കണ്ണൂര്‍, തിരുവനന്തപുരം, തൃശൂര്‍, മലപ്പുറം ജില്ലകളില്‍ കേരള സ്‌കൂള്‍ ഒളിമ്പിക്‌സ് നടത്താനുള്ള വേദികള്‍ ഉണ്ടെന്നാണ് മനസിലാക്കുന്നത്. മറ്റു ജില്ലകളില്‍ കൂടി സൗകര്യം വര്‍ധിപ്പിച്ചാല്‍ എല്ലാ ജില്ലകളിലും കേരള സ്‌കൂള്‍ ഒളിമ്പിക്‌സ് നടത്താനുള്ള സാധ്യത രൂപപ്പെടും. വിദ്യാഭ്യാസ വകുപ്പിന് കീഴില്‍ സ്വന്തമായി സ്‌പോര്‍ട്‌സ് കോംപ്ലക്‌സ് പരിഗണനയിലുണ്ടെന്നും മന്ത്രി പറഞ്ഞു. വിദ്യാലയങ്ങളുടെ അടിസ്ഥാന സൗകര്യവികസനം അത്യന്താപേക്ഷിതമാണ്. എന്നാല്‍ സ്‌കൂള്‍ മൈതാനങ്ങളെ കവര്‍ന്നുകൊണ്ടുള്ള കെട്ടിട നിര്‍മ്മാണങ്ങള്‍ ശരിയായ പ്രവണതയല്ലെന്നും സൂചിപ്പിച്ചു.

കൂട്ടിചേര്‍ക്കുന്നതിന്റെയും നവീകരണത്തിന്റെയും മറവില്‍ തങ്ങള്‍ക്ക് ഇഷ്ടമല്ലാത്ത ഭാഗങ്ങള്‍ പുസ്തകങ്ങളില്‍ നിന്ന് നീക്കം ചെയ്യുകയാണ് എല്‍ഡിഎഫ് സര്‍ക്കാറെന്ന് അദ്ദേഹം അരോപിച്ചു. നീക്കം ചെയ്യുന്ന ഭാഗങ്ങളെ കുറിച്ചോ പുതിയ നവീകരണങ്ങളെ കുറിച്ചോ ഒരറിവും പുറുത്തുവിട്ടിട്ടില്ലെന്നും കരിക്കുലം കമ്മിറ്റി അംഗങ്ങളില്‍ നിന്നുപോലും മറച്ചുവെച്ചാണ് വിദ്യാഭ്യാസവകുപ്പിന്റെ നീക്കമെന്നും ചെറിയ മുഹമ്മദ് പറഞ്ഞു.

ഒമ്പതാം ക്ലാസിലെ 20 പുസ്തകങ്ങളും പത്താം ക്ലാസിലെ 20 പുസ്തകങ്ങളിലുമാണ് ഇപ്പോള്‍ മാറ്റം വരുത്തിയിട്ടുള്ളത്. മലയാള പുസ്തകങ്ങളില്‍ ചില പാഠങ്ങള്‍ പകരം വെച്ചപ്പോള്‍ സാമൂഹിക ശാസ്ത്ര പുസ്തകങ്ങളില്‍ ബോധപൂര്‍വമായ ചില ഒഴിവാക്കലുകളാണ് നടന്നത്. വൈദേശികാധിപത്യത്തിനെതിരെ പടപൊരുതിയ കുഞ്ഞാലി മരയ്ക്കാരെയും വേലുതമ്പി ദളവയെയും പാഠഭാഗത്തില്‍ നിന്ന് ഒഴിവാക്കിയിരിക്കുകയാണ്. കേരളത്തിലെ ആദ്യത്തെ പ്രാമാണിക ചരിത്രഗ്രന്ഥമായ തുഅ്് ഫത്തൂല്‍ മുജാഹിദീനും അതിന്റെ കര്‍ത്താവ് സൈനുദ്ദീന്‍ മഖ്്ദൂമും ഖാസി മുഹമ്മദിന്റെ കവിതയും പടപ്പാട്ടുകളും തമസ്്കരിക്കപ്പെട്ടത് ദുരൂഹമാണെന്നും സി.പി ചെറിയ മുഹമ്മദ് പറഞ്ഞു.

ചേറ്റൂര്‍ ശങ്കരന്‍ നായരെ പറ്റി മലയാളികള്‍ പഠിക്കേണ്ടതില്ല എന്നാണ് വിദ്യാഭ്യാസവകുപ്പ് തീരുമാനിച്ചിട്ടുള്ളത്. ജവഹര്‍ലാല്‍ നെഹ്്‌റുവിനെ പറ്റി സി.പി ശ്രീധരന്റെ ലേഖനം പഠിക്കേണ്ടതില്ലെന്ന് തീരുമാനിച്ചതിന്റെ പിന്നിലും വ്യക്തമായ രാഷ്ട്രീയമുണ്ട്. ശ്രീധരന്റെ ലേഖനത്തിന് പകരം ഇന്ത്യയെ കണ്ടെത്തലില്‍ നിന്ന് ശ്രീബുദ്ധനെ പറ്റി പഠിച്ചാല്‍ മതിയെന്ന തീരുമാനം ബുദ്ധിശൂന്യതയാണെന്ന് ചെറിയ മുഹമ്മദ് അഭിപ്രായപ്പെട്ടു. വാര്‍ത്താസമ്മേളനത്തില്‍ കെ.എസ്.ടി.യു സംസ്ഥാന പ്രസിഡണ്ട്് എ.കെ സൈനുദ്ദീന്‍, ജനറല്‍ സെക്രട്ടറി വി.കെ മൂസ എന്നിവരും സംബന്ധിച്ചു.

ഏഴ് വര്‍ഷം മുമ്പ് തമിഴ്‌നാട്ടില്‍ നിന്ന് മുപ്പത് തൈകള്‍ കൊണ്ടുവന്ന് പരീക്ഷിച്ചതായിരുന്നു. ഒരു മീറ്റര്‍ വീതം നീളവും വീതിയും ആഴവുമുള്ള കുഴിയെടുത്ത് മണ്ണും മണലും വളമായി ചാണകപ്പൊടിയും ചേര്‍ത്താണ് നട്ടത്. മറ്റു വളങ്ങളൊന്നും ഉപയോഗിച്ചില്ല. അതേസമയം നല്ല പരിചരണമായിരുന്നു. ഈത്തപ്പഴ കാഴ്ച വിദ്യാര്‍ത്ഥികള്‍ക്ക് ഏറെ കൗതുകവും സന്തോഷവും പകരുന്നതായി പ്രിന്‍സിപ്പല്‍ എ.കെ. അബ്ദുല്ല പറഞ്ഞു. കഴിഞ്ഞ വര്‍ഷം ഒരു പന കായ്ച്ചു. ഇത്തവണ മറ്റൊന്നുകൂടി കായ്ക്കുകയും കുലകള്‍ സമൃദ്ധവുമായി. വരും വര്‍ഷങ്ങളില്‍ മറ്റുള്ളവയും കായ്ക്കുമെന്ന പ്രതീക്ഷയിലാണ് സ്‌കൂള്‍ അധികൃതര്‍.

സംസ്ഥാന സ്‌കൂള്‍ കലോത്സവം ഡിസംബര്‍ അഞ്ചു മുതല്‍ ഒന്‍പതു വരെ നടത്താനും യോഗം തീരുമാനിച്ചു. അവസാന പാദത്തില്‍ പഠനപ്രവര്‍ത്തനങ്ങള്‍ മാത്രം നടത്തിയാല്‍ മതിയെന്നും സ്‌കൂള്‍ കലാ, കായിക മത്സരങ്ങള്‍ ഡിസംബറില്‍ തന്നെ പൂര്‍ത്തിയാക്കാനും തീരുമാനിച്ചു. സ്‌കൂള്‍ കായിക മേള ദേശീയ സ്‌കൂള്‍ കായിക മേളയുടെ കൂടി തിയതി അനുസരിച്ച് ക്രമീകരിക്കാനും തീരുമാനിച്ചു. ശാസ്ത്രമേള നവംബര്‍ ഒന്‍പതുമുതല്‍ 11 വരെയും സ്‌പെഷ്യല്‍ സ്‌കൂള്‍ കലോത്സവം ഒക്‌ടോബര്‍ 26 മുതല്‍ 28 വരെയും നടത്തും.

പത്താം ക്ലാസ് പരീക്ഷ മാര്‍ച്ച് ആറിന് ആരംഭിച്ച് 25 ന് പൂര്‍ത്തിയാക്കും. മോഡല്‍ പരീക്ഷകള്‍ ഫെബ്രുവരി ഏഴ് മുതല്‍ 13വരെ നടക്കും. സ്‌കൂള്‍ പാദവാര്‍ഷിക പരീക്ഷ ആഗസ്റ്റ് 30 മുതലും അര്‍ധവാര്‍ഷിക പരീക്ഷ ഡിസംബര്‍ 12 മുതലും ഒന്ന് മുതല്‍ ഒന്‍പതുവരെ ക്ലാസുകള്‍ക്ക് വാര്‍ഷിക പരീക്ഷ ഫെബ്രുവരി അവസാനത്തോടെയും നടത്തും.

ഡി.പി.ഐ കെ.വി മോഹന്‍ കുമാറിന്റെ അധ്യക്ഷതയില്‍ ചേര്‍ന്ന യോഗത്തില്‍ വിവിധ അധ്യാപക സംഘടനാ ഭാരവാഹികളായ കെ.സി ഹരികൃഷ്ണന്‍, സി. ഹരിഗോവിന്ദന്‍, എ.കെ സൈനുദ്ദീന്‍, എന്‍. ശ്രീകുമാര്‍, ഇടവം ഖാലിദ് കുഞ്ഞ്, ജയിംസ് കുര്യന്‍ തുടങ്ങിയവര്‍ പങ്കെടുത്തു.