ഇനിയും സ്ത്രീകള്‍ക്ക് വെറും 1000 രൂപ മാത്രമാണ് കൊടുക്കുന്നതെങ്കില്‍ അവര്‍ ഇനി ഡിഎംകെക്ക് വേണ്ടി വോട്ട് ചെയ്യില്ലെന്നും ഖുശ്ബു പറഞ്ഞു. 2000 കോടി രൂപയുടെ ലഹരി മരുന്ന് കേസില്‍ തമിഴ്‌നാട് സിനിമ നിര്‍മ്മാതാവ് ജാഫര്‍ സാദിക്കിനെ അറസ്റ്റ് ചെയ്യാന്‍ ആഹ്വാനം ചെയ്ത ഡിഎംകെ സര്‍ക്കാരിനെതിരായ പ്രതിഷേധ പരിപാടിയില്‍ ആയിരുന്നു ഖുശ്ബുവിന്റെ വിവാദ പരാമര്‍ശം.

വിവാദത്തെ തുടര്‍ന്ന് ഡിഎംകെയുടെ വനിതാ നേതാക്കള്‍ ഖുശ്ബുവിനെതിരെ പ്രതിഷേധവുമായി രംഗത്തെത്തി. എന്നാല്‍ മയക്കുമരുന്ന് നിയന്ത്രണം കൊണ്ടുവരണമെന്ന ആവശ്യമാണ് താന്‍ ഉന്നയിച്ചത് എന്നായിരുന്നു ഖുശ്ബു ട്വിറ്ററിലൂടെ മറുപടി പറഞ്ഞത്. താന്‍ പറഞ്ഞത് സ്ത്രീകള്‍ക്ക് വേണ്ടത് അവരുടെ കാര്യങ്ങള്‍ നോക്കി നടത്താന്‍ ആവശ്യമായ ഒരു ജോലി ആണെന്നും അവര്‍ക്ക് അതിനുള്ള സൗകര്യം ചെയ്തു കൊടുക്കൂ എന്നുമാണ് അല്ലാതെ സര്‍ക്കാര്‍ നല്‍കുന്ന ഈ 1000 രൂപ അല്ല ആവശ്യമെന്നും ഖുശ്ബു പറഞ്ഞു.

എന്നാല്‍ ഖുശ്ബുവിന്റെ പരാമര്‍ശത്തോട് കടുത്ത എതിര്‍പ്പുമായി രംഗത്ത് എത്തിയിരിക്കുകയാണ് തമിഴ്നാട് സാമൂഹ്യക്ഷേമ, വനിതാ ശാക്തീകരണ മന്ത്രി ഗീതാ ജീവന്‍. ഖുശ്ബു അപകീര്‍ത്തിപ്പെടുത്തിയത് തമിഴ്‌നാട്ടിലെ 1.16 കോടി സ്ത്രീകളെയാണെന്നും അവര്‍ പറഞ്ഞ ‘പിച്ച കാഷ്’തമിഴ്‌നാട്ടിലെ സ്ത്രീകള്‍ക്ക് അവരുടെ ജീവിതത്തില്‍ വളരെ ഉപകാര പ്രദമാണെന്നും മന്ത്രി പറഞ്ഞു.

ഒന്നും അറിയാതെ തോന്നിയത് ഇങ്ങനെ വിളിച്ച് പറയരുത് തമിഴ്‌നാട്ടിലെ സ്ത്രീകളുടെ കഷ്ടപ്പാട് അറിയുന്ന ഒരാളായിരുന്നെങ്കില്‍ ഖുശ്ബു ഇത് പറയില്ലായിരുന്നു. അവരുടെ കഷ്ടപ്പാടിന് ഇടയ്ക്ക് ഈ ആയിരം രൂപ അവര്‍ക്ക് വളരെ സഹായകരമാണ്. ഇതൊന്നും അറിയാതെ തോന്നിയത് മൈക്കില്‍ കൂടെ വിളിച്ചു പറയരുതെന്നും മന്ത്രി ഗീതാ ജീവന്‍ പറഞ്ഞു.

ഹത്രാസില്‍ പെണ്‍കുട്ടിയെ കൂട്ടബലാത്സംഗം ചെയ്ത് കൊലപ്പെടുത്തിയ സംഭവത്തില്‍ ഖുഷ്ബൂ തന്റെ മുന്‍ ട്വീറ്റുകളില്‍ ഉത്തര്‍പ്രദേശിലെ യോഗി ആദിത്യനാഥ് സര്‍ക്കാരിനെ രൂക്ഷമായി വിമര്‍ശിച്ചിരുന്നു. എന്നാല്‍ യുപി മുഖ്യമന്ത്രി യോഗി ആദിത്യനാഥ് കേസ് സിബിഐക്ക് കൈമാറിയതില്‍ സന്തോഷമുണ്ടെന്ന് നടി ഇപ്പോള്‍ പറയുന്നത്.

”അതെ, വാസ്തവത്തില്‍ ഞാന്‍ അതിനെ(ഹത്രാസ് സംഭവം)ക്കുറിച്ച് വളരെ ശബ്ദമുയര്‍ത്തി സംസാരിച്ചിട്ടുണ്ട്. എന്നാല്‍ കേസില്‍ യോഗി ആദിത്യനാഥ് ജി സിബിഐ അന്വേഷണത്തിന് ഉത്തരവിട്ടതില്‍ സന്തോഷമുണ്ട്,” ഖുഷ്ബു ചൂണ്ടിക്കാട്ടി. അതേസമയം, ഹത്രാസ് സംഭവത്തില്‍ ഇരയുടെ കുടുംബത്തിന് നേരെ തിരിഞ്ഞ യോഗി സര്‍ക്കാറിന്റെ നടപടിയിലും വിഷയത്തില്‍ ഉന്നയിച്ച രൂക്ഷമായ പ്രതികരണത്തില്‍ ഖുഷ്ബു മൗനം പൂണ്ടു. പെണ്‍കുട്ടിയുടെ കുടുംബത്തിന്റെ ആവശ്യം പരിഗണിക്കാതെ യോഗി സര്‍ക്കാറിന്റെ നിര്‍ദ്ദേശത്തിലാണ് കേന്ദ്ര ഏജന്‍സിയായ സിബിഐ അന്വേഷണം ഏറ്റെടുത്തടുത്ത്. പെണ്‍കുട്ടി കൊല്ലപ്പെട്ട സംഭവത്തില്‍ യുപി പൊലീസിനെതിരെ തെളിവ് നശിപ്പിക്കലടക്കമുള്ള ആരോപണങ്ങള്‍ നിലനില്‍ക്കെയാണ് ഖുഷ്ബു യോഗിയെ വെള്ള പൂശിയത്.

അതിനിടെ, ഹാത്രസ് സംഭവത്തെ സമാനവത്കരിക്കാനും ഖുഷ്ബു ശ്രമം നടത്തി. ഹാത്രസ് നടന്നപ്പോള്‍ ഞങ്ങള്‍ ചെന്നൈയിലും തമിഴ്നാടിലും പ്രതിഷേധിച്ചിരുന്നു. എന്നാല്‍ 19 വയസുള്ള ഒരു കുട്ടിയെ തമിഴ്നാട്ടില്‍ കൂട്ടബലാത്സംഗം ചെയ്തതില്‍ ആരും സംസാരിച്ചില്ലെന്നും ഖുഷ്ബു വിമര്‍ശിച്ചു. എന്തുകൊണ്ടാണ് രാഹുല്‍ ഗാന്ധി ചെന്നൈയില്‍ വരാതിരുന്നതെന്നും, മഹാരാഷ്ട്രയില്‍ ഒരു പെണ്‍കുട്ടി ബലാത്സംഗം ചെയ്യപ്പെട്ടപ്പോള്‍ എന്തുകൊണ്ടാണ് രാഹുല്‍ ഗാന്ധി മഹാരാഷ്ട്രയിലേക്ക് പോകാതിരുന്നതെന്നും ഖുഷ്ബു ചോദിച്ചു.

അതേസമയം, തെരഞ്ഞെടുപ്പ് രാഷ്ട്രീയം ലക്ഷ്യമിട്ടാണോ ബിജെപിയിലേക്കുള്ള പ്രവേശനമെന്ന ചോദ്യത്തോട്, തമിഴ്നാട്ടില്‍ നടക്കാനിരിക്കുന്ന തെരഞ്ഞെടുപ്പില്‍ മത്സരിക്കുന്നതിനെക്കുറിച്ചും ടിക്കറ്റ് നേടുന്നതിനെക്കുറിച്ചും എനിക്ക് യാതൊരു അറിവുമില്ലെന്നായിരുന്നു ഖുഷ്ബുവിന്റെ മറുപടി. തമിഴ്നാട്ടിലെ ബിജെപിയുടെ ഏറ്റവും പ്രധാനപ്പെട്ട മുഖമായി ഉയര്‍ന്നുവരാന്‍ ആഗ്രഹിക്കുന്നുണ്ടോയെന്ന ചോദ്യത്തിന്, ”എനിക്കറിയില്ല, ഞാന്‍ മുഖമാണെന്ന് അവര്‍ കരുതുന്നുവെങ്കില്‍ ഞാന്‍ സന്തോഷിക്കുന്നു” എന്നും ഖുഷ്ബു പറഞ്ഞു.

മുംബൈയിലെ ഒരു മുസ്‌ലിം കുടുംബത്തില്‍ ജനിച്ച ഖുഷ്ബു കോളിവുഡില്‍ താരമായതിന് പിന്നാലെ 2010 ലാണ് ഡിഎംകെയിലൂടെ രാഷ്ട്രീയ പ്രവേശനം നടത്തുന്നത്. പിന്നീട് 2014 ല്‍ കോണ്‍ഗ്രസിലും ചേര്‍ന്ന് അടുത്ത കാലം വരെ ബിജെപിയെ നിശിതമായി വിമര്‍ശിച്ചിരുന്നു.

ഇത്തരത്തിലുള്ള പ്രയോഗം തന്റെ ഭാഗത്തുനിന്ന് ഉണ്ടാകാന്‍ പാടില്ലാത്തതായിരുന്നെന്ന് ഖുഷ്ബു പറഞ്ഞു. ഖുശ്ബുവിന്റെ പ്രസ്താവനയ്‌ക്കെതിരെ നിരവധി പേര്‍ പരാതിയുമായി പൊലീസ് സ്റ്റേഷനില്‍ എത്തിയിരുന്നു. ഇതിന് പിന്നാലെയാണ് മാപ്പ് പറഞ്ഞ് ഖുശ്ബു രംഗത്തെത്തിയത്. 30 പൊലീസ് സ്റ്റേഷനുകളിലാണ് ഇവര്‍ക്കെതിരെ പരാതിയുണ്ടായിരുന്നത്.

‘ഒരു നിമിഷത്തെ വികാര വിക്ഷോഭത്താല്‍ തെറ്റായ വാക്കുകള്‍ ഉപയോഗിച്ചതില്‍ അതിയായി ഖേദിക്കുന്നു. എന്റെ വാക്കുകള്‍ വേദനിപ്പിച്ചവരോട് ക്ഷമാപണം നടത്തുന്നു. ബൈപോളാര്‍, വിഷാദം തുടങ്ങിയവയുള്ളവരെ നേരിട്ടറിയാം. അവരുടെ വികാരം മാനിക്കുന്നു. ഇത്തരം പരാമര്‍ശങ്ങള്‍ ഇനി ആവര്‍ത്തിക്കില്ല. മാനസിക വെല്ലുവിളി നേരിടുന്നവരുടെ ശബ്ദങ്ങള്‍ കേള്‍ക്കുന്നുണ്ട്, വിലമതിക്കുന്നുമുണ്ട്’ ഖുശ്ബു വ്യക്തമാക്കി.

തിങ്കളാഴ്ചയാണ് ഖുശ്ബു കോണ്‍ഗ്രസില്‍ നിന്ന് രാജിവച്ച് ബിജെപിയില്‍ ചേര്‍ന്നത്. രാജ്യത്തെ ശരിയായ ദിശയിലേക്ക് കൊണ്ടുപോകാന്‍ പ്രധാനമന്ത്രി നരേന്ദ്ര മോദിയെപ്പോലുള്ള ഒരാളെ ആവശ്യമാണെന്നായിരുന്നു ബിജെപി അംഗത്വം സ്വീകരിച്ച ശേഷം ഖുശ്ബു പറഞ്ഞത്.

ഖുഷ്ബുവിന്റെ മുസ്‌ലിം പേരുമായി ബന്ധപ്പെട്ട് നിരവധി തവണ സംഘ് പരിവാര്‍ നടിക്കെതിരെ രംഗത്തുവന്നിട്ടുണ്ട്. അതിന് ഒരിക്കല്‍ അവര്‍ മറുപടി നല്‍കിയത് ഇങ്ങനെയാണ്; ‘വിഡ്ഢികള്‍, എന്റെ മാതാപിതാക്കളാണ് എനിക്ക് പേരിട്ടത്. അതേ, ഞാന്‍ ഖാനാണ്, അതിലെന്താണ്?’ തനിക്കെതിരെ ട്രോളുകളുമായി വരുന്നവര്‍ 47 വര്‍ഷം പിന്നിലാണെന്നും അവര്‍ തുറന്നടിച്ചിരുന്നു.

https://twitter.com/khushsundar/status/937529728562429952?s=20

‘ എന്റെ പേര് നഖാത് ഖാന്‍ ആണ് എന്നത്, ഐന്‍സ്റ്റീന്റെ കണ്ടുപിടിത്തത്തിന് സമാനമായ എന്തോ പോലെയാണ് ഇക്കൂട്ടര്‍ അവതരിപ്പിക്കുന്നത്. എന്റെ അസ്തിത്വം മറച്ചുവയ്ക്കാന്‍ ശ്രമിക്കുന്നു എന്ന് പറഞ്ഞ് ബിജെപി കലഹിക്കുകയാണ്. എന്റെ പേര് നഖാത് ഖാന്‍ എന്നാണ്. ഇപ്പോള്‍ എന്റെ പേര് ഖുഷ്ബു സുന്ദര്‍ എന്നായതു കൊണ്ടാണ് ഞാനതു മറയ്ക്കാന്‍ ശ്രമിക്കുന്നത്. ബാലനടിയായിരിക്കെ ഏഴാം വയസ്സു മുതല്‍ എന്റെ പേര് ഖുഷ്ബു എന്നാണ്. വിഡ്ഢികള്‍ അതു തിരിച്ചറിയുന്നില്ല’ – എന്നും അവര്‍ ഒരു ഘട്ടത്തില്‍ ഇതേക്കുറിച്ച് പറഞ്ഞിരുന്നു. സംഘ് പരിവാര്‍ ആക്രമണം രൂക്ഷമായ വേളയില്‍ ആയിരുന്നു അവരുടെ വിശദീകരണം.

I'm a Khan but I'm not a terrorist: Khushbu | Liberals, Nationalists or Urban Naxal. Set enter BJP’s washing Machine https://t.co/OHgUkU6iG8 via @YouTube

— Raghuram Rajan (@ArunSFan) October 12, 2020

‘ എന്റെ പേരു തിരഞ്ഞ് ബിജെപി ജനങ്ങളുടെ സമയം മെനക്കെടുത്തേണ്ട. എന്റെ അസ്തിത്വം വളരെ ലളിതമാണ്. സിരകളില്‍ രക്തമോടുന്ന മനുഷ്യനാണ് ഞാന്‍. ബിജെപി അധികാരത്തില്‍ എത്തിയ ശേഷമാണ് നിങ്ങള്‍ ഹിന്ദുവാേേണാ മുസ്‌ലിമാണോ എന്ന് ആളുകള്‍ ചോദിച്ചു തുടങ്ങുന്നത്. അതിനു മുമ്പ് ആരും എന്നോട് അങ്ങനെ ചോദിച്ചിട്ടില്ല. മുസ്‌ലിമായാണ് ജനിച്ചത്. ഞാനെന്റെ മതം മാറ്റിയിട്ടില്ല’ – ബിജെപിക്കെതിരെ അവര്‍ തുറന്നടിച്ചു.

തിങ്കളാഴ്ച ഉച്ചയ്ക്കാണ് കോണ്‍ഗ്രസ് ബന്ധം അവസാനിപ്പിച്ച് ഖുഷ്ബു ബിജെപിയിലേക്ക് ചേക്കേറിയത്. കോണ്‍ഗ്രസില്‍ നിന്ന് രാജിവച്ച് മണിക്കൂറുകള്‍ക്ക് അകമായിരുന്നു അവരുടെ ബിജെപി പ്രവേശം. അടുത്തിടെയായി തമിഴ്‌നാട് കോണ്‍ഗ്രസ് ഘടകവുമായി അകന്നു കഴിയുകയായിരുന്നു അവര്‍. അടുത്ത വര്‍ഷം തമിഴ്‌നാട്ടില്‍ നിയമസഭാ തെരഞ്ഞെടുപ്പ് നടക്കാനിരിക്കെയാണ് ഖുഷ്ബുവിന്റെ പാര്‍ട്ടി മാറ്റം.