വിജയലക്ഷ്മിയെപ്പോലുള്ള ഉദ്യോഗസ്ഥരെയാണ് കേരളത്തിനാവശ്യമെന്ന് നാട്ടുകാര്‍ പറയുന്നു. സര്‍ക്കാര്‍ ജോലിയില്‍ പ്രവേശിക്കുന്നതിനു മുമ്പ് തൃശ്ശൂര്‍ ചേലക്കരയിലെ സ്വകാര്യ കോളേജില്‍ സാമ്പത്തിക ശാസ്ത്രം അധ്യാപികയായി ജോലി നോക്കുകയായിരുന്നു വിജയലക്ഷ്മി. കഴിഞ്ഞ പ്രളയകാലത്തും വിജയ ലക്ഷ്മി ദുരിതാശ്വാസ പ്രവര്‍ത്തനങ്ങളില്‍ സജീവമായിരുന്നു.

സംസ്ഥാനം നേരിട്ട മഹാപ്രളയത്തില്‍ നിന്ന് അതിജീവിക്കുമെന്നും വിവിധ തുറകളില്‍ നിന്നും സന്നദ്ധ സംഘടനകള്‍ വഴി സഹായങ്ങള്‍ ലഭിച്ചുകൊണ്ടിരിക്കുകയാണെന്നും മുഖ്യമന്ത്രി പിണറായി വിജയന്‍ തിരുവന്തപുരത്ത് പത്രസമ്മേളനത്തില്‍ അറിയിച്ചു. ഈ പ്രതിസന്ധിയെ മറികടക്കാന്‍ സഹായിച്ച വിവിധ മേഖലകളില്‍ നിന്നുള്ളവരെ അദ്ദേഹം പ്രശംസിച്ചു. മാധ്യമ പ്രവര്‍ത്തകരും മത്സ്യതൊഴിലാളികളും ഈ ഘട്ടത്തില്‍ രക്ഷപ്പെടുത്തല്‍ പ്രവര്‍ത്തനങ്ങള്‍ക്ക് കൂടുതല്‍ സഹായകരമായിട്ടുണ്ടെന്ന് മുഖ്യമന്ത്രി പ്രത്യേകമറിയിച്ചു.

തെലങ്കാന മുഖ്യമന്ത്രി ചന്ദ്രശേഖര റാവു 25 കോടിയും ആന്ധ്ര, കര്‍ണാടക, പഞ്ചാബ് മുഖ്യമന്ത്രിമാര്‍ 10 കോടി വീതവും കേരളത്തിന് നല്‍കിയിരുന്നു.