എം.എഫ് ഹുസൈന്റെ ‘സരസ്വതി’ ചിത്രം പതിച്ച ബോര്‍ഡിനു നേരെ എ.ബി.വി.പിയടക്കമുള്ള ഹിന്ദുത്വ സംഘടനകള്‍ നടത്തിയ ആക്രമണങ്ങളെ ദീപ നിശാന്ത് വിമര്‍ശിച്ചിരുന്നു. ഇതേത്തുടര്‍ന്ന് സോഷ്യല്‍ മീഡിയയില്‍ ദീപക്കെതിരെ ശക്തമായ ആക്രമണം നടന്നു. ഒരു സ്ത്രീയുടെ നഗ്നശരീരത്തില്‍ ദീപ നിശാന്തിന്റെ തല ഫോട്ടോഷോപ്പ് ചെയ്തു ചേര്‍ത്ത ചിത്രം വ്യാപകമായി പ്രചരിപ്പിക്കപ്പെട്ടു. ഇതിനെതിരെ നിയമ നടപടി സ്വീകരിക്കുമെന്ന് ദീപ വ്യക്തമാക്കിയിട്ടുണ്ട്. ദീപയുടെ മുഖത്ത് ആസിഡ് ഒഴിക്കണമെന്നും പരിക്കേല്‍പ്പിക്കണമെന്നും ഹിന്ദുത്വ തീവ്രവാദ ഗ്രൂപ്പില്‍ പോസ്റ്റ് വന്നിരുന്നു.