്കാലിക ജീവനക്കാരോടും നാളെമുതല്‍ ജോലിക്കു വരേണ്ടെന്ന് അറിയിച്ചു. പദ്ധതിയേതര വിഹിതത്തില്‍ നിന്ന് ലഭിക്കേണ്ട തുക ലഭിക്കാത്ത സാഹചര്യത്തില്‍ കടുത്ത സാമ്പത്തിക പ്രതിസന്ധിയാണെന്നും ഉത്തരവില്‍ പറയുന്നു. ശമ്പളമടക്കം പ്രതിമാസം എണ്‍പത് ലക്ഷം രൂപയാണ് കലാമണ്ഡലത്തിന് ആവശ്യമായുള്ളത്. എന്നാല്‍ അമ്പത് ലക്ഷം രൂപമാത്രമാണ് കഴിഞ്ഞ മാസം സാംസ്‌കാരിക വകുപ്പില്‍ നിന്ന് ലഭിച്ചത്.