khalisthan – Chandrika Daily

സിഖ് ഫോർ ജസ്റ്റിസ് നേതാവ് ഗുർപത്വന്ത് സിങ് പന്നുവിന്റെ സ്വത്തുക്കൾ എൻഐഎ കണ്ടുകെട്ടി

webdesk15 — Sat, 23 Sep 2023 12:57:53 +0000

നിരോധിത സംഘടനയായ സിഖ് ഫോർ ജസ്റ്റിസ് നേതാവും ഖലിസ്ഥാൻ അനുകൂല വാദിയുമായ ഗുർപത്വന്ത് സിങ് പന്നുവിന്‍റെ സ്വത്തുക്കൾ എൻഐഎ കണ്ടുകെട്ടി. ഛണ്ഡിഗഡിലെ വീടും അമൃത്സറിലെ സ്ഥലവുമാണ് കണ്ടുകെട്ടിയത്. ഖലിസ്ഥാന്‍ അനുകൂല നേതാവ് കൊല്ലപ്പെട്ട ഹർദീപ് സിങ് നിജ്ജാറുമായി അടുത്ത ബന്ധം പുലർത്തിയിരുന്നയാളാണ് ഗുർപത്വന്ത് സിങ് പന്നു. 2020ൽ ഗുർപത്വന്ത് സിങ് പന്നുവിനെ തീവ്രവാദിയായി കേന്ദ്ര ആഭ്യന്തര മന്ത്രാലയം പ്രഖ്യാപിച്ചിരുന്നു.വിഘടനവാദ ഗ്രൂപ്പിൽ അംഗമാകാൻ സിഖ് യുവാക്കളെ പ്രേരിപ്പിച്ചു. ഇന്ത്യയ്‌ക്കെതിരെ പ്രചാരണം നടത്തി എന്നീ കുറ്റങ്ങളും ഗുർപത്വന്ത് സിങ് പന്നുവിനെതിരെയുണ്ട്.

ഖലിസ്ഥാന്‍ നേതാവ് അമൃത്പാല്‍ സിങ്ങിന്റെ അനുയായി അവതാര്‍ സിങ് ഖണ്ഡ ലണ്ടനിൽ മരിച്ചു

webdesk15 — Thu, 15 Jun 2023 10:36:10 +0000

ഖലിസ്ഥാന്‍ നേതാവ് അമൃത്പാല്‍ സിങ്ങിന്റെ അനുയായിയും ഖലിസ്ഥാന്‍ വിഘടനവാദ സംഘടനയായ ഖലിസ്ഥാന്‍ ലിബറേഷന്‍ ഫോഴ്‌സിന്റെ നേതാവുമായ അവതാര്‍ സിങ് ഖണ്ഡ ലണ്ടനിൽ മരിച്ചു. ബര്‍മിങ് ഹാം ആശുപത്രിയില്‍ പുലര്‍ച്ചെയായിരുന്നു അന്ത്യം. യുകെയിലെ ഇന്ത്യൻ ഹൈകമീഷൻ ആസ്ഥാനം ആക്രമിച്ച കേസിലെ പ്രധാന പ്രതിയായിരുന്നു ഖണ്ഡ. മരണകാരണം വ്യക്തമല്ല. സിഖ് യുവാക്കള്‍ക്കിടയില്‍ തീവ്രവാദ ആശയം പ്രചരിപ്പിച്ചിരുന്ന ഇയാളുടെ യഥാർഥ പേര് രഞ്‌ജോധ് സിങ് എന്നാണ്. ഖലിസ്ഥാന്‍ ലിബറേഷന്‍ ഫോഴ്‌സ് പ്രവര്‍ത്തകനായിരുന്നു .ഖണ്ഡയുടെ പിതാവ് 1991ൽ ഇന്ത്യന്‍ സുരക്ഷാ സേനയുമായുള്ള ഏറ്റുമുട്ടലിൽ കൊല്ലപ്പെട്ടിട്ടുണ്ട്.

അമേരിക്കയിൽ രാഹുലിന്‍റെ പ്രസംഗം തടസപ്പെടുത്താൻ ഖാലിസ്താൻ വാദികളുടെ ശ്രമം

webdesk15 — Thu, 01 Jun 2023 06:21:00 +0000

അമേരിക്കയിലെ കാലിഫോർണിയയിലെ സാന്റ ക്ലാരയിൽ കോൺഗ്രസ് നേതാവ് രാഹുൽ ഗാന്ധിയുടെ പ്രസംഗം തടസപ്പെടുത്താൻ ഖാലിസ്താൻ വാദികൾ ശ്രമിക്കുന്നതിന്റെ ദൃശ്യങ്ങൾ പുറത്ത്.ഇന്ത്യൻ ഓവർസിസ് കോൺഗ്രസ് യു.എസ്.എ നടത്തിയ ‘മൊഹബത് കി ദുകാൻ’ എന്ന പരിപാടിയിൽ പ്രസംഗിക്കവെയാണ് സംഭവം.1984ലെ കോൺഗ്രസ് ഭരണകാലത്തെ സിഖ് വിരുദ്ധ കലാപം ചൂണ്ടിക്കാട്ടി മുൻ പ്രധാനമന്ത്രി ഇന്ദിരാഗാന്ധിക്കെതിരെ മുദ്രവാക്യം വിളിക്കുന്ന ദൃശ്യങ്ങളാണ് പുറത്തു വന്നത്.’ഖാലിസ്ഥാൻ സിന്ദാബാദ്’ എന്ന് വിളിച്ചായിരുന്നു ഖാലിസ്ഥാനി ഭീകര സംഘടനയായ സിഖ്‌സ് ഫോർ ജസ്റ്റിസിനെ (എസ്.എഫ്‌.ജെ)
അനുകൂലിക്കുന്നവർ പ്രസംഗം തടസപ്പെടുത്താൻ ശ്രമിച്ചത്. ഇവരെ പിന്നീട് പോലീസ് ഹാളിൽ നിന്ന് പുറത്താക്കി.

https://twitter.com/AdityaRajKaul/status/1663795136311209988?cxt=HHwWiMDR7Y-3_pYuAAAA

ഖാലിസ്ഥാൻ നേതാവ് അമൃത്പാൽ സിങ്ങ് അറസ്റ്റിൽ

webdesk15 — Sun, 23 Apr 2023 05:19:18 +0000

ഖാലിസ്ഥാൻ നേതാവ് അമൃത്പാൽ സിങ്ങിനെ അറസ്റ്റ് ചെയ്തു. പഞ്ചാബിലെ മോഗയിൽ നിന്നാണ് അറസ്റ്റ് ചെയ്തതെന്നാണ് വിവരം. മാർച്ച് 18 മുതൽ ഒളിവിലായിരുന്ന അമൃത്പാൽ സിങ്ങിനായി പൊലീസ് വ്യാപക തിരച്ചിൽ നടത്തിവരികയായിരുന്നു. കൊലപാതക ശ്രമം, പൊലീസിനെ ആക്രമിക്കൽ തുടങ്ങി നിരവധി ക്രിമിനൽ കേസുകളിൽ പ്രതിയാണ് അമൃത്പാൽ സിങ്ങ് .അമൃത്പാൽ സിങ്ങിനെ ആസാമിലേക്ക് ഉടൻ മാറ്റും.

പഞ്ചാബ് മുഖ്യമന്ത്രിയുടെ മകൾക്ക് ഖലിസ്ഥാൻ വാദികളുടെ ഭീഷണി

webdesk15 — Fri, 31 Mar 2023 10:12:26 +0000

പഞ്ചാബ് മുഖ്യമന്ത്രി ഭഗവന്ത് മാനിന്റെ മകൾ സീരത് കൗർ മാനിന് ഖലിസ്ഥാൻ വാദികളുടെ ഭീഷണിയെന്ന് പരാതി. ഭഗവന്ത് മാനിന്റെ യു.എസിൽ താമസിക്കുന്ന മകളെ ഖലിസ്ഥാൻ വാദികൾ ഫോൺ വിളിച്ചാണ് ഭീഷണിപ്പെടുത്തുകയും അധിക്ഷേപിക്കുകയും ചെയ്തതെന്ന് മാനിന്റെ അഭിഭാഷക പറഞ്ഞു.

ഖാലിസ്ഥാന്‍വാദി നേതാവ് അമൃത്പാൽ സിങ് കീഴടങ്ങിയേക്കുമെന്ന് റിപ്പോർട്ട് : സുവര്‍ണ്ണ ക്ഷേത്രത്തിന് മുന്നില്‍ സുരക്ഷ ശക്തമാക്കി

webdesk15 — Wed, 29 Mar 2023 10:55:15 +0000

ഖാലിസ്ഥാന്‍വാദി നേതാവ് അമൃത്പാൽ സിങ് പൊലീസിന് മുന്‍പില്‍ കീഴടങ്ങിയേക്കുമെന്ന് റിപ്പോർട്ടുകൾ പുറത്തുവരുന്ന സാഹചര്യത്തിൽ പഞ്ചാബ് പോലീസ് അതീവ ജാഗ്രത പ്രഖ്യാപിച്ചു. അമൃത്സറിലെ സുവര്‍ണ്ണ ക്ഷേത്രത്തിന് മുന്നില്‍ സുരക്ഷ ശക്തമാക്കി.അമൃത്പാൽ സിങിനായി ഹോഷിയാർപൂരിൽ തെരച്ചിൽ തുടരുന്നതിനിടെയാണ് കീഴടങ്ങുമെന്ന വാർത്തകൾ വരുന്നത്.

കാനഡയിലും ഇന്ത്യാ വിരുദ്ധ അക്രമം അഴിച്ചുവിട്ട് ഖലിസ്ഥാനി അനുകൂലികൾ

webdesk15 — Sat, 25 Mar 2023 01:30:49 +0000

ലണ്ടനിലെയും യുഎസിലെയും ആക്രമണത്തിന് പിന്നാലെ കാനഡയിലും ഖലിസ്ഥാനി അനുകൂലികൾ ഇന്ത്യാ വിരുദ്ധ അക്രമം അഴിച്ചുവിട്ടു. .ഒന്റാറിയോ പ്രവിശ്യയിലെ ഹാമിൽട്ടണിലെ സിറ്റി ഹാളിന് സമീപം മഹാത്മാഗാന്ധിയുടെ പ്രതിമ തകർത്തു ഇന്ത്യൻ സർക്കാർ സമ്മാനിച്ച ആറടി ഉയരമുള്ള പ്രതിമയാണ് തകർത്തത് . മോദി വിരുദ്ധ മുദ്രാവാക്യങ്ങൾ മുഴക്കുകയും ചെയ്തു. പ്രതിഷേധവുമായി ബന്ധപ്പെട്ട് കനേഡിയൻ അധികൃതർ ഇന്ത്യൻ നയതന്ത്ര ഉദ്യോഗസ്ഥരുമായി ബന്ധപ്പെട്ടുകൊണ്ടിരിക്കുകയാണെന്ന് കാനഡയുടെ വിദേശകാര്യ മന്ത്രാലയ വക്താവ് മർലിൻ ഗുവ്രെമോണ്ട് പറഞ്ഞു.

ഇന്ത്യയില്‍ ഭീകരാക്രമണം ലക്ഷ്യമിട്ട് ആയുധം കടത്താനുള്ള ശ്രമം; പഞ്ചാബ് അതിര്‍ത്തിയില്‍ ഡ്രോണുകള്‍ കണ്ടെത്തി

Test User — Fri, 27 Sep 2019 13:31:12 +0000

പാക്കിസ്ഥാന്‍- പഞ്ചാബ് അതിര്‍ത്തിയില്‍ നിന്നും ഡ്രോണ്‍ കണ്ടെത്തി. പാക്കിസ്ഥാനില്‍ നിന്നും ഇന്ത്യന്‍ അതിര്‍ത്തിയിലേക്ക് ഡ്രോണ്‍ ഉപയോഗിച്ച് ആയുധം കടത്തിയ സംഭവത്തിലെ തുടരന്വേഷണത്തിലാണ് കൂടുതല്‍ വിവരങ്ങള്‍ കിട്ടിയത്.

ഇന്ത്യയില്‍ ഭീകരരാക്രമണം ലക്ഷ്യമിട്ട് ഖാലിസ്ഥാന്‍ ഭീകരവാദികള്‍ക്ക് അതിര്‍ത്തിയില്‍ ഡ്രോണ്‍ ഉപയോഗിച്ച് 80 കിലോഗ്രാം തൂക്കം വരുന്ന ആയുധങ്ങള്‍ കടത്തിയിരുന്നു. ചൈനീസ് ഡ്രോണുകളുടെ സഹായത്തോടെയായിരുന്നു ആയുധക്കടത്ത്. സംഭവത്തില്‍ പിടിയിലായ പ്രതി നല്‍കിയ വിവരങ്ങളുടെ അടിസ്ഥാനത്തില്‍ നടത്തിയ തിരച്ചില്‍ ഡ്രോണ്‍ കണ്ടെത്തുകയായിരുന്നു. 10 കിലോഗ്രാം തൂക്കം വരുന്ന ആയുധങ്ങള്‍ ഈ ഡ്രോണ്‍ ഉപയോഗിച്ച് കടത്തിയെന്നാണ് വിവരം.