KERLASTORY – Chandrika Daily

കേരള സ്‌റ്റോറിയുടെ അണിയറപ്രവര്‍ത്തകന് ഭീഷണി

Chandrika Web — Tue, 09 May 2023 03:38:22 +0000

കേരളസ്റ്റോറി വിവാദസിനിമയുടെ അണിയറപ്രവര്‍ത്തകന് ഫോണില്‍ ഭീഷണി. സിനിമ നല്ല ഉദ്ദേശ്യത്തോടെയല്ല നിര്‍മിച്ചതെന്നും കരുതിയിരിക്കൂ എന്നുമാണത്രെ ഭീഷണി. മുംബൈയിലെ പൊലീസ് ഇയാള്‍ക്ക് സുരക്ഷ ഏര്‍പെടുത്തി. സംവിധായകന്‍ സുദീപ്‌തോ സെന്നാണ് പരാതിനല്‍കിയതെങ്കിലും പരാതി എഴുതിനല്‍കാത്തതിനാല്‍ കേസെടുത്തിട്ടില്ല.

ഹിന്ദു പെണ്‍കുട്ടികളെ മതംമാറ്റുന്നതും സിറിയയിലേക്ക് നാടുകടത്തുന്നതുമാണ് പ്രമേയം. 30000 ത്തോളം പെണ്‍കുട്ടികളെ നാടുകടത്തിയതായാണ് സിനിമ പറയുന്നത്.

മധ്യപ്രദേശില്‍ കേരളസ്റ്റോറിക്ക് നികുതി ഒഴിവാക്കി: നികുതി ഒഴിവാക്കുമെന്ന് ഉത്തര്‍പ്രദേശും

Chandrika Web — Tue, 09 May 2023 03:33:05 +0000

കേരളസ്‌റ്റോറി വിവാദസിനിമക്ക് ബി.ജെ.പി ഭരിക്കുന്ന മധ്യപ്രദേശില്‍ വിനോദനികുതി ഒഴിവാക്കി. ചിത്രം പ്രോല്‍സാഹിപ്പിക്കപ്പെടണമെന്നും തീവ്രവാദമാണ് അത് പറയുന്നതെന്നും പ്രധാനമന്ത്രിതന്നെ പറഞ്ഞ പശ്ചാത്തലത്തിലാണിത്. പശ്ചിമബംഗാളില്‍ സിനിമ നിരോധിച്ച് മമത സര്‍ക്കാര്‍ ഉത്തരവിട്ടിരുന്നു. കേരളത്തെ അപമാനിക്കുന്നതാണ് സിനിമ എന്നുപറഞ്ഞാണിത്. എന്നാല്‍ കേരളസര്‍ക്കാര്‍ സിനിമ നിരോധിക്കുകയുണ്ടായില്ല. നികുതി ഒഴിവാക്കുമെന്ന് ഉത്തര്‍പ്രദേശും പ്രഖ്യാപിച്ചു.

ദ കേരളസ്റ്റോറി സിനിമയേക്കാള്‍ രാഷ്ട്രീയമെന്ന് ദ ഹിന്ദു

Chandrika Web — Sat, 06 May 2023 15:58:52 +0000

ദ കേരളസ്‌റ്റോറി സിനിമ രാഷ്ട്രീയമാണ് ലക്ഷ്യം വെക്കുന്നതെന്ന് ദ ഹിന്ദു ദിനപത്രം സിനിമാഅവലോകനത്തില്‍ പറയുന്നു. സംവിധായകന്‍ ഇതിനായി നടത്തിയതെന്ന ്പറയുന്ന ഗവേഷണം വാട്‌സാപ്പുകളില്‍നിന്നാണ്. അതില്‍ പറയുന്ന ഡയലോഗുകള്‍ മിക്കതും യഥാര്‍ത്ഥ്യവുമായി പൊരുത്തപ്പെടുന്നതല്ല. കേരളത്തിലെ അന്തരീക്ഷത്തില്‍നിന്ന് അഫ്ഗാനിലേക്ക് പോയെന്ന് പറയുന്ന ഹിന്ദുപെണ്‍കുട്ടികളുടെ അവസ്ഥയും എണ്ണവും പെരുപ്പിച്ചതാണ്. സംവിധായകന്‍ ശ്രമിച്ചത് പ്രാദേശികരാഷ്ട്രീയം മുതലാക്കാനാണ്. സിനിമയില്‍ ആദാ ശര്‍മ അവതരിപ്പിച്ച പ്രധാനകഥാപാത്രം നിലവാരം പുലര്‍ത്തിയെന്നും മറ്റുള്ളവരുടേത് അമേച്വര്‍ നിലവാരം മാത്രമേ യുള്ളൂവെന്നും പത്രം പറയുന്നു. മുസ്്‌ലിംകളെക്കുറിച്ച് വെറുപ്പ് പ്രചരിപ്പിക്കാന്‍ മാത്രമേ സിനിമ ഉപകരിക്കൂ. ചിന്തിക്കാനായി വലുതായൊന്നുമില്ലതാനും. ഇസ്്‌ലാമികസ്‌റ്റേറ്റിന്റെ തീവ്രവാദപ്രവര്‍ത്തനത്തിനായി മതംമാറ്റിയെന്ന് പറയുന്ന കുട്ടികളുടെ എണ്ണം സാങ്കല്‍പികം മാത്രമാണ്. എന്തുകൊണ്ട് ഫലസ്തീനിലേക്ക് ഈ പെണ്‍കുട്ടികളെ കൊണ്ടുപോയില്ലെന്നതിന് കഥയില്‍ ഉത്തരമില്ല. ബുദ്ധിപരമായല്ല സിനിമയും കഥയും- ദ ഹിന്ദു അവലോകനം പറയുന്നു.

ദ കേരള സ്റ്റോറി പ്രദര്‍ശിപ്പിക്കരുതെന്ന് തമിഴ്‌നാട് രഹസ്യാന്വേഷണ വിഭാഗം

Chandrika Web — Wed, 03 May 2023 05:17:36 +0000

തമിഴ്‌നാട്ടില്‍ ദ കേരള സ്റ്റോറി വിവാദ സിനിമ പ്രദര്‍ശിപ്പിക്കരുതെന്ന് ഇന്റലിജന്‍സ് . പ്രശ്‌നമുണ്ടാകുമെന്നാണ് മുന്നറിയിപ്പ്. സിനിമ നിരോധിക്കുമോ എന്നത് ഈ റിപ്പോര്‍ട്ടിനെ അടിസ്ഥാനപ്പെടുത്തിയാകും.

ദ കേരള സ്റ്റോറി സിനിമക്കെതിരെ ഹൈക്കോടതിയെ സമീപിച്ചുകൂടേ : സുപ്രീംകോടതി

Chandrika Web — Tue, 02 May 2023 06:47:59 +0000

ദ കേരള സ്റ്റോറി സിനിമക്കെതിരെ സുപ്രീംകോടതിയില്‍ ഹര്‍ജി നല്‍കിയതിനെതിരെ കോടതി. ഹൈക്കോടതിയെ സമീപിച്ചുകൂടേ എന്ന് ജസ്റ്റിസ് കെ.എം ജോസഫും ജസ്റ്റിസ് നാഗരത്‌നയും അടങ്ങിയ ബെഞ്ച് ചോദിച്ചു. വിദ്വേഷപ്രസംഗക്കേസിലാണ് നിസാം ഷാ എന്നയാള്‍ സുപ്രീംകോടതിയില്‍ ഹര്‍ജി നല്‍കിയത്. അതേസമയം സെന്‍സര്‍ ബോര്‍ഡ് അനുമതി നല്‍കിയതാണെന്ന വാദമാണ് കേന്ദ്രസര്‍ക്കാര്‍ അഭിഭാഷകന്‍ വാദിച്ചത.് വ്യാജമായ വിവരങ്ങളുടെ അടിസ്ഥാനത്തില്‍ തയ്യാറാക്കിയ സിനിമ വിദ്വേഷം പടര്‍ത്തുമെന്ന് കാട്ടി മുസ്്‌ലിം ലീഗ് കേരളഹൈക്കോടതിയെ സമീപിക്കാനിരിക്കുകയാണ്.